ಸೇಬು ಹಣ್ಣಿನ ಕೊಬ್ಬರಿ ಮಿಠಾಯಿ

ಬೆಂಗಳೂರು, ಸೋಮವಾರ, 15 ಅಕ್ಟೋಬರ್ 2018 (18:31 IST)

ಸೇಬು ಹಣ್ಣನ್ನು ಯಾರು ತಿಂದಿರುವುದಿಲ್ಲ ಹೇಳಿ.. ಪ್ರತಿದಿನ ಸೇಬನ್ನು ತಿನ್ನುವುದರಿಂದ ವೈದ್ಯರನ್ನೇ ದೂರವಿಡಬಹುದು ಎಂಬ ಮಾತಿದೆ. ಇದರಿಂದ ರುಚಿಯಾದ ಕೊಬ್ಬರಿ ಮಿಠಾಯಿಯನ್ನೂ ಸಹ ತಯಾರಿಸಬಹುದು. ಮತ್ತು ಸೇಬು ಹಣ್ಣಿನಿಂದ ತಯಾರಿಸಿದ ಮಿಠಾಯಿಯನ್ನು ತಿನ್ನುವಾಗ ಸೇಬಿನ ರಸ ಬರುವುದರಿಂದ ಮಕ್ಕಳಿಗೆ ಸಾಯಂಕಾಲದ ವೇಳೆಯಲ್ಲಿ ತಿನ್ನಲು ಕೊಡಬಹುದು.  ಈ ಮಿಠಾಯಿ ಆರೋಗ್ಯಕ್ಕೂ ಒಳ್ಳೆಯದಪ. ಹಾಗಾದರೆ ಅದನ್ನು ಹೇಗೆ ತಯಾರಿಸುವುದು ಅಂತ ತಿಳಿಸಿಕೊಡುತ್ತೇವೆ. ನೀವೂ ಒಮ್ಮೆ ಟ್ರೈ ಮಾಡಿ ನೋಡಿ.
ತಯಾರಿಸಲು ಬೇಕಾಗುವ ಸಾಮಗ್ರಿಗಳು :
 
* 3 ಕಪ್ ತೆಂಗಿಕಾಯಿ ತುರಿ
* 2 ಕಪ್ ಸಕ್ಕರೆ
* 2 ಸೇಬು ಹಣ್ಣು (ಸಿಪ್ಪೆ ತೆಗೆದು ಮಿಕ್ಸಿಯಲ್ಲಿ ನುಣ್ಣಗೆ ರುಬ್ಬಿಕೊಳ್ಳಬೇಕು.)
* 1 ಚಮಚ ಏಲಕ್ಕಿ ಪುಡಿ
* 4 ಟೀ ಚಮಚ ತುಪ್ಪ
* ಅಲಂಕಾರಕ್ಕೆ ಸ್ವಲ್ಪ ಪಿಸ್ತಾ
 
ತಯಾರಿಸುವ ವಿಧಾನ :
 
  ಒಂದು ದಪ್ಪ ತಳದ ಪಾತ್ರೆಯಲ್ಲಿ ಸೇಬು ಹಣ್ಣಿನ ರಸ, ಸಕ್ಕರೆ. ತುಪ್ಪ ಮತ್ತು ತೆಂಗಿನ ತುರಿಯನ್ನು ಹಾಕಿ ಮಧ್ಯಮ ಗಾತ್ರದ ಉರಿಯಲ್ಲಿ ಕೈಯಾಡಿಸುತ್ತಾ ಇರಬೇಕು. (ಬೇಕಿದ್ದರೆ ತೆಂಗಿನ ತುರಿಯನ್ನು ಮಿಕ್ಸಿಯಲ್ಲಿ ಪುಡಿ ಮಾಡಿಕೊಳ್ಳಬಹುದು.) ಈ ಮಿಶ್ರಣ ಗಟ್ಟಿಯಾಗುತ್ತಾ ಬರುವಾಗ ಏಲಕ್ಕಿ ಪುಡಿಯನ್ನು ಹಾಕಬೇಕು. ನಂತರ ಈ ಮಿಶ್ರಣವು ಬಾಣಲೆ ಬಿಟ್ಟು ಬರುವಾಗ ಆದನ್ನು ತುಪ್ಪ ಸವರಿದ ತಟ್ಟೆಗೆ ಹಾಕಬೇಕು. ಅದನ್ನು ಸಮತಟ್ಟು ಮಾಡಬೇಕು. ಈ ಮಿಶ್ರಣದ ಮೇಲೆ ಪಿಸ್ತಾವನ್ನು ಹಾಕಿ ಅಲಂಕರಿಸಿ 5 ನಿಮಿಷಗಳ ನಂತರ ಚೌಕಾಕಾರವಾಗಿ ಕತ್ತರಿಸಿದರೆ ರುಚಿರುಚಿಯಾದ ಸೇಬು ಹಣ್ಣಿನ ಕೊಬ್ಬರಿ ಮಿಠಾಯಿ ಸವಿಯಲು ಸಿದ್ಧ. 



ಇದರಲ್ಲಿ ಇನ್ನಷ್ಟು ಓದಿ :  

ಆರೋಗ್ಯ

news

ಮಿಶ್ರ ತರಕಾರಿಗಳ ಅಕ್ಕಿ ರೊಟ್ಟಿ

ಮೊದಲು ಕ್ಯಾರೆಟ್, ಸೌತೆಕಾಯಿ, ಮೂಲಂಗಿಯನ್ನು ತುರಿದಿಟ್ಟುಕೊಂಡು ಈರುಳ್ಳಿ, ಮೆಂತ್ಯ ಸೊಪ್ಪು, ಸಬ್ಬಸಿಗೆ ...

news

ತಾಜ್ ಮಹಲ್‌ಗೆ ಭೇಟಿ ನೀಡಿದ ವಿಲ್ ಸ್ಮಿತ್..

ಹಾಲಿವುಡ್ ನಟ ವಿಲ್ ಸ್ಮಿತ್ ಭಾರತದ ಪ್ರವಾಸದಲ್ಲಿದ್ದು ನಿನ್ನೆ ಬುಧವಾರ, ಅಕ್ಟೋಬರ್ 10 ರಂದು ...

news

ತಯಾರಿಸಿ ನೋಡಿ ಆರೋಗ್ಯಕರ ಪಾಲಕ್ ದೋಸಾ

ಒಂದು ಬೌಲ್‌ನಲ್ಲಿ ಹುರಿದ ರವಾ, ಸ್ವಚ್ಛಗೊಳಿಸಿ ಹೆಚ್ಚಿದ ಪಾಲಕ್ ಸೊಪ್ಪು, ತೆಂಗಿನ ತುರಿ, ಮೊಸರು, ಉಪ್ಪು, ...

news

ಓಟ್ಸ್ ಕಿಚಡಿ

ಮೊದಲು ಕುಕ್ಕರಿನಲ್ಲಿ ತುಪ್ಪವನ್ನು ಹಾಕಿ ಬಿಸಿ ಮಾಡಿಕೊಳ್ಳಬೇಕು. ಅದಕ್ಕೆ ಜೀರಿಗೆ ಮತ್ತು ಇಂಗನ್ನು ಹಾಕಿ. ...

Widgets Magazine
Widgets Magazine