ರುಚಿ ರುಚಿಯಾದ ಬಾಳೆಹಣ್ಣಿನ ಕೇಕ್

ಬೆಂಗಳೂರು, ಮಂಗಳವಾರ, 4 ಸೆಪ್ಟಂಬರ್ 2018 (16:08 IST)

ಸಾಮಾನ್ಯವಾಗಿ ದಿನನಿತ್ಯದ ಬಳಕೆಯಲ್ಲಿ ಬಳಕೆಯಾಗುವ ಹಣ್ಣು ಬಾಳೆಹಣ್ಣು ಎಂದರೆ ತಪ್ಪಾಗಲಾರದು. ಈ ಹಣ್ಣನ್ನು ಎಲ್ಲಾ ವಯಸ್ಸಿನವರೂ ತಿನ್ನುತ್ತಾರೆ. ಬಾಳೆಹಣ್ಣಿನ ವಿವಿಧ ಭಕ್ಷ್ಯಗಳನ್ನೂ ತಯಾರಿಸುತ್ತಾರೆ. ಪ್ರಮುಖವಾಗಿ ಪೂಜೆಗಳಲ್ಲಿಯೂ ಬಳಕೆಯಾಗುವ ಬಾಳೆಹಣ್ಣಿನಿಂದ ಕೇಕ್ ಕೂಡಾ ತಯಾರಿಸಬಹುದು. ಅದು ಹೇಗೆ ಅಂತೀರಾ? 
ಬೇಕಾಗುವ ಸಾಮಗ್ರಿಗಳು:
 
1 ಕಪ್ ಗೋಧಿ ಹಿಟ್ಟು
2 ಬಾಳೆಹಣ್ಣು
11/2 ಚಮಚ ರಿಫೈನ್ಡ್ ಎಣ್ಣೆ
1/2 ಕಪ್ ಹಾಲು
1 ಟೀ ಚಮಚ ವಿನಿಗರ್ ಅಥವಾ 1 ಟೀ ಚಮಚ ನಿಂಬೆರಸ
ಸ್ವಲ್ಪ ಸಕ್ಕರೆ ಪುಡಿ (ಬೇಕಾದರೆ)
1 ಟೀ ಸ್ಪೂನ್ ಬೇಕಿಂಗ್ ಪೌಡರ್
1 ಟೀ ಸ್ಪೂನ್ ಬೇಕಿಂಗ್ ಸೋಡಾ
1/2 ಟೀ ಸ್ಪೂನ್ ವೆನಿಲ್ಲಾ ಎಸ್ಸೆನ್ಸ್
 
ಕೇಕ್ ಮಾಡುವ ವಿಧಾನ:
 
ಮೊದಲು ಓವನ್ ಅನ್ನು 180 ಡಿಗ್ರಿಯಲ್ಲಿ ಹೀಟ್ ಮಾಡಬೇಕು. ನಂತರ ಒಂದು ಜರಡಿಯಲ್ಲಿ ಗೋಧಿ ಹಿಟ್ಟು, ಬೇಕಿಂಗ್ ಪೌಡರ್, ಬೇಕಿಂಗ್ ಸೋಡಾ, ಸಕ್ಕರೆ ಪುಡಿ ಹಾಕಿ ಸಾಣಿಸಬೇಕು. ನಂತರ ಬಾಳೆಹಣ್ಣನ್ನು ಹಾಲಿನ ಜೊತೆ ಮಿಕ್ಸಿಗೆ ಹಾಕಿ ನುಣ್ಣಗೆ ಪೇಸ್ಟ್ ಮಾಡಬೇಕು. ಈ ಪೇಸ್ಟ್‌ಗೆ ಎಣ್ಣೆ ಮತ್ತು ಸಕ್ಕರೆ ಪುಡಿ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಬೇಕು. ಈಗ ಸಾಣಿಸಿ ಇಟ್ಟ ಗೋಧಿ ಹಣ್ಣಿನ ಮಿಶ್ರಣವನ್ನು ಹಾಕಿ ಚೆನ್ನಾಗಿ 2 ನಿಮಿಷಗಳವರೆಗೆ ಬೀಟ್ ಮಾಡುತ್ತಾ ಅದಕ್ಕೆ ವೆನಿಲ್ಲಾ ಎಸ್ಸೆನ್ಸ್ ಹಾಕಬೇಕು. 
 
ನಂತರ 1 ಕೇಕ್ ಮೌಲ್ಡ್‌ಗೆ ಎಣ್ಣೆ ಸವರಿ ಅದರ ಮೇಲೆ ಗೋಧಿ ಹಿಟ್ಟನ್ನು ಸ್ವಲ್ಪ ಸಿಂಪಡಿಸಿ ಅದರ ಮೇಲೆ 2 ರಿಂದ 3 ಡೇಟ್ಸ್ ಅನ್ನು ಕಟ್ ಮಾಡಿ ಹಾಕಿ ಫ್ರೀ ಹಿಟ್ ಆದ ಓವನ್‌ನಲ್ಲಿ ಕೇಕ್ ಅನ್ನು 180 ಡಿಗ್ರಿಯಲ್ಲಿ 35 ರಿಂದ 40 ನಿಮಿಷಗಳವರೆಗೆ ಬೇಕ್ ಮಾಡಿ. ಕೇಕ್ ತಯಾರಾದ ನಂತರ ಕೇಕ್ ಅನ್ನು ಡಿಮೌಲ್ಡ್ ಮಾಡಿ.
 
ಸೂಚನೆ : ಕುಕ್ಕರ್‌ನಲ್ಲಿ ಕೇಕ್ ಬೇಕ್ ಮಾಡುವುದಾದರೆ ಕುಕ್ಕರ್ ಅನ್ನು ಮೊದಲು ಗ್ಯಾಸ್ಕೆಟ್ ಮತ್ತು ವಿಸ್ಸೆಲ್ ತೆಗೆದು 5 ನಿಮಿಷ ಮೀಡಿಯಂ ಫ್ಲೇಮ್‌ನಲ್ಲಿ ಬಿಸಿ ಮಾಡಿ ನಂತರ ತಯಾರಿಸುವ ಕೇಕ್ ಮಿಶ್ರಣವನ್ನು ಕೇಕ್ ಮೌಲ್ಡ್‌ನಲ್ಲಿ ಹಾಕಿ. ನಂತರ ಬಿಸಿ ಮಾಡಿರುವ ಕುಕ್ಕರ್‌ದಲ್ಲಿ 1 ಕುಕ್ಕರ್ ಸ್ಟ್ಯಾಂಡ್ ಇಟ್ಟು ಅದರ ಮೇಲೆ ಕೇಕ್ ಮೌಲ್ಡ್ ಇಟ್ಟು ಕುಕ್ಕರ್ ಮುಚ್ಚಳ ಮುಚ್ಚಿ 50 ರಿಂದ 60 ನಿಮಿಷಗಳವರೆಗೆ ಇಟ್ಟು ಬೇಕ್ ಮಾಡಿ.... ಈಗ ರುಚಿ ರುಚಿಯಾದ ಬಾಳೆಹಣ್ಣಿನ ಕೇಕ್ ಸವಿಯಲು ಸಿದ್ಧ.



ಇದರಲ್ಲಿ ಇನ್ನಷ್ಟು ಓದಿ :  

ಆರೋಗ್ಯ

news

ರುಚಿಯಾದ ತಾಳಿಪಟ್ಟು ಮಾಡಿ ಸವಿಯಿರಿ..

ಬೆಳಗಿನ ತಿಂಡಿಗೆ ಶೀಘ್ರವಾಗಿ ರೆಡಿ ಮಾಡಬಹುದಾದ ತಿಂಡಿಗಳಲ್ಲಿ ತಾಳಿಪಟ್ಟು ಸಹ ಒಂದು. ಕೇವಲ ಕೆಲವೇ ...

news

ನೆಲ್ಲಿಕಾಯಿ ಬಳಸಿ ಆರೋಗ್ಯ ವರ್ಧಿಸಿಕೊಳ್ಳಿ

ನೆಲ್ಲಿಕಾಯಿಯಲ್ಲಿ ಸಿ ಜೀವಸತ್ವವು ಹೇರಳವಾಗಿದೆ. ಇದರಿಂದ ಪ್ರಯೋಜನಗಳು ಅನೇಕ. ಇನ್ನೊಂದು ವಿಶೇಷತೆ ...

news

ಸೆಕ್ಸ್ ನಂತರ ಸ್ನಾನ ಎಂತಹಾ ಮ್ಯಾಜಿಕ್ ಮಾಡುತ್ತೆ ಗೊತ್ತಾ?!

ಬೆಂಗಳೂರು: ಲೈಂಗಿಕ ಕ್ರಿಯೆ ಎನ್ನುವುದು ಎರಡು ದೇಹಗಳು ಮಾತ್ರವಲ್ಲ, ಮನಸ್ಸೂ ಬೆಸೆಯುವ ಕ್ರಿಯೆ. ಇದು ...

news

ಮೊಳಕೆ ಬರಿಸಿದ ಕಾಳುಗಳಿಂದ ಮತ್ತು ಧಾನ್ಯಗಳಿಂದ ಆರೋಗ್ಯ ವರ್ಧನೆ!!!

ಉತ್ತಮವಾದ ಆರೋಗ್ಯಕರವಾದ ಜೀವನವನ್ನು ನಡೆಸುವುದು ಈಗಿನ ವಿದ್ಯಮಾನದಲ್ಲಿ ಕಷ್ಟಕರವಾಗಿದೆ. ಎಲ್ಲೆಲ್ಲಿಯೂ ...

Widgets Magazine
Widgets Magazine