ಪುಟಾಣಿ ಹಾಸ್ಯ

ಬಾಲ ಮುಂದಿದೆಯಾ.. ಹಿಂದಿದೆಯಾ...?

Mon, 23 Feb 2009 16:26:39 +0530

ಅಪರೂಪಕ್ಕೆ ತಿಮ್ಮನ ಗೆಳೆಯ ತಿಮ್ಮನನ್ನು ಪ್ರಾಣಿಸಂಗ್ರಹಾಲಯಕ್ಕೆ ಕರೆದುಕೊಂಡು ಹೋದ. ಅದು ತಿಮ್ಮನ ಪ್ರಥಮ ಪ್ರಾಣಿಸಂಗ್ರಹಾಲಯ ಬೇಟಿಯಾಗಿತ್ತು.

ಆತನು ಆನೆಯನ್ನು ಈವರೆಗೆ ನೋಡಿರಲಿಲ್ಲ. ನೋಡಪ್ಪಾ ಇದೇ ಆನೆ ಎಂದು ಗೆಳೆಯ ತಿಮ್ಮನಿಗೆ ತೋರಿಸಿದ.

ತಿಮ್ಮ ಆನೆಯನ್ನು ಹಿಂದೆ ಹೋಗಿ ಮುಂದೆ ಹೋಗಿ ಪದೇ ಪದೇ ನೋಡುತ್ತಿದ್ದ . ಇದನ್ನು ಗಮನಿಸಿದ ಆತನ ಸ್ನೇಹಿತ ಯಾಕೆ ಆ ರೀತಿ ನೋಡುತ್ತಿದ್ದೀಯ ಎಂದು ಕೇಳಿದಾಗ ಏನಿಲ್ಲಾ ಈ ಪ್ರಾಣಿಯ ಬಾಲ ಮುಂದಿದೆಯಾ ಹಿಂದಿದೆಯಾ ಅಂತ ಗೊತ್ತಾಗ್ತಿಲ್ಲ ಎಂದು ಮತ್ತೆ ನೋಡಲು ಪ್ರಾರಂಭಿಸಿದ.

ಭೇಟಿ

Mon, 23 Feb 2009 16:26:14 +0530

ಪ್ರಶ್ನೆ: ಒಂದು ಗೋಡೆ ಇನ್ನೊಂದು ಗೋಡೆಗೆ ಏನು ಹೇಳುತ್ತದೆ?

ಉತ್ತರ: ನಿನ್ನನ್ನು ನಾನು ಇನ್ನೊಂದು ಮೂಲೆಯಲ್ಲಿ ಭೇಟಿ ಆಗುತ್ತೇನೆ ಎನ್ನುತ್ತದೆ.

ಮುಂದುವರಿಯುತ್ತಿಲ್ಲವೇಕೆ?

Mon, 23 Feb 2009 16:26:08 +0530

ಒಬ್ಬ ಅವನ ಗೆಳೆಯನಲ್ಲಿ ಕೇಳಿದ - ಸ್ವಾತಂತ್ರ್ಯ ಸಿಕ್ಕಿ ಐವತ್ತು ವರ್ಷಗಳಾದರೂ ನಮ್ಮ ದೇಶ ಇನ್ನೂ ಮುಂದಕ್ಕೆನೇ ಬರುತ್ತಿಲ್ಲ ಯಾಕೆ?

ಆಗ ಅವನ ಗೆಳೆಯ ಹೇಳಿದ -ಅದು ಹೇಗೆ ಬರೋದಿಕ್ಕೆ ಸಾಧ್ಯ? ಮುಂದೆ ಹೋಗ್ಬೇಕು ಅಂದ್ರೆ ಹಿಮಾಲಯ ಪರ್ವತ ಅಡ್ಡ ಇದೆ, ಹಿಂದಕ್ಕೆ ಹೋದರೆ ಹಿಂದೂಮಹಾಸಾಗರದಲ್ಲಿ ಬೀಳುತ್ತೆ ಅದಕ್ಕೆ ಇದ್ದಲ್ಲೇ ಇದೆ.

ಆನೆ-ಇರುವೆ ಬ್ಲಡ್ ಗ್ರೂಪ್

Mon, 23 Feb 2009 16:26:01 +0530

ಆನೆಯನ್ನು ಆಸ್ಪತ್ರೆಗೆ ಸೇರಿಸಲಾಗಿತ್ತು. ಇರುವೆ ಓಡಿಕೊಂಡು ಓಡಿಕೊಂಡು ಎಲ್ಲಿಗೋ ಹೋಗ್ತಾ ಇತ್ತು.

ಆಗ ಇರುವೆಯ ಗೆಳೆಯ ಕೇಳಿತು ಎಲ್ಲಿಗೆ ಹೋಗ್ತಾ ಇದ್ದಿಯಾ ಇಷ್ಟು ಅವಸರವಾಗಿ ಅಂತ. ಆಗ ಇರುವೆ ತುಂಬಾ ಟೆನ್ಶನಲ್ಲಿ ಹೇಳಿತು ನನ್ನ ಗೆಳೆಯನಿಗೆ ಆಕ್ಸಿಡೆಂಟಾಗಿದೆ ತುರ್ತಾಗಿ

ರಕ್ತ ಬೇಕಾಗಿದೆ ಅದಕ್ಕೆ ರಕ್ತ ಕೊಡ್ಲಿಕ್ಕೆ ಹೋಗ್ತಾ ಇದ್ದೇನೆ. ನಂದೂ ಅವನದ್ದೂ ಬ್ಲಡ್ ಗ್ರೂಪ್ ಒಂದೆ ಅಂತ.

ಇರುವೆಗೆ ಹೆಲ್ಮೆಟ್

Mon, 23 Feb 2009 16:25:40 +0530

ಆನೆ ಮತ್ತು ಇರುವೆ ತುಂಬಾ ಸ್ನೇಹಿತರು. ಒಂದು ದಿವಸ ಆನೆ ಮತ್ತು ಇರುವೆ ಸ್ಕೂಟರಿನಲ್ಲಿ ಹೋಗ್ತಾ ಇದ್ರು.

ದುರಾದೃಷ್ಟಕ್ಕೆ ಸ್ಕೂಟರ್ ಅಪಘಾತ ಆಗಿಹೋಯ್ತು. ಪಾಪ ಆನೆಗೆ ತುಂಬಾ ಪೆಟ್ಟಾಗಿತ್ತು ಆದರೆ ಇರುವೆಗೆ ಸ್ವಲ್ಪವೂ ಪೆಟ್ಟಾಗಲಿಲ್ಲ ಯಾಕೆಂದರೆ ಅದು ಹೆಲ್ಮೆಟ್ ಧರಿಸಿತ್ತು.

ಅಕ್ಬರ್ ಸಿಂಹಾಸನ

Mon, 23 Feb 2009 16:25:33 +0530

ಅಧ್ಯಾಪಕರು ತರಗತಿಯಲ್ಲಿ ಇತಿಹಾಸ ಪಾಠ ಮಾಡುತ್ತಾ.

ಅಕ್ಬರ್ ಸಿಂಹಾಸನ ಸಿಕ್ಕ ಕೂಡಲೇ ಏನು ಮಾಡಿದ?

ವಿದ್ಯಾರ್ಥಿಗಳು: ಅದರ ಮೇಲೆ ಕುಳಿತ ಎಂದು ಒಕ್ಕೊರಲಿನಿಂದ ಹೇಳಿದರು.

ಲಿಂಗಗಳಲ್ಲಿ ಎಷ್ಟು ವಿಧ

Mon, 23 Feb 2009 16:25:15 +0530

ಗುರುಗಳು: ಸಿದ್ಧಲಿಂಗ, ಲಿಂಗಗಳಲ್ಲಿ ಎಷ್ಟು ವಿಧ?

ಸಿದ್ಧಲಿಂಗ: ಮೂರು ವಿಧ ಸರ್

ಗುರುಗಳು: ಅವು ಯಾವುವು?

ಸಿದ್ಧಲಿಂಗ: ಕಾಶಿಯಲ್ಲಿರುವ ಕಾಶಿಲಿಂಗ, ರಾಮೇಶ್ವರದಲ್ಲಿರುವ ರಾಮಲಿಂಗ ಮತ್ತು ನಾನು ಸಿದ್ಧಲಿಂಗ.

ಕೈಯಲ್ಲಿ ಚಪ್ಪಲಿ

Mon, 23 Feb 2009 16:24:45 +0530

ಶಾಲೆಗೆ ತಡವಾಗಿ ಬಂದ ಗುಂಡನನ್ನು ಟೀಚರ್ ಪ್ರಶ್ನಿಸುತ್ತಾ, ಯಾಕೋ ತಡವಾಗಿ ಬಂದೆ?

ನನ್ನ ಅಪ್ಪ ಅಮ್ಮ ಜಗಳವಾಡ್ತಾ ಇದ್ದರು ಟೀಚರ್

ಅದಕ್ಕೆ ನೀನ್ಯಾಕೆ ತಡವಾಗಿ ಬಂದೆ?

ಏನು ಮಾಡಲಿ ಟೀಚರ್ ನನ್ನ ಒಂದು ಚಪ್ಪಲಿ ಅಪ್ಪನ ಕೈಯಲ್ಲಿತ್ತು, ಒಂದು ಚಪ್ಪಲಿ ಅಮ್ಮನ ಕೈಯಲ್ಲಿತ್ತು.

ಎಂಟರ ,ಅರ್ಧ

Mon, 23 Feb 2009 16:24:27 +0530

ಗಣಿತ ತರಗತಿಯಲ್ಲಿ ಅಧ್ಯಾಪಕರು ವಿದ್ಯಾರ್ಥಿಗಳಿಗೆ ಪ್ರಶ್ನೆ ಕೇಳುತ್ತಿದ್ದರು

ಅಧ್ಯಾಪಕರು: 8ರ ಅರ್ಧ ಎಷ್ಟು?

ವಿಧ್ಯಾರ್ಥಿಗಳು: ಸಾರ್,ಮೇಲಿನಿಂದ ಕೆಳಕ್ಕಾ ಅಥವಾ ಎಡದಿಂದ ಬಲಕ್ಕಾ

ಅಧ್ಯಾಪಕರು: ಅದೆಲ್ಲ ಯಾಕೆ?

ವಿದ್ಯಾರ್ಥಿಗಳು: ಸಾರ್, ಮೇಲಿನಿಂದ ಕೆಳಕ್ಕಾದರೆ ಸೊನ್ನೆ, ಎಡದಿಂದ ಬಲಕ್ಕಾದರೆ 3

ಹಿಂದಿನವರೂ ಹಾಗೇ ಹೇಳಿದ್ದರು

Mon, 23 Feb 2009 16:23:46 +0530

ಗುರುಗಳು - ಮಕ್ಕಳೇ ನಾನು ವರ್ಗವಾಗುತ್ತಿದ್ದೇನೆ. ಇನ್ನು ಮುಂದೆ ನಿಮಗೆ ನನಗಿಂತಲೂ ಉತ್ತಮ ಗುರುಗಳು ಬರುವವರು...

ತಿಮ್ಮ- ಎಲ್ಲರೂ ಇದೇ ಹೇಳುತ್ತಿದ್ದಾರೆ ಸಾರ್. ಹಿಂದಿನ ಮೇಷ್ಟ್ರೂ ಇದೇ ರೀತಿ ಹೇಳಿದ್ದರು..