Widgets Magazine

‘ಗಾಯ್ ಗೌರಿ’ : ಜಾಬುವಾದ ವಿಚಿತ್ರ ಪದ್ಧತಿ

WD
ಭಾರತ ಹಲವು ನಿಗೂಢತೆಗಳನ್ನು ವಿಶೇಷತೆಗಳನ್ನು ಒಡಲಲ್ಲಿಟ್ಟುಕೊಂಡಿರುವ ರಾಷ್ಟ್ರ. ಹಲವಾರು ನಂಬಿಕೆಗಳು, ಸಂಪ್ರದಾಯಗಳು ಇಲ್ಲಿ ಮೇಳೈಸಿವೆ. ಆದರೆ ನಂಬಿಕೆ ಎಂಬುದು ಕುರುಡು ನಂಬಿಕೆಯಾಗಿ ಪರಿವರ್ತನೆಯಾದಾಗ ಮಾತ್ರ ಈ ಸಂಪ್ರದಾಯಗಳು ಮೂಢನಂಬಿಕೆ ಎಂದು ಕರೆಯಲ್ಪಡುತ್ತವೆ. ಈ ಬಾರಿಯ “ನೀವು ನಂಬುವಿರಾ” ಸಂಚಿಕೆಯಲ್ಲಿ ನಾವು ನಿಮ್ಮ ಮುಂದೆ ಮಧ್ಯಪ್ರದೇಶದ ಬುಡಕಟ್ಟು ಜನರ ವಿಚಿತ್ರ ಪದ್ಧತಿಯನ್ನು ಬಿಚ್ಚಿಡುತ್ತಿದ್ದೇವೆ. ಇದು “ಗಾಯ್ ಗೌರಿ”. ಹಿಂದಿಯಲ್ಲಿ ಗಾಯ್ ಅಂದರೆ ಹಸು.

ಭಾರತದಲ್ಲಿ ಹಸುವನ್ನು ಪವಿತ್ರ ಎಂದು ಪರಿಗಣಿಸಿ ಅದಕ್ಕೆ ಮಾತೃ ಸ್ಥಾನ ನೀಡಲಾಗಿದೆ. ಬುಡಕಟ್ಟು ಜನ ಜೀವನವು ನಿಂತಿರುವುದೇ ಈ ಗೋವುಗಳ ಲಾಲನೆ, ಪಾಲನೆಯಿಂದ. ಅವುಗಳೇ ಅವರಿಗೆ ಜೀವನಾಧಾರವೂ ಕೂಡ. ತಾಯಿ ಅಥವಾ ಗೋ ಮಾತೆಗೆ ಗೌರವ ಸಲ್ಲಿಸಿ, ಆಕೆಯ ಆಶೀರ್ವಾದ ಪಡೆಯುವ ನಿಟ್ಟಿನಲ್ಲಿ ಈ ಬುಡಕಟ್ಟು ಜನತೆ ಗಾಯ್ ಗೌರಿ ಹಬ್ಬವನ್ನು ಆಚರಿಸುತ್ತಾರೆ. ಪ್ರತಿವರ್ಷ ದೀಪಾವಳಿ ಮರುದಿನ ಅಂದರೆ ಗೋಪೂಜೆಯಂದು ಇದನ್ನು ಆಚರಿಸಲಾಗುತ್ತದೆ.

WD
ಆದಿನ ಹಳ್ಳಿಗರು ತಮ್ಮ ತಮ್ಮಲ್ಲಿದ್ದ ಗೋವುಗಳನ್ನು ಸ್ನಾನ ಮಾಡಿಸಿ ಅವುಗಳನ್ನು ಅಲಂಕರಿಸುತ್ತಾರೆ. ಈ ಹಸುಗಳ ಮಂದೆಯನ್ನು ಆ ಬಳಿಕ ಸ್ಥಳೀಯ ಗೋವರ್ಧನ ಮಂದಿರಕ್ಕೆ ಕರೆತರಲಾಗುತ್ತದೆ. ದೇವರಿಗೆ ಪ್ರಾರ್ಥನೆ ಸಲ್ಲಿಸಿದ ಬಳಿಕ ಹಳ್ಳಿಗರು ತಮ್ಮ ಹಸುಗಳೊಂದಿಗೆ ದೇವಸ್ಥಾನಕ್ಕೆ ಐದು ಸುತ್ತು ಪರಿಕ್ರಮ ಬರುತ್ತಾರೆ.

ಇಳಯರಾಜ|
ಆದರೆ ವಿಶೇಷ ಎಂದರೆ ಗೋವುಗಳು ಪರಿಕ್ರಮ ಬರುತ್ತಿರುವಾಗ ಅಲ್ಲಿದ್ದ ಜನತೆ ಈ ದಾರಿಯಲ್ಲಿ ಮಲಗಿ ಗೋಮಾತೆಯ ಆಶೀರ್ವಾದ ಪಡೆಯಲು ಯತ್ನಿಸುತ್ತಾರೆ... ಅಂದರೆ ಈ ಗೋವುಗಳು ಮಲಗಿದ್ದವರನ್ನು ತುಳಿದುಕೊಂಡೇ ಮುಂದೆ ಸಾಗುತ್ತವೆ.


ಇದರಲ್ಲಿ ಇನ್ನಷ್ಟು ಓದಿ :