Widgets Magazine

ಬೃಹತ್ ಪೂರ್ಣಚಂದ್ರ ಗುರುವಾರ ಗೋಚರ

ಮುಂಬೈ| ಇಳಯರಾಜ| Last Modified ಬುಧವಾರ, 24 ಅಕ್ಟೋಬರ್ 2007 (19:36 IST)
ಆಕಾಶವೀಕ್ಷಕರಿಗೆ ಗುರುವಾರ ಮತ್ತು ಶುಕ್ರವಾರ ಈ ವರ್ಷದಲ್ಲೇ ಅತ್ಯಂತ ಪ್ರಕಾಶಮಾನ ಮತ್ತು ದೊಡ್ಡದಾದ, ಭೂಮಿಗೆ ಅತೀಸಮೀಪಕ್ಕೆ ಬರುವ ಪೂರ್ಣಚಂದ್ರನನ್ನು ವೀಕ್ಷಿಸುವ ಸುಯೋಗ ಲಭ್ಯವಾಗಲಿದೆ.

ಈ ವಾರದ ಪೂರ್ಣ ಚಂದ್ರ 2007ರಲ್ಲಿ ಅತೀ ದೊಡ್ಡದಾದ ಪೂರ್ಣ ಚಂದ್ರ ಎಂದು ನಾಸಾ ತಜ್ಞರು ಹೇಳಿದ್ದಾರೆ. ಚೀನಾ ಕಳಿಸಿರುವ ಚಂದ್ರನೌಕೆ ಚಾಂಗ್(ಚಂದ್ರ ದೇವತೆ) ಚಂದ್ರನನ್ನು ತಲುಪುವ ಗಳಿಗೆಗೂ ಈ ವಿದ್ಯಮಾನಕ್ಕೂ ಹೊಂದಿಕೆಯಾಗುತ್ತದೆ.

ಚಾಂಗ್ ಚಂದ್ರನ ಸುತ್ತ ಪ್ರದಕ್ಷಿಣೆ ಆರಂಭಿಸಿದ ಕೂಡಲೇ ಚಂದ್ರನ ಮೇಲ್ಮೈನ ಮೂರು ಆಯಾಮಗಳ ಚಿತ್ರಗಳನ್ನು ಕಳಿಸಲಿದೆ. ಆದರೆ ದೂರದರ್ಶಕ ಮೂಲಕ ಸೂಕ್ತ ಫಿಲ್ಟರ್ ಇಲ್ಲದೇ ಪೂರ್ಣಚಂದ್ರನನ್ನು ವೀಕ್ಷಿಸುವುದರ ವಿರುದ್ಧ ತಜ್ಞರು ಎಚ್ಚರಿಸಿದ್ದಾರೆ.

ಕೆಲವು ಪೂರ್ಣ ಚಂದ್ರಗಳು ಉಳಿದವಕ್ಕಿಂತ ದೊಡ್ಡ ಗಾತ್ರದಲ್ಲಿರುತ್ತದೆ. ಗುರುವಾರ ರಾತ್ರಿಯ ಶೇ. 14ರಷ್ಟು ಅಗಲ ಮತ್ತು ಶೇ.30ರಷ್ಟು ಹೆಚ್ಚು ಪ್ರಕಾಶಮಾನವಾಗಿರುತ್ತದೆ ಎಂದು ನಾಸಾದ ವೆಬ್‌ಸೈಟ್‌ಗಳು ಬುಧವಾರ ತಿಳಿಸಿವೆ.


ಇದರಲ್ಲಿ ಇನ್ನಷ್ಟು ಓದಿ :