ರೆಡ್‌ಮೀ 5ಎ 16ಜಿಬಿ, ರೆಡ್‌ಮೀ 5ಎ 32ಜಿಬಿ ಮೊಬೈಲ್‌ಗಳು ಮಾರುಕಟ್ಟೆಗೆ

ಮುಂಬೈ, ಮಂಗಳವಾರ, 12 ಡಿಸೆಂಬರ್ 2017 (18:02 IST)

ಗುರುಮೂರ್ತಿ 
 
ಮುಂಬೈ: ಜಗತ್ತು ಸ್ಮಾರ್ಟ್ ಫೋನ್‌ಗಳ ಜೊತೆಗೆ ಹೆಜ್ಜೆಯನಿರಿಸುತ್ತಿದೆ. ಕಾಲದಿಂದ ಕಾಲಕ್ಕೆ ಬದಲಾಗುವ ಸಮಯದಲ್ಲಿ ಮೊಬೈಲ್ ಲೋಕದಲ್ಲೂ ಹೊಸ ಕ್ರಾಂತಿ ಆಗುತ್ತಿದೆ ಎನ್ನುವುದು ಎಲ್ಲರಿಗೂ ಗೊತ್ತಿರುವ ವಿಚಾರ. ಇಂದಿನ ದಿನಗಳಲ್ಲಿ ಸ್ಮಾರ್ಟ್ ಫೋನ್ ಜೀವನದ ಅವಿಭಾಜ್ಯ ಅಂಗವಾಗಿ ಮಾರ್ಪಟ್ಟಿದೆ ಎಂದರೆ ತಪ್ಪಾಗಲಿಕ್ಕಿಲ್ಲ.
redmi 600" width="600" />


ಪ್ರತಿನಿತ್ಯವು ಹೊಸತನ ಬಯಸುವ ನಮಗೆ ರಿಡ್ ಮೀ ಇದೀಗ ತನ್ನ ನೂತನ ಫೋನ್ ಮೂಲಕ ಗ್ರಾಹಕರನ್ನು ಸೆಳೆಯಲು ಮಾರುಕಟ್ಟೆಗೆ ಲಗ್ಗೆ ಇಡುತ್ತಿದೆ ಅದರ ವೈಶಿಷ್ಟ್ಯಗಳೇನು ಎಂಬಿತ್ಯಾದಿ ವಿವರಣೆಗಳು ನಿಮಗಾಗಿ ಇಲ್ಲಿವೆ.
 
ರೆಡ್ ಮೀ, ಮೊಬೈಲ್ ಲೋಕದಲ್ಲಿ ಸಂಚಲನ ಮೂಡಿಸಿದ್ದು ಕಡಿಮೆ ದರ ಹಾಗೂ ಹೆಚ್ಚಿನ ವೈಶಿಷ್ಟ್ಯಗಳಿಂದ ಇದು ಮಾರುಕಟ್ಟೆಯಲ್ಲಿ ತನ್ನ ಛಾಪನ್ನು ಮೂಡಿಸಿರುವ ಬ್ರಾಂಡ್ ಇದಾಗಿದೆ. ಇದೀಗ ಇದು ತನ್ನ ಗ್ರಾಹಕರಿಗಾಗಿ ನೂತನವಾಗಿ ಹೊಸ 2 ಮೊಬೈಲ್‌ಗಳನ್ನು ಪರಿಚಯಿಸುತ್ತಿದ್ದು, ರೆಡ್‌ಮೀ 5A 16GB ಮತ್ತು ರೆಡ್‌ಮೀ 5A 32GB ಸದ್ಯದಲ್ಲೇ ಮಾರುಕಟ್ಟೆಗೆ ಬರಲಿದೆ ಮತ್ತು ಇದು ನಿಮಗೆ ಫ್ಲಿಪ್‌ಕಾರ್ಟ್‌ನಲ್ಲೂ ಸಹ ಲಭ್ಯವಿರುತ್ತದೆ. ಈ ಎರಡು ಮೊಬೈಲ್‌ಗಳು ಗೋಲ್ಡ್ ಮತ್ತು ಗ್ರೇ ಈ ಎರಡು ಬಣ್ಣಗಳಲ್ಲಿ ಲಭ್ಯವಿದ್ದು ಸಾಕಷ್ಟು ಹೆಚ್ಚಿನ ವೈಶಿಷ್ಟ್ಯಗಳನ್ನು ಹೊಂದಿದೆ. ರೆಡ್‌ಮೀ 5A 16GB ಇದು 16 GB ಆಂತರಿಕ ಮೆಮೋರಿಯನ್ನು ಹೊಂದಿದ್ದು 12.7 cm (5) HD IPS ಪರದೆಯನ್ನು ಹೊಂದಿದೆ ಅಲ್ಲದೇ 3000 mAh ಬ್ಯಾಟರಿಯನ್ನು ಸಹ ಇದು ಹೊಂದಿದೆ. ಇದರಲ್ಲಿ Dual Sim ಬಳಸುವ ಅವಕಾಶವಿದ್ದು Qualcomm Snapdragon 425 ಫ್ರೊಸೆಸರ್ ಹಾಗೂ Android Nougat 7.1.2 ಆಪರೇಟಿಂಗ್ ಸಿಸ್ಟಂನಲ್ಲಿ ಕಾರ್ಯ ನಿರ್ವಹಿಸುತ್ತದೆ ಇದು 2 GB RAM ಹೊಂದಿದ್ದು 128 GB ವರೆಗೆ ವಿಸ್ತರಿಸಬಹುದಾದ ಸಂಗ್ರಹಣೆಯನ್ನು ಹೊಂದಿದೆ.
 
ಇದರಲ್ಲಿ ಮುಖ್ಯವಾಗಿ 13MP ಪ್ರಾಥಮಿಕ ಕ್ಯಾಮರಾ ಇದ್ದು ಎರಡನೆ ಕ್ಯಾಮರಾ 5MP ಇದ್ದು ಅಲ್ಲದೇ ಫ್ಲಾಷ್ ಲೈಟ್ ಅನ್ನು ಕೂಡಾ ಹೊಂದಿದೆ. ಉಳಿದಂತೆ ಮೈಕ್ರೋ USB ಫೋರ್ಟ್, ಬ್ಲೂಟೂತ್, ವೈ-ಫೈ, GPS ಸೌಲಭ್ಯವನ್ನು ಇದು ಹೊಂದಿದೆ. ರೆಡ್‌ಮೀ 5A 32GB ಮೊಬೈಲ್ ಕೂಡಾ ರೆಡ್‌ಮೀ 5A 16GB ನಂತೆಯೇ ವೈಶಿಷ್ಟ್ಯವನ್ನು ಹೊಂದಿದ್ದು ಇದರಲ್ಲಿ ಆಂತರಿಕ ಮೆಮೋರಿಯನ್ನು 32GB ಇದ್ದು 3GB RAM ಅನ್ನು ಹೊಂದಿರುವುದು ವಿಶೇಷವಾಗಿದೆ. ರೆಡ್‌ಮೀ ಮೊದಲಿನಿಂದಲೂ ಗ್ರಾಹಕರಿಗೆ ಕಡಿಮೆ ದರದಲ್ಲಿ ಉತ್ತಮ ಗುಣಮಟ್ಟದ ಮೊಬೈಲ್ ನೀಡುತ್ತಾ ಬಂದಿದ್ದು ಇದೇ ವೈಶಿಷ್ಟ್ಯವಿರುವ ಬೇರೆ ಮೊಬೈಲ್‌ಗೆ ಹೋಲಿಸಿದರೆ ಇದರ ದರ ಕಡಿಮೆ ಎಂದೇ ಹೇಳಬಹುದು ರೆಡ್‌ಮೀ 5A 16GB ತನ್ನ ಬೆಲೆಯನ್ನು ಫ್ಲಿಪ್ ಕಾರ್ಟ್‌ನಲ್ಲಿ 4999 ಹಾಗೂ ರೆಡ್‌ಮೀ 5A 32GB 6999 ಇದೆ ಇದು ಮಾರುಕಟ್ಟೆಯಲ್ಲಿರುವ ಉಳಿದ ಮೊಬೈಲ್‌ಗೆ ಹೋಲಿಸಿದಲ್ಲಿ ಕಡಿಮೆ ಎಂದೇ ಹೇಳಬಹುದಾಗಿದೆ. ನೀವು ಕೂಡಾ ಈ ಮೊಬೈಲ್ ನಿಮ್ಮದಾಗಿಸಿಕೊಳ್ಳಲು 14 ಡಿಸೆಂಬರ್‌ವರೆಗೆ ಕಾಯಲೇಬೇಕು.
 
ಒಟ್ಟಿನಲ್ಲಿ ಗ್ರಾಹಕರನ್ನು ಒಲಿಸಿಕೊಳ್ಳಲು ತನ್ನ ವೈಶಿಷ್ಟ್ಯಯುತ ಮತ್ತು ದರದ ಮೂಲಕ ರೆಡ್‌ಮೀ ಗ್ರಾಹಕರನ್ನು ತನ್ನತ ಸೆಳೆಯುವುದರಲ್ಲಿ ಯಾವುದೇ ಸಂಶಯವಿಲ್ಲ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ. 



ಇದರಲ್ಲಿ ಇನ್ನಷ್ಟು ಓದಿ :  

ವ್ಯವಹಾರ

news

ಮುಂದಿನ ವರ್ಷಕ್ಕೆ ರಿಲಯನ್ಸ್ ಜಿಯೋ ಗ್ರಾಹಕರಿಗೆ ಕಾದಿದೆಯಾ ಶಾಕ್?!

ನವದೆಹಲಿ: ದೇಶಾದ್ಯಂತ ಅಗ್ಗದ ಬೆಲೆಗೆ 4 ಜಿ ಸೇವೆ ಒದಗಿಸಿ ಟೆಲಿಕಾಂ ಕ್ಷೇತ್ರದಲ್ಲಿ ಹೊಸ ಕ್ರಾಂತಿ ಹುಟ್ಟು ...

news

ಇಂಡಿವುಡ್ ಐಟಿ ಎಕ್ಸ್‌ಲೆನ್ಸ್ ಅವಾರ್ಡ್ 2017: ಐಚಿ ಕ್ಷೇತ್ರದ ದಿಗ್ಗಜರಿಗೆ ಪ್ರಶಸ್ತಿ ಪ್ರಧಾನ

ಹೈದ್ರಾಬಾದ್: ಪ್ರತಿಷ್ಠಿತ ಇಂಡಿವುಡ್ ಐಟಿ ಎಕ್ಸಲೆನ್ಸ್ ಅವಾರ್ಡ್ಸ್ 2017 ಕಾರ್ಯಕ್ರಮ ಹೈದರಾಬಾದ್‌ನ ...

news

ಹೊಸ ನಾಲ್ಕು ಬಂಪರ್ ಆಫರ್ ಕೊಟ್ಟ ವೊಡಾಫೋನ್!

ನವದೆಹಲಿ: ದೇಶದ ಪ್ರತಿಷ್ಠಿತ ಟೆಲಿಕಾಂ ಸಂಸ್ಥೆಗಳಲ್ಲೊಂದಾದ ವೊಡಾಫೋನ್ ತನ್ನ ಪ್ರಿಪೇಯ್ಡ್ ಗ್ರಾಹಕರಿಗಾಗಿ ...

news

ಮ್ಯಾಗೀ ತಿನ್ನುತ್ತಿದ್ದೀರಾ? ಹಾಗಿದ್ರೆ ಹುಷಾರಾಗಿರಿ!

ನವದೆಹಲಿ: ಕಳೆದ ವರ್ಷ ಕಳಪೆ ಗುಣಮಟ್ಟದ ಹಿನ್ನಲೆಯಲ್ಲಿ ನಿಷೇಧಕ್ಕೊಳಗಾಗಿದ್ದ ಮ್ಯಾಗಿ ನ್ಯೂಡಲ್ಸ್ ಇದೀಗ ...

Widgets Magazine
Widgets Magazine