Widgets Magazine

ಯಾಕೆ ಕನಸುಗಳು ಬೀಳ್ತವೆ? ಕನಸಿನ ಲೋಕದ ಗೂಢಾರ್ಥ ಬಲ್ಲಿರಾ? ಇಲ್ಲಿದೆ ಪರಿಹಾರ

PR
ಕನಸಿನಲ್ಲಿ ನವಿಲು ನೋಡಿದರೆ ಶೋಕ ಸಂದೇಶ ಬರುತ್ತದೆ. ತಾನೇ ಮದುವೆಯಾಗುವುದನ್ನು ನೋಡಿದರೆ ತುಂಬ ಕಷ್ಟನಷ್ಟಗಳು ಎದುರಾಗುತ್ತವೆ. ಕನ್ನಡಿ ನೋಡಿದಂತೆ ಕನಸು ಬಿದ್ದರೆ ಮನಸ್ಸು ಚಂಚಲವಾಗುತ್ತದೆ. ಹಾಗೂ ಮನಸ್ಸು ವಿಚಲಿತವಾಗುತ್ತದೆ. ರೈಲಿನಲ್ಲಿ ಹತ್ತುವುದು ಕನಸು ಬಿದ್ದರೆ ಯಾತ್ರೆ ಮಾಡುವ ಯೋಗ ಪ್ರಾಪ್ತಿಯಾಗುತ್ತದೆ. ಕಾಲು ಎಡವಿ ಬೀಳುವುದನ್ನು ನೋಡಿದರೆ ಅವನತಿ ಆರಂಭವಾಗುತ್ತದೆ ಎಂದರ್ಥ.

ಕುದುರೆಯಿಂದ ಬಿದ್ದುಬಿಟ್ಟಂತೆ ಕನಸು ಬಿದ್ದರೆ ನಿಮ್ಮ ಹುದ್ದೆಯಿಂದ ಕೆಳಗಿಳಿಯುತ್ತೀರಿ ಎಂದರ್ಥ. ಅದೇ ಕುದುರೆಯ ಮೇಲೇರಿ ಕುಳಿತಂತೆ ಕನಸು ಬಿದ್ದರೆ ನಿಮಗೆ ಸದ್ಯದಲ್ಲೇ ಒಂದು ಉತ್ತಮ ಹುದ್ದೆ ಕಾದಿದೆ ಎಂದರ್ಥ. ತಾನೇ ಸತ್ತಂತೆ ಕನಸು ಬಿದ್ದರೆ ಎಲ್ಲ ಚಿಂತೆಗಳೂ ದೂರವಾಗುತ್ತದೆ ಎಂಬುದಾಗಿ ಗ್ರಹಿಸಬಹುದು.

ಇವಿಷ್ಟಲ್ಲದೆ, ಸಮುದ್ರ, ಅರಳುವ ಹೂವು, ಯುವತಿಯೊಂದಿಗೆ ಸರಸ ಅಥವಾ ಸುಂದರ ಯುವತಿ ದರ್ಶನ, ಪ್ರಸಾದ ಸ್ವೀಕಾರ, ಆಶೀರ್ವಾದ ಪಡೆಯುವುದು, ಪುಸ್ತಕ ಓದುವುದು, ದೇವಸ್ಥಾನಕ್ಕೆ ತೆರಳುವುದು, ಹಾವು ಕಡಿಯುವುದು, ಆನೆ ಸವಾರಿ, ಹಣ್ಣುಗಳ ಪ್ರಾಪ್ತಿ, ಮೈಮೇಲೆ ಸೆಗಣಿ ಮೆತ್ತಿಕೊಂಡಂತೆ ಕನಸಿನಲ್ಲಿ ಕಂಡರೆ ಧನ ಲಾಭವಾಗುತ್ತದೆ ಎಂದರ್ಥ.

ರಾಜೇಶ್ ಪಾಟೀಲ್| Last Updated: ಬುಧವಾರ, 30 ಸೆಪ್ಟಂಬರ್ 2015 (15:55 IST)
ಕೊಲೆ ಮಾಡುವುದು, ಸ್ತನ್ಯಪಾನ ಮಾಡುವುದು, ಶರಾಬು ಕುಡಿಯುವುದು, ಎಣ್ಣೆ ಕುಡಿಯುವುದು, ಮಿಠಾಯಿ ತಿನ್ನುವುದು, ವಿವಾಹವಾಗುವುದು, ಪೊಲೀಸರನ್ನು ನೋಡುವುದು, ತನ್ನದೇ ಕೇಶ ಮುಂಡನ ಮಾಡಿದಂತೆ ಕನಸುಗಳು ಕಂಡರೆ ಅದು ಮೃತ್ಯುಕೂಪ ಎಂದು ಪರಿಗಣಿಸಲ್ಪಡುತ್ತದೆ. ವಿಧವೆಗೆ ದಾಡಿ ಬಂದಂತೆ ಕನಸು ಬಿದ್ದರೆ ಆಕೆಗೆ ಮರುಮದುವೆಯಾಗುವುದರ ಸಂಕೇತ. ವಿವಾಹಿತ ಮಹಿಳೆ ಅಥವಾ ವ್ಯಕ್ತಿಯ ಕೂದಲು ಬೆಳ್ಳಗಾದಂತೆ ಕನಸು ಬಿದ್ದರೆ ಜೀವನ ಸಂಗಾತಿಯಿಂದ ವಿಯೋಗ ಅಥವಾ ವಿಚ್ಛೇದನದ ಸಂಕೇತಗಳಾಗಿವೆ.



ಇದರಲ್ಲಿ ಇನ್ನಷ್ಟು ಓದಿ :