ಸುದ್ದಿ

RCB VS KKR, ಇನ್ನೂ ಶುರುವಾಗದ ಪಂದ್ಯಾಟ, ಕಾರಣ ಇಲ್ಲಿದೆ

Wed, 13 May 2026 19:51:00 +0530

Photo Credit X

ಶಹೀದ್ ವೀರ್ ನಾರಾಯಣ್ ಸಿಂಗ್ ಅಂತರಾಷ್ಟ್ರೀಯ ಸ್ಟೇಡಿಯಂನಲ್ಲಿ ಮಳೆಯಿಂದಾಗಿ RCB vs KKR IPL 2026 ಪಂದ್ಯ ವಿಳಂಬವಾಗಿದೆ.

ರಾತ್ರಿ 07:00 ಗಂಟೆಗೆ ಟಾಸ್ ನಡೆಯಬೇಕಿತ್ತು, ಆದರೆ ಮಳೆಯು ಪ್ರಕ್ರಿಯೆಗಳ ಮೇಲೆ ಪರಿಣಾಮ ಬೀರಿದೆ. ಪಿಚ್ ಮತ್ತು ಆಟದ ಮೈದಾನಕ್ಕೆ ಯಾವುದೇ ಹಾನಿಯಾಗದಂತೆ ಮೈದಾನವನ್ನು ಮುಚ್ಚಲಾಗಿದೆ.

ಹಾಲಿ ಚಾಂಪಿಯನ್‌ಗಳಿಗೆ ಪ್ಲೇಆಫ್‌ಗೆ ಪ್ರವೇಶಿಸಲು ಒಂದು ಗೆಲುವಿನ ಅಗತ್ಯವಿದೆ, ಆದರೆ ಕೋಲ್ಕತ್ತಾ ನೈಟ್ ರೈಡರ್ಸ್ ಹಾದಿಯು ಸವಾಲಿನದ್ದಾಗಿದೆ. 19 ನೇ ಋತುವಿನ ಮೊದಲಾರ್ಧದಲ್ಲಿ ಅವರ ಆರು ಸೋಲುಗಳನ್ನು ಪರಿಗಣಿಸಿ.

ಹೊಸ ಟಾಸ್ ಸಮಯದ ಬಗ್ಗೆ ಯಾವುದೇ ಅಧಿಕೃತ ದೃಢೀಕರಣವಿಲ್ಲ. ಈಡನ್ ಗಾರ್ಡನ್‌ನಲ್ಲಿ ಕೋಲ್ಕತ್ತಾದ ಪಂಜಾಬ್ ಕಿಂಗ್ಸ್ ವಿರುದ್ಧದ ಗುಂಪು ಹಂತದ ಪಂದ್ಯ ಮಳೆಯಿಂದಾಗಿ ರದ್ದಾಗಿದೆ.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು 11 ಪಂದ್ಯಗಳಿಂದ 14 ಅಂಕಗಳನ್ನು ಹೊಂದಿದೆ ಮತ್ತು ಅವರಿಗೆ ಮೂರು ಸ್ಪರ್ಧೆಗಳು ಉಳಿದಿವೆ. ಮತ್ತೊಂದೆಡೆ, ಕೋಲ್ಕತ್ತಾ 10 ಪಂದ್ಯಗಳಿಂದ 9 ಅಂಕಗಳೊಂದಿಗೆ ಎಂಟನೇ ಸ್ಥಾನದಲ್ಲಿದೆ. ತಮ್ಮ ಅಭಿಯಾನವನ್ನು ಪುನರುಜ್ಜೀವನಗೊಳಿಸಲು ಅವರು ಸತತ ನಾಲ್ಕು ಪಂದ್ಯಗಳನ್ನು ಗೆದ್ದಿದ್ದಾರೆ.

ಆದರೆ, ಕಳೆದ ಕೆಲವು ಪಂದ್ಯಗಳಲ್ಲಿ ಬೆಂಗಳೂರು ತಂಡದ ಪ್ರದರ್ಶನ ಯಾವುದೇ ಮಟ್ಟದಲ್ಲಿರಲಿಲ್ಲ. ವಿರಾಟ್ ಕೊಹ್ಲಿ ಸತತ ಎರಡು ಬಾರಿ ಔಟಾದರು. ಇತರ ಬ್ಯಾಟರ್‌ಗಳು ಸಹ ಹೋಗಲು ಕಷ್ಟಪಡುತ್ತಿದ್ದಾರೆ.

ಅಜಿಂಕ್ಯ ರಹಾನೆ ಕೆಕೆಆರ್ ನಾಯಕರಾಗಿದ್ದರೆ, ರಜತ್ ಪಾಟಿದಾರ್ ಆರ್‌ಸಿಬಿ ನಾಯಕರಾಗಿದ್ದಾರೆ.

French Open: ಯಾನಿಕ್‌ ಸಿನ್ನರ್‌- ಕಾರ್ಲೋಸ್‌ ಅಲ್ಕರಾಜ್‌ ಪೈಪೋಟಿಯಲ್ಲಿ ಯಾರಿಗೆ ಒಲಿಯಲಿದೆ ಫ್ರೆಂಚ್‌ ಓಪನ್‌ ಕಿರೀಟ

Sun, 08 Jun 2025 11:10:00 +0530

Photo Courtesy X

ಪ್ಯಾರಿಸ್‌: ವಿಶ್ವದ ನಂಬರ್‌ 1 ಆಟಗಾರ ಯಾನಿಕ್‌ ಸಿನ್ನರ್‌ ಮತ್ತು ವಿಶ್ವದ ಎರಡನೇ ರ‍್ಯಾಂಕ್‌ನ ಕಾರ್ಲೋಸ್‌ ಅಲ್ಕರಾಜ್‌ ಇಂದು ಫ್ರೆಂಚ್‌ ಓಪನ್‌ ಟೆನಿಸ್‌ ಫೈನಲ್‌ನಲ್ಲಿ ಮುಖಾಮುಖಿಯಾಗಲಿದ್ದಾರೆ. ಗೆದ್ದವರಿಗೆ ಆಕರ್ಷಕ ಟ್ರೋಫಿಯೊಂದಿಗೆ ₹25 ಕೋಟಿ ಬಹುಮಾನ ಸಿಗಲಿದೆ.

ಇಟಲಿಯ ಯಾನಿಕ್‌ ಸಿನ್ನರ್‌ ಅವರು ಪುರುಷರ ಸಿಂಗಲ್ಸ್‌ ಸೆಮಿಫೈನಲ್‌ನಲ್ಲಿ ಸರ್ಬಿಯಾದ ದಿಗ್ಗಜ ನೊವಾಕ್‌ ಜೊಕೊವಿಚ್‌ ಅವರನ್ನು ಮಣಿಸಿ ಫ್ರೆಂಚ್‌ ಓಪನ್ ಟೆನಿಸ್‌ ಟೂರ್ನಿಯ ಫೈನಲ್‌ ತಲುಪಿದರು. ಸ್ಪೇನ್‌ ಅಲ್ಕರಾಜ್‌ ಅವರು ಇಟಲಿಯ ಲೊರೆಂಜೊ ಮುಸೆಟ್ಟಿ ವಿರುದ್ಧ ಗೆದ್ದು ಪ್ರಶಸ್ತಿ ಸುತ್ತು ಪ್ರವೇಶಿಸಿದ್ದರು.

23 ವರ್ಷ ವಯಸ್ಸಿನ ಸಿನ್ನರ್‌ 6-4, 7-5, 7-6(3)ರಲ್ಲಿ ನೇರ ಸೆಟ್‌ಗಳಿಂದ ಆರನೇ ಶ್ರೇಯಾಂಕದ ಜೊಕೊವಿಚ್‌ ಅವರನ್ನು ಹಿಮ್ಮೆಟ್ಟಿಸಿ ರೋಲ್ಯಾಂಡ್‌ ಗ್ಯಾರೋಸ್‌ನಲ್ಲಿ ಮೊದಲ ಬಾರಿ ಫೈನಲ್‌ ತಲುಪಿದರು. ದಾಖಲೆಯ 25ನೇ ಗ್ರ್ಯಾನ್‌ಸ್ಲಾಮ್‌ ಕಿರೀಟದ ನಿರೀಕ್ಷೆಯಲ್ಲಿದ್ದ 38 ವರ್ಷ ವಯಸ್ಸಿನ ಜೊಕೊವಿಚ್‌ಗೆ ನಿರಾಸೆಯಾಯಿತು.

ಗಾಫ್‌ಗೆ ಪ್ರಶಸ್ತಿ: ಸೆಟ್‌ ಹಿನ್ನಡೆಯಿಂದ ಅಮೋಘ ರೀತಿ ಚೇತರಿಸಿಕೊಂಡ ಕೊಕೊ ಗಾಫ್ ಅವರು ಅಗ್ರ ಶ್ರೇಯಾಂಕದ ಅರಿನಾ ಸಬಲೆಂಕಾ ಅವರನ್ನು ಶನಿವಾರ 6-7 (5), 6-2, 6-4 ರಿಂದ ಆಘಾತ ನೀಡಿ ಮೊದಲ ಬಾರಿ ಫ್ರೆಂಚ್‌ ಓಪನ್‌ ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದುಕೊಂಡರು.

ಇದು ಅಮೆರಿಕದ ಆಟಗಾರ್ತಿಗೆ ಎರಡನೇ ಗ್ರ್ಯಾನ್‌ಸ್ಲಾಮ್‌ ಪ್ರಶಸ್ತಿ. 2015ರಲ್ಲಿ ಸೆರೆನಾ ವಿಲಿಯಮ್ಸ್‌ ರೋಲ್ಯಾಂಡ್‌ ಗ್ಯಾರೋಸ್‌ನಲ್ಲಿ ಪ್ರಶಸ್ತಿ ಗೆದ್ದ ನಂತರ, ಈ ಸಾಧನೆಗೆ ಪಾತ್ರರಾದ ಅಮೆರಿಕದ ಮೊದಲ ಆಟಗಾರ್ತಿ ಎಂಬ ಹಿರಿಮೆ 21 ವರ್ಷ ವಯಸ್ಸಿನ ಗಾಫ್ ಅವರದಾಯಿತು.

ಕುಸ್ತಿಪಟುವಿನ ಕೊಲೆ ಪ್ರಕರಣದಲ್ಲಿ ಒಲಿಂಪಿಕ್ ಡಬಲ್‌ ಪದಕ ವಿಜೇತ ಸುಶೀಲ್ ಕುಮಾರ್‌ಗೆ ಬಿಗ್‌ ರಿಲೀಫ್‌

Tue, 04 Mar 2025 14:32:00 +0530

Photo Courtesy X

ನವದೆಹಲಿ: ಕೊಲೆ ಪ್ರಕರಣದಲ್ಲಿ ಒಲಿಂಪಿಕ್ ಪದಕ ವಿಜೇತ ಕುಸ್ತಿಪಟು ಸುಶೀಲ್ ಕುಮಾರ್ ಅವರಿಗೆ ದೆಹಲಿ ಹೈಕೋರ್ಟ್‌ನಿಂದ ಬಿಗ್‌ ರಿಲೀಫ್‌ ಸಿಕ್ಕಿದೆ.

ರಾಷ್ಟ್ರೀಯ ಜೂನಿಯರ್ ಕುಸ್ತಿ ಚಿನ್ನದ ಪದಕ ವಿಜೇತ ಸಾಗರ್ ಧಂಖರ್ ಅವರ ಕೊಲೆ ಆರೋಪದ ಮೇಲೆ ಜೈಲಿನಲ್ಲಿದ್ದ ಒಲಿಂಪಿಕ್ ಪದಕ ವಿಜೇತ ಕುಸ್ತಿಪಟು ಸುಶೀಲ್ ಕುಮಾರ್ ಅವರಿಗೆ ಹೈಕೋರ್ಟ್ ನಿಯಮಿತ ಜಾಮೀನು ಮಂಜೂರು ಮಾಡಿದೆ.

ಕೊಲೆ ಪ್ರಕರಣದಡಿ 2021ರ ಜೂನ್ 2ರಂದು ಸುಶೀಲ್ ಕುಮಾರ್ ಅವರನ್ನು ಬಂಧಿಸಲಾಗಿತ್ತು. 2023ರ ಜುಲೈನಲ್ಲಿ ಮೊಣಕಾಲು ಶಸ್ತ್ರಚಿಕಿತ್ಸೆಗಾಗಿ ಅವರಿಗೆ 7 ದಿನಗಳ ಮಧ್ಯಂತರ ಜಾಮೀನು ನೀಡಲಾಗಿತ್ತು. ಇದಾದ ಬಳಿಕ ಮತ್ತೆ ಜೈಲು ಪಾಲಾಗಿದ್ದರು.

ಆಸ್ತಿ ವಿವಾದಕ್ಕೆ ಸಂಬಂಧಿಸಿದಂತೆ 2021ರ ಮೇ 4ರಂದು ದೆಹಲಿಯ ಛತ್ರಸಾಲ್ ಕ್ರೀಡಾಂಗಣದ ಪಾರ್ಕಿಂಗ್ ಸ್ಥಳದಲ್ಲಿ ಸಾಗರ್ ಧಂಖರ್ ಮತ್ತು ಅವರ ಸ್ನೇಹಿತರಾದ ಜೈ ಭಗವಾನ್ ಮತ್ತು ಭಗತ್ ಮೇಲೆ ಸುಶೀಲ್ ಕುಮಾರ್ ಅವರು ಹಲ್ಲೆ ನಡೆಸಿದ್ದಾರೆಂಬ ಆರೋಪವಿದೆ. ಈ ದಾಳಿಯಲ್ಲಿ ಗಾಯಗೊಂಡಿದ್ದ ಸಾಗರ್ ಧಂಖರ್ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದರು.

ಸುಶೀಲ್ ಕುಮಾರ್ ಅವರು 2008 ರ ಬೀಜಿಂಗ್ ಒಲಿಂಪಿಕ್ಸ್‌ನಲ್ಲಿ ಕಂಚಿನ ಪದಕ ಗೆದಿದ್ದರು. 2012 ರ ಲಂಡನ್ ಒಲಿಂಪಿಕ್ಸ್‌ನಲ್ಲಿ ಬೆಳ್ಳಿ ಪದಕಕ್ಕೆ ಕೊರಳೊಡ್ಡಿದ್ದರು. ಹೀಗೆ ಸತತ ಎರಡು ಒಲಿಂಪಿಕ್ಸ್‌ನಲ್ಲಿ ಪದಕ ಗೆದ್ದ ಮೊದಲ ಭಾರತೀಯ ಎಂಬ ಹೆಗ್ಗಳಿಕೆಗೆ ಸುಶೀಲ್ ಕುಮಾರ್ ಪಾತ್ರರಾಗಿದ್ದರು.

ಹೆನ್ರಿ ಸಿಕ್ಸರ್ ಅಬ್ಬರಕ್ಕೆ ಕ್ಯಾಪಿಟಲ್ಸ್ ತಬ್ಬಿಬ್ಬು: ಚೇಸಿಂಗ್‌ ತಂಡವೇ ಗೆಲ್ಲುವ ಸಂಪ್ರದಾಯ ಮುರಿದ ಯುಪಿ

Sun, 23 Feb 2025 09:46:00 +0530

Photo Courtesy X

ಬೆಂಗಳೂರು: ಮಹಿಳಾ ಪ್ರೀಮಿಯರ್‌ ಲೀಗ್‌ ಕ್ರಿಕೆಟ್‌ ಟೂರ್ನಿಯ ಈ ಆವೃತ್ತಿಯ ಮೊದಲ ಆರು ಪಂದ್ಯಗಳಲ್ಲಿ ಚೇಸಿಂಗ್ ಮಾಡಿದ ತಂಡಗಳೇ ಜಯ ಸಾಧಿಸಿವೆ. ಆದರೆ, ಇದೇ ಮೊದಲ ಬಾರಿ ಮೊದಲು ಬ್ಯಾಟಿಂಗ್‌ ಮಾಡಿದ ತಂಡ ಜಯ ಸಾಧಿಸಿದೆ.

ಬೆಂಗಳೂರು ಎಂ.ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಶನಿವಾರ ನಡೆದ ಪಂದ್ಯದಲ್ಲಿ ಯುಪಿ ವಾರಿಯರ್ಸ್ ತಂಡವು 33 ರನ್‌ಗಳಿಂದ ಡೆಲ್ಲಿ ಕ್ಯಾಪಿಟಲ್ಸ್ ತಂಡವನ್ನು ಮಣಿಸಿ, ಚೇಸಿಂಗ್‌ ತಂಡವೇ ಗೆಲುವು ಸಾಧಿಸುವ ಸಂಪ್ರದಾಯವನ್ನು ಮುರಿಯಿತು. ಜೊತೆಗೆ ಹ್ಯಾಟ್ರಿಕ್‌ ಸೋಲನ್ನು ತಪ್ಪಿಸಿಕೊಂಡಿತು.

ಮೊದಲು ಬ್ಯಾಟಿಂಗ್‌ ಮಾಡಿದ ಯುಪಿ ವಾರಿಯರ್ಸ್‌ ತಂಡಕ್ಕೆ ಹೆನ್ರಿ ಆಸರೆಯಾದರು. ಅವರು ದಾಖಲೆಯ ಅರ್ಧಶತಕ ಸಿಡಿಸಿದರು. ಅವರಿ 23 ಎಸೆತಗಳಲ್ಲಿ ಎಂಟು ಸಿಕ್ಸ್ ಬಾರಿಸಿ ಒಟ್ಟು 62 ರನ್ ಗಳಿಸಿದರು. ಮೇಕ್ ಗ್ರಾತ್ 23 ಎಸೆತಗಳಲ್ಲಿ 24 ರನ್ ಗಳಿಸಿದ್ದರಿಂದ ವಾರಿಯರ್ಸ್‌ 9 ವಿಕೆಟ್‌ಗೆ 177 ರನ್ ಗಳಿಸಿತ್ತು.

178 ರರ್‌ಗಳ ಗುರಿ ಪಡೆದ ಡೆಲ್ಲಿ ತಂಡ ಆರಂಭದಲ್ಲೇ ಕುಸಿಯಿತು. ನಾಯಕಿ ಮೆಗ್ ಲ್ಯಾನಿಂಗ್ 5 ರನ್ ಗಳಿಸಿ ಔಟಾದರೆ, ಶಫಾಲಿ ವರ್ಮಾ 24 ರನ್ ಗಳಿಸಿ ಪೆವಿಲಿಯನ್‌ ಸೇರಿದರು. ಮರಿಜಾನ್ನೆ ಕಾಪ್ 9 ರನ್ ಮತ್ತು ಅನ್ನಾಬೆಲ್ ಸದರ್ಲ್ಯಾಂಡ್ 5 ರನ್ ಗಳಿಸಿ ಔಟಾದರು.

ಬಳಿಕ ಸ್ಪೊಟಕ ಬ್ಯಾಟಿಂಗ್ ಮಾಡಿದ ಜೆಮಿಮಾ ರಾಡ್ರಿಗಸ್ 35 ಎಸೆತಗಳಲ್ಲಿ 8 ಬೌಂಡರಿ, 1 ಸಿಕ್ಸ್ ನೆರವಿನೊಂದಿಗೆ 56 ರನ್ ಗಳಿಸಿ ತಂಡಕ್ಕೆ ಕೊಂಚ ಚೇತರಿಕೆ ನೀಡಿದರು. ನಂತರ ಬಂದ ಯಾವುದೇ ಬ್ಯಾಟರ್‌ಗಳು ದಡ ಸೇರಿಸುವಲ್ಲಿ ವಿಫಲವಾದರು. ಯುಪಿ ವಾರಿಯರ್ಸ್ ಪರ ಕ್ರಾಂತಿಗೌಡ್, ಗ್ರೇಸ್ ಹ್ಯಾರಿಸ್ ತಲಾ 4 ವಿಕೆಟ್ ಪಡೆದರು.

ನೀರಜ್ ಚೋಪ್ರಾ ಜತೆ ಮನು ಭಾಕರ್ ಮದುವೆ ಪ್ರಪೋಸಲ್, ಜೋಡಿ ಚೆನ್ನಾಗಿಲ್ವಾ

Mon, 12 Aug 2024 17:00:00 +0530

Photo Courtesy X

ನವದೆಹಲಿ: ಪ್ಯಾರಿಸ್‌ ಒಲಿಂಪಿಕ್ಸ್‌ನಲ್ಲಿ ಎರಡು ಕಂಚು ಗೆದ್ದಿರುವ ಭಾರತದ ಶೂಟರ್‌ ಮನು ಭಾಕರ್ ಅವರ ತಾಯಿ ಸುಮೇಧಾ ಭಾಕರ್ ಅವರು ಬೆಳ್ಳಿ ಪದಕ ವಿಜೇತ ನೀರಜ್ ಚೋಪ್ರಾ ಅವರನ್ನು ಭೇಟಿ ಮಾಡಿದ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದು. ಈ ವಿಡಿಯೋ ನೋಡಿದ ನೆಟ್ಟಿಗರು ಮಗಳಿಗೆ ಸಂಬಂಧ ಕುದುರಿಸುತ್ತಿದ್ಧೀರಾ ಎಂದು ತಮಾಷೆ ಮಾಡಿದ್ದಾರೆ.

ಪ್ಯಾರಿಸ್‌ನಲ್ಲಿ ನಡೆದ ಒಲಿಂಪಿಕ್ಸ್ ಸಮಾರೋಪ ಸಮಾರಂಭದಲ್ಲಿ ಸುಮೇಧಾ ಭಾಕರ್ ಮತ್ತು ನೀರಜ್ ಚೋಪ್ರಾ ಭೇಟಿಯಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಇವರಿಬ್ಬರ ಸಂಭಾಷಣೆಯ ದೃಶ್ಯಗಳನ್ನು ವೈರಲ್ ಮಾಡಿ, ನೆಟ್ಟಿಗರು ರೇಗಿಸಿದ್ದಾರೆ.

ಆದಾಗ್ಯೂ, ನೀರಜ್ ಚೋಪ್ರಾ ಅವರು ಸುಮೇಧಾ ಅವರು ಜತೆ ಮಾತನಾಡುವ ವಿಡಿಯೋ ಕೆಲವೇ ಕ್ಷಣಗಳಲ್ಲಿ ಇಂಟರ್‌ನೆಟ್‌ನಲ್ಲಿ ಬಿರುಗಾಳಿಯಂತೆ ಹರಿದಾಡಿದೆ. ಆ ಕ್ಲಿಪ್‌ನಲ್ಲಿ ಮನು ಭಾಕರ್ ಅವರ ತಾಯಿ ಸುಮೇಧಾ ಭಾಕರ್ ಅವರು ನೀರಜ್ ಚೋಪ್ರಾ ಕೈಹಿಡಿದು ಸಂಭಾಷಣೆಯಲ್ಲಿ ತೊಡಗಿದ್ದಾರೆ. ಎಕ್ಸ್‌ನಲ್ಲಿ ಈ ವೀಡಿಯೊ ಅರ್ಧ ಮಿಲಿಯನ್ ವೀಕ್ಷಣೆಗಳನ್ನು ಗಳಿಸಿದ್ದು, ನೀರಜ್ ಚೋಪ್ರಾ ಅವರನ್ನು ಅಳಿಯನ್ನಾಗಿ ಮಾಡಲು ಮಾತುಕತೆ ನಡೆಸುತ್ತಿರುವ ಹಾಗಿದೆ ಎಂದು ತಮಾಷೆ ಮಾಡಿದ್ದಾರೆ.

ಮತ್ತೊಬ್ಬ ಬಳಕೆದಾರರು, "ಭಾರತೀಯ ತಾಯಿ ತನ್ನ ಮಗಳ ಮದುವೆಯ ಬಗ್ಗೆ ಹುಡುಗನೊಂದಿಗೆ ಮಾತನಾಡುತ್ತಿದ್ದಾರೆ, ಎಂದಿದ್ದಾರೆ.

ಮದುವೆ ಆಗುತ್ತೇನೆಂದು ಒಪ್ಪಿಕೊಳ್ಳುವವರೆಗೂ ಬಿಡಬೇಡಿ ಎಂದು ಮತ್ತೊಬ್ಬರು ತಮಾಷೆ ಮಾಡಿದ್ದಾರೆ.

ಶೂಟರ್ ಮನು ಭಾಕರ್ ಅವರು ಒಲಿಂಪಿಕ್ ಕ್ರೀಡಾಕೂಟದ ಒಂದೇ ಆವೃತ್ತಿಯಲ್ಲಿ ಎರಡು ಪದಕಗಳನ್ನು ಗೆದ್ದ ಮೊದಲ ಭಾರತೀಯ ಕ್ರೀಡಾಪಟು ಎಂಬ ಹೆಗ್ಗಳಿಕೆ ಪಾತ್ರರಾಗುದ್ದಾರೆ. ಇವರು ಮಹಿಳೆಯರ 10 ಮೀ ಏರ್ ಪಿಸ್ತೂಲ್‌ನಲ್ಲಿ ಕಂಚಿನ ಪದಕಗಳನ್ನು ಗೆದ್ದರು ಮತ್ತು ಸರಬ್ಜೋತ್ ಸಿಂಗ್ ಅವರೊಂದಿಗೆ 10 ಮೀಟರ್ ಏರ್ ಪಿಸ್ತೂಲ್ ಮಿಶ್ರ ತಂಡ ಸ್ಪರ್ಧೆಯಲ್ಲಿ ಮೂರನೇ ಸ್ಥಾನ ಪಡೆದರು. ನಾಲ್ಕು ವರ್ಷಗಳ ಹಿಂದೆ ಟೋಕಿಯೋ ಒಲಿಂಪಿಕ್ಸ್‌ನಲ್ಲಿ ಚಾವೆಲಿನ್‌ ಥ್ರೋನಲ್ಲಿ ಚಿನ್ನ ಗೆದ್ದಿದ್ದ ನೀರಜ್ ಚೋಪ್ರಾ ಈ ಬಾರಿ ಬೆಳ್ಳಿ ಪದಕ ಪಡೆದರು.

ಏಷ್ಯಾ ಕಪ್‌ ಕ್ರಿಕೆಟ್‌: ದಾಖಲೆಯ ಎಂಟನೇ ಪ್ರಶಸ್ತಿ ಗೆಲ್ಲುವತ್ತ ಭಾರತದ ವನಿತೆಯರು

Sun, 28 Jul 2024 10:14:00 +0530

Photo Courtesy X

ದಂಬುಲಾ: ಮಹಿಳಾ ಏಷ್ಯಾಕಪ್‌ ಟಿ20 ಕ್ರಿಕೆಟ್‌ ಟೂರ್ನಿಯ ಫೈನಲ್‌ನಲ್ಲಿ ಹಾಲಿ ಚಾಂಪಿಯನ್ ಭಾರತ ತಂಡ ಇಂದು ಆತಿಥೇಯ ಶ್ರೀಲಂಕಾ ತಂಡವನ್ನು ಎದುರಿಸಲಿದೆ. ಹರ್ಮನ್‌ಪ್ರೀತ್‌ ಬಳಗವು ದಾಖಲೆ ಎಂಟನೇ ಬಾರಿ ಟ್ರೋಫಿ ಗೆಲ್ಲುವ ಗುರಿಯಲ್ಲಿದೆ.

ಅತ್ತ ಆತಿಥೇಯ ಲಂಕಾ ಚೊಚ್ಚಲ ಪ್ರಶಸ್ತಿ ಗೆಲ್ಲುವ ಇರಾದೆಯಲ್ಲಿದೆ. ಹೀಗಾಗಿ ಈ ಪಂದ್ಯದವನ್ನು ಹೈವೋಲ್ಟೇಜ್ ಎಂದು ನಿರೀಕ್ಷೆ ಮಾಡಬಹುದು.

ದಾಂಬುಲಾದ ರಂಗಿರಿ ಕ್ರಿಕೆಟ್ ಸ್ಟೇಡಿಯಂನ ಪಿಚ್ ಚೇಸಿಂಗ್ ನಡೆಸುವ ತಂಡಕ್ಕೆ ಹೆಚ್ಚಾಗಿ ಸಹಕಾರಿಯಾಗಿದೆ. ಅದರಲ್ಲೂ ಈ ಪಂದ್ಯ ಹಗಲು ರಾತ್ರಿ ನಡೆಯುವ ಕಾರಣ ಸ್ಪಿನ್ನಿಗೆ ಹೆಚ್ಚು ನೆರವು ನೀಡುತ್ತದೆ. ಹೀಗಾಗಿ ಇತ್ತಂಡಗಳು ಕೂಡ ಟಾಸ್ ಗೆದ್ದರೆ ಚೇಸಿಂಗ್ ಹಾಗೂ ಸ್ಪಿನ್ ಬೌಲಿಂಗ್ಗೆ ಹೆಚ್ಚಿನ ಪ್ರಾಮುಖ್ಯತೆ ನೀಡುವ ಸಾಧ್ಯತೆ ಇದೆ.

ಟೂರ್ನಿಯ ಮೊದಲ ಪಂದ್ಯದಲ್ಲಿ ಪಾಕಿಸ್ತಾನ ವಿರುದ್ಧ ಏಳು ವಿಕೆಟ್‌ಗಳ ಜಯ ಗಳಿಸಿದ ಭಾರತ ವನಿತೆಯರು, ನಂತರದ ಪಂದ್ಯಗಳಲ್ಲಿ ಯುಎಇ ವಿರುದ್ಧ 78ರನ್‌ಗಳಿಂದ, ನೇಪಾಳ ವಿರುದ್ಧ 82 ರನ್‌ಗಳಿಂದ ಮತ್ತು ಸೆಮಿಫೈನಲ್‌ನಲ್ಲಿ ಬಾಂಗ್ಲಾದೇಶ ವಿರುದ್ದ 10 ವಿಕೆಟ್‌ಗಳ ಸುಲಭ ಗೆಲುವು ಪಡೆದಿರುವುದು ತಂಡದ ಮೇಲುಗೈಯನ್ನು ಸೂಚಿಸುತ್ತಿದೆ.

ಮತ್ತೊಂದೆಡೆ ಶ್ರೀಲಂಕಾ ಕೂಡಾ ಟೂರ್ನಿಯಲ್ಲಿ ಅಜೇಯವಾಗುಳಿದಿದೆ. ಶ್ರೀಲಂಕಾದ ಆಧಿಪತ್ಯಕ್ಕೆ ನಾಯಕಿ ಚಾಮರಿ ಅಟ್ಟಪಟ್ಟು ಅವರ ಉತ್ತಮ ಫಾರ್ಮ್‌ ಕಾರಣವಾಗಿದೆ. ಅವರು ಈ ಟೂರ್ನಿಯಲ್ಲಿ 243 ರನ್‌ ಗಳಿಸಿ ಯಶಸ್ವಿ ಬ್ಯಾಟರ್ ಎನಿಸಿದ್ದಾರೆ.

ಮಳೆಯನ್ನೂ ಲೆಕ್ಕಿಸದೆ ಪ್ಯಾರಿಸ್‌ ಒಲಿಂಪಿಕ್ಸ್‌ ಉದ್ಘಾಟನೆಯಲ್ಲಿ ಭಾಗಿಯಾದ ಮುಖೇಶ್, ನೀತಾ ಅಂಬಾನಿ

Sat, 27 Jul 2024 16:01:00 +0530

Photo Courtesy X

ಪ್ಯಾರಿಸ್: ಅಂತಾರಾಷ್ಟ್ರೀಯ ಒಲಿಂಪಿಕ್ ಸಮಿತಿ(ಐಒಸಿ) ಸದಸ್ಯೆ ಮತ್ತು ರಿಲಯನ್ಸ್ ಫೌಂಡೇಶನ್‌ನ ಅಧ್ಯಕ್ಷೆ ನೀತಾ ಅಂಬಾನಿ ಮತ್ತು ರಿಲಯನ್ಸ್ ಇಂಡಸ್ಟ್ರೀಸ್ ಅಧ್ಯಕ್ಷ ಮುಖೇಶ್ ಅಂಬಾನಿ ಅವರು ಪ್ಯಾರಿಸ್‌ನಲ್ಲಿ ನಿನ್ನೆ ನಡೆದ ಒಲಿಂಪಿಕ್ಸ್ 2024 ರ ಉದ್ಘಾಟನಾ ಸಮಾರಂಭದಲ್ಲಿ ಪಾಲ್ಗೊಂಡರು.

ಈ ವಾರದ ಆರಂಭದಲ್ಲಿ, ನೀತಾ ಅಂಬಾನಿ ಅವರು ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿಯ (ಐಒಸಿ) ಸದಸ್ಯರಾಗಿ ಮರು ಆಯ್ಕೆಯಾದರು. 142 ನೇ IOC ಅಧಿವೇಶನದಲ್ಲಿ ಅವರು 100% ಮತಗಳೊಂದಿಗೆ ಸರ್ವಾನುಮತದಿಂದ ಗೆದ್ದರು.
ಮರು ಆಯ್ಕೆಯ ನಂತರ ಮಾತನಾಡಿದ ನೀತಾ ಅಂಬಾನಿ ಕೃತಜ್ಞತೆಗಳನ್ನು ವ್ಯಕ್ತಪಡಿಸಿದ್ದಾರೆ ಮತ್ತು "ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿಯ ಸದಸ್ಯರಾಗಿ ಮರು ಆಯ್ಕೆಯಾಗಿರುವುದು ನನಗೆ ಆಳವಾದ ಗೌರವವಾಗಿದೆ" ಎಂದು ಹೇಳಿದರು.

"ನನ್ನ ಮೇಲಿನ ನಂಬಿಕೆ ಮತ್ತು ನಂಬಿಕೆಗಾಗಿ ಅಧ್ಯಕ್ಷ ಬ್ಯಾಚ್ ಮತ್ತು IOC ನಲ್ಲಿರುವ ನನ್ನ ಎಲ್ಲಾ ಸಹೋದ್ಯೋಗಿಗಳಿಗೆ ನಾನು ಧನ್ಯವಾದ ಹೇಳಲು ಬಯಸುತ್ತೇನೆ. ಈ ಮರುಚುನಾವಣೆಯು ಕೇವಲ ವೈಯಕ್ತಿಕ ಮೈಲಿಗಲ್ಲು ಮಾತ್ರವಲ್ಲದೆ ಜಾಗತಿಕ ಕ್ರೀಡಾ ಕ್ಷೇತ್ರದಲ್ಲಿ ಭಾರತದ ಬೆಳೆಯುತ್ತಿರುವ ಪ್ರಭಾವದ ಗುರುತಿಸುವಿಕೆಯಾಗಿದೆ. ನಾನು ಇದನ್ನು ಹಂಚಿಕೊಳ್ಳುತ್ತೇನೆ. ಪ್ರತಿಯೊಬ್ಬ ಭಾರತೀಯನೊಂದಿಗೆ ಸಂತೋಷ ಮತ್ತು ಹೆಮ್ಮೆಯ ಕ್ಷಣ ಮತ್ತು ಭಾರತದಲ್ಲಿ ಮತ್ತು ಪ್ರಪಂಚದಾದ್ಯಂತ ಒಲಿಂಪಿಕ್ ಆಂದೋಲನವನ್ನು ಬಲಪಡಿಸಲು ನಮ್ಮ ಪ್ರಯತ್ನಗಳನ್ನು ಮುಂದುವರಿಸಲು ಎದುರುನೋಡುತ್ತೇವೆ, ”ಎಂದು ಅವರು ಹೇಳಿದರು.

2016 ರಲ್ಲಿ ರಿಯೊ ಡಿ ಜನೈರೊ ಒಲಿಂಪಿಕ್ಸ್‌ನಲ್ಲಿ ಪ್ರತಿಷ್ಠಿತ ಸಂಸ್ಥೆಗೆ ಸೇರಲು ನೀತಾ ಅಂಬಾನಿ ಅವರನ್ನು ಮೊದಲು ನೇಮಿಸಲಾಯಿತು. ಅಲ್ಲಿಂದೀಚೆಗೆ, IOC ಗೆ ಸೇರುವ ಭಾರತದ ಮೊದಲ ಮಹಿಳೆಯಾಗಿ, ನೀತಾ ಅಂಬಾನಿ ಈಗಾಗಲೇ ಸಂಘಕ್ಕಾಗಿ ಉತ್ತಮ ದಾಪುಗಾಲುಗಳನ್ನು ಮಾಡಿದ್ದಾರೆ, ಅದೇ ಸಮಯದಲ್ಲಿ ಭಾರತದ ಕ್ರೀಡಾ ಮಹತ್ವಾಕಾಂಕ್ಷೆಗಳು ಮತ್ತು ಒಲಿಂಪಿಕ್ ದೃಷ್ಟಿಕೋನವನ್ನು ಸಹ ಚಾಂಪಿಯನ್ ಮಾಡಿದ್ದಾರೆ. 40 ವರ್ಷಗಳ ನಂತರ ಅಕ್ಟೋಬರ್ 2023 ರಲ್ಲಿ ಮುಂಬೈನಲ್ಲಿ ಮೊದಲ IOC ಅಧಿವೇಶನವನ್ನು ಆಯೋಜಿಸುವುದನ್ನು ಇದು ಒಳಗೊಂಡಿದೆ, ಇದು ಹೊಸ, ಮಹತ್ವಾಕಾಂಕ್ಷೆಯ ಭಾರತವನ್ನು ಜಗತ್ತಿಗೆ ಪ್ರದರ್ಶಿಸುತ್ತದೆ ಎಂದು ಪ್ರಶಂಸಿಸಲಾಯಿತು.

Sanju Samson: ವಿಪರೀತ ಕೋಪ, ವಿವಾದಗಳ ರಾಜನಾಗಿದ್ದ ಸಂಜು ಸ್ಯಾಮ್ಸನ್

Sat, 04 May 2024 10:51:00 +0530

Photo Courtesy: Twitter

ತಿರುವನಂತರಪುರಂ: ಕೇರಳ ಮೂಲದ ಕ್ರಿಕೆಟಿಗ ಸಂಜು ಸ್ಯಾಮ್ಸನ್ ಇಂದು ಐಪಿಎಲ್ ನಲ್ಲಿ ರಾಜಸ್ಥಾನ್ ರಾಯಲ್ಸ್ ತಂಡದ ನಾಯಕನಾಗಿ ಮಿಂಚುವುದರ ಜೊತೆಗೆ ಟಿ20 ವಿಶ್ವಕಪ್ ಗೆ ಟೀಂ ಇಂಡಿಯಾದಲ್ಲೂ ಸ್ಥಾನ ಪಡೆಯಲು ಯಶಸ್ವಿಯಾಗಿದ್ದಾರೆ.

ಸಂಜು ಸ್ಯಾಮ್ಸನ್ ಗೆ ಪ್ರತಿಭೆಯಿದ್ದರೂ ಅದಕ್ಕೆ ತಕ್ಕಷ್ಟು ಭಾರತ ತಂಡದಲ್ಲಿ ಅವಕಾಶ ಸಿಗಲಿಲ್ಲ ಎಂಬ ಆಕ್ಷೇಪ ಅವರ ಅಭಿಮಾನಿಗಳಲ್ಲಿದೆ. ಇದಕ್ಕೆ ವಿಕೆಟ್ ಕೀಪರ್ ‍ಬ್ಯಾಟಿಗ ಸ್ಥಾನಕ್ಕೆ ಭಾರತ ತಂಡದಲ್ಲಿದ್ದ ಪೈಪೋಟಿ ಪ್ರಮುಖ ಕಾರಣ. ಆದರೆ ಎಷ್ಟೇ ಬಾರಿ ಆಯ್ಕೆಗಾರರ ಅವಕೃಪೆಗೊಳಗಾಗಿದ್ದರೂ ಸಂಜು ತಾಳ್ಮೆಯಿಂದಲೇ ತಮ್ಮ ಅವಕಾಶಕ್ಕಾಗಿ ಕಾದು ಕುಳಿತಿದ್ದರು. ಆದರೆ ಸಂಜು ಮೊದಲು ಹೀಗಿರಲಿಲ್ಲ.

ಕೇರಳ ತಂಡದ ಪರ ಆಡುವಾಗ ಆಗಷ್ಟೇ ಪ್ರವರ್ಧಮಾನಕ್ಕೆ ಬರುತ್ತಿದ್ದ ಸಂಜು ವಿಪರೀತ ಕೋಪಿಷ್ಠ, ವಿವಾದಗಳ ರಾಜನಂತಿದ್ದರು. ಕೇರಳ ತಂಡದಲ್ಲಿ ರಣಜಿ ಆಡುವಾಗ ಅವರು ರಾಜ್ಯ ಕ್ರಿಕೆಟ್ ಅಸೋಸಿಯೇಷನ್ ನಿಂದ ಶಿಸ್ತು ಕ್ರಮವನ್ನೂ ಎದರುಸಿದ್ದರು. 2016 ರಲ್ಲಿ ರಣಜಿ ಆಡುವಾಗ ಹೇಳದೇ ಕೇಳದೇ ತಂಡವನ್ನು ಬಿಟ್ಟು ಹೊರಗೆ ಸುತ್ತಾಡಲು ಹೋಗಿದ್ದಕ್ಕೆ ಸಂಜು ವಿರುದ್ಧ ಶಿಸ್ತು ಕ್ರಮ ಕೈಗೊಳ್ಳಲಾಗಿತ್ತು.

ಇದೇ ರೀತಿ ಕೇರಳ ಪರ ಆಡುವಾಗ ಸಂಜು ಔಟಾಗಿದ್ದಕ್ಕೆ ಸಿಟ್ಟಿನಲ್ಲಿ ಬ್ಯಾಟ್ ಕುಕ್ಕಿ ಪೆವಿಲಿಯನ್ ನಲ್ಲಿ ಹಾನಿ ಮಾಡಿದ್ದಕ್ಕೆ ದಂಡನೆಗೊಳಗಾಗಿದ್ದರು. ಕೇರಳ ನಾಯಕ ಸಚಿನ್ ಬೇಬಿ ಜೊತೆ ಅಶಿಸ್ತಿನ ವರ್ತನೆ ತೋರಿದ್ದಕ್ಕೆ 3 ಪಂದ್ಯಗಳ ನಿಷೇಧಕ್ಕೂ ಒಳಗಾಗಿದ್ದರು.

ಇಂತಹ ದುರ್ವರ್ವತನೆಗಳಿಂದಲೇ ಸುದ್ದಿಯಾಗಿದ್ದ ಸಂಜು ಸ್ಯಾಮ್ಸನ್ ರಾಹುಲ್ ದ್ರಾವಿಡ್ ಗರಡಿಯಲ್ಲಿ ಎ ತಂಡದ ಪರ ಆಡಲು ಆರಂಭಿಸಿದ ಮೇಲೆ ಕ್ರಿಕೆಟಿಗನಾಗಿ ಕೊಂಚ ಪ್ರಬುದ್ಧತೆ ಬೆಳೆಸಿಕೊಂಡರು. 2018 ರಲ್ಲಿ ಚಾರುಲತಾ ಜೊತೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟ ಬಳಿಕ ಸಂಜು ಸಂಪೂರ್ಣವಾಗಿ ಬದಲಾದರು. ಜೀವನದಲ್ಲಿ ಪತ್ನಿಯಿಂದಲೂ ತಾನು ಸಾಕಷ್ಟು ಕಲಿತಿರುವುದಾಗಿ ಸಂಜು ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದರು. ಅಂದಿನ ಸಂಜುಗೂ ಇಂದಿನ ಸಂಜುಗೂ ಸಾಕಷ್ಟು ವ್ಯತ್ಯಾಸವಿದೆ ಎನ್ನುವುದಕ್ಕೆ ಅವರ ಇತ್ತೀಚೆಗಿನ ವರ್ತನೆಗಳೇ ಸಾಕ್ಷಿ.

ನಿವೃತ್ತಿಯ ಸುಳಿವು ನೀಡಿದ್ರಾ ಧೋನಿ..!

Sat, 20 Nov 2021 20:09:00 +0530

















ಚೆನ್ನೈ : ಟಿ20 ಕ್ರಿಕೆಟ್ನ ಸ್ಪೋಟಕ ಬ್ಯಾಟರ್ ಎಬಿ ಡಿವಿಲಿಯರ್ಸ್ ಅವರ ನಿವೃತ್ತಿ ಬೆನ್ನಲ್ಲೇ ಇದೀಗ ಮಹೇಂದ್ರ ಸಿಂಗ್ ಧೋನಿಯ ಅವರ ಮುಂದಿನ ನಡೆಯೇನು? ಎಂಬ ಚರ್ಚೆಗಳು ಶುರುವಾಗಿದೆ.

ಏಕೆಂದರೆ ಧೋನಿ ಮುಂದಿನ ಸೀಸನ್ ಐಪಿಎಲ್ ಮೂಲಕ ಕ್ರಿಕೆಟ್ ಅಂಗಳಕ್ಕೆ ವಿದಾಯ ಹೇಳಲಿದ್ದಾರೆ ಎಂಬ ಸುದ್ದಿಗಳು ಹರಿದಾಡುತ್ತಿದೆ. ಇದಕ್ಕೆ ಪುಷ್ಠಿ ನೀಡುವಂತೆ ಇದೀಗ ಧೋನಿ ನೀಡಿರುವ ಹೇಳಿಕೆಯೊಂದು ಮಹತ್ವ ಪಡೆದುಕೊಂಡಿದೆ. ಚೆನ್ನೈನಲ್ಲಿ ನಡೆದ ‘ದಿ ಚಾಂಪಿಯನ್ಸ್ ಕಾಲ್’ ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಧೋನಿ, ನಾನು ಭಾರತದಲ್ಲಿ ನನ್ನ ಕೊನೆಯ ಏಕದಿನ ಪಂದ್ಯವನ್ನು ತವರಿನ ಪಿಚ್ ರಾಂಚಿ ಸ್ಟೇಡಿಯಂನಲ್ಲಿ ಆಡಿದ್ದೆ. ಹೀಗಾಗಿ ಟಿ20 ಕ್ರಿಕೆಟ್ನ ನನ್ನ ಕೊನೆಯ ಪಂದ್ಯವನ್ನು ಚೆನ್ನೈನಲ್ಲಿ ಆಡಲಿದ್ದೇನೆ ಎಂದು ತಿಳಿಸಿದ್ದಾರೆ.
“ನಾನು ಯಾವಾಗಲೂ ನನ್ನ ಕ್ರಿಕೆಟ್ ಜೀವನದ ಬಗ್ಗೆ ಪ್ಲ್ಯಾನ್ ಮಾಡಿಕೊಂಡಿದ್ದೇನೆ. ನನ್ನ ಕೊನೆಯ ತವರು ಏಕದಿನ ಪಂದ್ಯ ರಾಂಚಿಯಲ್ಲಿ ನಡೆದಿತ್ತು. ಇದೀಗ ನನ್ನ ಕೊನೆಯ ಖಿ20 ಪಂದ್ಯವು ಚೆನ್ನೈನಲ್ಲಿ ಆಡುವ ವಿಶ್ವಾಸವಿದೆ. ಆದರೆ ಅದು ಮುಂದಿನ ವರ್ಷವೋ ಅಥವಾ ಮುಂದಿನ ಐದು ವರ್ಷಗಳ ಬಳಿಕವೋ ಎಂಬುದು ನಿಜವಾಗಿಯೂ ತಿಳಿದಿಲ್ಲ” ಎಂದು ಧೋನಿ ಹೇಳಿದ್ದಾರೆ. ಈ ಮೂಲಕ ತಮ್ಮ ನಿವೃತ್ತಿ ಯಾವಾಗ ಎಂಬುದನ್ನು ಕೂಡ ಧೋನಿ ಮರೆಮಾಚುವ ಪ್ರಯತ್ನ ಮಾಡಿದ್ದಾರೆ.
ಬದಲಾಗಿ ಹರಾಜಿನಲ್ಲಿ ಹೆಸರು ನೋಂದಾಯಿಸಿ ತಂಡಕ್ಕೆ ಮರಳಲು ಬಯಸಿದ್ದಾರೆ. ಅವರ ಮೇಲೆ ಹೆಚ್ಚಿನ ಮೊತ್ತ ಹೂಡಿಕೆ ಮಾಡುವುದು ಬೇಡ ಎಂದಿದ್ದರು ಎಂದು ತಿಳಿಸಿದ್ದರು. ಇದರ ಬೆನ್ನಲ್ಲೇ ಧೋನಿ ಮುಂದಿನ ಸೀಸನ್ನಲ್ಲಿ ನಿವೃತ್ತಿ ಘೋಷಿಸಲಿದ್ದಾರೆ ಎನ್ನಲಾಗಿತ್ತು. ಇದೀಗ ಚೆಪಾಕ್ ಮೈದಾನದಲ್ಲಿ ಕೊನೆಯ ಟಿ20 ಪಂದ್ಯವಾಡುವುದಾಗಿ ಧೋನಿ ತಿಳಿಸಿದ್ದಾರೆ. ಹೀಗಾಗಿ ಸಿಎಸ್ಕೆ ಜೆರ್ಸಿಯಲ್ಲಿ ಧೋನಿ ಕ್ರಿಕೆಟ್ ಬದುಕಿಗೆ ಗುಡ್ ಬೈ ಹೇಳಲು ಬಯಸಿದ್ದಾರೆ ಎಂಬುದು ಬಹಿರಂಗವಾಗಿದೆ. ಇದಾಗ್ಯೂ ಅವರು ಯಾವಾಗ ನಿವೃತ್ತಿ ಎಂಬುದನ್ನು ಮಾತ್ರ ಬಹಿರಂಗಪಡಿಸಿಲ್ಲ.

ಭಾರತ ತಂಡಕ್ಕೆ ಹೊಸ ಮೆಂಟರ್ ಆಗಿ ಎಂ.ಎಸ್. ಧೋನಿ ಆಯ್ಕೆ!

Thu, 09 Sep 2021 08:17:00 +0530

ಮುಂಬೈ (ಸೆ 09) ; ಭಾರತ ಪ್ರಸ್ತುತ ಇಂಗ್ಲೆಂಡ್ ಎದುರು ಟೆಸ್ಟ್ ಸರಣಿಯಲ್ಲಿ ಮುನ್ನಡೆ ಸಾಧಿಸಿದೆ. ಆದರೆ, ಅಕ್ಟೋಬರ್ನಲ್ಲಿ ನಡೆಯಲಿರುವ ಟಿ-20 ವಿಶ್ವಕಪ್ ಟೂರ್ನಿ ಗೆಲುವು ನಿಜಕ್ಕೂ ಭಾರತದ ಅತ್ಯಂತ ದೊಡ್ಡ ಗುರಿಯಾಗಿದೆ.

ದಶಕಗಳ ನಂತರ ಮತ್ತೆ ಟಿ20 ವಿಶ್ವಕಪ್ಗೆ ಮುತ್ತಿಕ್ಕಲು ಭಾರತ ತಂಡ ವಿರಾಟ್ ಕೊಹ್ಲಿ ನೇತೃತ್ವದಲ್ಲಿ ಕಾತುರದಿಂದ ಕಾಯುತ್ತಿದೆ. ಆದರೆ, ಈ ಟೂರ್ನಿಗೆ ಭಾರತ ತಂಡದ ಮೆಂಟರ್ ಯಾರು? ಎಂಬ ಪ್ರಶ್ನೆ ಕಳೆದ ಒಂದು ವರ್ಷದಿಂದ ಭಾರೀ ಸದ್ದು ಮಾಡುತ್ತಿತ್ತು. ಆದರೆ, ಆ ಮಹತ್ವದ ಪ್ರಶ್ನೆಗೆ ಇಂದು ಕೊನೆಗೂ ಉತ್ತರ ಸಿಕ್ಕಿದೆ. ಸದ್ಯಕ್ಕೆ ಅಂತಾರಾಷ್ಟ್ರೀಯ ಕ್ರಿಕೆಟ್ನಿಂದ ನಿವೃತ್ತಿ ಪಡೆದು ಐಪಿಎಲ್ನಲ್ಲಿ ಸಕ್ರೀಯವಾಗಿರುವ ಯಶಸ್ವಿ ನಾಯಕ ಎಂ.ಎಸ್. ಧೋನಿಯನ್ನು ಮುಂದಿನ ಟಿ-20 ವಿಶ್ವಕಪ್ಗೆ ಭಾರತ ಕ್ರಿಕೆಟ್ ತಂಡದ ಮೆಂಟರ್ ಆಗಿ ಬಿಸಿಸಿಐ ಇಂದು ಘೋಷಿಸಿದೆ. ಈ ದಿಢೀರ್ ಬೆಳವಣಿಗೆ ಒಮ್ಮೆಲೆ ಅಚ್ಚರಿಗೂ ಕುತೂಹಲಕ್ಕೂ ಕಾರಣವಾಗಿದೆ.
ಎಂ.ಎಸ್. ಧೋನಿ ಭಾರತದ ಯಶಸ್ವಿ ನಾಯಕರಲ್ಲಿ ಒಬ್ಬರೆನಿಸಿಕೊಂಡಿದ್ದಾರೆ. 2007 ರಲ್ಲಿ ಮೊದಲ ಬಾರಿಗೆ ದಕ್ಷಿಣ ಆಫ್ರಿಕಾದಲ್ಲಿ ನಡೆದ ಟಿ20 ವಿಶ್ವಕಪ್ನಲ್ಲಿ ಭಾರತ ತಂಡದ ಸಾರಥ್ಯ ವಹಿಸಿದ್ದ ಧೋನಿ ನಂತರ ಹಿಂತಿರುಗಿ ನೋಡಿದ್ದೆ ಇಲ್ಲ. ಮೊದಲ ಟೂರ್ನಿಯಲ್ಲೇ ಭಾರತಕ್ಕೆ ವಿಶ್ವಕಪ್ ಜಯಿಸಿಕೊಟ್ಟಿದ್ದರು. ಅಲ್ಲದೆ ಅದೇ ವರ್ಷ ಏಕದಿನ ತಂಡಕ್ಕೂ ನಾಯಕರಾಗಿ ಬಡ್ತಿ ಹೊಂದಿದ್ದರು.
2008ರಲ್ಲಿ ಟೆಸ್ಟ್ಗೂ ನಾಯಕರಾಗುವ ಮೂಲಕ ಭಾರತದ ಎಲ್ಲಾ ಮಾದರಿಯ ಕ್ರಿಕೆಟ್ಗೂ ನಾಯಕರಾಗಿದ್ದರು. ಅಲ್ಲದೆ, 2011ರಲ್ಲಿ ಏಕದಿನ ವಿಶ್ವಕಪ್ ಗೆಲ್ಲುವ ಮೂಲಕ 28 ವರ್ಷಗಳ ನಂತರ ಭಾರತಕ್ಕೆ ಏಕದಿನ ವಿಶ್ವಕಪ್ ತಂದುಕೊಟ್ಟ ಶ್ರೇಯಕ್ಕೂ ಪಾತ್ರರಾಗಿದ್ದರು. ಅದೇ ವರ್ಷ ಚಾಂಪಿಯನ್ ಟ್ರೋಫಿಯನ್ನೂ ಗೆಲ್ಲುವ ಮೂಲಕ ಮೂರೂ ಮಾದರಿಯಲ್ಲಿ ಟ್ರೋಫಿ ಗೆದ್ದ ಏಕೈಕ ನಾಯಕ ಎಂಬ ಹೊಸ ಇತಿಹಾಸವನ್ನು ಎಂ.ಎಸ್. ಧೋನಿ ಬರೆದಿದ್ದರು.
ಇದಲ್ಲದೆ, 2015ರ ವಿಶ್ವಕಪ್ನಲ್ಲಿ ಧೋನಿ ನೃತೃತ್ವದ ಭಾರತ ತಂಡ ಮತ್ತೊಮ್ಮೆ ಸೆಮಿಫೈನಲ್ ತಲುಪಿತ್ತಾದರೂ ಎಡವಿತ್ತು. ಅದೇ ವರ್ಷ ನಾಯಕತ್ವಕ್ಕೆ ಧೋನಿ ಗುಡ್ ಬೈ ಹೇಳಿದ್ದರು. ವಿರಾಟ್ ಕೊಹ್ಲಿ ನೇತೃತ್ವದಲ್ಲಿ ಕೊಹ್ಲಿ ಕೊನೆಯ ಬಾರಿಗೆ 2019ರ ಏಕದಿನ ವಿಶ್ವಕಪ್ನಲ್ಲಿ ನ್ಯೂಜಿಲೆಂಡ್ ವಿರುದ್ದ ಸೆಮಿ ಫೈನಲ್ ಪಂದ್ಯದಲ್ಲಿ ಕಣಕ್ಕಿಳಿದಿದ್ದರು. ಅಲ್ಲದೆ, ಅರ್ಧ ಶತಕವನ್ನೂ ಬಾರಿಸಿದ್ದರು. ಆದರೆ, ದುರಾದೃಷ್ಟವಶಾತ್ ಈ ಪಂದ್ಯದಲ್ಲಿ ಭಾರತ ಸೋಲನುಭವಿಸಿತ್ತು.
ಆ ನಂತರ ಮಹೇಂದ್ರ ಸಿಂಗ್ ಧೋನಿ ವಿದಾಯ ಪಂದ್ಯ ಆಡುವ ಮೊದಲೇ ನಿವೃತ್ತಿ ಘೋಷಿಸಿದ್ದರು. ಹೀಗಾಗಿ ಭಾರತ ಕ್ರಿಕೆಟ್ ತಂಡದ ಯಶಸ್ವಿ ನಾಯಕನಿಗೆ ಬಿಸಿಸಿಐ ಭವಿಷ್ಯದಲ್ಲಿ ಯಾವ ಜವಾಬ್ದಾರಿ ನೀಡಲಿದೆ? ಎಂಬ ಪ್ರಶ್ನೆ ಎಲ್ಲೆಡೆ ಮನೆ ಮಾಡಿತ್ತು. ಆದರೆ, ಈ ಎಲ್ಲಾ ಪ್ರಶ್ನೆಗಳಿಗೆ ತೆರೆ ಎಳೆದಿರುವ ಬಿಸಿಸಿಐ ಕೊನೆಗೂ ಧೋನಿಯನ್ನು ಟಿ20 ವಿಶ್ವಕಪ್ಗೆ ಮೆಂಟರ್ ಆಗಿ ಆಯ್ಕೆ ಮಾಡಿದೆ. ಈ ಬೆಳವಣಿಗೆ ಸಾಮಾನ್ಯವಾಗಿ ಧೋನಿ ಅಭಿಮಾನಿಗಳಲ್ಲಿ ಸಂತೋಷವನ್ನು ಉಂಟು ಮಾಡಿದೆ.

ಭಾರತದ ಸ್ಟಾರ್ ಕುಸ್ತಿಪಟು ವಿನೀಶ್ ಪೋಗಟ್ ಅಮಾನತು

Tue, 10 Aug 2021 21:11:00 +0530

ಹಂಗೇರಿಯಲ್ಲಿ ಸ್ಪರ್ಧಿಸಿದ ನಂತರ ನೇರವಾಗಿ ಟೋಕಿಯೊಗೆ ಬಂದಿದ್ದ ವಿನೀತ್ ಪೋಗಟ್, ಉಳಿದ ಭಾರತೀಯ ಸ್ಪರ್ಧಿಗಳ ಜೊತೆ ಉಳಿದುಕೊಳ್ಳಲು ನಿರಾಕರಿಸಿದ್ದರು. ಸಹದ್ಯೋಗಿ ಕುಸ್ತಿಪಟುಗಳ ಜೊತೆ ಅಭ್ಯಾಸ ನಡೆಸಲು ನಿರಾಕರಿಸಿದ್ದರು. ಅಲ್ಲದೇ ಭಾರತೀಯ ಕ್ರೀಡಾಪಟುಗಳ ಪ್ರಯೋಜಕರ ಬ್ಯಾಡ್ಜ್ ಧರಿಸಲು ನಿರಾಕರಿಸಿದ್ದರು.

ವಿನೀತ್ ಪೋಗಟ್ ಒಲಿಂಪಿಕ್ಸ್ ಕ್ವಾರ್ಟರ್ ಫೈನಲ್ ನಲ್ಲಿ ಸೋಲುಂಡು ಹೊರಬಿದ್ದಿದ್ದರು. ಸೋಲಿನ ಬಗ್ಗೆ ಉತ್ತರ ನೀಡುವಂತೆ ಆಗಸ್ಟ್ 16ರೊಳಗೆ ಉತ್ತರ ನೀಡುವಂತೆ ಭಾರತೀಯ ಕುಸ್ತಿ ಸಂಸ್ಥೆ ಸೂಚಿಸಿದೆ.

ಟೋಕಿಯೊ ಒಲಿಂಪಿಕ್ಸ್ನಲ್ಲಿ ಅಮೆರಿಕಕ್ಕೆ ಅಗ್ರಸ್ಥಾನ!

Sun, 08 Aug 2021 17:17:00 +0530

ಟೋಕಿಯೊ ಒಲಿಂಪಿಕ್ಸ್ ನಲ್ಲಿ ಚೀನಾವನ್ನು ಹಿಂದಿಕ್ಕಿ ಅಮೆರಿಕ ಅಗ್ರಸ್ಥಾನಕ್ಕೆ ಲಗ್ಗೆ ಹಾಕಿದರೆ, ಭಾರತ ಒಲಿಂಪಿಕ್ಸ್ ಇತಿಹಾಸದಲ್ಲೇ ಗರಿಷ್ಠ ಸಾಧನೆಯ ಗರಿಯೊಂದಿಗೆ ವಿದಾಯ ಹೇಳಿತು.
ಜಪಾನ್ ರಾಜಧಾನಿ ಟೋಕಿಯೊದಲ್ಲಿ ಭಾನುವಾರ ಸಮಾರೋಪ ಸಮಾರಂಭ ನಡೆದಿದ್ದು, ಅಮೆರಿಕ 39 ಚಿನ್ನದ ಪದಕ ಸೇರಿದಂತೆ ಒಟ್ಟಾರೆ 113 ಪದಕಗಳೊಂದಿಗೆ ಅಗ್ರಸ್ಥಾನ ಪಡೆಯಿತು. ಆರಂಭದಿಂದಲೇ ಅಗ್ರಸ್ಥಾನದಲ್ಲಿದ್ದ ಚೀನಾ ಕೊನೆಯ ದಿನ ಒಂದು ಚಿನ್ನದ ಪದಕದಿಂದ ಹಿಂದೆ ಬಿದ್ದು

ಎರಡನೇ ಸ್ಥಾನಕ್ಕೆ ಕುಸಿಯಿತು.
ಭಾರತ ಉಪಾಂತ್ಯ ದಿನ ಜಾವೆಲಿನ್ ಎಸೆತದಲ್ಲಿ ನೀರಜ್ ಚೋಪ್ರಾ ಚಿನ್ನದ ಪದಕ ಗೆಲ್ಲುವ ಮೂಲಕ ಭಾರತ ಒಲಿಂಪಿಕ್ಸ್ ಇತಿಹಾಸದಲ್ಲೇ ಗರಿಷ್ಠ ಪದಕಗಳ ಸಾಧನೆ ಮಾಡಿತು. ಭಾರತ 1 ಚಿನ್ನ, 2 ಬೆಳ್ಳಿ, 4 ಕಂಚು ಸೇರಿದಂತೆ 7 ಪದಕ ಸಂಪಾದಿಸಿತು. ಈ ಮೂಲಕ ಲಂಡನ್ ಒಲಿಂಪಿಕ್ಸ್ ನಲ್ಲಿ 6 ಪದಕ ಗೆದ್ದಿದ್ದ ದಾಖಲೆಯನ್ನು ಹಿಂದಿಕ್ಕಿತು.
ಅಮೆರಿಕ 39, ಚಿನ್ನ, 41 ಬೆಳ್ಳಿ ಹಾಗೂ 33 ಕಂಚು ಸೇರಿದಂತೆ 113 ಪದಕ ಗೆದ್ದು ನಂ.1 ಸ್ಥಾನ ಗಳಿಸಿದರೆ, ಚೀನಾ 38 ಚಿನ್ನ, 32 ಬೆಳ್ಳಿ ಹಾಗೂ 18ಕಂಚು ಸೇರಿದಂತೆ 88 ಪದಕಗಳೊಂದಿಗೆ ಎರಡನೇ ಸ್ಥಾನಕ್ಕೆ ಕುಸಿಯಿತು. ಆತಿಥೇಯ ಜಪಾನ್ 27 ಚಿನ್ನ, 14 ಬೆಳ್ಳಿ ಹಾಗೂ 17 ಕಂಚು ಸೇರಿದಂತೆ 58 ಪದಕದೊಂದಿಗೆ ಮೂರನೇ ಸ್ಥಾನ ಪಡೆಯಿತು.
ಬ್ರಿಟನ್ 22 ಚಿನ್ನ, 21, ಬೆಳ್ಳಿ, 22 ಕಂಚು ಸೇರಿದಂತೆ 65 ಪದಕಗಳೊಂದಿಗೆ ನಾಲ್ಕನೇ ಸ್ಥಾನ ಗಳಿಸಿತು. ಯಾವುದೇ ದೇಶವನ್ನು ಪ್ರತಿನಿಧಿಸದೇ ಒಲಿಂಪಿಕ್ಸ್ ಬ್ಯಾನರ್ ನಡಿ ಸ್ಪರ್ಧಿಸಿದ್ದ ತಂಡ 20 ಚಿನ್ನ, 28 ಬೆಳ್ಳಿ ಹಾಗೂ 23 ಕಂಚು ಸೇರಿದಂತೆ 71 ಪದಕದೊಂದಿಗೆ 4ನೇ ಸ್ಥಾನ ಪಡೆದರೂ ಒಟ್ಟಾರೆ ಪದಕಗಳ ಪಟ್ಟಿಯಲ್ಲಿ 3ನೇ ಸ್ಥಾನ ಅಲಂಕರಿಸಿದ್ದಾರೆ.

ಫಿಟ್ನೆಸ್ ಜೊತೆಗೆ ಬಾಯಿರುಚಿಗೆ ಇದನ್ನು ತಿನ್ತಾರಂತೆ ನೀರಜ್!

Sun, 08 Aug 2021 14:04:00 +0530

ಭಾರತದ ಇತಿಹಾಸದಲ್ಲಿ ಹೊಸ ಮೈಲಿಗಲ್ಲು ಸೃಷ್ಟಿಸಿದ ನೀರಜ್ ಚೋಪ್ರಾ ಈಗ ಎಲ್ಲೆಡೆ ಮನೆ ಮಾತಾಗಿದ್ದಾರೆ. ಶನಿವಾರ ಟೋಕಿಯೋ ಒಲಿಂಪಿಕ್ಸ್ನ ಕ್ರೀಡಾಕೂಟದ ಜಾವೆಲಿನ್ ಥ್ರೋ ವಿಭಾಗದಲ್ಲಿ ಚಿನ್ನದ ಪದಕ ಗೆದ್ದ ನೀರಜ್ ಚೋಪ್ರಾ, ಭಾರತೀಯರ ಮನಸ್ಸನ್ನೂ ಗೆದ್ದಿದ್ದಾರೆ. ಪುರುಷರ ಜಾವೆಲಿನ್ ಥ್ರೋ ಅಂತಿಮ ಸುತ್ತಿನಲ್ಲಿ 87.58 ಮೀಟರ್ ದೂರ ಜಾವೆಲಿನ್ ಎಸೆಯುವ ಮೂಲಕ ನೀರಜ್ ಚೋಪ್ರಾ ಭಾರತಕ್ಕೆ ಚೊಚ್ಚಲ ಚಿನ್ನದ ಪದಕ ತಂದುಕೊಟ್ಟಿದ್ದಾರೆ. ಇದರಿಂದಾಗಿ ಭಾರತದ ಕೀರ್ತಿ ಉತ್ತುಂಗಕ್ಕೆ ಏರಿದೆ.

ಸದ್ಯ ದೇಶದೆಲ್ಲೆಡೆ ಮನೆ ಮಾತಾಗಿರುವ ಅಥ್ಲೀಟ್ ನೀರಜ್ ಚೋಪ್ರಾ ಅವರಿಗೆ ಗೋಲ್ಗಪ್ಪಾ ಅಂದ್ರೆ ಸಖತ್ ಇಷ್ಟವಂತೆ. ಸಂದರ್ಶನವೊಂದರಲ್ಲಿ ಮಾತನಾಡುತ್ತಿರುವಾಗ, ಈ ವಿಷಯವನ್ನು ನೀರಜ್ ಚೋಪ್ರಾ ಹೇಳಿದ್ದಾರೆ. ಫಾಸ್ಟ್ಫುಡ್ಗಳಲ್ಲಿ ಗೋಲ್ ಗಪ್ಪಾ ನನಗೆ ತುಂಬಾ ಇಷ್ಟ. ಇದು ಅಥ್ಲೀಟ್ಗಳಿಗೆ ಯಾವುದೇ ಆರೋಗ್ಯ ಸಮಸ್ಯೆ ಉಂಟು ಮಾಡಲ್ಲ. ಗೋಲ್ಗಪ್ಪಾದಲ್ಲಿ ಹೆಚ್ಚಾಗಿ ನೀರಿನ ಅಂಶವೇ ಇರುವುದರಿಂದ ತಿಂದಾಗ ಹೊಟ್ಟೆ ಸಂಪೂರ್ಣ ತುಂಬಿದ ಅನುಭವವಾಗುತ್ತದೆ. ಪುರಿ ನೋಡಲು ದೊಡ್ಡದಾಗಿ ಕಾಣುತ್ತೆ, ಆದರೆ ಅದಕ್ಕೆ ಬಹಳ ಕಡಿಮೆ ಹಿಟ್ಟನ್ನು ಬಳಸಿರುತ್ತಾರೆ. ಹೀಗಾಗಿ ನಾವು ಗೋಲ್ಗಪ್ಪಾ ತಿಂದಾಗ ಬರೀ ನೀರು ನಮ್ಮ ಹೊಟ್ಟೆಯನ್ನು ಸೇರುತ್ತದೆ. ತಿನ್ನುವಾಗ ಸ್ವಲ್ಪ ಸ್ಪೈಸ್(ಮಸಾಲ) ಎನಿಸುತ್ತೆ. ಆದರೂ ಅದು ಬೇರೆ ವಿಷಯ ಎಂದಿದ್ದಾರೆ.
ಗೋಲ್ಗಪ್ಪಾಗಿಂತ ಎರಡು ರೊಟ್ಟಿಯಲ್ಲಿ ಅಧಿಕ ಹಿಟ್ಟನ್ನು ಬಳಸಿರುತ್ತಾರೆ. ಜಾಸ್ತಿ ಗೋಲ್ಗಪ್ಪಾ ತಿಂದೆ ಎಂದು ಅಂದುಕೊಂಡರೂ ಸಹ, ನಮ್ಮ ಹೊಟ್ಟೆ ಸೇರಿರುವುದು ಬರೀ ನೀರು ಮಾತ್ರ. ಹಾಗಂತ ಅಥ್ಲೀಟ್ಗಳಿಗೆ ನಾನು ಪ್ರತೀ ದಿನ ಗೋಲ್ಗಪ್ಪಾ ತಿನ್ನಿ ಎಂದು ಸಲಹೆ ನೀಡಲ್ಲ. ಒಂದು ಸಲವಾದರೂ ಗೋಲ್ಗಪ್ಪಾ ತಿಂದು ಅದರ ರುಚಿ ಸವಿಯಿರಿ ಎಂದು ಹೇಳುತ್ತೇನೆ ಎಂದು ಇಂಟರ್ವ್ಯೂನಲ್ಲಿ ನೀರಜ್ ಚೋಪ್ರಾ ತಮ್ಮ ಡಯೆಟ್ ಚಾರ್ಟ್ ಬಗ್ಗೆ ಹೇಳಿದ್ದಾರೆ.
ಇನ್ನು, ನೀರಜ್ ಚೋಪ್ರಾ ಅವರು ಪದೇ ಪದೇ ತಿನ್ನುವ ತಿಂಡಿ ಬ್ರೆಡ್ ಮತ್ತು ಆಮ್ಲೆಟ್ ಅಂತೆ. ಹೀಗಂತ ಅವರೇ ಹೇಳಿಕೊಂಡಿದ್ದಾರೆ. ಮತ್ತೊಂದು ಕುತೂಹಲಕಾರಿ ವಿಷಯವೆಂದರೆ, ನೀರಜ್ ಚೋಪ್ರಾ ಸ್ವತಃ ತುಂಬಾ ರುಚಿಯಾಗಿ ವಿಭಿನ್ನ ಖಾದ್ಯಗಳನ್ನು ಮಾಡುತ್ತಾರಂತೆ. ನಮ್ಕೀನ್ ಚಾವಲ್(ಸ್ಪೈಸಿ ರೈಸ್) ಮಾಡುವುದರಲ್ಲಿ ಚೋಪ್ರಾ ಎತ್ತಿದ ಕೈಯಂತೆ. ಜನರು ಇದನ್ನು ವೆಜ್ ಬಿರಿಯಾನಿ ಎಂದು ಕರೆಯುತ್ತಾರೆ. ಈ ಡಿಶ್ನ್ನು ನಾನು ತುಂಬಾ ಚೆನ್ನಾಗಿ ಮಾಡುತ್ತೇನೆ ಎಂದು ಹೇಳಿದ್ದಾರೆ. ಟೂರ್ನಮೆಂಟ್ಸ್ ಇದ್ದಾಗ ನೀರಜ್ ಚೋಪ್ರಾ ಹೆಚ್ಚಾಗಿ ಸಲಾಡ್ಸ್ ಅಥವಾ ಹಣ್ಣುಗಳನ್ನು ತಿನ್ನುತ್ತಾರಂತೆ. ಜೊತೆಗೆ ಗ್ರಿಲ್ಲ್ಡ್ ಚಿಕನ್ ಬ್ರೀಸ್ಟ್ ಮತ್ತು ಮೊಟ್ಟೆಗಳನ್ನು ತಿನ್ನಲು ಇಷ್ಟಪಡುತ್ತಾರಂತೆ.
ನೀರಜ್ ಚೋಪ್ರಾ ಅವರಿಗೆ ಮನೆಯಲ್ಲಿ ಮಾಡುವ ಚೀಟ್ ಮೀಲ್ ಅಂದ್ರೆ ಇನ್ನೂ ತುಂಬಾ ಇಷ್ಟವಂತೆ (ರೊಟ್ಟಿಗೆ ಸಕ್ಕರೆ ಮತ್ತು ತುಪ್ಪವನ್ನು ಹಾಕಿಕೊಂಡು ತಿನ್ನುವುದು). ಚೋಪ್ರಾ ತಾಯಿ ಸರೋಜಾ ಮಗನ ಬರುವಿಕೆಗಾಗಿ ಕಾಯುತ್ತಿದ್ದಾರಂತೆ. ಅವರು ಟೋಕಿಯೋದಿಂದ ಬಂದ ಕೂಡಲೇ ಚೋಪ್ರಾಗೆ ಇಷ್ಟವಾಗುವ ಅಡುಗೆ ಚುರ್ಮಾವನ್ನು ಮಾಡಿ ಉಣಬಡಿಸುತ್ತಾರಂತೆ.

ಟೋಕಿಯೊ ಒಲಿಂಪಿಕ್ಸ್: 47ನೇ ಸ್ಥಾನಕ್ಕೆ ಜಿಗಿದ ಭಾರತ

Sat, 07 Aug 2021 18:26:00 +0530

ಪದಕ ಪಟ್ಟಿಯಲ್ಲಿ 67ನೇ ಸ್ಥಾನದಲ್ಲಿದ್ದ ಭಾರತ ನೀರಜ್ ಚೋಪ್ರಾ ಚಿನ್ನದ ಪದಕ ಗೆಲ್ಲುತ್ತಿದ್ದಂತೆ ಸುಮಾರು 20 ಸ್ಥಾನ ಬಡ್ತಿ ಪಡೆದು 47ನೇ ಸ್ಥಾನಕ್ಕೆ ಜಿಗಿತ ಕಂಡಿದೆ. ಭಾರತ ಈ ಒಲಿಂಪಿಕ್ಸ್ ನಲ್ಲಿ 1 ಚಿನ್ನ, 2 ಬೆಳ್ಳಿ ಹಾಗೂ 4 ಕಂಚು ಸೇರಿದಂತೆ 7 ಪದಕ ಗೆದ್ದುಕೊಂಡಿದೆ.

ಒಲಿಂಪಿಕ್ಸ್ ನಲ್ಲಿ ಇತಿಹಾಸ ಬರೆದ ನೀರಜ್ ಚೋಪ್ರಾ: ಜಾವೆಲಿನ್ ನಲ್ಲಿ ಭಾರತಕ್ಕೆ ಸ್ವರ್ಣ

Sat, 07 Aug 2021 17:41:00 +0530

ಶನಿವಾರ ನಡೆದ ಪುರುಷರ ಜಾವೆಲಿನ್ ಎಸೆತ ಫೈನಲ್ ನಲ್ಲಿ ನೀರಜ್ ಚೋಪ್ರಾ ಮೊದಲೆರಡು ಸುತ್ತುಗಳಲ್ಲಿ ಗರಿಷ್ಠ ಪ್ರದರ್ಶನ ಸ್ಥಳ.
ಮೊದಲ ಪ್ರಯತ್ನದಲ್ಲಿ 87.03 ಮೀ. ದೂರ ಎಸೆತ ನೀರಜ್ ಚೋಪ್ರಾ, ಎರಡನೇ ಪ್ರಯತ್ನದಲ್ಲಿ 87.58 ಮೀ. ಎಸೆತ ದಾಖಲಿಸಲಾಗಿದೆ. ಮುಂದಿನ ಪ್ರಯತ್ನದಲ್ಲಿ 76.79 ಮೀ. ಹಾಗೂ ನಾಲ್ಕನೇ ಪ್ರಯತ್ನದಲ್ಲಿ ಫೌಲ್ ಆಗಿ ನಿರಾಸೆ ಮೂಡಿಸಿದರು.

ಬೆಳ್ಳಿ ಗೆದ್ದ ರವಿ ದಾಹಿಯಾ: ಭಾರತಕ್ಕೆ ಒಲಿಂಪಿಕ್ಸ್ ನಲ್ಲಿ 5ನೇ ಪದಕ

Thu, 05 Aug 2021 16:54:00 +0530

ಗುರುವಾರ ನಡೆದ ಪುರುಷರ ಫ್ರೀಸ್ಟೈಲ್ 57 ಕೆಜಿ ವಿಭಾಗದ ಫೈನಲ್ ನಲ್ಲಿ ರವಿ ದಾಹಿಯಾ 7-4 ಅಂಕಗಳಿಂದ ರಷ್ಯಾದ ರೊಕ್ಸೊ ಜಾವುರ್ ಉಘೇವ್ ವಿರುದ್ಧ ಸೋಲುಂಡರು.
ರವಿಕುಮಾರ್ ಇದೀಗ ಸುಶೀಲ್ ಕುಮಾರ್ ನಂತರ ಕುಸ್ತಿಯಲ್ಲಿ ಭಾರತಕ್ಕೆ 2ನೇ ಬೆಳ್ಳಿ ಪದಕ ಗೆದ್ದ ಸಾಧನೆ ಮಾಡಿದ್ದಾರೆ. ಪ್ರಸ್ತುತ ಒಲಿಂಪಿಕ್ಸ್ ನಲ್ಲಿ ಮೀರಾ ಬಾಯಿ ಚಾನು ನಂತರ ಬೆಳ್ಳಿ ಗೆದ್ದ ಎರಡನೇ ಸ್ಪರ್ಧಿ ಎನಿಸಿಕೊಂಡರು. ತನಗಿಂತ ಪ್ರಬಲ ಸ್ಪರ್ಧಿಯ ವಿರುದ್ಧ ಜಿದ್ದಾಜಿದ್ದಿನ ಹೋರಾಟ ನಡೆಸಿದರೂ ರವಿ ದಾಹಿಯಾ ವೀರೋಚಿತ ಸೋಲುಂಡರು.

ಟೋಕಿಯೊ ಒಲಿಂಪಿಕ್ಸ್: ಮೊದಲ ಪ್ರಯತ್ನದಲ್ಲೇ ನೀರಜ್ ಚೋಪ್ರಾ ಫೈನಲ್ ಗೆ

Wed, 04 Aug 2021 17:48:00 +0530

ಜಾವೆಲಿನ್ ಎಸೆತ ಸ್ಪರ್ಧೆಯಲ್ಲಿ ನೀರಜ್ ಚೋಪ್ರಾ ಚೊಚ್ಚಲ ಪ್ರವೇಶದಲ್ಲೇ ಅತ್ಯುತ್ತಮ ಪ್ರದರ್ಶನ ನೀಡುವ ಮೂಲಕ ಒಲಿಂಪಿಕ್ಸ್ ಕ್ರೀಡಾಕೂಟದಲ್ಲಿ ಫೈನಲ್ ಪ್ರವೇಶಿಸಿದ್ದಾರೆ.
ಮಂಗಳವಾರ ನಡೆದ ಅರ್ಹತಾ ಸುತ್ತಿನಲ್ಲಿ 23

ವರ್ಷದ ನೀರಜ್ ಚೋಪ್ರಾ 86.65 ಮೀ. ದೂರ ಜಾವೆಲಿನ್ ಎಸೆಯುವ ಮೂಲಕ ಎ ದರ್ಜೆಯ ಸ್ಪರ್ಧಿಯಾಗಿ ಫೈನಲ್ ಗೆ ಲಗ್ಗೆ ಹಾಕಿದರು.
ನೀರಜ್ ಚೋಪ್ರಾ ಮೊದಲ ಪ್ರಯತ್ನದಲ್ಲೇ 83.50ಮೀ. ದೂರ ಎಸೆದಿದ್ದು, ಪದಕದ ಭರವಸೆ ಮೂಡಿಸಿದ್ದಾರೆ. ಕಳೆದ ಏಪ್ರಿಲ್ ನಲ್ಲಿ 90 ಮೀ. ದೂರದವರೆಗೆ ಎಸೆತ ದಾಖಲಿಸಿದ್ದ ಜರ್ಮನಿಯ ವೆಟ್ಟರ್ 7ನೇ ಸ್ಥಾನ ಪಡೆದು ನಿರಾಸೆ ಮೂಡಿಸಿದ್ದು, ಭಾರತದ ವಿಶ್ವಾಸ ಹೆಚ್ಚಿಸಿದೆ.

ಟೋಕಿಯೊ ಒಲಿಂಪಿಕ್ಸ್: ಗೆದ್ದ ಸಂಭ್ರಮದಲ್ಲಿ ಬಾಕ್ಸರ್ ಗೆ ಗಾಯ; ಸೋತ ಬಾಕ್ಸರ್ ಫೈನಲ್ ಗೆ!

Sun, 01 Aug 2021 20:11:00 +0530

ಭಾನುವಾರ ನಡೆದ ವಾಲ್ಟರ್ ವೇಟ್ ವಿಭಾಗದ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಐರ್ಲೆಂಡ್ ಬಾಕ್ಸರ್ ಅಡಿನ್ ವಾಲ್ಶ್, ಮಾರಿಷಶ್ ಬಾಕ್ಸರ್ ಮರ್ವಿನ್ ಕ್ಲೈರ್ ವಿರುದ್ಧ 4-1ರಿಂದ ಗೆಲುವು ಪಡೆದರು.

ಅಡಿನ್ ವಾಲ್ಶ್ ಗೆದ್ದ ಖುಷಿಯನ್ನು ಮೇಲೆ ಹಾರಿ ರಿಂಗ್ ನಲ್ಲಿಯೇ ಸಂಭ್ರಮಿಸಿದರು. ಸಂಭ್ರಮದಲ್ಲಿ ಮೈ ಮರೆತಿದ್ದರಿಂದ ಮೊಣಕಾಲು ಉಳುಕಿಕೊಂಡಿತು. ಕೂಡಲೇ ವೈದ್ಯರು ತಪಾಸಣೆ ಮಾಡಿದಾಗ ಗಾಯದ ಕಾರಣ ಮುಂದಿನ ಪಂದ್ಯಗಳಲ್ಲಿ ಆಡಲು ಸಾಧ್ಯವಿಲ್ಲ ಎಂದು ಘೋಷಿಸಿದರು.

ಅಡಿನ್ ವಾಲ್ಶ್ ಗಾಯಗೊಂಡಿದ್ದರಿಂದ ಸೋಲುಂಡಿದ್ದ ಮಾರಿಷಶ್ ಬಾಕ್ಸರ್ ಮರ್ವಿನ್ ಕ್ಲೈರ್ ಸೆಮಿಫೈನಲ್ ಪ್ರವೇಶಿಸಿದ್ದೂ ಅಚ್ಚರಿ ಎಂಬಂತೆ ಅಲ್ಲಿ ಗೆದ್ದು ಫೈನಲ್ ಪ್ರವೇಶಿಸಿದರು.

ಒಂದೇ ಒಲಿಂಪಿಕ್ಸ್ ನಲ್ಲಿ 7 ಪದಕ ಗೆದ್ದು ಇತಿಹಾಸ ಬರೆದ ಎಮ್ಮಾ ಮೆಕ್ಕೊಯಿನ್!

Sun, 01 Aug 2021 20:05:00 +0530

ಆಸ್ಟ್ರೇಲಿಯಾದ ಎಮ್ಮಾ ಮೆಕ್ಕೊಯಿನ್ ಟೋಕಿಯೊ ಒಲಿಂಪಿಕ್ಸ್ ನಲ್ಲಿ 7 ಪದಕ ಗೆಲ್ಲುವ ಮೂಲಕ ಒಂದೇ ಒಲಿಂಪಿಕ್ಸ್ ನಲ್ಲಿ ಅತೀ ಹೆಚ್ಚು ಪದಕ ಗೆದ್ದ ವಿಶ್ವದ ಮೊದಲ ಮಹಿಳೆ ಎಂಬ ದಾಖಲೆಗೆ ಪಾತ್ರರಾಗಿದ್ದಾರೆ.

ಹಾಲಿ ಚಾಂಪಿಯನ್ ಅಮೆರಿಕ ತಂಡವನ್ನು 4x100 ಮೀ. ರಿಲೆಯಲ್ಲಿ ಆಸ್ಟ್ರೇಲಿಯಾ ವನಿತೆಯರ ತಂಡ ಮಣಿಸಿ ಚಿನ್ನದ ಪದಕ ಪದಕ ಮುಡಿಗೇರಿಸಿಕೊಳ್ಳುವ ಮೂಲಕ ಒಂದೇ ಒಲಿಂಪಿಕ್ಸ್ ನಲ್ಲಿ 7 ಪದಕ ಗೆದ್ದ ದಾಖಲೆ ಬರೆದರು.

ಕೇಲಿ ಮೆಕ್ ಕೋಯಿನ್, ಚೆಲ್ಸಿಯಾ ಹೋಡ್ಜಸ್, ಮೆಕ್ ಕೊಯಿನ್ ಮತ್ತು

ಕೇಟ್ ಕ್ಯಾಂಪೆಲ್ ಅವರನ್ನೊಳಗೊಂಡ ತಂಡ 3 ನಿಮಿಷ, 51.60 ಸೆಕೆಂಡ್ ಗಳಲ್ಲಿ ಒಲಿಂಪಿಕ್ಸ್ ದಾಖಲೆಯೊಂದಿಗೆ ಗುರಿ ಮುಟ್ಟುವ ಮೂಲಕ ಸ್ವರ್ಣ ಪದಕ ಗೆದ್ದುಕೊಂಡಿತು. ಅಮೆರಿಕ ತಂಡ 3.51.73 ಸೆಕೆಂಡ್ ಗಳಲ್ಲಿ ಗುರಿ ಮುಟ್ಟಿ ಬೆಳ್ಳಿ ಪದಕಕ್ಕೆ ತೃಪ್ತಿ ಪಡೆಯಿತು. ಕೆನಡಾ ತಂಡ 3.52.60 ಸೆಕೆಂಡ್ ಗಳಲ್ಲಿ ತಲುಪಿ ಕಂಚಿನ ಪದಕ ಗಳಿಸಿತು.

27 ವರ್ಷದ ಎಮ್ಮಾ ಮೆಕ್ಕೊಯಿನ್ ಇದರೊಂದಿಗೆ ಟೋಕಿಯೊ ಒಲಿಂಪಿಕ್ಸ್ ನಲ್ಲಿ 4ನೇ ಚಿನ್ನದ ಪದಕ ಗೆದ್ದುಕೊಂಡಿದ್ದು, 3 ಕಂಚಿನ ಪದಕ ಗಳಿಸಿದ್ದಾರೆ. ಇದಕ್ಕೂ ಮುನ್ನ ಅಂದರೆ 1952ರಲ್ಲಿ ಪೂರ್ವ ಜರ್ಮನಿಯ ಕ್ರಿಸ್ಟಿನ್ ಒಟ್ಟೊ ಮತ್ತು 2008ರಲ್ಲಿ ಅಮೆರಿಕದ ನಥಾಲಿ ಕೌಫ್ಲಿನ್ ತಲಾ 6 ಪದಕಗಳನ್ನು ಗೆದ್ದ ದಾಖಲೆ ಹೊಂದಿದ್ದರು.

ಟೋಕಿಯೊ ಒಲಿಂಪಿಕ್ಸ್: 41 ವರ್ಷ ಬಳಿಕ ಸೆಮೀಸ್ ಗೆ ಭಾರತ ಹಾಕಿ ತಂಡ ಲಗ್ಗೆ

Sun, 01 Aug 2021 19:00:00 +0530

ಭಾರತ ತಂಡ 3-1 ಗೋಲುಗಳಿಂದ ಬ್ರಿಟನ್ ತಂಡವನ್ನು ಬಗ್ಗುಬಡಿದು ಟೋಕಿಯೊ ಒಲಿಂಪಿಕ್ಸ್ ನಲ್ಲಿ ಸೆಮಿಫೈನಲ್ ಪ್ರವೇಶಿಸುವ ಮೂಲಕ ಇತಿಹಾಸ ಬರೆದಿದೆ.
ಭಾನುವಾರ ನಡೆದ ಕ್ವಾರ್ಟರ್ ಫೈನಲ್ ನಲ್ಲಿ ಭಾರತ ದೀಪ್ ಪ್ರೀತ್ ಸಿಂಗ್ 2 ಹಾಗೂ ಹಾರ್ದಿಕ್ ಒಂದು ಗೋಲು ಬಾರಿಸಿ ಜಯಭೇರಿ ಬಾರಿಸಿತು. ಈ ಗೆಲುವಿನೊಂದಿಗೆ ಭಾರತ 1980ರ ನಂತರ ಇದೇ ಮೊದಲ ಬಾರಿ ಸೆಮಿಫೈನಲ್ ಪ್ರವೇಶಿಸಿತು. 1980ರಲ್ಲಿ ಚಿನ್ನದ ಪದಕ ಗೆದ್ದ ನಂತರ ಭಾರತ ಸೆಮಿಫೈನಲ್ ಪ್ರವೇಶಿಸಿರಲಿಲ್ಲ.
ದಿಲ್ ಪ್ರೀತ್ ಸಿಂಗ್ ಪಂದ್ಯದ 7ನೇ ನಿಮಿಷದಲ್ಲಿ ಮೊದಲ ಗೋಲು ಬಾರಿಸಿ ಶುಭಾರಂಭ ಮಾಡಿದರು. ನಂತರ ಎರಡನೇ ಕ್ವಾರ್ಟರ್ ನಲ್ಲಿ ಮತ್ತೊಂದು ಗೋಲು ಸಿಡಿಸಿ ಭಾರತದ ಗೆಲುವಿನ ಭರವಸೆ ಹೆಚ್ಚಿಸಿದರು.
ಬ್ರಿಟನ್ ಮೂರನೇ ಕ್ವಾರ್ಟರ್ ನಲ್ಲಿ ಗೋಲು ಸಿಡಿಸಿ ಅಂತರ ಕಡಿಮೆ ಮಾಡಿದರಾದರೂ ಹಾರ್ದಿಕ್ ಕೊನೆಯ ಹಂತದಲ್ಲಿ ಗೋಲು ಸಿಡಿಸಿ ಗೆಲುವಿನ ಅಂತರ ಹಿಗ್ಗಿಸಿದರು.

ಟೋಕಿಯೊ ಒಲಿಂಪಿಕ್ಸ್: ರಿಂಗ್ ನಲ್ಲೇ ಫ್ರಾನ್ಸ್ ಬಾಕ್ಸರ್ ಒಂದು ಗಂಟೆ ಪ್ರತಿಭಟನೆ!

Sun, 01 Aug 2021 17:22:00 +0530

ಪಂದ್ಯದಿಂದ ಅನರ್ಹಗೊಳಿಸಿದ್ದರಿಂದ ಅಸಮಾಧಾನಗೊಂಡ ಫ್ರಾನ್ಸ್ ಬಾಕ್ಸರ್ ರಿಂಗ್ ಒಳಗೆ ಸುಮಾರು ಒಂದೂವರೆ ಗಂಟೆ ಪ್ರತಿಭಟನೆ ನಡೆಸಿದ್ದೂ ಅಲ್ಲದೇ ಸಿಟ್ಟಿನಲ್ಲಿ ಕ್ಯಾಮರಾಗೆ ಗುದ್ದಿ ಧ್ವಂಸ ಮಾಡಿದ ಘಟನೆ ಟೋಕಿಯೊ ಒಲಿಂಪಿಕ್ಸ್ ನಲ್ಲಿ ನಡೆದಿದೆ.

ಸೂಪರ್ ಹೇವಿವೇಟ್ ಬಾಕ್ಸಿಂಗ್ ಪಂದ್ಯದ ವೇಳೆ ಮೌರದ್ ಅಲಿವ್ ಸುಮಾರು ಒಂದು ಗಂಟೆ ರಿಂಗ್ ನಲ್ಲಿ ಕುಳಿತು ಪ್ರತಿಭಟನೆ ನಡೆಸಿದರು. ಬ್ರಿಟನ್ ನ ಫ್ರೇಜರ್ ಕ್ಲಾರ್ಕ್ ವಿರುದ್ಧದ ಪಂದ್ಯದ ವೇಳೆ ಇಬ್ಬರು ತಲೆಗಳಲ್ಲಿ ಗುದ್ದಿಕೊಂಡಿದ್ದು. ಈ ವೇಳೆ ಮೌರದ್ ಅಲಿವ್ ನಿಯಮ ಮೀರಿದ ರೀತಿ

ಹೊಡೆತ ನೀಡಿದ್ದರಿಂದ ತೀರ್ಪುಗಾರರು ಅನರ್ಹ ಎಂದು ತೀರ್ಪು ನೀಡಿದರು.

ಇದರಿಂದ ರಿಂಗ್ ನಲ್ಲಿಯೇ ತಮ್ಮ ಅಸಮಾಧಾನ ಹೊರಹಾಕಿದ ಮೌರದ್, ಗಾಳಿಯಲ್ಲಿ ಗುದ್ದಿದ್ದೂ ಅಲ್ಲದೇ ಆಕ್ಷಾಪರ್ಹ ಸನ್ನೆಗಳನ್ನು ಮಾಡಿ ಆಕ್ರೋಶ ವ್ಯಕ್ತಪಡಿಸಿದರು. ಟೀವಿ ಕ್ಯಾಮರಾಗೆ ಗುದ್ದಿ ಹಾಳು ಮಾಡಿದ್ದೂ ಅಲ್ಲದೇ ರಿಂಗ್ ತೊರೆಯಲು ನಿರಾಕರಿಸಿ ಸುಮಾರು 20 ನಿಮಿಷ ಕಿರುಚಾಡಿದರು. ನಂತರ ಪ್ರತಿಭಟನೆ ನಡೆಸುವುದಾಗಿ ರಿಂಗ್ ಒಳಗೆ ಸುಮಾರು ಒಂದು ಗಂಟೆ ಕಾಲ ಕುಳಿತುಕೊಂಡಿದ್ದರು.

ತಲೆಯಲ್ಲಿ ಹೊಡೆದಿದ್ದರಿಂದ ಬ್ರಿಟನ್ ಸ್ಪರ್ಧಿಯ ಕಣ್ಣಿನ ಬಳಿ ಗಾಯವಾಗಿದ್ದು, 5 ಬಾರಿ ಊತ ಕಡಿಮೆ ಮಾಡಲು ಕಟ್ ಮಾಡಬೇಕಾಯಿತು. ಆದ್ದರಿಂದ ಫ್ರಾನ್ಸ್ ಸ್ಪರ್ಧಿಯನ್ನು ಅನರ್ಹಗೊಳಿಸಬೇಕಾಯಿತು ಎಂದು ತೀರ್ಪುಗಾರರು ಸ್ಪಷ್ಟನೆ ನೀಡಿದ್ದಾರೆ.

ಟೋಕಿಯೊ ಒಲಿಂಪಿಕ್ಸ್: ಭಾರತ ವನಿತೆಯರು ಕ್ವಾರ್ಟರ್ ಗೆ ಲಗ್ಗೆ

Sat, 31 Jul 2021 19:12:00 +0530

ಶನಿವಾರ ನಡೆದ ಪಂದ್ಯದಲ್ಲಿ ವಂದನಾ ಅವರ ಹ್ಯಾಟ್ರಿಕ್ ನೆರವಿನಿಂದ ಭಾರತ 4-3 ಗೋಲುಗಳಿಂದ ದಕ್ಷಿಣ ಆಫ್ರಿಕಾ ತಂಡವನ್ನು ಮಣಿಸಿತು. ಆದರೆ ಭಾರತ ಕ್ವಾರ್ಟರ್ ಫೈನಲ್ ಪ್ರವೇಶಿಸಬೇಕಾದರೆ ಬ್ರಿಟನ್ ಮತ್ತು ಐರ್ಲೆಂಡ್ ನಡುವಣ ಪಂದ್ಯದ ಫಲಿತಾಂಶಕ್ಕಾಗಿ ಕಾಯಬೇಕಾಗಿತ್ತು.
ಬ್ರಿಟನ್ 2-0 ಗೋಲುಗಳಿಂದ ಐರ್ಲೆಂಡ್ ತಂಡವನ್ನು ಬಗ್ಗುಬಡಿದಿದ್ದರಿಂದ ಐರ್ಲೆಂಡ್ ಲೀಗ್ ಹಂತದಿಂದ ಹೊರಬಿದ್ದರೆ, ಭಾರತ ಎ ಗುಂಪಿನಲ್ಲಿ ನಾಲ್ಕನೇ ಸ್ಥಾನಿಯಾಗಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿತು.

ಫೈನಲ್ ಗೆ ಕಮಲ್ ಪ್ರೀತ್ ಲಗ್ಗೆ: ಮಗಳ ಸಾಧನೆ ನೋಡದ ಅಪ್ಪ!

Sat, 31 Jul 2021 14:47:00 +0530

ಶನಿವಾರ ನಡೆದ ಅರ್ಹತಾ ಸುತ್ತಿನಲ್ಲಿ ಕಮಲ್ ಪ್ರೀತ್ ಸಿಂಗ್ ಆರಂಭದಲ್ಲೇ 60.29ಮೀ. ದೂರ ಡಿಸ್ಕಸ್ ಎಸೆದರೆ ನಂತರ ಗರಿಷ್ಠ 63.97 ಮೀ. ಎಸೆದು ಗರಿಷ್ಠ ಸಾಧನೆ ಮಾಡಿದರು.
ಆದರೆ ತಂದೆ ಊರಿನಲ್ಲಿ ಕೃಷಿ ಚಟುವಟಿಕೆಯಲ್ಲಿ ತೊಡಗಿದ್ದು, ಮಧ್ಯದಲ್ಲಿ ಬಿಟ್ಟುಬರಲು ಸಾಧ್ಯವಾಗದ ಕಾರಣ ಟೋಕಿಯೊದಲ್ಲಿ ಮಗಳ ಸಾಧನೆ ವೀಕ್ಷಿಸಲು ಬಂದಿರಲಿಲ್ಲ. ಅಲ್ಲದೇ ಟೀವಿಯಲ್ಲಿ ನೇರ ಪ್ರಸಾರದಲ್ಲೂ ನೋಡಲಿಲ್ಲ
25 ವರ್ಷದ ಪಟಿಯಾಲ ಮೂಲದ ಕಮಲ್ ಪ್ರೀತ್ 2021ರಲ್ಲಿ 66.49 ಮೀ. ಎಸೆತ ದಾಖಲಿಸಿರುವುದು ಈಗಲೂ ವಿಶ್ವದ ಗರಿಷ್ಠ 6 ಎಸೆತಗಳಲ್ಲಿ ಒಂದಾಗಿ ದಾಖಲಾಗಿದೆ. ಈ ಸಾಧನೆಯನ್ನು ಫೈನಲ್ ನಲ್ಲಿ ಪುನರಾವರ್ತಿಸಿದರೂ ಕನಿಷ್ಠ ಪದಕ ಖಚಿತಗೊಳ್ಳಲಿದೆ.
ಅರ್ಹತಾ ಸುತ್ತಿನಲ್ಲಿ 31 ಸ್ಪರ್ಧಿಗಳು ಕಣಕ್ಕಿಳಿದಿದ್ದು, ಇದರಲ್ಲಿ ಕಮಲ್ ಪ್ರೀತ್ ಕೇವಲ 2 ಬಾರಿ ಮಾತ್ರ ಯಶಸ್ವಿಯಾಗಿ ಡಿಸ್ಕಸ್ ಎಸೆಯುವಲ್ಲಿ ಸಫಲರಾದರು. ಆದರೆ ಎರಡನೇ ಯಶಸ್ವಿ ಪ್ರಯತ್ನದಲ್ಲೇ ಕಮಲಾ ಫೈನಲ್ ನಲ್ಲಿ ಸ್ಥಾನ ಪಡೆಯುವಲ್ಲಿ ಸಫಲರಾದರು. 64 ಮೀ.ಗಿಂತ ಹೆಚ್ಚು ದೂರ ಎಸೆದವರು ಸಹಜವಾಗಿ ಫೈನಲ್ ಪ್ರವೇಸುವ ಅವಕಾಶ ನೀಡಲಾಗಿತ್ತು. ಎರಡು ಬಾರಿಯ ಚಾಂಪಿಯನ್ ಸ್ಯಾಂಡ್ರಾ ಪೆರ್ಕೊವಿಕ್ 63.75 ಮೀ. ದೂರ ಎಸೆದಿದ್ದರು.
ಕಮಲ್ ಪ್ರೀತ್ ನನಗೆ ಪಂದ್ಯದ ಸಮಯ ಹೇಳಿದ್ದಳು. ಆದರೆ ಡಿಡಿಯಲ್ಲಿ ಆ ಸಮಯದಲ್ಲಿ ಬೇರೇನೋ ತೋರಿಸುತ್ತಿದ್ದು. ನನಗೆ ಕಾಯಲು ಸಮಯ ಇರಲಿಲ್ಲ. ನಮ್ಮ ಭೂಮಿಯಲ್ಲಿ ಕೃಷಿಗೆ ಕೆಲಸ ಬಾಕಿ ಇತ್ತು ಎಂದು ತಂದೆ ಕುಲದೀಪ್ ಸಿಂಗ್ ಹೇಳಿದ್ದಾರೆ.

ವಂದನಾ ಹ್ಯಾಟ್ರಿಕ್: ಟೋಕಿಯೊ ಒಲಿಂಪಿಕ್ಸ್ ನಲ್ಲಿ ಭಾರತದ ಪದಕ ಆಸೆ ಜೀವಂತ

Sat, 31 Jul 2021 14:35:00 +0530

ಶನಿವಾರ ನಡೆದ ಪಂದ್ಯದಲ್ಲಿ ಭಾರತ ತಂಡ 4-3 ಗೋಲುಗಳಿಂದ ದಕ್ಷಿಣ ಆಫ್ರಿಕಾ ತಂಡವನ್ನು ಬಗ್ಗುಬಡಿಯಿತು. ಬ್ರಿಟನ್ ವಿರುದ್ಧ ಐರ್ಲೆಂಡ್ ಗೆದ್ದರೆ ಭಾರತಕ್ಕೆ ಕ್ವಾರ್ಟರ್ ಫೈನಲ್ ನಲ್ಲಿ ಸ್ಥಾನ ಭದ್ರವಾಗಲಿದೆ. ಈ ಮೂಲಕ ಭಾರತದ ಪದಕ ಆಸೆ ಜೀವಂತವಾಗಿ ಉಳಿದಿದೆ.
ವಂದನಾ 4, 7 ಮತ್ತು 49ನೇ ನಿಮಿಷದಲ್ಲಿ ಗೋಲು ಸಿಡಿಸಿ ಹ್ಯಾಟ್ರಿಕ್ ಸಾಧನೆ ಮಾಡಿದರು. ನೇಹಾ ಗೋಯೆಲ್ 32ನೇ ನಿಮಿಷದಲ್ಲಿ ಒಂದು ಗೋಲು ಸಿಡಿಸಿ ಭಾರತದ ಗೆಲುವು ಖಚಿತಪಡಿಸಿದರು. ದಕ್ಷಿಣ ಆಫ್ರಿಕಾ ಪರ ಟರಯಾನ್ (15), ನಾಯಕಿ ಇರಿನ್ ಹಂಟರ್ (30ನೇ ನಿಮಿಷ) ಮತ್ತು ಮರಿಜೆನ್ ಮರಿಯಾಸ್ (39ನೇ ನಿಮಿಷ) ತಲಾ ಒಂದು ಗೋಲು ಬಾರಿಸಿ ಹೋರಾಟ ನಡೆಸಿದರು.

ಇತಿಹಾಸ ಬರೆದ ಬಾಕ್ಸರ್ ಲೊವಿನಾ: ಭಾರತಕ್ಕೆ 2ನೇ ಪದಕ ಖಚಿತ

Fri, 30 Jul 2021 10:27:00 +0530

ಇದೇ ಮೊದಲ ಬಾರಿ ಒಲಿಂಪಿಕ್ಸ್ ನಲ್ಲಿ ಸ್ಪರ್ಧಿಸುತ್ತಿರುವ ಲೊವಿನಾ ಬೊರ್ಗೊಯಿನ್ ವಾಲ್ಟರ್ ವೇಟ್ ವಿಭಾಗದ ಬಾಕ್ಸಿಂಗ್ ನ ಕ್ವಾರ್ಟರ್ ಫೈನಲ್ ನಲ್ಲಿ ಮಾಜಿ ವಿಶ್ವ ಚಾಂಪಿಯನ್ ಚೈನೀಸ್ ತೈಪೆಯ ಚೆನ್ ನಿಯಾನ್ ಚಿನ್ ಅವರನ್ನು ಮಣಿಸಿ ಸೆಮಿಫೈನಲ್ ಪ್ರವೇಶಿಸಿದರು.

ಲೊವಿನಾ ಇದೀಗ ಕನಿಷ್ಠ ಕಂಚಿನ ಪದಕ ತಮ್ಮದಾಗಿಸಿಕೊಂಡಿದ್ದಾರೆ. ಈ ಮೂಲಕ ಬಾಕ್ಸಿಂಗ್ ನಲ್ಲಿ ವಿಜೇಂದರ್ ಸಿಂಗ್ ಮತ್ತು ಮೇರಿ ಕೋಮ್ ನಂತರ ಒಲಿಂಪಿಕ್ಸ್ ನಲ್ಲಿ ಪದಕ ಗೆದ್ದ ಮೂರನೇ ಬಾಕ್ಸರ್ ಎಂಬ ಗೌರವಕ್ಕೆ ಪಾತ್ರರಾಗಿದ್ದಾರೆ.

ಟೋಕಿಯೊ ಒಲಿಂಪಿಕ್ಸ್ 6ನೇ ದಿನ: ಮೇರಿಗೆ ಆಘಾತ; ಪದಕದತ್ತ ಸಿಂಧು, ಅತನು ದಾಪುಗಾಲು

Thu, 29 Jul 2021 18:16:00 +0530

ಈ ಮೂಲಕ ಟೋಕಿಯೊ ಒಲಿಂಪಿಕ್ಸ್ ನ 6ನೇ ದಿನವಾದ ಗುರುವಾರ ಭಾರತ ನಿರಾಸೆ ಮುಂದುವರಿದಿದೆ.
ಟೋಕಿಯೊ ಒಲಿಂಪಿಕ್ಸ್ ನಲ್ಲಿ ಮೊದಲ ದಿನವೇ ಬೆಳ್ಳಿ ಪದಕ ಗೆದ್ದ ಭಾರತ ನಂತರದ 5 ದಿನಗಳಲ್ಲಿ ಒಂದೂ ಪದಕ ಗೆಲ್ಲದೇ ನಿರಾಸೆ ಮೂಡಿಸಿದೆ. ಆರ್ಚರಿ, ಶೂಟಿಂಗ್, ವನಿತೆಯರ ಹಾಕಿ ಸೇರಿದಂತೆ ಹಲವು ವಿಭಾಗಗಳಲ್ಲಿ ಎಡವಿದೆ. ಆದರೆ ಪದಕದ ಭರವಸೆ ಮೂಡಿಸಿದ್ದ ಕೆಲವು ಸ್ಪರ್ಧಿಗಳು ತಮ್ಮ ಆಸೆಯನ್ನು ಜೀವಂತವಾಗಿರಿಸಿಕೊಂಡಿದ್ದಾರೆ.
ಗುರುವಾರ ನಡೆದ 59 ಕೆಜಿ ವಿಭಾಗದ ವನಿತೆಯರ ಸಿಂಗಲ್ಸ್ ನಲ್ಲಿ ಮೇರಿಕೋಮ್ 2-3 ಸೆಟ್ ಗಳಿಂದ 4 ಬಾರಿಯ ಒಲಿಂಪಿಕ್ ಚಿನ್ನದ ಪದಕ ವಿಜೇತೆ ಇಂಗ್ರೆಟ್ ವಿಕ್ಟೋರಿಯಾ ವಿರುದ್ಧ ಆಘಾತ ಅನುಭವಿಸಿದರು.
ಆರ್ಚರಿ ರಿರ್ಕ್ಯೂ ವಿಭಾಗದಲ್ಲಿ ಭಾರತದ ಅತನು ದಾಸ್ ಅದ್ಭುತ ಪ್ರದರ್ಶನ ನೀಡುವ ಮೂಲಕ 16ರ ಘಟ್ಟದ ಪಂದ್ಯದಲ್ಲಿ ಲಂಡನ್ ಒಲಿಂಪಿಕ್ಸ್ ಚಿನ್ನದ ಪದಕ ವಿಜೇತ ಜಿನ್ ಯೆಕ್ ಅವರನ್ನು ಮಣಿಸಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದರು. ಮುಂದಿನ ಪಂದ್ಯದಲ್ಲಿ ಜಪಾನ್ ನ ಟಕಹರು ಫುರುಕೊವಾ ಅವರನ್ನು ಎದುರಿಸಲಿದ್ದಾರೆ.
ಮಹಿಳೆಯರ ಸಿಂಗಲ್ಸ್ ಬ್ಯಾಡ್ಮಿಂಟನ್ ವಿಭಾಗದಲ್ಲಿ 6ನೇ ಶ್ರೇಯಾಂಕಿತೆ ಪಿವಿ ಸಿಂಧು 21-15, 21-13 ನೇರ ಸೆಟ್ ಗಳಿಂದ ಡೆನ್ಮಾರ್ಕ್ ನ ಮಿಯಾ ಬ್ಲಿಚ್ ಫ್ಲೆಡೆಟ್ ಅವರನ್ನು ಮಣಿಸಿದರು.
ಪುರುಷರ 91 ಕೆಜಿ ವಿಭಾಗದ ಬಾಕ್ಸಿಂಗ್ ಸ್ಪರ್ಧೆಯ ಮೊದಲ ಸ್ಪರ್ಧೆಯಲ್ಲಿ ಸತೀಶ್ ಕುಮಾರ್ 4-1ರಿಂದ ಜಮೈಕಾದ ರಿಚಾರ್ಡೊ ಬ್ರೌನ್ ಅವರನ್ನು ಸೋಲಿಸಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದು, ಪದಕ ಗೆಲ್ಲಲು ಕೇವಲ ಒಂದು ಹೆಜ್ಜೆ ಅಗತ್ಯವಿದೆ.
ಭಾರತ ಪುರುಷರ ಹಾಕಿ ತಂಡ 3-1 ಗೋಲುಗಳಿಂದ ಹಾಲಿ ಚಾಂಪಿಯನ್ ಅರ್ಜೆಂಟೀನಾ ತಂಡವನ್ನು ಬಗ್ಗುಬಡಿಯುವ ಮೂಲಕ ಟೋಕಿಯೊ ಒಲಿಂಪಿಕ್ಸ್ ನಲ್ಲಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದೆ.

ಟೋಕಿಯೊ ಒಲಿಂಪಿಕ್ಸ್: ಹಾಲಿ ಚಾಂಪಿಯನ್ ಗೆ ಶಾಕ್ ನೀಡಿದ ಭಾರತ ಹಾಕಿ ತಂಡ

Thu, 29 Jul 2021 14:57:00 +0530

ಭಾರತ ಪುರುಷರ ಹಾಕಿ ತಂಡ 3-1 ಗೋಲುಗಳಿಂದ ಹಾಲಿ ಚಾಂ

ಪಿಯನ್ ಅರ್ಜೆಂಟೀನಾ ತಂಡವನ್ನು ಬಗ್ಗುಬಡಿಯುವ ಮೂಲಕ ಟೋಕಿಯೊ ಒಲಿಂಪಿಕ್ಸ್ ನಲ್ಲಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದೆ.
ಗುರುವಾರ ನಡೆದ ಪಂದ್ಯದಲ್ಲಿ ಭಾರತದ ಪರ ವರುಣ್ ಕುಮಾರ್, ವಿವೇಕ್ ಪ್ರಸಾದ್ ಮತ್ತು ಹರ್ಮನ್ ಪ್ರೀತ್ ಸಿಂಗ್ ತಲಾ ಒಂದು ಗೋಲು ಬಾರಿಸಿ ಗೆಲುವಿನ ರೂವಾರಿಗಳಾದರು. ರಿಯೊ ಒಲಿಂಪಿಕ್ಸ್ ಚಿನ್ನದ ಪದಕ ವಿಜೇತ ಅರ್ಜೆಂಟೀನಾ ಪರ ಮಥಾಯಿಸ್ ರೇ ಫ್ರೀ ಏಕೈಕ ಗೋಲು ಬಾರಿಸಿದರು.
ಆಸ್ಟ್ರೇಲಿಯಾ ವಿರುದ್ಧ ಸೋಲುಂಡ ನಂತರ ಎಚ್ಚೆತ್ತುಕೊಂಡಿರುವ ಭಾರತ ಆಟಗಾರರು ಪಂದ್ಯದ ಆರಂಭದಿಂದಲೂ ಹಿಡಿತ ಸಾಧಿಸಿದ್ದರು. ಎ ಗುಂಪಿನಿಂದ ಭಾರತ ಹಾಗೂ ಅಗ್ರಸ್ಥಾನಿ ಆಸ್ಟ್ರೇಲಿಯಾ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದೆ.

ಟೋಕಿಯೊ ಒಲಿಂಪಿಕ್ಸ್: ನಾಕೌಟ್ ತಲುಪಿದ ಪಿವಿ ಸಿಂಧು

Wed, 28 Jul 2021 14:48:00 +0530

ಬುಧವಾರ ನಡೆದ ವನಿತೆಯರ ಸಿಂಗಲ್ಸ್ ಲೀಗ್ ಹಂತದ 2ನೇ ಪಂದ್ಯದಲ್ಲಿ 6ನೇ ಶ್ರೇಯಾಂಕಿತೆ ಭಾರತದ ಅಗ್ರಮಾನ್ಯ ಆಟಗಾರ್ತಿ ಪಿವಿ ಸಿಂಧು 21-9, 21-16 ಸೆಟ್ ಗಳಿಂದ ಹಾಂಕಾಂಗ್ ನ ನಗಾನ್ ಯಿ ಚೆಯುಂಗ್ ಅವರನ್ನು ಸೋಲಿಸಿದರು.
ಸಿಂಧುಗೆ ನಾಕೌಟ್ ಪಂದ್ಯದಲ್ಲಿ ಡೆನ್ಮಾರ್ಕ್ ನ ಮಿಯಾ ಬ್ಲಿಚ್ ಫ್ಲೆಡೆಟ್ ಅವರನ್ನು ಎದುರಿಸಲಿದ್ದಾರೆ. ಈ ಪಂದ್ಯವನ್ನು ಗೆದ್ದರೆ ಸಿಂಧುಗೆ ಕನಿಷ್ಠ ಪದಕ ಖಚಿತಗೊಳ್ಳುವ ಸಾಧ್ಯತೆ ಇದೆ.

ಟೋಕಿಯೊ ಒಲಿಂಪಿಕ್ಸ್: ಪಿವಿ ಸಿಂಧು ಗೆಲುವಿನ ಆರಂಭ

Sun, 25 Jul 2021 13:23:00 +0530

ಭಾನುವಾರ ಬೆಳಿಗ್ಗೆ ನಡೆದ ವನಿತೆಯರ ಸಿಂಗಲ್ಸ್ ವಿಭಾಗದ ಮೊದಲ ಸುತ್ತಿನಲ್ಲಿ 6ನೇ ಶ್ರೇಯಾಂಕಿತೆ ಪಿವಿ ಸಿಂಧು 21-7, 21-10 ನೇರ ಸೆಟ್ ಗಳಿಂದ ಇಸ್ರೇಲ್ ನ ಶ್ರೇಯಾಂಕ ರಹಿತೆ ಕ್ಸೆನಿಯಾ ಪೊಲಿಕೊರೊವಾ ಅವರನ್ನು ಮಣಿಸಿದರು.
ಡ್ರಾನಲ್ಲಿ ಪಿವಿ ಸಿಂಧು ಜಿ ಗುಂಪಿನಲ್ಲಿ ಸ್ಥಾನ ಪಡೆದಿದ್ದು, ಸಿಂಧು ಎರಡನೇ ಸೆಟ್ ನಲ್ಲಿ ಆರಂಭದಲ್ಲಿ ನಿಧಾನಗತಿ ಆಡಿದ್ದರಿಂದ ಕೆಲವು ಅಂಕಗಳನ್ನು ಎದುರಾಳಿಗೆ ಬಿಟ್ಟುಕೊಟ್ಟಿದ್ದರು.

ಇಂದಿನಿಂದ ಟೋಕಿಯೋ ಒಲಿಂಪಿಕ್ ಕ್ರೀಡಾಕೂಟ; ಶುಕ್ರವಾರ ಉದ್ಘಾಟನಾ ಸಮಾರಂಭ

Wed, 21 Jul 2021 12:37:00 +0530

ಟೋಕಿಯೋ, ಜಪಾನ್ (ಜುಲೈ 21): ಕೊರೋನಾ ಬಿಕ್ಕಟ್ಟಿನಿಂದ ಒಂದು ವರ್ಷ ವಿಳಂಬವಾಗಿ ನಡೆಯುತ್ತಿರುವ ಟೋಕಿಯೋ ಒಲಿಂಪಿಕ್ಸ್ ಕ್ರೀಡಾಕೂಟ ಇಂದು ಆರಂಭಗೊಂಡಿತು. ಆತಿಥೇಯ ಜಪಾನ್ ಮತ್ತು ಆಸ್ಟ್ರೇಲಿಯಾ ನಡುವಿನ ಸಾಫ್ಟ್ ಬಾಲ್ ಪಂದ್ಯದ ಮೂಲಕ ಕ್ರೀಡಾಕೂಟಕ್ಕೆ ಚಾಲನೆ ಸಿಕ್ಕಿತು.

2011ರ ಸುನಾಮಿ ಮತ್ತು ಪರಮಾಣು ದುರಂತದಲ್ಲಿ ಭಾರೀ ಸಂಕಷ್ಟಕ್ಕೀಡಾಗಿದ್ದ ಫುಕುಶಿಮಾ ಎಂಬ ಪ್ರದೇಶದಲ್ಲಿ ನಡೆದ ಈ ಪಂದ್ಯದಲ್ಲಿ ಆತಿಥೇಯರು 8-1ರಿಂದ ಗೆದ್ದು ಬೀಗಿದರು. ಒಲಿಂಪಿಕ್ಸ್ ಕ್ರೀಡಾಕೂಟ ಇಂದು ಆರಂಭವಾದರೂ ಅಧಿಕೃತವಾಗಿ ಚಾಲನೆಗೊಳ್ಳುವುದು ಜುಲೈ 23, ಶುಕ್ರವಾರದಂದು. ಅಂದು ಉದ್ಘಾಟನಾ ಸಮಾರಂಭ ನಡೆಯಲಿದೆ. ಜುಲೈ 24ರಿಂದ ಪೂರ್ಣಪ್ರಮಾಣದಲ್ಲಿ ಕ್ರೀಡಾಕೂಟ ನಡೆಯಲಿದೆ. ಆಗಸ್ಟ್ 8ರವರೆಗೆ ನಡೆಯಲಿರುವ ಈ ಮಹಾ ಕ್ರೀಡಾಕೂಟದಲ್ಲಿ 206 ದೇಶಗಳಿಂದ 11 ಸಾವಿರಕ್ಕೂ ಹೆಚ್ಚು ಅಥ್ಲೀಟ್ಗಳು ಮತ್ತು ಕ್ರೀಡಾಪಟುಗಳು ಪಾಲ್ಗೊಳ್ಳುತ್ತಿದ್ದಾರೆ.
ಇಂದು ಮತ್ತು ನಾಳೆ ಸಾಫ್ಟ್ ಬಾಲ್ ಮತ್ತು ಫುಟ್ಬಾಲ್ ಕ್ರೀಡೆಯ ಕೆಲ ಪಂದ್ಯಗಳು ನಡೆಯಲಿವೆ. 2008ರ ನಂತರ ಸಾಫ್ಟ್ಬಾಲ್ ಕ್ರೀಡೆ ಒಲಿಂಪಿಕ್ಸ್ನಲ್ಲಿ ಕಾಣಿಸಿಕೊಳ್ಳುತ್ತಿರುವುದು ಇದೇ ಮೊದಲು. ಕಳೆದ ಒಲಿಂಪಿಕ್ಸ್ನಲ್ಲಿ ಆಡಿಸಲಾಗಿದ್ದ ಕ್ಯಾನೋ, ಮಾಡರ್ನ್ ಪೆಂಟಾಥ್ಲಾನ್, ಟೇಕ್ವಾಂಡೋವನ್ನು ಈ ಬಾರಿ ಕೈಬಿಡಲಾಗಿದೆ. ಸಾಫ್ಟ್ಬಾಲ್, ಸ್ಕ್ವಾಶ್, ಸರ್ಫಿಂಗ್, ಕರಾಟೆ, ರೋಲರ್ ಸ್ಪೋರ್ಟ್ಸ್, ಕ್ಲೈಂಬಿಂಗ್, ವೇಕ್ ಬೋರ್ಡಿಂಗ್, ವುಶು, ಮ್ಯಾಡಿಸನ್ ಸೈಕ್ಲಿಂಗ್, 3ಘಿ3 ಬ್ಯಾಸ್ಕೆಟ್ಬಾಲ್, ಫ್ರೀಸ್ಟೈಲ್ ಬಿಎಂಎಕ್ಸ್ ಕ್ರೀಡೆಗಳು ಇದೇ ಮೊದಲ ಬಾರಿಗೆ ಒಲಿಂಪಿಕ್ಸ್ಗೆ ದಾರಿ ಪಡೆದಿವೆ. ಭಾರತೀಯರು ಉತ್ತಮ ಪ್ರದರ್ಶನ ನೀಡುತ್ತಿರುವ ಕುಸ್ತಿ ಕ್ರೀಡೆಯನ್ನ ಕೈಬಿಡುವ ಸಾಧ್ಯತೆಯೂ ಇತ್ತು. ಆದರೆ, ಅಂತಿಮವಾಗಿ ಕುಸ್ತಿ, ಬೇಸ್ಬಾಲ್ ಮತ್ತು ಸ್ಕ್ವಾಶ್ ಕ್ರೀಡೆಗಳು ಒಲಿಂಪಿಕ್ಸ್ನಲ್ಲಿ ಜೀವ ಉಳಿಸಿಕೊಂಡಿವೆ.
ಒಟ್ಟು 206 ದೇಶಗಳ ಕ್ರೀಡಾಪಟುಗಳು ಈ ಬಾರಿಯ ಟೋಕಿಯೋ ಒಲಿಂಪಿಕ್ಸ್ನಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ. ಅಮೆರಿಕದಿಂದ ಅತಿ ಹೆಚ್ಚು, ಅಂದರೆ 613 ಸ್ಪರ್ಧಿಗಳಿದ್ದಾರೆ. ಆತಿಥೇಯ ಜಪಾನ್ ದೇಶದ 552 ಸ್ಪರ್ಧಾಳುಗಳು ಕಣದಲ್ಲಿದ್ದಾರೆ. ರಷ್ಯಾ, ಬ್ರಜಿಲ್, ಆಸ್ಟ್ರೇಲಿಯಾ, ಚೀನಾ, ಜರ್ಮನಿ, ಬ್ರಿಟನ್, ನೆದರ್ಲೆಂಡ್ಸ್, ನ್ಯೂಜಿಲೆಂಡ್, ಕೆನಡಾ ಮತ್ತು ದಕ್ಷಿಣ ಕೊರಿಯಾ ದೇಶಗಳಿಂದ 200ಕ್ಕೂ ಹೆಚ್ಚು ಕ್ರೀಡಾಪಟುಗಳು ಒಲಿಂಪಿಕ್ಸ್ನಲ್ಲಿ ಪಾಲ್ಗೊಳ್ಳುತ್ತಿದ್ಧಾರೆ.
ಭಾರತದಿಂದ 120 ಕ್ರೀಡಾಪಟುಗಳು ತೆರಳಿದ್ದಾರೆ. 1900ರಿಂದಲೂ ಒಲಿಂಪಿಕ್ಸ್ನಲ್ಲಿ ಪಾಲ್ಗೊಳ್ಳುತ್ತಿರುವ ಭಾರತ ಇದೂವರೆಗೆ ಅತಿ ಹೆಚ್ಚು ಸ್ಪರ್ಧಿಗಳನ್ನ ಕಳುಹಿಸಿದ್ದು ಈ ಬಾರಿಯೇ. ಹೆಚ್ಚು ಪದಕಗಳನ್ನ ಗೆಲ್ಲುವ ನಿರೀಕ್ಷೆಯಲ್ಲಿ ಭಾರತ ಇದೆ. ಪಾಕಿಸ್ತಾನ, ಶ್ರೀಲಂಕಾ ಮತ್ತು ಬಾಂಗ್ಲಾದೇಶಗಳು ಕ್ರಮವಾಗಿ 10, 9 ಮತ್ತು 6 ಸ್ಪರ್ಧಿಗಳನ್ನ ಟೋಕಿಯೋಗೆ ಕಳುಹಿಸಿವೆ.

ಟೀಂ ಇಂಡಿಯಾ ಸೋತರೇನಂತೆ? ಧೋನಿ ಮಾಡಿದ ದಾಖಲೆಯಿದು

Fri, 27 Jan 2017 10:14:00 +0530

ಕಾನ್ಪುರ: ಇಂಗ್ಲೆಂಡ್ ವಿರುದ್ಧ ಮೊದಲ ಟಿ-ಟ್ವೆಂಟಿ ಪಂದ್ಯದಲ್ಲಿ ಟೀಂ ಇಂಡಿಯಾ 7 ವಿಕೆಟ್ ಗಳಿಂದ ಸೋತಿರಬಹುದು. ಆದರೆ ಧೋನಿ, ಸುರೇಶ್ ರೈನಾ ಸೋಲಿನ ಪಂದ್ಯದಲ್ಲೂ ದಾಖಲೆ ಮಾಡಿ ಮಿಂಚಿದರು.

ಈ ಪಂದ್ಯದಲ್ಲಿ ಗರಿಷ್ಠ ಸ್ಕೋರರ್ ಆಗಿದ್ದ ಮಹೇಂದ್ರ ಸಿಂಗ್ ಧೋನಿ ಇಂಗ್ಲೆಂಡ್ ವಿರುದ್ದ ಟಿ-ಟ್ವೆಂಟಿ ಪಂದ್ಯದಲ್ಲಿ ಗರಿಷ್ಠ ಸರಾಸರಿ (50 ಪ್ಲಸ್) ಹೊಂದಿದ ಮೊದಲ ಆಟಗಾರ ಎನಿಸಿಕೊಂಡರು. ವಿಶ್ವದ ಇತರ ಬ್ಯಾಟ್ಸ್ ಮನ್ ಗಳ ಪೈಕಿ ಇಂಗ್ಲೆಂಡ್ ವಿರುದ್ಧ ಗರಿಷ್ಠ ಸರಾಸರಿ ಹೊಂದಿದ ಐದನೇ ಬ್ಯಾಟ್ಸ್ ಮನ್ ಎನ್ನುವ ಗೌರವಕ್ಕೆ ಧೋನಿ ಪಾತ್ರರಾದರು.

ಸುರೇಶ್ ರೈನಾ ಟಿ-ಟ್ವೆಂಟಿ ಪಂದ್ಯಗಳಲ್ಲಿ ತಮ್ಮ ಎರಡನೇ ಗರಿಷ್ಠ ರನ್ (34) ಸ್ಕೋರ್ ಮಾಡಿದರು. ಇದಕ್ಕೂ ಮೊದಲು ಆಸ್ಟ್ರೇಲಿಯಾ ವಿರುದ್ಧ ಸಿಡ್ನಿಯಲ್ಲಿ ಅವರು 49 ರನ್ ಗಳಿಸಿದ್ದೇ ಗರಿಷ್ಠ ರನ್ ಆಗಿದೆ. ಯುವ ಬೌಲರ್ ಯಜುವೇಂದ್ರ ಚಾಹಲ್ ಟಿ-ಟ್ವೆಂಟಿ ಮಾದರಿಯಲ್ಲಿ ಜೀವನ ಶ್ರೇಷ್ಠ ಸಾಧನೆ ಮಾಡಿದರು. ಈ ಪಂದ್ಯದಲ್ಲಿ 27 ರನ್ ಕೊಟ್ಟು 2 ವಿಕೆಟ್ ಕಿತ್ತಿದ್ದಾರೆ.

ಮೊಯಿನ್ ಆಲಿ ಇದು ಮೂರನೇ ಬಾರಿ ಕಿರು ಮಾದರಿಯಲ್ಲಿ ಭಾರತದ ವಿರುದ್ಧ ಪಂದ್ಯ ಶ್ರೇಷ್ಠ ಪಡೆದ ದಾಖಲೆ ಮಾಡುತ್ತಿರುವುದು. ಇನ್ನು ಇಂಗ್ಲೆಂಡ್ ಭಾರತದ ವಿರುದ್ಧ ಕಿರು ಮಾದರಿಯಲ್ಲಿ ಗರಿಷ್ಠ ಅಂತರದಿಂದ ಗೆದ್ದ ಸಾಧನೆ ಮಾಡಿತು. ಇದರೊಂದಿಗೆ ಇಂಗ್ಲೆಂಡ್ ಭಾರತದ ವಿರುದ್ಧ ಆಡಿದ 9 ಟಿ-ಟ್ವೆಂಟಿ ಪಂದ್ಯಗಳ ಪೈಕಿ 6 ನ್ನು ಗೆದ್ದು ಬೀಗಿತು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ

ವಿಶ್ವಕಪ್: ಬಹುತೇಕ ಕ್ವಾರ್ಟರ್‌ಫೈನಲ್ ಪ್ರವೇಶಿಸುವ ತಂಡಗಳ ಲೆಕ್ಕಾಚಾರ

Sat, 07 Mar 2015 16:29:00 +0530

ವಿಶ್ವಕಪ್'ನ ಲೀಗ್ ಹಂತ ಕೊನೆಯ ಘಟ್ಟ ತಲುಪುತ್ತಿದೆ. ಇನ್ನೆರಡು ಸುತ್ತಿನ ಪಂದ್ಯಗಳು ಬಾಕಿ ಇದ್ದು, ನಾಕೌಟ್ ಹಂತದ ಲೆಕ್ಕಾಚಾರಗಳು ದಟ್ಟವಾಗುತ್ತಿವೆ. ಎ ಗುಂಪಿನಿಂದ ನ್ಯೂಜಿಲೆಂಡ್ ಮತ್ತು ಬಿ ಗುಂಪಿನಿಂದ ಭಾರತ ಮಾತ್ರ ಕ್ವಾರ್ಟರ್'ಫೈನಲ್ ಪ್ರವೇಶವನ್ನ ಖಚಿತಪಡಿಸಿಕೊಂಡಿವೆ. ಇನ್ನುಳಿದ 6 ಸ್ಥಾನಗಳಿಗೆ ತುರುಸಿ ಪೈಪೋಟಿ ನಡೆಯುತ್ತಿದೆ. ಿಂದು ನಡೆಯುವ ಪ್ರತಿಯೊಂದು ಪಂದ್ಯ ಕೂಡ ಬಹಳ ಮುಖ್ಯವೆನಿಸಿದೆ. ಈ ಹಿನ್ನೆಲೆಯಲ್ಲಿ ಬಿ ಗುಂಪಿನ ಲೆಕ್ಕಾಚಾರಗಳು ಇಲ್ಲಿವೆ.

ವಿಶ್ವಕಪ್ ಬಿ ಗುಂಪು

1) ಭಾರತ:
ಟೀಮ್ ಇಂಡಿಯಾ ಈಗಾಗಲೇ ಸತತ 4 ಪಂದ್ಯಗಳನ್ನ ಗೆದ್ದು ಕ್ವಾರ್ಟರ್'ಫೈನಲ್ ಪ್ರವೇಶವನ್ನ ಖಚಿತಪಡಿಸಿಕೊಂಡಾಗಿದೆ. ಭಾರತದ ಮುಂದಿನೆರಡೂ ಪಂದ್ಯಗಳ ಸುಲಭದ್ದಾಗಿದ್ದು, ಎದುರಾಳಿಗಳಾಗಿ ಐರ್ಲೆಂಡ್ ಮತ್ತು ಜಿಂಬಾಬ್ವೆ ತಂಡಗಳಿವೆ. ಹೀಗಾಗಿ, ಭಾರತ ತನ್ನ ಗುಂಪಿನಲ್ಲಿ ಅಗ್ರಸ್ಥಾನ ಪಡೆಯುವ ನಿರೀಕ್ಷೆ ಇದೆ.

2) ದಕ್ಷಿಣ ಆಫ್ರಿಕಾ:
ಹರಿಣಗಳ ತಂಡ 4 ಪಂದ್ಯಗಳನ್ನಾಡಿ 6 ಪಾಯಿಂಟ್ ಹೊಂದಿದ್ದಾರೆ. ಯುಎಇ ವಿರುದ್ಧದ ಪಂದ್ಯ ಬಾಕಿ ಇವೆ. ಇನ್ನೊಂದು ಪಂದ್ಯ ಗೆದ್ದರೂ ದಕ್ಷಿಣ ಆಫ್ರಿಕಾ ಎಂಟರ ಘಟ್ಟ ಪ್ರವೇಶಿಸುವುದು ಖಚಿತ. ಯುಎಇ ವಿರುದ್ಧ ಸೌಥ್ ಆಫ್ರಿಕಾ ಗೆಲ್ಲುವುದು ಕಷ್ಟವಲ್ಲ. ಹೀಗಾಗಿ, ಆ ತಂಡ ನಾಕೌಟ್ ಪ್ರವೇಶಿಸುವ ಸಾಧ್ಯತೆ ಶೇ. 80ರಷ್ಟಿದೆ.

3) ಪಾಕಿಸ್ತಾನ:
ನಾಲ್ಕು ಪಂದ್ಯಗಳ ಪೈಕಿ ಮೂರರಲ್ಲಿ ಗೆದ್ದು 6 ಪಾಯಿಂಟ್ ಹೊಂದಿದೆ. ಐರ್ಲೆಂಡ್ ವಿರುದ್ಧ ಪಂದ್ಯ ಬಾಕಿ ಇದೆ. ಒಂದು ಪಂದ್ಯ ಮಾತ್ರ ಗೆದ್ದರೆ ಆಗ ಬೇರೆಯವರ ಗೆಲುವು-ಸೋಲಿನ ಲೆಕ್ಕಾಚಾರವನ್ನ ಅವಲಂಬಿಸಬೇಕಾಗುತ್ತದೆ. ಐರ್ಲೆಂಡ್ ವಿರುದ್ಧ ಪಾಕಿಸ್ತಾನ ಗೆಲ್ಲುವ ಸಾಧ್ಯತೆ ಇದೆ. ಹೀಗಾಗಿ, ಪಾಕಿಸ್ತಾನ ಮುಂದಿನ ಹಂತ ಪ್ರವೇಶಿಸುವ ಸಾಧ್ಯತೆ ಶೇ. 60ರಷ್ಟಿದೆ.

4) ವೆಸ್ಟ್ ಇಂಡೀಸ್:
ವೆಸ್ಟ್ ಇಂಡೀಸ್ 5 ಪಂದ್ಯಗಳನ್ನಾಡಿ ಕೇವಲ 4 ಅಂಕ ಗಳಿಸಿದೆ. ಯುಎಇ ವಿರುದ್ಧದ ಪಂದ್ಯವಷ್ಟೇ ಬಾಕಿ ಇದೆ. ಆ ಪಂದ್ಯವನ್ನ ಗೆದ್ದರೆ 6 ಪಾಯಿಂಟ್ ಆಗಬಹುದು. ಆಗಲೂ, ಬೇರೆ ತಂಡಗಳ ಅಂಕಗಳ ಲೆಕ್ಕಾಚಾರದ ಮೇಲೆ ಭವಿಷ್ಯ ನಿಂತಿರುತ್ತದೆ. ಒಂದು ವೇಳೆ ಸೋತರೆ ಟೂರ್ನಿಯಿಂದ ಔಟ್. ವೆಸ್ಟ್ ಇಂಡೀಸ್'ಗೆ ಇರುವ ಅವಕಾಶ ಫಿಫ್ಟಿ-ಫಿಫ್ಟಿ ಎನ್ನಲಡ್ಡಿಯಿಲ್ಲ.

5) ಐರ್ಲೆಂಡ್:
ಎಂತಹ ತಂಡವನ್ನಾದರೂ ಸೋಲಿಸಬಲ್ಲಷ್ಟು ಪ್ರಬಲರಾಗಿರುವ ಐರ್ಲೆಂಡ್ ತಂಡ 3 ಪಂದ್ಯಗಳಿಂದ 4 ಪಾಯಿಂಟ್ ಹೊಂದಿದೆ. ಜಿಂಬಾಬ್ವೆ, ಭಾರತ ಮತ್ತು ಪಾಕಿಸ್ತಾನ ವಿರುದ್ಧ 3 ಪಂದ್ಯಗಳು ಬಾಕಿ ಇವೆ. ಇವುಗಳ ಪೈಕಿ 2 ಪಂದ್ಯಗಳಲ್ಲಿ ಗೆದ್ದದ್ದೇ ಆದಲ್ಲಿ ಐರ್ಲೆಂಡ್ ನಾಕೌಟ್ ಪ್ರವೇಶಿಸುವುದು ಖಚಿತ. ಜಿಂಬಾಬ್ವೆ ವಿರುದ್ಧ ಐರ್ಲೆಂಡ್ ಗೆಲ್ಲಬಹುದಾದರೂ ಉಳಿದೆರಡು ಪಂದ್ಯಗಳು ಕಷ್ಟವೇ. ಜೊತೆಗೆ ಅದರ ರನ್'ರೇಟ್ ಕೂಡ ತುಸು ಕಡಿಮೆಯೇ. ಈ ಹಿನ್ನೆಲೆಯಲ್ಲಿ ಐರ್ಲೆಂಡ್'ಗೆ ಶೇ. 60ರಷ್ಟು ಮಾರ್ಕ್ಸ್ ಕೊಡಬಹುದು.

6) ಜಿಂಬಾಬ್ವೆ:
ಜಿಂಬಾಬ್ವೆ ಆಡಿದ 4 ಪಂದ್ಯಗಳಿಂದ 2 ಪಾಯಿಂಟ್ ಕಲೆಹಾಕಿದೆ. ಐರ್ಲೆಂಡ್ ಮತ್ತು ಭಾರತ ವಿರುದ್ಧದ ಪಂದ್ಯಗಳಷ್ಟೇ ಬಾಕಿ ಇವೆ. ಕ್ವಾರ್ಟರ್'ಫೈನಲ್ ಪ್ರವೇಶಿಸುವ ಆಸೆ ಜೀವಂತವಾಗಿರಿಸಿಕೊಳ್ಳಬೇಕಾದರೆ ಎರಡೂ ಪಂದ್ಯಗಳನ್ನ ಜಿಂಬಾಬ್ವೆ ಗೆಲ್ಲಲೇಬೇಕಾಗುತ್ತದೆ. ಈ ಹಿನ್ನೆಲೆಯಲ್ಲಿ ಮುಂದಿನ ಹಂತ ಪ್ರವೇಶಿಸಲು ಜಿಂಬಾಬ್ವೆಗಿರುವ ಸಾಧ್ಯತೆ ಕೇವಲ ಶೇ. 30 ಎನ್ನಬಹುದು.

7) ಯುಎಇ:
ಈ ಟೂರ್ನಿಯಲ್ಲೇ ಅತಿ ದುರ್ಬಲ ತಂಡ ಎನಿಸಿರುವ ಸಂಯುಕ್ತ ಅರಬ್ ಸಂಸ್ಥಾನ ಆಡಿದ ಎಲ್ಲಾ ನಾಲ್ಕು ಪಂದ್ಯಗಳನ್ನ ಸೋತಿದೆ. ದಕ್ಷಿಣ ಆಫ್ರಿಕಾ ಮತ್ತು ವೆಸ್ಟ್ ಇಂಡೀಸ್ ವಿರುದ್ಧದ ಪಂದ್ಯಗಳಷ್ಟೇ ಬಾಕಿ ಇದೆ. ಅವುಗಳನ್ನ ಗೆದ್ದರೂ ಯುಎಇ ಮುಂದಿನ ಹಂತ ಪ್ರವೇಶಿಸುವ ಸಾಧ್ಯತೆ ಕಡಿಮೆಯೇ. ಹೀಗಾಗಿ ಯುಎಇ ಕ್ವಾರ್ಟರ್'ಫೈನಲ್ ಸಾಧ್ಯತೆ ಶೇ.2 ಮಾತ್ರ ಎನ್ನಬಹುದು.

ವಿಶ್ವಕಪ್‌ನಲ್ಲಿ ಪಾಕ್‌ಗೆ ಟೀಂ ಇಂಡಿಯಾವನ್ನು ಸೋಲಿಸೋಕ್ಕೆ ಯಾಕಾಗ್ತಿಲ್ಲ ?

Mon, 16 Feb 2015 19:16:00 +0530

ವಿಶ್ವಕಪ್‌ನಲ್ಲಿ ಕಡು ಎದುರಾಳಿ ಭಾರತದ ವಿರುದ್ಧ ಸತತ 6 ಪಂದ್ಯಗಳ ಸೋಲಿಗೆ ಪಾಕಿಸ್ತಾನ ಉತ್ತರಗಳನ್ನು ಹುಡುಕುತ್ತಿರುವ ನಡುವೆ ಟಾಸ್‌ನಲ್ಲಿ ನಾಯಕನ ಅದೃಷ್ಟ ಕೈಕೊಟ್ಟು ರನ್ ಚೇಸ್ ಮಾಡಿದ್ದೇ ಸತತ ಸೋಲುಗಳಿಗೆ ಕಾರಣವೆಂದು ವಿಶ್ಲೇಷಣೆ ಮಾಡಲಾಗಿದೆ.

ಎಲ್ಲಾ ಐದು ಪಂದ್ಯಗಳಲ್ಲಿ ಪಾಕಿಸ್ತಾನ ಗುರಿಯನ್ನು ಮುಟ್ಟಲು ವಿಫಲವಾಯಿತು. ಭಾರತ ಎರಡನೆಯದಾಗಿ ಬ್ಯಾಟಿಂಗ್ ಮಾಡಿದ್ದು 2003ರ ಪಂದ್ಯದಲ್ಲಿ. ಆಗ ಸಚಿನ್ ಮನೋಜ್ಞ ಆಟದ ನೆರವಿನಿಂದ ಪಾಕಿಸ್ತಾನದಿಂದ ಜಯ ಕಸಿದುಕೊಂಡಿತು.

ಭಾರತಕ್ಕೆ ಟಾಸ್‌ನಲ್ಲಿ ಅದೃಷ್ಟದಿಂದಾಗಿ 6-0 ಸ್ಕೋರ್‌ನಲ್ಲಿ ಪ್ರಮುಖ ಪಾತ್ರ ವಹಿಸಿತು ಎಂದು ಪಾಕಿಸ್ತಾನ ಮಾಜಿ ನಾಯಕ ಇನ್ಬಮಮ್ ಉಲ್ ಹಕ್‌ಗೆ ಮನದಟ್ಟಾಗಿದೆ.

ಮೊದಲು ಬ್ಯಾಟಿಂಗ್ ಮಾಡುವುದು ಯಾವಾಗಲೂ ಅನುಕೂಲ. ಏಕೆಂದರೆ ದೊಡ್ಡ ಪಂದ್ಯಗಳಲ್ಲಿ ಬ್ಯಾಟ್ಸ್‌ಮನ್ ಒತ್ತಡಕ್ಕೆ ಸಿಲುಕುತ್ತಾರೆ ಎಂದು ಇಂಜಮಮ್ ಅತಿಥಿ ಅಂಕಣದಲ್ಲಿ ಬರೆದಿದ್ದಾರೆ.

ಭಾರತದ ವಿರುದ್ದ ರನ್ ಚೇಸ್ ಮಾಡುವಾಗ ಏನು ತಪ್ಪಾಗುತ್ತದೆಂದು ಸೂಕ್ತ ಪದ ನನಗೆ ಹೊಳೆದಿಲ್ಲ. ಆದರೆ ಇದು ಹೆಚ್ಚಾಗಿ ಆಟಗಾರರ ಮಾನಸಿಕ ಬ್ಲಾಕೇಜ್ ಎಂದು ನುಡಿದರು.ಪಾಕಿಸ್ತಾನ ಭಾರತದ ವಿರುದ್ಧ ಒಟ್ಟಾರೆ ಏಕದಿನ ಪಂದ್ಯಗಳಲ್ಲಿ ಮೇಲುಗೈ ಹೊಂದಿದ್ದು, 72 ಪಂದ್ಯಗಳು ಗೆದ್ದು, 51ರಲ್ಲಿ ಸೋತಿವೆ.

ಆದರೆ ವಿಶ್ವಕಪ್‌ನಲ್ಲಿ ಮಾತ್ರ ಸತತ 6 ಸೋಲುಗಳು ಅದಕ್ಕೆ ನೋವುಂಟುಮಾಡಿದೆ.ಧೋನಿ ಪಾಕಿಸ್ತಾನಕ್ಕೆ ಸಮಾಧಾನದ ಮಾತುಗಳನ್ನು ಆಡಿದ್ದಾರೆ. ಇದು ಕಾಯಂ ಉಳಿಯುವುದಿಲ್ಲ. ನಾವು ಅವರಿಗೆ ಸೋಲುವ ಸಮಯ ಬಂದರೂ ಬರಬಹುದು. ನಮ್ಮ ಜೀವಮಾನಪೂರ್ತಿ ಈ ದಾಖಲೆ ಉಳಿಯುವುದಿಲ್ಲ ಎಂದಿದ್ದಾರೆ.

ಒಲಿಂಪಿಕ್ ಗೇಮ್ಸ್‌ಗೆ 'ವರ್ಣರಂಜಿತ ತೆರೆ'

Sun, 24 Aug 2008 18:28:23 +0530

PTI

29ನೇ ಐತಿಹಾಸಿಕ ಒಲಿಂಪಿಕ್ ಕ್ರೀಡಾಕೂಟ ಭಾನುವಾರ ಸಂಜೆ ಬರ್ಡ್ಸ್ ನೆಸ್ಟ್ ಕ್ರೀಡಾಂಗಣದಲ್ಲಿ ನಡೆದ ವರ್ಣರಂಜಿತ ಸಮಾರಂಭದೊಂದಿಗೆ ಮುಕ್ತಾಯಗೊಂಡಿತು.

16 ದಿನಗಳ ಕಾಲ ನಡೆದ ಮಹಾನ್ ಕ್ರೀಡಾಕೂಟಕ್ಕೆ ಚೀನಾ ಅಧ್ಯಕ್ಷ ಹೂ ಜಿಂಟಾವೋ ಅವರು ದೇಶದ ರಾಷ್ಟ್ರಗೀತೆಯೊಂದಿಗೆ ಧ್ವಜವನ್ನು ಮೇಲಕ್ಕೆ ಹಾರಿ ಬಿಡುವ ಮೂಲಕ ಮು ಕ್ತಾಯ ಸಮಾರಂಭಕ್ಕೆ ಚಾಲನೆ ನೀಡಿದರು.'ಫುವಾ'ಎಂಬ ಚೀನಾದ ಸಂಗೀತದ ಮೂಲಕ ಬೀಜಿಂಗ್ ಒಲಿಂಪಿಕ್ ಗೇಮ್ಸ್ ಸಮಾರಂಭಕ್ಕೆ ವರ್ಣರಂಜಿತ ತೆರೆ ಎಳೆಯಲಾಯಿತು.

ವಿರಾಮ ಎಂಬ ಸಂದೇಶದೊಂದಿಗೆ 'ಫುವಾ' ಸಂಗೀತದ ನಾದದೊಂದಿಗೆ ಒಲಿಂಪಿಕ್ ಗೇಮ್ಸ್ ಅನ್ನು ಅದ್ದೂರಿಯಾಗಿ ಸಂಯೋಜಿಸಿ ಜಾಗತಿಕ ಮಟ್ಟದಲ್ಲಿ ಚೀನಾ ಸೂಪರ್ ಪವರ್ ಅನ್ನು ಜಗಜ್ಜಾಹೀರುಗೊಳಿಸಿದೆ.

ಈ ಬಾರಿ ಕೆಂಪುಕೋಟೆ ಚೀನಾ ನೆಲದಲ್ಲಿ ನಡೆದ ಅದ್ದೂರಿ ಐತಿಹಾಸಿಕ ಒಲಿಂಪಿಕ್ ಕ್ರೀಡಾಕೂಟ ನೂತನ ಇತಿಹಾಸವೊಂದನ್ನು ಸೃಷ್ಟಿಸಿದೆ.

ಇಡೀ ದೇಶವೇ ನಿಬ್ಬೆರಗಾಗುವ ರೀತಿಯ ಸುಡುಮದ್ದುಗಳ ಪ್ರದರ್ಶನ,ಇಡೀ ಬರ್ಡ್ಸ್ ನೆಸ್ಟ್ ‌ಕ್ರೀಡಾಂಗಣವೇ ಮಾಯಾಲೋಕವನ್ನೇ ಸೃಷ್ಟಿಸುವ ಮೂಲಕ ನ ಭೂತೋ ನ ಭವಿಷ್ಯತಿ ಎಂಬಂತೆ ಕಾರ್ಯಕ್ರಮಗಳ ಮೂಲಕ ಕ್ರೀಡಾಭಿಮಾನಿಗಳನ್ನು ಮೂಕವಿಸ್ಮಿತರನ್ನಾಗಿಸಿತು.

ಮೈನವಿರೇಳಿಸುವಂತಹ ಆಕರ್ಷಕ ಸಾಂಪ್ರದಾಯಿಕ ಕಲೆಗಳ ನರ್ತನ,ಬಾನಂಗಳದಲ್ಲಿ ಮೂಡಿದ ಬಣ್ಣಬಣ್ಣದ ಚಿತ್ತಾರ ನೋಡುಗರ ಕಣ್ಣಿಗೆ ಹಬ್ಬವನ್ನುಂಟು ಮಾಡಿತ್ತು.

ಪ್ಲ್ಯಾಗ್ ಹಸ್ತಾಂತರ: ಮುಕ್ತಾಯ ಸಮಾರಂಭದಲ್ಲಿ ಅಧ್ಯಕ್ಷ ಜಿ ಹುಂಟಾವೋ ಅವರು 2012ರಲ್ಲಿ ಲಂಡನ್‌ನಲ್ಲಿ ಒಲಿಂಪಿಕ್ ನಡೆಯಲಿದ್ದು,ಒಲಿಂಪಿಕ್ ಪ್ಲ್ಯಾಗ್ ಅನ್ನು ಲಂಡನ್ ಪ್ರತಿನಿಧಿಗಳಿಗೆ ಹಸ್ತಾಂತರಿಸಿದರು.

ಪದಕ ಪಟ್ಟಿಯಲ್ಲಿ ಅಮೆರಿಕ ಪ್ರಥಮ:16 ದಿನಗಳ ಕಾಲ ನಡೆದ ಒಲಿಂಪಿಕ್ ಪದಕ ಗಳಿಕೆಯಲ್ಲಿ ಜಗತ್ತಿನ ದೊಡ್ಡಣ್ಣ ಎನಿಸಿಕೊಂಡ ಅಮೆರಿಕ 110 ಪದಕದೊಂದಿಗೆ ಪ್ರಥಮ ಸ್ಥಾನ ಪಡೆದಿದೆ.

ಓಟ-ಬೆಕಲ್‌ಗೆ ಮತ್ತೊಂದು ಬಂಗಾರ

Sun, 24 Aug 2008 18:25:03 +0530

ಒಲಿಂಪಿಕ್ ಕ್ರೀಡಾಕೂಟದಲ್ಲಿ 5 ಸಾವಿರ ಮೀಟರ್‍ ಓಟದಲ್ಲಿ ದಾಖಲೆಯೊಂದಿಗೆ ಸ್ವರ್ಣ ಪದಕ ಜಯಿಸಿದ ಕೆನ್ನೆನಿಸಾ ಬೆಕಲ್ ಅವರು 28ವರ್ಷಗಳ ಸುದೀರ್ಘ ಅವಧಿ ನಂತರ ಈ ಸಾಧನೆ ಮಾಡಿದ ಪ್ರಥಮ ಓಟಗಾರ ಎಂಬ ಶ್ಲಾಘನೆಗೆ ಪಾತ್ರರಾದರು.

ಕಳೆದ ಭಾನುವಾರ ಅವರು 10ಸಾವಿರ ಮೀಟರ್ ಓಟದಲ್ಲಿ ಚಿನ್ನದ ಪದಕವನ್ನು ಗಳಿಸಿದ್ದರು. 1980ರಲ್ಲಿ ಇಥಿಯೋಪಿಯಾದ ಮಿರುಟಸ್ ಯಿಫ್ಟರ್ ಅವರು ಮಾಸ್ಕೋ ಒಲಿಂಪಿಕ್ ಕೂಟದಲ್ಲಿ 5ಸಾವಿರ ಮೀ.ಓಟದಲ್ಲಿ ಮಾಡಿದ್ದ ಸಾಧನೆಯನ್ನು ಅವರು ಈ ಬಾರಿ ಮುರಿದರು.

ಅಥೆನ್ಸ್‌ನಲ್ಲಿ ಬೆಳ್ಳಿ ಪದಕ ಗೆದ್ದುಕೊಂಡ ಬೆಕಲ್,ಬೀಜಿಂಗ್‌ನಲ್ಲಿ ಅತ್ಯುತ್ತಮ ಓಟವನ್ನು ಓಡಿ 12:57.82ಸೆಕೆಂಡ್ಸ್‌ಗಳಲ್ಲಿ ಕ್ರಮಿಸಿ ಒಲಿಂಪಿಕ್ ದಾಖಲೆಯೊಂದಿಗೆ ಚಿನ್ನದ ಪದಕ ಗೆದ್ದರು.

400ಮಿ.ರೆಲೆ ಸ್ಪರ್ಧೆಯಲ್ಲಿ ಜಮೈಕಾ ತಂಡ ಕೊನೆಯ ಸ್ಥಾನಕ್ಕೆ ತೃಪ್ತಿ ಪಡಬೇಕಾಯಿತು. ಆದರೆ ಈ ಸ್ಪರ್ಧೆಯಲ್ಲಿ ಲಾತಾನ್ ಮೆರ್ರಿಟ್,ಆಂಜೆಲೊ ಟೇಲರ್,ಡೇವಿಡ್ ನೆವಿಲ್ಲೆ,ಜೆರ್ಮಿ ವಾರ್ನರ್ ಅವರನ್ನೊಳಗೊಂಡ ಅಮೆರಿಕ ತಂಡ
2:55.39 ಸೆಕೆಂಡ್ಸ್‌ಗಳಲ್ಲಿ ದೂರವನ್ನು ಕ್ರಮಿಸುವ ಮೂಲಕ 1992ರ ಬಾರ್ಸಿಲೋನಾ ಕೂಟದಲ್ಲಿ ತಮ್ಮ ದೇಶದವರೇ 2:55.74ಸೆ.ನೊಂದಿಗೆ ಸ್ಥಾಪಿಸಿದ್ದ ದಾಖಲೆಯನ್ನು ಉತ್ತಮ ಪಡಿಸಿದರು.

ಪುರುಷರ ಜಾವೆಲಿನ್ ಥ್ರೋ ಸ್ಪರ್ಧೆಯಲ್ಲಿ ನಾರ್ವೆ ದೇಶದ ಆಂಡ್ರೇಸ್ ಫಾರ್ಕಿಲ್ಡ್‌ಸನ್ ಅವರು ಜಾವೆಲಿನ್ ಅನ್ನು 90.57ಮಿ.ದೂರಕ್ಕೆ ಎಸೆಯುವ ಮೂಲಕ ಹೊಸ ದಾಖಲೆ ನಿರ್ಮಿಸಿದರು.

ಒಲಿಂಪಿಕ್ ಮುಕ್ತಾಯ ಸಮಾರಂಭಕ್ಕೆ ಕ್ಷಣಗಣನೆ

Sun, 24 Aug 2008 15:41:34 +0530

PTI

ಬೀಜಿಂಗ್‌ನ 2008ರ ಐತಿಹಾಸಿಕ 29 ನೇ ಒಲಿಂಪಿಕ್ ಗೇಮ್ಸ್‌ನ ವರ್ಣರಂಜಿತ ಸಮಾರಂಭ ಭಾನುವಾರ ಸಂಜೆ ಭಾರತೀಯ ಕಾಲಮಾನ ಸಂಜೆ 5.30ಕ್ಕೆ ಆರಂಭಗೊಳ್ಳಲಿದ್ದು, 7.30ಕ್ಕೆ ಮುಕ್ತಾಯಗೊಳ್ಳಲಿದೆ.

ಇಂದು ಬೆಳಿಗ್ಗೆ ನಡೆದ ಅಂತಿಮ ಹಂತದ ಸ್ಪರ್ಧೆಯಲ್ಲಿ ಚೀನಾ 51 ಸ್ವರ್ಣ ಪದಕವನ್ನು ತನ್ನ ಬಗಲಿಗೇರಿಸಿಕೊಳ್ಳುವ ಮೂಲಕ ಒಟ್ಟು 100 ಪದಕಗಳನ್ನು ಪಡೆದಿದೆ. ಅದರಂತೆ ಅಮೆರಿಕ 36 ಚಿನ್ನ, 38 ಬೆಳ್ಳಿ, 36ಕಂಚಿನೊಂದಿಗೆ ಒಟ್ಟು 110 ಪದಕ ಗಳಿಸಿ ಮೊದಲ ಸ್ಥಾನ ಅಲಂಕರಿಸಿದೆ. ರಷ್ಯಾ 24 ಬಂಗಾರ, 21ರಜತ, 28ಕಂಚಿನೊಂದಿಗೆ 73 ಪದಕ ಗಳಿಸಿದೆ.

ಇಂದು ಸಂಜೆ ಅದ್ದೂರಿಯಾಗಿ ಒಲಿಂಪಿಕ್ ಗೇಮ್ಸ್ ಸಮಾರಂಭ ಮುಕ್ತಾಯಗೊಳ್ಳಲಿದ್ದು, ಸಮಾರಂಭದಲ್ಲಿ 2012ರಲ್ಲಿ ಲಂಡನ್‌ನಲ್ಲಿ ಮುಂದಿನ 30ನೇ ಒಲಿಂಪಿಕ್ ಗೇಮ್ಸ್ ನಡೆಯಲಿದ್ದು, ಲಂಡನ್‌ಗೆ ಒಲಿಂಪಿಕ್ ಪ್ಲ್ಯಾಗ್ ಅನ್ನು ಹಸ್ತಾಂತರಿಸಲಿದೆ.

ಆಗೋಸ್ಟ್ 8ರಂದು ಬೀಜಿಂಗ್‌ನ ಬರ್ಡ್ ನೆಸ್ಟ್ ಕ್ರೀಡಾಂಗಣದಲ್ಲಿ 90 ಸಾವಿರ ವೀಕ್ಷಕರ ನಡುವೆ ಸುಮಾರು ಎರಡುವರೆ ತಾಸುಗಳ ಕಾಲ ಬಾನಂಗಳಲ್ಲಿ ಸುಡುಮದ್ದುಗಳ ಆಕರ್ಷಕ ಚಿತ್ತಾರದೊಂದಿಗೆ ಒಲಿಂಪಿಕ್ ಗೇಮ್ಸ್ ಉದ್ಘಾಟನೆಗೆ ಚಾಲನೆ ನೀಡಲಾಗಿತ್ತು.

ಭಾನುವಾರ ಸಂಜೆ ನಡೆಯಲಿರುವ ಮುಕ್ತಾಯ ಸಮಾರಂಭ ಮೂರು ಗಂಟೆಗಳ ಕಾಲ ನಡೆಯಲಿದ್ದು,ಇದರಲ್ಲಿ ರಾಜಧಾನಿಯ 18 ಪ್ರದೇಶಗಳಲ್ಲಿ ಆಕರ್ಷಕ ಸುಡುಮದ್ದು ಪ್ರದರ್ಶನ ನಡೆಯಲಿದೆ.

ಅಂತ್ಯಮ ಇವೆಂಟ್: ಭಾನುವಾರ ನಡೆದ ಅಂತಿಮ ಸ್ಪರ್ಧೆಯಲ್ಲಿ ಕೀನ್ಯಾದ ಸ್ಯಾಮ್ಯುವೆಲ್ ವಾನ್‌ಜಿರೂ ಒಲಿಂಪಿಕ್ ಗೇಮ್ಸ್‌ನ ಪುರುಷರ ಮ್ಯಾರಾಥಾನ್‌ನಲ್ಲಿ ಕೊನೆಯ ದಿನ ಚಿನ್ನದ ಪದಕ ಪಡೆದರು.

ಒಲಿಂಪಿಕ್ ಗೇಮ್ಸ್‌ನ 15ನೇ ದಿನದ ಸ್ಪರ್ಧೆಕಣದಲ್ಲಿ ಚೀನಾ 51 ಚಿನ್ನದ ಪದಕ ಪಡೆದರೆ,ಅಮೆರಿಕ 36ಬಂಗಾರ,ರಷ್ಯಾ 24 ಹಾಗೂ ಗ್ರೇಟ್ ಬ್ರಿಟನ್ 19ಸ್ವರ್ಣ ಪದಕಗಳನ್ನು ಪಡೆದಿವೆ.

ಗುಡ್ಡಗಾಡು ಬೈಕ್ ರೇಸ್-ಸ್ಪಿಟ್ಜ್‌ಗೆ ಬಂಗಾರ

Sat, 23 Aug 2008 20:53:26 +0530

ಒಲಿಂಪಿಕ್ ಮಹಿಳಾ ಗುಡ್ಡಗಾಡು ಬೈಕ್ ರೇಸ್ ಸ್ಪರ್ಧೆಯಲ್ಲಿ ಜರ್ಮನಿಯ ಸಬಿನೆ ಸ್ಪಿಟ್ಜ್ ಚಿನ್ನದ ಪದಕ ಜಯಿಸಿದ್ದು,4 ವರ್ಷಗಳ ಹಿಂದೆ ಅವರು ಅಥೇನ್ಸ್‌ನಲ್ಲಿ ಕಂಚಿನ ಪದಕಕ್ಕೆ ತೃಪ್ತಿ ಪಟ್ಟುಕೊಂಡಿದ್ದರು.

ಸುಮಾರು 2.75 ಮೈಲು ಪಥದ 6 ಸುತ್ತುಗಳನ್ನು ಸ್ಪಿಟ್ಜ್ ಒಂದು ತಾಸು 45 ನಿಮಿಷ, 11 ಸೆಕೆಂಡುಗಳಲ್ಲಿ ಮುಗಿಸಿದರು. ಅವರು ಅಂತಿಮ ರೇಖೆಯಿಂದ 5 ಮೀಟರ್ ದೂರದಲ್ಲಿ ತಡೆದು, ತಮ್ಮ ಬೈಕನ್ನು ಹಾರಿಸುತ್ತಾ ಅಂತಿಮ ರೇಖೆಯನ್ನು ದಾಟಿದರು.

ಪೊಲ್ಯಾಂಡಿನ ಮಾಜಾ ವ್ಲೊಸ್ಜೆಜೊವ್ಸ್‌ಕ ಸ್ಪಿಟ್ಜ್‌ಗಿಂತ 41 ಸೆಕೆಂಡುಗಳಷ್ಟು ಹಿಂದೆ ಬಿದ್ದು, ಬೆಳ್ಳಿ ಪದಕಕ್ಕೆ ಪಾತ್ರರಾದರು. ರಷ್ಯಾದ ಇರಿನಾ ಕಲೆಂನ್ಟೀವಾ ಕಂಚಿನ ಪದಕಕ್ಕೆ ತೃಪ್ತಿ ಪಟ್ಟುಕೊಂಡರು.

ಮೊದಲ ಸುತ್ತಿನ ಬಳಿಕ ಸ್ಪಿಟ್ಜ್ 21 ಸೆಕೆಂಡುಗಳಷ್ಟು ಮುನ್ನಡೆ ಪಡೆದಿದ್ದರು, ಎರಡನೇ ಸುತ್ತಿನ ನಂತರ 49 ಸೆಕೆಂಡುಗಳಷ್ಟು ಮುನ್ನಡೆ ಪಡೆದು ಎದುರಾಳಿಗಳಿಂದ ಯಾವುದೇ ಭೀತಿಯನ್ನು ಎದುರಿಸಲಿಲ್ಲ.

ಹಾಲಿ ಚಿನ್ನ ಪದಕದಾರಿ ನಾರ್ವೆಯ ಗುನ್ನ್ ರಿಟ ದಾಹ್ಲೆ ಪ್ಲೆಸ್ಜಾ ಕೇವಲ ಮೂರು ಸುತ್ತನ್ನು ಪೂರ್ಣಗೊಳಿಸುವಷ್ಟರಲ್ಲಿ ತಾಂತ್ರಿಕ ಸಮಸ್ಯೆಗಳ ಕಾರಣ ಹೇಳಿ ಸ್ಪರ್ಧೆಯಿಂದ ಹೊರ ನಡೆದರು.

ಮ್ಯಾಚ್ ರೆಫ್ರಿಗೆ ಒದ್ದ ಕ್ಯೂಬಾದ ಮಾಟೋಸ್‌ಗೆ ನಿಷೇಧ

Sat, 23 Aug 2008 20:50:31 +0530

ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಶನಿವಾರ ಕ್ಯೂಬಾದ ಏಂಜೆಲ್ ವಾಲೊಡಿಯಾ ಮಾಟೋಸ್ ಅವರು ಶನಿವಾರ ಟೆಕ್ವಾಂಡೋ ಹಣಾಹಣಿಯ ಸಂದರ್ಭದಲ್ಲಿ ಮ್ಯಾಚ್ ರೆಫ್ರಿ ಮುಖಕ್ಕೆ ಪಂಚ್ ಮಾಡಿದ್ದಕ್ಕೆ ಜೀವಾವಧಿ ನಿಷೇಧ ಶಿಕ್ಷೆಗೆ ಒಳಗಾದ ಘಟನೆ ನಡೆದಿದೆ.

ಸ್ಪರ್ಧಾ ಕಣದಲ್ಲಿಯೇ ಮ್ಯಾಚ್ ರೆಫ್ರಿ ಮುಖಕ್ಕೆ ಒದ್ದ ಪರಿಣಾಮ ಮಾಟೋಸ್‌ಗೆ ಜೀವಾವಧಿ ನಿಷೇಧ ವಿಧಿಸಿರುವುದಾಗಿ ಅಧಿಕಾರಿಗಳು ತಿಳಿಸಿದ್ದು.ಇದು ಟೆಕ್ವಾಂಡೋ ಪಂದ್ಯ ಮತ್ತು ಒಲಿಂಪಿಕ್ ಗೇಮ್ಸ್‌ನ ನೀತಿ ಸಂಹಿತೆಯ ಸ್ಪಷ್ಟ ಉಲ್ಲಂಘನೆಯಾಗಿದೆ ಎಂದು ತಿಳಿಸಿದರು.

ಟೆಕ್ವಾಂಡೋ ಹಣಾಹಣಿಯಲ್ಲಿ ಮಾಟೋಸ್ ಅವರು ಎದುರಾಳಿ ಕಜಕಿಸ್ತಾನದ ಅರ್ಮಾನ್ ಚಿಲ್‌‌ಮಾನೊವ್ ಅವರನ್ನು 3-2ರ ಅಂತರದಲ್ಲಿ ಸೋಲಿಸಿದ್ದರು. ಏತನ್ಮಧ್ಯೆ ಹೋರಾಟ ನಡೆಸುತ್ತಿದ ಸಂದರ್ಭದಲ್ಲಿ ಮ್ಯಾಚ್ ರೆಫ್ರೀ ಹೋರಾಟವನ್ನು ತಡೆಯಲು ಬಂದಾಗ ಮಾಟೋಸ್‌ ಮುಖಕ್ಕೆ ಒದ್ದಿದ್ದರು.

ಬೀಚ್ ವಾಲಿಬಾಲ್ - ಅಮೆರಿಕ ಪಾಲಿಗೆ ಸ್ವರ್ಣ

Sat, 23 Aug 2008 18:05:46 +0530

ಟೊಡ್ಡ್ ರೋಜರ್ಸ್ ಮತ್ತು ಪಿಲ್ ಡಾಲ್ಹೌಸೆರ್ ಬ್ರೆಜಿಲ್ ಎದುರಾಳಿಗಳನ್ನು ಮೂರು ಸೆಟ್‌‌ಗಳಿಂದ ಪರಾಜಯಗೊಳಿಸುವ ಮೂಲಕ ಬೀಚ್ ವಾಲಿಬಾಲ್ ಚಿನ್ನದ ಪದಕವನ್ನು ಅಮೆರಿಕ ತನ್ನ ಮುಡಿಗೇರಿಸಿಕೊಂಡಿದೆ.

ಕೆರ್ರಿ ವಾಲ್ಶ್ ಮತ್ತು ಮಿಸ್ಟಿ ಮೇ ಟ್ರೆನೋರ್ ತಮ್ಮ ಸತತ ಎರಡನೇ ಚಿನ್ನದ ಪದಕ ಗೆದ್ದ ಒಂದು ದಿನದ ಬಳಿಕ ಟೊಡ್ಡ್ ಮತ್ತು ಪಿಲ್ ತಮ್ಮ ಮೊದಲ ಒಲಿಂಪಿಕ್ ಚಿನ್ನವನ್ನು ಗೆದ್ದುಕೊಂಡರು. ಈ ಜೋಡಿ ಬ್ರೆಸಿಲ್‌ನ ಪ್ಯಾಬಿಯೊ ಮತ್ತು ಮಾರ್ಸಿಯೊರನ್ನು 23-21, 17-21, 15-4ದಲ್ಲಿ ಸೋಲಿಸಿತು.

ಇದಕ್ಕೂ ಮುಂಚೆ ಶುಕ್ರವಾರದಂದು ಅಥೇನ್ಸ್ ಚಿನ್ನ ಪದಕದಾರಿಗಳಾದ ಬ್ರೆಸಿಲ್‌ನ ಎಮಾನ್ಯುಲ್ ಮತ್ತು ರಿಕಾರ್ಡೊ ಜಾರ್ಜಿಯಾದ ಜೋರ್ಜ್ ಟೆಕ್ರೀರ ಮತ್ತು ರೆನಟೊ ಗೋಮ್ಸ್‌ರನ್ನು 21-15, 21-10ದಲ್ಲಿ ಸೋಲಿಸಿ, ಕಂಚಿನ ಪದಕವನ್ನು ಗೆದ್ದುಕೊಂಡರು

ನಾನೊಬ್ಬ ಅದ್ಭುತ ಶಕ್ತಿಯಲ್ಲ: ಉಸೇನ್ ಬೋಲ್ಟ್

Sat, 23 Aug 2008 17:37:09 +0530

ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಮೂರು ವಿಶ್ವದಾಖಲೆಯನ್ನು ನಿರ್ಮಿಸಿದ ಜಮೈಕಾದ ಅತೀ ವೇಗದ ಓಟಗಾರ ಉಸೇನ್ ಬೋಲ್ಟ್,ತಾನೊಂದು ಅದ್ಭುತ ಶಕ್ತಿಯಲ್ಲ, ಆದರೆ ನಾನೊಬ್ಬ ಸಾಧಾರಣಾ ಅಥ್ಲೀಟ್ ಎಂದು ಶನಿವಾರದಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

22 ರ ಹರೆಯದ ಜಮೈಕಾದ ತರುಣ ಉಸೇನ್ ಬೋಲ್ಟ್ ಅಕ್ಷರಶ ಈ ಬಾರಿಯ ಬೀಜಿಂಗ್ ಒಲಿಂಪಿಕ್ ಗೇಮ್ಸ್‌ನಲ್ಲಿ ರಿಯಲ್ ಹೀರೋವಾಗಿ ಕಂಗೊಳಿಸಿದ್ದರು.ಮತ್ತೊಬ್ಬ ವ್ಯಕ್ತಿ ಎಂಟು ಪದಕಗಳೊಂದಿಗೆ ಅಚ್ಚರಿಗೆ ನೂಕಿದ ಪೆಲ್ಪ್ಸ್.

ಉಸೇನ್ ಬೋಲ್ಟ್ 100 ಮೀ.-200 ಮೀ.ಹಾಗೂ 400 ಮಿ.ರಿಲೆಯಲ್ಲಿ ಸ್ವರ್ಣ ಪದಕವನ್ನು ಜಯಿಸಿದ್ದಲ್ಲದೆ,ವಿಶ್ವದಾಖಲೆಯನ್ನೇ ನಿರ್ಮಿಸಿದ್ದರು. ಆದರೆ ಓಟದಲ್ಲಿ ಗುರಿ ತಲುಪು ವಾಗ ಅವರು ಯಾವುದೇ ಒತ್ತಡಕ್ಕೆ ಒಳಗಾಗದೆ ಇದ್ದದ್ದು ಮಹತ್ವದ ಅಂಶವಾಗಿತ್ತು.

ತನ್ನ ಗೆಲುವಿನ ಬಳಿಕ ಹಲವಾರು ಮಂದಿ ತನ್ನನ್ನು ಪ್ರಶ್ನೆಗೊಳಪಡಿಸಿರುವುದಾಗಿ ಹೇಳಿದ ಬೋಲ್ಟ್, ನಿಮಗೆ ಇದು ಹೇಗೆ ಸಾಧ್ಯವಾ ಯಿತೆಂದು. ಮತ್ತೆ ಕೆಲವರು ನೀವು ಅದ್ಭುತವಾದನ್ನೇ ಸಾಧಿಸಿದ್ದೀರಿ ಎಂಬುದಾಗಿ ಹೇಳಿದ್ದರು. ಆದರೆ ನಾನು ನಿಜಕ್ಕೂ ಅದ್ಭುತ ಶಕ್ತಿಯಲ್ಲ,ಸಾಧಾರಣವಾದ ಅಥ್ಲೀಟ್‌ ಆಗಿರುವುದಾಗಿ ತಿಳಿಸಿರುವುದಾಗಿ ಹೇಳಿದ್ದಾರೆ.

ಬೋಲ್ಟ್ 100 ಮೀ. ಅನ್ನು 9.69 ಸೆಕೆಂಡ್ಸ್‌ಗಳಲ್ಲಿ,200ಮೀ. ಓಟದಲ್ಲಿ 19.30 ಸೆಕೆಂಡ್ಸ್‌ಗಳಲ್ಲಿ ಗುರಿ ತಲುಪಿದ್ದರೆ, 400 ಮೀ. ರಿಲೆಯಲ್ಲಿ 37.10 ಸೆಕೆಂಡ್ಸ್‌ಗಳಲ್ಲಿ ಗುರಿ ತಲುಪಿ ವಿಶ್ವ ದಾಖಲೆ ಬರೆಯುವ ಮೂಲಕ 15ವರ್ಷಗಳ ಹಳೆಯ ದಾಖಲೆಯನ್ನು ಅಳಿಸಿ ಹಾಕಿದರು.

ಬೀಜಿಂಗ್: ಪದಕ ಪಟ್ಟಿಯಲ್ಲಿ 83ದೇಶಗಳ ದಾಖಲೆ

Sat, 23 Aug 2008 16:06:26 +0530

ಪ್ರಸಕ್ತ ಸಾಲಿನಲ್ಲಿ ನಡೆದ 29ನೇ ಒಲಿಂಪಿಕ್ ಕ್ರೀಡಾಕೂಟ ಭಾರತದ ಪಾಲಿಗಂತೂ ಐತಿಹಾಸಿಕವಾದರೆ, ಉಳಿದಂತೆ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಒಟ್ಟು 83ದೇಶಗಳು ಪದಕವನ್ನು ಗಳಿಸಿರುವುದಾಗಿ ಒಲಿಂಪಿಕ್ ಕ್ರೀಡಾಸಮಿತಿ ತಿಳಿಸಿದೆ.

ಇದರಲ್ಲಿ ಐಯರ್ಲ್ಯಾಂಡ್,ಮೊಲ್ಡೋವಾ,ದ್ವೀಪ ರಾಷ್ಟ್ರವಾದ ಮೌರಿಷಸ್ ನಾಲ್ಕು ಕಂಚಿನ ಪದಕಗಳನ್ನು ತಮ್ಮ ಬಗಲಿಗೇರಿಸಿಕೊಂಡಿವೆ.ಆದರೂ ಈ ಬಾರಿ 83ದೇಶಗಳು ಪದಕ ಪಡೆಯುವ ಮೂಲಕ ದಾಖಲೆ ನಿರ್ಮಿಸಿವೆ.

ಭಾನುವಾರ ಸಂಜೆ ಮುಕ್ತಾಯಗೊಳ್ಳಲಿರುವ ಬೀಜಿಂಗ್ ಮಹಾನ್ ಕ್ರೀಡಾಕೂಟದಲ್ಲಿ 302ಇವೆಂಟ್‌ಗಳಲ್ಲಿ 54 ಬಾಕಿ ಉಳಿದಿದ್ದು,ಭಾನುವಾರ ಬೆಳಿಗ್ಗೆ ಕ್ರೀಡಾ ಸ್ಪರ್ಧೆಗಳೆಲ್ಲ ಅಂತ್ಯಗೊಳ್ಳಲಿದೆ. ಅಥೆನ್ಸ್‌ನಲ್ಲಿ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಒಟ್ಟು 74ದೇಶಗಳು ಪದಕಗಳನ್ನು ಜಯಿಸಿದ್ದವು.

ಅಲ್ಲದೇ 2000ನೇ ಇಸವಿಯಲ್ಲಿ ಸಿಡ್ನಿಯಲ್ಲಿ ನಡೆದ ಒಲಿಂಪಿಕ್ ಕ್ರೀಡಾಕೂಟದಲ್ಲಿ 80ದೇಶಗಳು ಪದಕಗಳನ್ನು ಪಡೆದಿದ್ದವು. ಆ ನಿಟ್ಟಿನಲ್ಲಿ ಬೀಜಿಂಗ್‌ನಲ್ಲಿ 83ದೇಶಗಳು ಪದಕ ಗಳಿಸಿ ದಾಖಲೆ ನಿರ್ಮಿಸಿದಂತಾಗಿದೆ.

ಒಲಿಂಪಿಕ್: 37ವಿಶ್ವ ದಾಖಲೆಗಳನ್ನು ಮುರಿಯಲಾಗಿದೆ....

Sat, 23 Aug 2008 15:04:54 +0530

ಈ ಬಾರಿಯ ಒಲಿಂಪಿಕ್ ಗೇಮ್ಸ್‌ನಲ್ಲಿ ಒಟ್ಟು 37 ವಿಶ್ವ ಹಾಗೂ 77ಒಲಿಂಪಿಕ್ ದಾಖಲೆಗಳನ್ನು ಮುರಿಯಲಾಗಿದೆ ಎಂದು ಶುಕ್ರವಾರ ರಾತ್ರಿ ಬೀಜಿಂಗ್ ಗೇಮ್ಸ್ ಸಂಘಟಕರ ಪ್ರಕಟಣೆ ತಿಳಿಸಿದೆ.

29ನೇ ಒಲಿಂಪಿಕ್ ಗೇಮ್ಸ್‌‌ ಕ್ರೀಡಾ ಸಮಿತಿಯ ಸಹಾಯಕ ನಿರ್ದೇಶಕ ಲಿಯು ವೆನ್‌ಬಿನ್ ಸುದ್ದಿಗಾರರೊಂದಿಗೆ ಮಾತನಾಡುತ್ತ,ಈ ಬಾರಿಯ ಗೇಮ್ಸ್‌ನಲ್ಲಿ ಹಲವಾರು ವಿಶ್ವ ದಾಖಲೆಗಳನ್ನು ಅಳಿಸಿ ಹಾಕಲಾಗಿದೆ ಎಂದು ತಿಳಿಸಿದರು.

ಅಲ್ಲದೇ ಈವರೆಗೆ ಒಟ್ಟು 237 ಸ್ವರ್ಣ ಪದಕ,238 ರಜತ ಹಾಗೂ 273 ಕಂಚಿನ ಪದಕಗಳನ್ನು ವಿಜೇತ ಕ್ರೀಡಾಳುಗಳಿಗೆ ಪ್ರದಾನ ಮಾಡಲಾಗಿದೆ ಎಂದು ಲೀ ಈ ಸಂದರ್ಭದಲ್ಲಿ ಹೇಳಿದರು.

ಅದಕ್ಕಿಂತಲೂ ಬಹು ಮುಖ್ಯವಾದ ಅಂಶ ಈ ಸಲದ ಕ್ರೀಡಾಕೂಟದಲ್ಲಿ ಉದ್ದೀಪನಾ ಮದ್ದು ಸೇವನೆ ಅಂಶ ಗಣನೀಯವಾಗಿ ಕಡಿಮೆಯಾಗಿರುವುದಾಗಿ ಪತ್ರಿಕಾಗೋಷ್ಠಿಯಲ್ಲಿ ಹಾಜರಿದ್ದ ಅಂತಾರಾಷ್ಟ್ರೀಯ ಒಲಿಂಪಿಕ್ ಸಮಿತಿಯ ವಕ್ತಾರ ಗಿಸೆಲ್ಲೆ ಡಾವಿಸ್ ಅಭಿಪ್ರಾಯ ವ್ಯಕ್ತಪಡಿಸಿದರು.

ಗೇಮ್ಸ್‌ನಲ್ಲಿ 4620 ಉದ್ದೀಪನಾ ಪರೀಕ್ಷೆಗಳನ್ನು ಮಾಡಲಾಗಿದ್ದು,ಅದರಲ್ಲಿ 3681ಮೂತ್ರ ಪರೀಕ್ಷೆ ಹಾಗೂ 939ರಕ್ತ ಪರೀಕ್ಷೆ ಮಾಡಲಾಗಿದೆ ಎಂದು ಅವರು ವಿವರಿಸಿದರು.

ಒಲಿಂಪಿಕ್ ಕ್ರೀಡಾ ವೀಕ್ಷಣೆಗಾಗಿ ಶುಕ್ರವಾರದವರೆಗೆ 408,271ಟಿಕೆಟ್‌‌ಗಳು ಮಾರಾಟವಾಗಿದ್ದರೆ,ಕೇವಲ ಗುರುವಾರದಂದು 30,418ಟಿಕೆಟ್ ಮಾರಾಟವಾಗಿತ್ತು ಎಂದು ಒಲಿಂಪಿಕ್ ಆರ್ಗನೈಜೇಶನ್ ಸಮಿತಿಯ ಕಾರ್ಯನಿರ್ವಾಹಕ ಉಪಾಧ್ಯಕ್ಷ ವಾಂಗ್ ವೇ ತಿಳಿಸಿದ್ದಾರೆ.

ಒಲಿಂಪಿಕ್ಸ್: ಕ್ವಾ.ಫೈನಲ್ ತಲುಪಿದ ನಾಲ್ವರಿಗೂ ಡಿಎಸ್‌ಪಿ ಹುದ್ದೆ

Sat, 23 Aug 2008 09:34:26 +0530

ಒಲಿಂಪಿಕ್ಸ್‌ನಲ್ಲಿ ಕ್ವಾರ್ಟರ್ ಫೈನಲ್ ತಲುಪಿದ ಹರಿಯಾಣದ ಬಾಕ್ಸ್‌ರ್‌ಗಳಾದ ವಿಜಯೆಂದರ್ ಕುಮಾರ್, ಜಿತೆಂದರ್ ಕುಮಾರ್ ಮತ್ತು ಅಖಿಲ್ ಕುಮಾರ್ ಮತ್ತು ಕುಸ್ತಿಪಟು ಯೋಗೇಶ್ವರ್ ದತ್ ಅವರುಗಳನ್ನು ಡೆಪ್ಯೂಟಿ ಸೂಪರಿಡೆಂಟ್ ಅಫ್ ಪೊಲೀಸ್ ಆಗಿ ನಿಯೋಜಿಸಲಾಗುವುದು ಎಂದು ಹರಿಯಾಣ ಸರಕಾರ ಘೋಷಿಸಿದೆ.

ಅವರು ಒಲಿಂಪಿಕ್ಸ್‌ನಲ್ಲಿ ಮಾಡಿದ ಪ್ರಮುಖ ಸಾಧನೆಗಳನ್ನು ಗುರುತಿಸಿ ಪುರಸ್ಕರಿಸುವ ನಿಟ್ಟಿನಲ್ಲಿ ಮೂವರು ಬಾಕ್ಸ್‌ರ್‌ಗಳು ಮತ್ತು ಕುಸ್ತಿಪಟುವನ್ನು ಡಿಎಸ್‌ಪಿ ಆಗಿ ನಿಯೋಜಿಸುವ ನಿರ್ಣಯವನ್ನು ಕೈಗೊಳ್ಳಲಾಗಿದೆ ಎಂದು ಮುಖ್ಯಮಂತ್ರಿ ಭೂಪಿಂದರ್ ಹೂಡ ಹೇಳಿಕೆಯೊಂದರಲ್ಲಿ ತಿಳಿಸಿದ್ದಾರೆ.

ಬಾಕ್ಸಿಂಗ್ ಕೋಚ್ ಜಗದೀಶ್ ಸಿಂಗ್ ಅವರಿಗೆ ಸರಕಾರ 25ಲಕ್ಷ ನಗದು ಪುರಸ್ಕಾರ ಪ್ರಕಟಿಸಿದೆ. ಹರಿಯಾಣದ ಮೂವರು ಬಾಕ್ಸ್‌ರ್‌‌ಗಳಿಗೂ ಜಗದೀಶ್ ಸಿಂಗ್ ತರಬೇತುದಾರರಾಗಿ ಕಾರ್ಯ ನಿರ್ವಹಿಸಿದ್ದರು.

ಬಾಕ್ಸ್‌ರ್‌ಗಳು ಮತ್ತು ಕುಸ್ತುಪಟುವನ್ನು ಡಿಎಸ್‌ಪಿ ಆಗಿ ನಿಯೋಜಿಸುವ ನಿರ್ಣಯದ ಹೊರತಾಗಿ, ಶುಕ್ರವಾರ ಸೆಮಿಫೈನಲ್‌ನಲ್ಲಿ ಸೋಲು ಕಂಡ ವಿಜಯೆಂದರ್‌ಗೆ ಹರಿಯಾಣ ಸರಕಾರ ಈಗಾಗಲೇ 50ಲಕ್ಷ ಪುರಸ್ಕಾರವನ್ನು ಘೋಷಿಸಿದೆ ಮತ್ತು ಜಿತೆಂದರ್ ಕುಮಾರ್, ಅಖಿಲ್ ಕುಮಾರ್ ಮತ್ತು ಯೋಗೇಶ್ವರ್ ದತ್ ಅವರಿಗೆ ತಲಾ 25ಲಕ್ಷ ಪುರಸ್ಕಾರವನ್ನು ಪ್ರಕಟಿಸಲಾಗಿದೆ.

ಮಹಿಳಾ ಹಾಕಿ: 24ವರ್ಷದ ಬಳಿಕ ನೆದರ್‌ಲ್ಯಾಂಡ್‌ಗೆ ಚಿನ್ನ

Fri, 22 Aug 2008 21:28:28 +0530

ಒಲಿಂಪಿಕ್ ಕ್ರೀಡಾಕೂಟದ ಮಹಿಳಾ ಹಾಕಿ ಸ್ಪರ್ಧೆಯಲ್ಲಿ ನೆದರ್‌ಲ್ಯಾಂಡ್ ಎದುರಾಳಿ ಚೀನಾವನ್ನು2-0ರ ಅಂತರದಲ್ಲಿ ಸೋಲಿಸುವ ಮೂಲಕ ಕಳೆದ 24ವರ್ಷಗಳ ಬಳಿಕ ಸ್ವರ್ಣ ಪದಕವನ್ನು ತನ್ನ ಕೊರಳಿಗೆ ಅಲಂಕರಿಸಿಕೊಳ್ಳುವ ಮೂಲಕ ಗೆಲುವಿನ ನಗು ಬೀರಿದೆ.

ಹಾಕಿ ಹಣಾಹಣಿಯ ದ್ವಿತೀಯಾರ್ಥದಲ್ಲಿ ನೆದರ್‌ಲ್ಯಾಂಡ್‌ನ ಬಲಿಷ್ಠ ತಂಡ ಚೀನಾವನ್ನು ಸಮರ್ಥವಾಗಿ ಎದುರಿಸುವ ಮೂಲಕ ಹಾಕಿಯಲ್ಲಿ ಚಿನ್ನದ ಪದಕ ಜಯಿಸಿದೆ.

2004ರಲ್ಲಿ ಅಥೆನ್ಸ್‌ನಲ್ಲಿ ನಡೆದ ಗೇಮ್ಸ್‌ನಲ್ಲಿ ನೆದರ್‌ಲ್ಯಾಂಡ್ ಹಾಕಿ ಹೋರಾಟದಲ್ಲಿ ಬೆಳ್ಳಿ ಪದಕವನ್ನು ಜಯಿಸಿತ್ತು.ಆದರೆ 1984ರ ಬಳಿಕ ಅದು ಚಿನ್ನವನ್ನು ಗೆದ್ದಿರಲಿಲ್ಲವಾಗಿತ್ತು.

ಚೀನಾ ಮಹಿಳಾ ಹಾಕಿ ತಂಡ ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟುಕೊಂಡಿತ್ತು,ಅರ್ಜೈಂಟೀನಾ ಜರ್ಮನಿಯನ್ನು ಮಣಿಸುವ ಮೂಲಕ ಕಂಚಿನ ಪದಕ ಪಡೆದಿದೆ.

ಶುಕ್ರವಾರ ನಡೆದ ಮಹಿಳಾ ಹಾಕಿ ಹೋರಾಟದಲ್ಲಿ ನೆದರ್‌ಲ್ಯಾಂಡ್ ತಂಡ ಅಂತಿಮ ಸುತ್ತಿನಲ್ಲಿ 51ನಿಮಿಷಗಳಲ್ಲಿ ನವೋಮಿ ವಾನ್ ಸಮರ್ಥವಾಗಿ ಸ್ಟಿಕ್ ಬಳಸಿಕೊಂಡು ಅಂಕವನ್ನು ತಮ್ಮದಾಗಿಸಿಕೊಂಡರು. ಚೀನಾ ಕೇವಲ ಎರಡು ನಿಮಿಷಗಳ ಅಂತರದಲ್ಲಿ ಪೆನಲ್ಟಿ ಕಾರ್ನರ್ ಅವಕಾಶದಿಂದ ವಂಚಿತವಾಗಿತ್ತು.

ವಿಜೇಂದರ್‌ಗೆ ಸ್ಪೀಕರ್ ಚಟರ್ಜಿ ಅಭಿನಂದನೆ

Fri, 22 Aug 2008 21:12:18 +0530

ಬೀಜಿಂಗ್ ಒಲಿಂಪಿಕ್ ಗೇಮ್ಸ್‌ನಲ್ಲಿ ಕಂಚಿನ ಪದಕ ಜಯಿಸಿರುವ ವಿಜೇಂದರ್ ಕುಮಾರ್‌ಗೆ ಲೋಕಸಭಾ ಸ್ಪೀಕರ್ ಸೋಮನಾಥ್ ಚಟರ್ಜಿ ಅವರು ಅಭಿನಂದನೆ ಸಲ್ಲಿಸಿದ್ದು, ವಿಜೇಂದರ್ ಐತಿಹಾಸಿಕ ಗೆಲುವಿನಿಂದ ದೇಶದ ಯುವಕರಿಗೆ ಸ್ಫೂರ್ತಿಯಾಗಿದೆ ಎಂದು ತಿಳಿಸಿದ್ದಾರೆ.

ಒಲಿಂಪಿಕ್‌ನಲ್ಲಿ ಕಂಚಿನ ಪದಕ ಗೆಲ್ಲುವ ಮೂಲಕ ದೇಶದ ಬಾಕ್ಸಿಂಗ್‌ ವಿಭಾಗದಲ್ಲಿ ಪ್ರಥಮ ಬಾರಿಗೆ ಪದಕ ಪಡೆದ ಹೆಗ್ಗಳಿಕೆಗೆ ಪಾತ್ರರಾಗಿರುವ ವಿಜೇಂದರ್ ಅಭಿನಂದನಾರ್ಹರು ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ ಚಟರ್ಜಿ, ಹರ್ಯಾಣ ಬಾಕ್ಸರ್‌ನ ಈ ಸಾಧನೆ ದೇಶದ ಯುವಕರಿಗೆ ಸ್ಫೂರ್ತಿಯಾಗಬೇಕು ಎಂದರು.

ಅಲ್ಲದೇ ಒಲಿಂಪಿಕ್ ಗೇಮ್ಸ್‌ನಲ್ಲಿ ಸ್ವರ್ಣ ಪದಕ ಗಳಿಸಿದ ಅಭಿನವ್ ಬಿಂದ್ರಾ, ಕಂಚಿನ ಪದಕ ಪಡೆದ ಸುಶೀಲ್ ಕುಮಾರ್ ಹಾಗೂ ವಿಜೇಂದರ್ ಕೂಡ ದೇಶದ ಮಕ್ಕಳು, ಯುವಕರಿ ಗೆ ಮಾದರಿ ವ್ಯಕ್ತಿಗಳಾಗಿದ್ದಾರೆ ಎಂದು ಚಟರ್ಜಿಯವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ರಿಲೆಯಲ್ಲೂ 'ಬೋಲ್ಟ್' ವಿಶ್ವದಾಖಲೆ

Fri, 22 Aug 2008 20:47:52 +0530

ವಿಶ್ವದ ವೇಗದ ಓಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿರುವ ಜಮೈಕಾದ ಉಸೇನ್ ಬೋಲ್ಟ್ ಶುಕ್ರವಾರವೂ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಪುರುಷರ 400 ಮೀ. ರಿಲೆಯಲ್ಲಿ ನಾಗಾಲೋಟದಲ್ಲಿ ಗುರಿ ತಲುಪುವ ಮೂಲಕ ಸ್ವರ್ಣ ಪದಕ ಗಳಿಸಿ ಮತ್ತೊಂದು ವಿಶ್ವ ದಾಖಲೆಯನ್ನು ನಿರ್ಮಿಸಿದ ಅಗ್ಗಳಿಕೆಗೆ ಭಾಜನರಾದರು.

ಈಗಾಗಲೇ ಒಲಿಂಪಿಕ್ ಗೇಮ್ಸ್‌ನಲ್ಲಿ ಚಿರತೆಯ ಓಟದ ಉಸೇನ್ ಬೋಲ್ಟ್ 100ಮೀ.ಮತ್ತು 200ಮೀ.ಓಟದಲ್ಲಿ ವಿಶ್ವದಾಖಲೆ ನಿರ್ಮಿಸಿದ್ದು,400ಮೀ.ರಿಲೆಯಲ್ಲೂ 3ನೇ ಬಂಗಾರದ ಬೇಟೆಯೊಂದಿಗೆ ವಿಶ್ವ ದಾಖಲೆ ಮಾಡಿದರು.

ಜಮೈಕಾ ರಿಲೆ ತಂಡದಲ್ಲಿ ಬೋಲ್ಟ್ ಸೇರಿದಂತೆ ನೆಸ್ತಾ ಕಾರ್ಟರ್,ಮೈಕಲ್ ಫ್ರಾಟೆರ್ ಮತ್ತು ಅಸಾಫಾ ಪೋವೆಲ್ 37.10ಸೆಕೆಂಡ್ಸ್‌ಗಳಲ್ಲಿ ಗುರಿ ತಲುಪುವ ಮೂಲಕ 1993ರಲ್ಲಿ ಅಮೆರಿಕ ನಿರ್ಮಿಸಿದ್ದ ವಿಶ್ವ ದಾಖಲೆಯನ್ನು ಅಳಿಸಿ ಹಾಕಿದರು.

ಟ್ರಿನಿಡಾಡ್ ಮತ್ತು ಟೋಬಾಗೋ 38.06ಸೆಕೆಂಡ್ಸ್‌ಗಳಲ್ಲಿ ಗುರಿ ತಲುಪುವ ಮೂಲಕ ದ್ವಿತೀಯ ಸ್ಥಾನ ಪಡೆದರೆ,ಜಪಾನ್ 38.15ಸೆಕೆಂಡ್ಸ್‌ಗಳಲ್ಲಿ ಗಮ್ಯ ತಲುಪಿ ತೃತೀಯ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿದೆ.

ನಿರಾಸೆ ಮೂಡಿಸಿದ ಮಹಿಳೆಯರ ರಿಲೆ ತಂಡ

Fri, 22 Aug 2008 18:54:40 +0530

ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಶುಕ್ರವಾರ ಸಂಜೆ ನಡೆದ ಮಹಿಳೆಯರ 400ಮೀ.ರಿಲೆ ಸ್ಪರ್ಧೆಯಲ್ಲಿ ಗುರಿ ತಲುಪಲಾಗದೆ ನಿರಾಸೆಯನ್ನು ಮೂಡಿಸಿದೆ.

ಭಾರತದ ರಿಲೆ ತಂಡದಲ್ಲಿ ಗೀತಾ,ಮಂಜಿತ್ ಕೌರ್,ಚೈತ್ರಾ ಸೋಮನ್ ಹಾಗೂ ಮನ್‌ದೀಪ್ ಕೌರ್ ಅವರು 3:28.83ಸೆಕೆಂಡ್ಸ್‌ಗಳಲ್ಲಿ ಓಡಿ ಗುರಿ ತಲುಪಲಾಗದೆ ಫೈನಲ್ ಪ್ರವೇಶಿಸುವಲ್ಲಿ ವಿಫಲರಾದರು.

400ಮೀ.ಮಹಿಳೆಯರ ರಿಲೆ ಸ್ಪರ್ಧೆಯಲ್ಲಿ ರಷ್ಯಾ 3:23.71ಸೆಕೆಂಡ್ಸ್‌ಗಳಲ್ಲಿ ಗುರಿ ತಲುಪಿ ಪ್ರಥಮ ಸ್ಥಾನ ಪಡೆದರೆ,ಕ್ಯೂಬಾ 3:25.46 ಸೆಕೆಂಡ್ಸ್‌ಗಳಲ್ಲಿ ಗುರಿ ದ್ವಿತೀಯ ಸ್ಥಾನ, ಬ್ರಿಟನ್ 3:25.48ಸೆಕೆಂಡ್ಸ್‌ಗಳಲ್ಲಿ ಗುರಿ ತಲುಪಿ ಮೂರನೇ ಸ್ಥಾನ ಪಡೆದರೆ,ಜರ್ಮನಿ 3:25.55ಸೆಕೆಂಡ್ಸ್‌ನೊಂದಿಗೆ ನಾಲ್ಕನೇ ಸ್ಥಾನ ಪಡೆಯಿತು.

ಬೀಜಿಂಗ್ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಭಾರತ ಪ್ರಸಕ್ತ ಸಾಲಿನಲ್ಲಿ ಒಂದು ಚಿನ್ನ,ಎರಡು ಕಂಚಿನ ಪದಕ ಪಡೆಯುವುದರೊಂದಿಗೆ ಕ್ರೀಡಾ ಇತಿಹಾಸದಲ್ಲಿಯೇ ನೂತನ ದಾಖಲೆ ಯನ್ನು ಬರೆದಿದೆ. ಆದರೆ ಇನ್ನೀಗ ಉಳಿದಿರುವ ರಿಲೆ ಸ್ಪರ್ಧೆಯಲ್ಲಿ ಭಾರತ ಯಾವುದೇ ನಿರೀಕ್ಷೆಯನ್ನು ಹೊಂದಂತಾಗಿದೆ.

ಶುಕ್ರವಾರ ನಡೆದ ರಿಲೆ ಸ್ಪರ್ಧೆಯಲ್ಲಿ ಭಾರತ ತಂಡ ನೀರಸ ಪ್ರದರ್ಶನ ನೀಡುವ ಮೂಲಕ ಬಹಳಷ್ಟು ನಿರಾಸೆ ಮೂಡಿಸಿದೆ. ಈ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ತುಂಬಾ ನಿರೀಕ್ಷೆ ಯನ್ನು ಇಟ್ಟುಕೊಳ್ಳಲಾಗಿದ್ದ ಅಂಜು ಬಾಬ್ಬಿ ಜಾರ್ಜ್ ಸೇರಿದಂತೆ ಹಲವರು ಭಾರತದ ಪಾಲಿಗೆ ನಿರಾಸೆಯನ್ನೇ ತಂದಿತ್ತರು.

ವಿಜೇಂದರ್‌ಗೆ ಹುಟ್ಟೂರಲ್ಲಿ 'ಹೀರೋ' ಸ್ವಾಗತಕ್ಕೆ ಸಿದ್ದತೆ

Fri, 22 Aug 2008 17:49:48 +0530

ಬೀಜಿಂಗ್ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಶುಕ್ರವಾರ ಬಾಕ್ಸಿಂಗ್ ಹಣಾಹಣಿಯ ಸೆಮಿ ಫೈನಲ್‌ನಲ್ಲಿ ಕಂಚಿನ ಪದಕ ಜಯಿಸಿರುವ ವಿಜೇಂದರ್ ಹುಟ್ಟೂರಾದ ಹರ್ಯಾಣದ ಭಿವಾನಿ ನಗರದಲ್ಲಿ ಸ್ಥಳೀಯರು,ಸಂಬಂಧಿಗಳು ಸಿಹಿ ಹಂಚಿ ಸಂಭ್ರಮವನ್ನು ಆಚರಿಸಿದರು.

ಒಲಿಂಪಿಕ್ ಗೇಮ್ಸ್‌ನಲ್ಲಿ ಕಂಚಿನ ಪದಕ ಗೆಲ್ಲುವ ಮೂಲಕ ದೇಶಕ್ಕೆ ಗೌರವ ತಂದುಕೊಟ್ಟ ವಿಜೇಂದರ್‌ಗೆ ಊರಿನಲ್ಲಿ 'ಹೀರೋ'ಸ್ವಾಗತ ನೀಡಲಾಗುವುದು.ಅಲ್ಲದೇ ಆತ ಕಾಮನ್‌ ವೆಲ್ತ್ ಗೇಮ್ಸ್‌ನಲ್ಲಿ ಖಂಡಿತವಾಗಿಯೂ ಚಿನ್ನದ ಪದಕವನ್ನು ಗೆಲ್ಲಲಿದ್ದಾನೆ ಎಂದು ವಿಜೇಂದರ್ ತಾಯಿ ಕೃಷ್ಣ ಅವರು ಭರವಸೆ ವ್ಯಕ್ತಪಡಿಸಿದ್ದಾರೆ.

ಆದರೂ ಸೆಮಿ ಫೈನಲ್‌ನಲ್ಲಿ ವಿಜೇಂದರ್ ಸೋತಿರುವುದು ತಮಗೆ ನಿರಾಸೆಯಾಗಿರುವುದಾಗಿಯೂ ಅವರು ಈ ಸಂದರ್ಭದಲ್ಲಿ ಹೇಳಿದರು.

ಮುಂದಿನ ಗೇಮ್ಸ್‌ನಲ್ಲಿ ಮತ್ತಷ್ಟು ಬಲಿಷ್ಠನಾಗುವಂತೆ ನಾನು ಆತನನ್ನು ತಯಾರಿಸುವುದಾಗಿ ಹೇಳಿರುವ ಕೃಷ್ಣ,ಆತನಿಗಾಗಿ ಖೀರ್ ಮತ್ತು ಕೂರ್ಮವನ್ನು ನೀಡುವ ಮೂಲಕ ದೈಹಿಕವಾಗಿ ಗಟ್ಟಿಯಾಗುವಂತೆ ಮಾಡುತ್ತೇನೆ ಎಂದು ಹೇಳಿದರು.

ಭಿವಾನಿಯ ಕಾಲೂವಾ ಹಳ್ಳಿಯಲ್ಲಿರುವ ಮನೆಯ ಹೊರಗೆ ವಿಜೇಂದರ್ ಬಾಕ್ಸಿಂಗ್ ಹಣಾಹಣಿಯ ವೀಕ್ಷಣೆಗಾಗಿ ವಿಶೇಷ ಪ್ರೊಜೆಕ್ಷನ್ ಸ್ಕ್ರೀನ್ ವ್ಯವಸ್ಥೆ ಮಾಡಲಾಗಿತ್ತು.ಈ ಗ್ರಾಮದ ಶಾಲಾ-ಕಾಲೇಜು ವಿದ್ಯಾರ್ಥಿಗಳು ಶಾಲೆಗೆ ಚಕ್ಕರ್ ಹೊಡೆದು,ವಿಜೇಂದರ್ ಹೋರಾಟವನ್ನು ವೀಕ್ಷಿಸಲು ಭಾಗವಹಿಸಿದ್ದರಂತೆ.

ವಿಜೇಂದರ್ ನಮ್ಮ ಹೀರೋ, ಬಾಕ್ಸಿಂಗ್‌ನಲ್ಲಿ ಭಾರತಕ್ಕೆ ದೊರೆತ ಮೊದಲ ಪದಕ ಇದಾಗಿದೆ.ಆ ನಿಟ್ಟಿನಲ್ಲಿ ನಾವು ಆತನನ್ನ ಅಭಿನಂದಿಸುವುದಾಗಿ ವಿಜೇಂದರ್ ಸಹೋದರಿಯ ರಾದ ಸಂಗೀತಾ ಮತ್ತು ಪೂನಮ್ ಅಭಿಪ್ರಾಯ.

ವಿಜೇಂದರ್‌‌ಗೆ ಸಚಿವ ಗಿಲ್ ಶಹಬ್ಬಾಸ್ ‌‌ಗಿರಿ

Fri, 22 Aug 2008 16:48:11 +0530

ಬೀಜಿಂಗ್ ಒಲಿಂಪಿಕ್ ಗೇಮ್ಸ್‌ನಲ್ಲಿ ಭಾರತದ ಕುಸ್ತಿಪಟು ವಿಜೇಂದರ್ ಕುಮಾರ್ ಅವರು ಫೈನಲ್ ತಲುಪುವ ಅವಕಾಶವನ್ನು ಕಳೆದುಕೊಂಡಿದ್ದರು ಕೂಡ,ಅತ್ಯಂತ ಚಾಕಚಕ್ಯತೆ ಯಿಂದ ಸೆಮಿಫೈನಲ್‌ವರೆಗೆ ಸೆಣಸಿ ಕಂಚಿನ ಪದಕ ತಂದುಕೊಟ್ಟ ವಿಜೇಂದರ್ ಸಾಧನೆ ಶ್ಲಾಘನೀಯವಾದದ್ದು ಎಂದು ಕ್ರೀಡಾಸಚಿವ ಎಂ.ಎಸ್.ಗಿಲ್ ಅವರು ಶಹಬ್ಬಾಸ್ ಗಿರಿ ನೀಡಿದ್ದಾರೆ.

ಬೀಜಿಂಗ್ ಒಲಿಂಪಿಕ್ ಕ್ರೀಡಾಕೂಟ ಮುಗಿದ ಬಳಿಕ ಆಗೋಸ್ಟ್ 25ಕ್ಕೆ ವಿಜೇಂದರ್ ತಾಯ್ನಾಡಿಗೆ ಹಿಂತಿರುಗುತ್ತಿರುವುದನ್ನೇ ಎದುರು ನೋಡುತ್ತಿರುವುದಾಗಿ ಅವರು ಹೇಳಿದರು.

ವಿಜೇಂದರ್ ಫೈನಲ್ ತಲುಪಲಾಗದ್ದಕ್ಕೆ ಬೇಸರ ಇದೆ,ಆದರೆ ಎದುರಾಳಿ ವಿರುದ್ಧ ವಿಜೇಂದರ್ ಅವರು ಶಾಂತ ಮನಸ್ಥಿತಿಯಿಂದ, ಚಾಕಚಕ್ಯತೆಯಿಂದ ಸಣಸಾಡಿರುವುದಕ್ಕೆ ಅಭಿನಂದಿಸುತ್ತಿರುವುದಾಗಿ ಸುದ್ದಿಗಾರರೊಂದಿಗೆ ಮಾತನಾಡುತ್ತ ತಿಳಿಸಿದರು.

ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಶುಕ್ರವಾರ ನಡೆದ ಬಾಕ್ಸಿಂಗ್ ಸೆಮಿಫೈನಲ್ ಹಣಾಹಣಿಯಲ್ಲಿ ವಿಜೇಂದರ್ ಕುಮಾರ್ ಅವರು ಕ್ಯೂಬಾದ ಎಮೋಲಿ ಕೊರ್ರೆಯಾ ವಿರುದ್ಧ ಪರಾಜಯ ಗೊಳ್ಳುವ ಮೂಲಕ ಫೈನಲ್ ಪ್ರವೇಶದ ಕನಸು ಭಗ್ನಗೊಂಡಿತ್ತು. ಆದರೆ ವಿಜೇಂದರ್ ಅವರು ಕಂಚಿನ ಪದಕದೊಂದಿಗೆ ತಾಯ್ನಾಡಿಗೆ ಮರಳುತ್ತಿರುವುದು ಕ್ರೀಡಾಭಿಮಾನಿಗಳಲ್ಲಿ ಸಂತೋಷದ ಹೊನಲು ತರಿಸಿದೆ.

ಬಾಕ್ಸಿಂಗ್: 'ಕಂಚಿ'ಗೆ ತೃಪ್ತಿಪಟ್ಟುಕೊಂಡ ವಿಜೇಂದರ್

Fri, 22 Aug 2008 13:24:10 +0530

PTI

ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಶುಕ್ರವಾರ ಮಧ್ನಾಹ್ನ 12.45ಕ್ಕೆ ಆರಂಭಗೊಂಡ ಸೆಮಿ ಫೈನಲ್ ಬಾಕ್ಸಿಂಗ್ ಹಣಾಹಣಿಯಲ್ಲಿ ಭಾರತದ ವಿಜೇಂದರ್ ಕುಮಾರ್ ಅವರು ಕ್ಯೂಬಾದ ಎಮಿಲಿಯೋ ಕೊರೈಯಾ ಪೇಯಾಕ್ಸ್ ವಿರುದ್ಧ 8-05ರ ಅಂತರದಲ್ಲಿ ಪರಾಜಯಗೊಳ್ಳುವ ಮೂಲಕ ಫೈನಲ್ ಪ್ರವೇಶ ಭಗ್ನಗೊಂಡಂತಾಗಿದ್ದು, ಕಂಚಿನ ಪದಕಕ್ಕೆ ತೃಪ್ತಿಪಟ್ಟುಕೊಳ್ಳುವಂತಾಗಿದೆ.

ಕ್ಯೂಬಾದ ಎಮಿಲಿಯೋ ಅವರ ವಿರುದ್ಧ ಪ್ರಥಮ ಸುತ್ತಿನಲ್ಲಿ ಎಮಿಲಿಯೋ ಅವರು ವಿಜೇಂದರ್ ಮೇಲೆ ತೀವ್ರ ಪಂಚ್ ಮಾಡುವ ಮೂಲಕ 2-0ಅಂತರದಲ್ಲಿ ಮುನ್ನಡೆ ಸಾಧಿಸಿದರು.

ಎರಡನೇ ಸುತ್ತಿನಲ್ಲಿ ವಿಜೇಂದರ್ ಅವರು ಪೂರ್ಣ ವಿಶ್ವಾಸದೊಂದಿಗೆ ಎಮಿಲಿಯೋ ವಿರುದ್ಧ ಬಲವಾದ ಮುಷ್ಠಿ ಪ್ರಹಾರ ಮಾಡುವ ಮೂಲಕ 4-3ರ ಅಂಕಗಳೊಂದಿಗೆ ಭರವಸೆಯನ್ನು ಮೂಡಿಸಿದರು.

ಆದರೆ ಮೂರನೇ ಸುತ್ತಿನಲ್ಲಿ ವಿಜೇಂದರ್ ಡಿಫೆನ್ಸ್ ಮೂಲಕ ಎದುರಾಳಿಯ ಹೊಡೆತಗಳಿಂದ ರಕ್ಷಣೆ ಪಡೆದರೂ ಕೂಡ ಎಮಿಲಿಯೋ 7-03 ರ ಅಂತರದೊಂದಿಗೆ ಮುನ್ನಡೆ ಸಾಧಿಸಿದರು.

ನಾಲ್ಕನೇ ಹಾಗೂ ಅಂತಿಮ ಸುತ್ತಿನ ಕದನದಲ್ಲಿ ವಿಜೇಂದರ್ ಅವರು ಪಂಚ್‌‌ಗಾಗಿ ಪರದಾಡಿದರೂ ಕೂಡ, ಎಮಿಲಿಯೋ ಅದಕ್ಕೆ ಅವಕಾಶ ನೀಡದೆ ಮೇಲುಗೈ ಸಾಧಿಸುವ ಮೂಲಕ 8-05ರ ಅಂತರದಲ್ಲಿ ಫೈನಲ್ ಪ್ರವೇಶಿಸಿ, ಭಾರತದ ಚಿನ್ನದ ಕನಸಿಗೆ ತಡೆ ಬಿದ್ದಂತಾಗಿದ್ದು, ಕಂಚಿಗೆ ತೃಪ್ತಿಪಟ್ಟುಕೊಳ್ಳುವಂತಾಯಿತು.

ವಿಜೇಂದರ್ ಕುಮಾರ್ ಅವರು ಆ.20ರಂದು ನಡೆದ ಬಾಕ್ಸಿಂಗ್‌ನ 75ಕೆಜಿ ವಿಭಾಗದಲ್ಲಿ ಈಕ್ವೆಡಾರ್‌ನ ಕಾರ್ಲೋಸ್ ಗೊಂಗೊರಾ ವಿರುದ್ಧ ಗೆಲುವ ಸಾಧಿಸುವ ಮೂಲಕ ಸೆಮಿ ಫೈನಲ್ ಪ್ರವೇಶಿಸುವ ಮೂಲಕ ಭಾರತಕ್ಕೆ ಮತ್ತೊಂದು ಪದಕದ ನಿರೀಕ್ಷೆಯನ್ನು ಜೀವಂತವಾಗಿರಿಸಿದ್ದರು.

ಕನಸುಗಾರ ವಿಜೇಂದರ್ ಅವರು ತನ್ನ ಗುರಿ ಚಿನ್ನದ ಪದಕ ಪಡೆಯುವುದು ಎಂಬುದಾಗಿ ಈಗಾಗಲೇ ಘೋಷಿಸಿದ್ದು, ಆ ನಿಟ್ಟಿನಲ್ಲಿ ಇಂದು ನಡೆದ ಸೆಮಿ ಫೈನಲ್ ಹಣಾ ಹಣಿಯಲ್ಲಿ ಬಹಳಷ್ಟು ಹೋರಾಟ ನಡೆಸಿದರೂ ಕೂಡ ಕ್ಯೂಬಾದ ಎಮಿಲಿಯೋ ಅದಕ್ಕೆ ಅವಕಾಶ ನೀಡದೆ ಭಾರತದ ಬಂಗಾರದ ಬೇಟೆಗೆ ತಡೆಯೊಡ್ಡಿದರು.

ಆದರೆ ಭಾರತ ಒಲಿಂಪಿಕ್ಸ್‌ನಲ್ಲಿ ಮತ್ತೊಂದು ಕಂಚು ಪಡೆಯುವ ಮೂಲಕ ಕ್ರೀಡಾ ಇತಿಹಾಸದಲ್ಲಿ ದಾಖಲೆಯನ್ನ ಬರೆದಂತಾಗಿದೆ.ನಡೆಯಲಿರುವ ಹಣಾಹಣಿಯಲ್ಲಿ ವಿಜೇಂದರ್ ಅವರ ಅದೃಷ್ಟ ಪರೀಕ್ಷೆ ನಡೆಯಲಿದೆ.

ಬೀಜಿಂಗ್: ಇಂದು ವಿಜೇಂದರ್‌‌ಗೆ ಗುಡ್ ಪ್ರೈಡೇ...

Fri, 22 Aug 2008 11:15:32 +0530

PTI

ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಶುಕ್ರವಾರ ನಡೆಯಲಿರುವ ಬಾಕ್ಸಿಂಗ್ ಕದನ ಭಾರತದ ಪಾಲಿಗೆ ಗುಡ್ ಫ್ರೈಡೇಯಾಗಲಿದ್ದು,ಕೋಟ್ಯಂತರ ಕ್ರೀಡಾಭಿಮಾನಿಗಳು ಬಾಕ್ಸರ್ ವಿಜೇಂದರ್ ಗೆಲುವು ಸಾಧಿಸಿ,ಚಿನ್ನದ ಪದಕ ಪಡೆಯುವಂತಾಗಲಿ ಎಂಬ ನಿರೀಕ್ಷೆಯೊಂದಿಗೆ ಶುಭ ಹಾರೈಸುತ್ತಿದ್ದಾರೆ.

ವಿಜೇಂದರ್ ಕುಮಾರ್ ಅವರು ಆ.20 ರಂದು ನಡೆದ ಬಾಕ್ಸಿಂಗ್‌ನ 75ಕೆಜಿ ವಿಭಾಗದಲ್ಲಿ ಈಕ್ವೆಡಾರ್‌ನ ಕಾರ್ಲೋಸ್ ಗೊಂಗೊರಾ ವಿರುದ್ಧ ಗೆಲುವ ಸಾಧಿಸುವ ಮೂಲಕ ಸೆಮಿ ಫೈನಲ್ ಪ್ರವೇಶಿಸುವ ಮೂಲಕ ಭಾರತಕ್ಕೆ ಮತ್ತೊಂದು ಪದಕದ ನಿರೀಕ್ಷೆಯನ್ನು ಜೀವಂತವಾಗಿರಿಸಿದ್ದರು.

ಶುಕ್ರವಾರ ನಡೆಯಲಿರುವ ಬಾಕ್ಸಿಂಗ್‌‌ನ ಸೆಮಿ ಫೈನಲ್ ಪಂದ್ಯದಲ್ಲಿ ವಿಜೇಂದರ್ ಅವರು ಎದುರಾಳಿ ಕ್ಯೂಬಾದ ಎಮಿಲಿಯೋ ಕೊರೈಯಾ ಪೇಯಾಕ್ಸ್ ಅವರನ್ನು ಎದುರಿಸಲಿದ್ದಾರೆ. ಸೆಮಿ ಫೈನಲ್‌ನಲ್ಲಿ ವಿಜೇಂದರ್ ಎಮಿಲಿಯೋ ವಿರುದ್ಧ ಸೋಲನ್ನನುಭವಿಸಿದರೂ ಕೂಡ ಕಂಚಿನ ಪದಕ ನಿಶ್ಚಿತ.

ಆದರೆ ಕನಸುಗಾರ ವಿಜೇಂದರ್ ಅವರು ತನ್ನ ಗುರಿ ಚಿನ್ನದ ಪದಕ ಪಡೆಯುವುದು ಎಂಬುದಾಗಿ ಈಗಾಗಲೇ ಘೋಷಿಸಿದ್ದು,ಆ ನಿಟ್ಟಿನಲ್ಲಿ ಇಂದು ನಡೆಯಲಿರುವ ಹಣಾಹಣಿಯಲ್ಲಿ ವಿಜೇಂದರ್ ಅವರ ಅದೃಷ್ಟ ಪರೀಕ್ಷೆ ನಡೆಯಲಿದೆ. ಇಂದಿನ ಪಂದ್ಯದಲ್ಲಿ ಗೆಲುವು ಸಾಧಿಸಲಿ ಎಂಬುದೇ ಕ್ರೀಡಾಭಿಮಾನಿಗಳ ಆಶಯವಾಗಿದೆ.

ವಿಜೇಂದರ್ ಕನಸು: ಸ್ವಂತ ಪರಿಶ್ರಮದಿಂದ ಬಾಕ್ಸಿಂಗ್‌ ಪಂದ್ಯದಲ್ಲಿ ಎತ್ತರಕ್ಕೆ ಏರಿದ್ದ ವಿಜೇಂದರ್ ಅವರು ಹರ್ಯಾಣದ ಭಿವಾನಿ ಎಂಬ ಗ್ರಾಮದಲ್ಲಿ 1985ರಲ್ಲಿ ಜನಿಸಿದ್ದರು.

ತನ್ನ ಅಣ್ಣನ ಸ್ಫೂರ್ತಿಯೊಂದಿಗೆ ಚಿಕ್ಕಂದಿನಲ್ಲಿಯೇ ಬಾಕ್ಸಿಂಗ್‌ನಲ್ಲಿ ಆಸಕ್ತಿ ಬೆಳೆಸಿಕೊಂಡಿದ್ದ ವಿಜೇಂದರ್‌ಗೆ ಸರ್ಕಾರ ನೆರವು ಮಾತ್ರ ಶೂನ್ಯವಾಗಿತ್ತು. ಆದರೂ ಛಲಬಿಡದ ವಿಕ್ರಮನಂತೆ ಬಾಕ್ಸಿಂಗ್‌ನಲ್ಲಿಯೇ ಮುಂದುವರಿದ ವಿಜೇಂದರ್ 2004ರಲ್ಲಿ ನಡೆದ ಅಥೆನ್ಸ್ ಕ್ರೀಡಾಕೂಟದಲ್ಲಿ 17ನೇ ಸ್ಥಾನ ಪಡೆದಿದ್ದರು.

2006ರ ಕಾಮನ್‌ವೆಲ್ತ್ ಕ್ರೀಡಾಕೂಟದಲ್ಲಿ 2ನೇ ಸ್ಥಾನ,2006ರ ಏಷ್ಯನ್ ಗೇಮ್ಸ್‌ನಲ್ಲಿ 3ನೇ ಸ್ಥಾನ ಪಡೆದಿದ್ದ ಅವರು ಮುಂದೊಂದು ದಿನ ತಾನು ಪದಕ ಗೆದ್ದೇ ಗೆಲ್ಲುತ್ತೇನೆ ಎಂಬ ದೃಢ ವಿಶ್ವಾಸ ಹೊಂದಿದ್ದರು.

ಆ ಕನಸು ಇಂದು ಬೀಜಿಂಗ್ ಒಲಿಂಪಿಕ್ ಗೇಮ್ಸ್‌ನಲ್ಲಿ ನನಸಾಗುವ ಮೂಲಕ ಭಾರತದ ಕ್ರೀಡಾ ಇತಿಹಾಸದಲ್ಲಿಯೇ ದಾಖಲೆಯ ಪುಟಗಳು ಸೇರಿದಂತಾಗಲಿದೆ.

ಬೀಚ್ ವಾಲಿಬಾಲ್-ಅಮೆರಿಕ ಮುಡಿಗೆ ಸ್ವರ್ಣ

Thu, 21 Aug 2008 21:15:01 +0530

ಅಮೆರಿಕದ ಖ್ಯಾತ ಬೀಚ್ ವಾಲಿಬಾಲ್ ಆಟಗಾರ್ತಿಯರಾದ ಮಿಸ್ಟಿಮೇ-ಟ್ರಿನೊರ್ ಮತ್ತು ಕೆರ್ರಿ ವಾಲ್ಷ್ ಅವರು ಬೀಜಿಂಗ್ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಗುರುವಾರ ನಡೆದ ಮಹಿಳೆಯರ ಬೀಚ್ ವಾಲಿಬಾಲ್ ಸ್ಪರ್ಧೆಯಲ್ಲಿ ಬಂಗಾರದ ಪದಕ ಗೆದ್ದುಕೊಂಡಿದ್ದಾರೆ.

ಬೀಜಿಂಗ್‌ನ ವಾಲಿಬಾಲ್ ಅಂಗಳದಲ್ಲಿ ನಡೆದ ರೋಚಕ ಹಣಾಹಣಿಯಲ್ಲಿ ಅಮೆರಿಕ ಚೀನಾವನ್ನು 21-18,21-18ರ ಅಂಕಗಳಿಂದ ಸೋಲಿಸಿತು.

ಬೀಚ್ ವಾಲಿಬಾಲ್ ಪಂದ್ಯಾವಳಿಯ ಪ್ರಮುಖ ಆಕರ್ಷಣೆಯಾಗಿದ್ದ ಚೀನಾ-ಅಮೆರಿಕ ತಂಡಗಳ ಗೆಲುವಿಗಾಗಿ ಭಾರೀ ಪೈಪೋಟಿ ನಡೆದು,ಕ್ರೀಡಾಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿತ್ತು.

ಪ್ರಥಮ ಸೆಟ್‌ನಲ್ಲಿ ಅತ್ಯುತ್ತಮ ಶಾಟ್‌ಗಳನ್ನು ಹೊಡೆದ ಅಮೆರಿಕ 21-18ರಿಂದ ಗೆದ್ದುಕೊಂಡಿತು. ನಂತರ ದ್ವಿತೀಯ ಸೆಟ್‌ನಲ್ಲಿ ಪೈಪೋಟಿ ನೀಡಲು ಮುಂದಾದ ಚೀನಾವನ್ನು ಅಮೆರಿಕ ಸದೆ ಬಡಿದು,ಪ್ರಥಮ ಮೂರು ಪಾಯಿಂಟ್‌ಗಳನ್ನು ತನ್ನ ಬಗಲಿಗೇರಿಸಿಕೊಂಡಿತು.

ಕೊನೆಗೂ ಅಮೆರಿಕ ಚೀನಾವನ್ನು 21-18ರಿಂದ ಸೋಲಿಸಿತು. ಇದರಿಂದ ಅಮೆರಿಕ ಡ್ರೀಮ್ ಟೀಮ್ ಬೀಚ್ ವಾಲಿಬಾಲ್ ಸ್ಪರ್ಧೆಯಲ್ಲಿ ಪ್ರಥಮ ಸ್ಥಾನಗಳಿಸುವ ಮೂಲಕ ಸ್ವರ್ಣ ಪದಕವನ್ನು ತನ್ನ ಮುಡಿಗೇರಿಸಿಕೊಂಡಿತು.

ಅಫ್ಘಾನ್ 'ಕಂಚಿ'ನ ವಿಜೇತನಿಗೆ ಕಾರು,ಬಂಗ್ಲೆ ಕೊಡುಗೆ..

Thu, 21 Aug 2008 21:05:50 +0530

ಬೀಜಿಂಗ್ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಟೆಕವಾಂಡೋ ಆರ್ಟ್ ಮಾರ್ಷಲ್ ಕರಾಟೆ ಸ್ಪರ್ಧೆಯಲ್ಲಿ ಅಫ್ಘಾನಿಸ್ತಾನದ ರೊಹುಲ್ಲಾ ನಿಕ್‌‌ಪೈ ಅವರು ಕಂಚಿನ ಪದಕ ಪಡೆ ಯುವ ಮೂಲಕ ದೇಶದ ಮಾನ ಕಾಪಾಡಿದ್ದು,ಈ ನಿಟ್ಟಿನಲ್ಲಿ ಅಧ್ಯಕ್ಷ ಹಮೀದ್ ಕರ್ಜಾಯ್ ಅವರು ಆತನಿಗೆ ನೂತನ ಮನೆಯನ್ನು ನೀಡುವುದಾಗಿ ಘೋಷಿಸಿದ್ದಾರೆ.

ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಪ್ರಥಮ ಬಾರಿಗೆ ಪದಕ ಪಡೆದ ಕೀರ್ತಿಗೆ ಭಾಜನರಾಗಿರುವ 21ರ ಹರೆಯದ ರೊಹುಲ್ಲಾ ಅವರು ಬುಧವಾರ ನಡೆದ ಟೆಕವಾಂಡೋ ಆರ್ಟ್ ಮಾರ್ಷಲ್ ಕರಾಟೆ ಸ್ಪರ್ಧೆಯ ಅಂತಿಮ ಕದನದಲ್ಲಿ ಸ್ಪೇಯ್ನ್‌‌ನ ವಿಶ್ವ ಚಾಂಪಿಯನ್ ಜುವಾನ್ ಆಂಟೊನಿಯೋ ರಾಮೋಸ್ ವಿರುದ್ಧ 4-1ರ ಅಂತರದಲ್ಲಿ ಗೆಲುವು ಸಾಧಿಸಿದ್ದರು.

ಇದೀಗ ಕಂಚಿನ ಪದಕ ವಿಜೇತ ರೊಹುಲ್ಲಾಗೆ ಅಧ್ಯಕ್ಷ ಹಮೀದ್ ಕರ್ಜಾಯ್ ಅವರು ನೂತನ ಮನೆಯನ್ನು ನೀಡುವುದಾಗಿ ಘೋಷಿಸಿದ್ದರೆ,ಪ್ರಸಿದ್ಧ ವ್ಯಾಪಾರ ಸಂಸ್ಥೆಯೊಂದು ಕಾರೊಂದನ್ನು ನೀಡುವುದಾಗಿಯೂ ಹೇಳಿದೆ.

ರೊಹುಲ್ಲಾ ಅವರ ಸಾಧನೆ ದೇಶದ ಹೆಮ್ಮೆಯ ಪ್ರತೀಕವಾಗಿದೆ ಎಂದು ಅಫ್ಘಾನಿಸ್ತಾನದ ಮಾಧ್ಯಮಗಳು ಬಣ್ಣಿಸಿದ್ದು,ಹಲವಾರು ಖಾಸಗಿ ಚಾನೆಲ್‌ಗಳು ಆತನ ಪದಕ ವಿಜೇತ ಸುದ್ದಿಯನ್ನು ಅಗ್ರ ವಾರ್ತೆಯನ್ನಾಗಿ ಪ್ರಸಾರ ಮಾಡಿದ್ದವು.

200ಮೀ.ಓಟ: ಜಮೈಕಾಕ್ಕೆ ಮತ್ತೊಂದು ಚಿನ್ನ ಜಮೆ

Thu, 21 Aug 2008 20:02:02 +0530

ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಜಮೈಕಾ ಪದಕಗಳ ಬೇಟೆಯನ್ನು ಮುಂದುವರಿಸಿದ್ದು,ಗುರುವಾರ ನಡೆದ 200ಮೀಟರ್ ಮಹಿಳೆಯರ ಓಟದಲ್ಲಿ ವೆರೋನಿಕಾ ಕ್ಯಾಂಪ್‌ ಬೆಲ್ ಬ್ರೌನ್ ಗೆಲುವು ಸಾಧಿಸುವ ಮೂಲಕ ಸ್ವರ್ಣ ಪದಕವನ್ನು ಗಳಿಸಿದ್ದಾರೆ.

ಕ್ಯಾಂಪ್ ಬೆಲ್ ಬ್ರೌನ್ 200ಮೀ.ಓಟವನ್ನು 21.74ಸೆಕೆಂಡ್ಸ್‌ಗಳಲ್ಲಿ ಗುರಿ ತಲುಪಿ ಚಿನ್ನದ ಪದಕ ಪಡೆಯುವ ಮೂಲಕ ದಾಖಲೆ ನಿರ್ಮಿಸಿದ್ದು,ಅಮೆರಿಕದ ಪ್ಲೆಕ್ಸ್ 21.93ಸೆಕೆಂಡ್ಸ್‌ನಲ್ಲಿ ಗಮ್ಯ ತಲುಪಿ ಬೆಳ್ಳಿ ಪದಕ ಪಡೆದರೆ,ಜಮೈಕಾದ ಕೆರ್ರೊನ್ ಸ್ಟೀವಾರ್ಟ್ 22.00ಸೆಕೆಂಡ್ಸ್‌ಗಳಲ್ಲಿ ಗುರಿ ತಲುಪಿ ಕಂಚಿಗೆ ತೃಪ್ತಿಪಟ್ಟುಕೊಂಡರು.

ಈಗಾಗಲೇ ಜಮೈಕಾದ ಉಸೇನ್ ಬೋಲ್ಟ್ 100ಮೀ.ಮತ್ತು 200ಮೀ.ಪುರುಷರ ಓಟದಲ್ಲಿ ಸ್ವರ್ಣ ಪದಕ ಗಳಿಸುವ ಮೂಲಕ ವಿಶ್ವದಾಖಲೆ ನಿರ್ಮಿಸಿದ ಕೀರ್ತಿಗೆ ಭಾಜನರಾಗಿದ್ದಾರೆ.

ಕುಸ್ತಿ 84ಕೆಜಿ: ಜಾರ್ಜಿಯಾಕ್ಕೆ ಸ್ವರ್ಣ

Thu, 21 Aug 2008 16:48:54 +0530

ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಪುರುಷರ 84ಕೆಜಿ ಫ್ರೀ ಸ್ಟೈಲ್ ಕುಸ್ತಿ ಪಂದ್ಯದ ಅಂತಿಮ ಸುತ್ತಿನಲ್ಲಿ ಜಾರ್ಜಿಯಾದ ರೆವಾಜಿ ಮಿನ್‌ಡೊಂರಾಷಿವಿಲಿ ಎದಾರಾಳಿ ತಜಕಿ ಸ್ತಾನದ ಯೂಸೂಪ್ ಅಬ್ದುಸಾಲ್ಮೊವ್ ಅವರನ್ನು ಮಣಿಸುವ ಮೂಲಕ ಸ್ವರ್ಣ ಪದಕವನ್ನು ಜಯಿಸಿದ್ದಾರೆ.

ಇಂದು ಬೆಳಿಗ್ಗೆ ನಡೆದ ಪಂದ್ಯದಲ್ಲಿ 32ರ ಹರೆಯದ ಮಾಜಿ ವಿಶ್ವ ಚಾಂಪಿಯನ್ ಜಾರ್ಜಿಯಾದ ರೆವಾಜಿ ಅವರು ಸೆಮಿ ಫೈನಲ್‌ನ ಪ್ರಥಮ ಸುತ್ತಿನಲ್ಲಿ ರಷ್ಯಾದ ಜಾರ್ಜಿ ಕೆಟೊವ್ ಅವರನ್ನು ಮಣಿಸುವ ಮೂಲಕ ಫೈನಲ್‌ಗೆ ಪ್ರವೇಶಿಸಿದ್ದರು.

ಈ ಮೂಲಕ ಕುಸ್ತಿ ಹಣಾಹಣಿಯ 84ಕೆಜಿ ಫ್ರೀ ಸ್ಟೈಲ್‌ನಲ್ಲಿ ರಷ್ಯಾದ ಪದಕದ ಓಟಕ್ಕೆ ಜಾರ್ಜಿಯಾ ತಡೆಯೊಡ್ಡುವ ಮೂಲಕ,ಸ್ವರ್ಣ ಪದಕವನ್ನು ತನ್ನ ಬಗಲಿಗೆ ಸೇರಿಸಿಕೊಂಡಿದೆ.

ವಾಲಿಬಾಲ್: ಕ್ಯೂಬಾವನ್ನು ಮಣಿಸಿದ ಅಮೆರಿಕ

Thu, 21 Aug 2008 15:50:44 +0530

ಒಲಿಂಪಿಕ್ ಗೇಮ್ಸ್‌ನಲ್ಲಿ ಗುರುವಾರ ನಡೆದ ಮಹಿಳೆಯರ ವಾಲಿಬಾಲ್ ಸ್ಪರ್ಧೆಯಲ್ಲಿ ಅಮೆರಿಕ ತಂಡ ಕ್ಯೂಬಾವನ್ನು ಮಣಿಸುವ ಮೂಲಕ ಚಿನ್ನದ ಪದಕ ಪಡೆಯುತ್ತ ದೃಷ್ಟಿ ನೆಟ್ಟಿದೆ.

ಮಹಿಳೆಯರ ವಾಲಿಬಾಲ್ ಸ್ಪರ್ಧೆಯ ಮೂರು ಸೆಟ್‌ಗಳಲ್ಲಿ ಕ್ಯೂಬಾ ಅಮೆರಿಕ ತಂಡಕ್ಕೆ ಶರಣಾಗುವ ಮೂಲಕ ಸೋಲನ್ನನುಭವಿಸಿ, ಪಂದ್ಯ ದಿಂದ ಹೊರಬಿದ್ದಿದೆ.

ಇದೀಗ ಬ್ರೆಜಿಲ್ ಮತ್ತು ಚೀನಾದ ನಡುವಿನ ಸೆಮಿಫೈನಲ್ ಹಣಾಹಣಿಯಲ್ಲಿ ಯಾವ ತಂಡ ಗೆಲುವು ಸಾಧಿಸಲಿದೆಯೋ ಆ ತಂಡದೊಂದಿಗೆ ಶನಿವಾರದಂದು ಅಮೆರಿಕ ತಂಡ ಹೋರಾಟಬೇಕಿದೆ.

ಇಂದಿನ ಪಂದ್ಯದ ಸೋಲಿನಿಂದ ಕ್ಯೂಬಾ ಮಹಿಳಾ ವಾಲಿಬಾಲ್ ತಂಡಕ್ಕೆ ಆಘಾತವಾಗಿದೆ. ಯಾಕೆಂದರೆ ಕ್ಯೂಬಾ ಮಹಿಳೆಯರ ವಾಲಿಬಾಲ್ ತಂಡ ಮೂರು ಬಾರಿ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಬಂಗಾರದ ಪದಕವನ್ನು ಜಯಿಸಿತ್ತು.

ಅಮೆರಿಕ ಮಹಿಳೆಯರ ವಾಲಿಬಾಲ್ ತಂಡ ಉತ್ತಮ ಪ್ರದರ್ಶನದೊಂದಿಗೆ ಕ್ಯೂಬಾವನ್ನು 25-20,25-16,25-17ರ ಅಂತರಲ್ಲಿ ಪರಾಭವಗೊಳಿಸುವ ಮೂಲಕ ಗೆಲುವು ಸಾಧಿಸಿದೆ.

ಕುಸ್ತಿ: ತೋಮರ್‌ಗೆ ಪ್ರಥಮ ಸುತ್ತಿನಲ್ಲಿ ಸೋಲು

Thu, 21 Aug 2008 13:54:02 +0530

ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಗುರುವಾರ ಬೆಳಿಗ್ಗೆ ನಡೆದ 120ಕೆಜಿ ಪುರುಷರ ಫ್ರೀ ಸ್ಟೈಲ್ ಕುಸ್ತಿ ಪಂದ್ಯದಲ್ಲಿ ಭಾರತದ ರಾಜೀವ್ ತೋಮರ್‌ ಅವರು ಅಮೆರಿಕದ ಸ್ಟೇವ್ ಮೊ ಕ್ಕೋ ವಿರುದ್ಧ ಪರಾಭವಗೊಳ್ಳುವ ಮೂಲಕ ಅರ್ಹತಾ ಪ್ರಥಮ ಸುತ್ತಿನಿಂದ ಹೊರಬಿದ್ದಿದ್ದು, ಆ ನಿಟ್ಟಿನಲ್ಲಿ ತೋಮರ್‌ಗೆ ರೆಪೆಶಾಜ್ ಅವಕಾಶ ದೊರೆಯುವ ಸಾಧ್ಯತೆ ಇದೆ.

ಇಂದು ಬೆಳಿಗ್ಗೆ ಆರಂಭಗೊಂಡ ಕುಸ್ತಿ ಹಣಾಹಣಿಯಲ್ಲಿ ಭಾರತದ ರಾಜೀವ್ ಅವರು ಮೊದಲ ಎರಡು ಸುತ್ತಿನಲ್ಲಿ ಒಂದೇ ಒಂದು ಅಂಕಗಳಿಸಲು ವಿಫಲತೆ ಕಂಡರು.

ಮೊದಲ ಸುತ್ತಿನಲ್ಲಿಯೇ ಮೊಕ್ಕೋ ಅವರು ಒಂದು ಅಂಕದ ಮುನ್ನಡೆ ಸಾಧಿಸಿದ್ದರೂ, ಆದರೂ ತೋಮರ್‌ ನಿರಾಸೆಗೆ ಒಳಗಾಗಬೇಕಾದ ಅಗತ್ಯವಿಲ್ಲ.

ರಾಜೀವ್ ತೋಮರ್‌ ಕೂಡ ರೆಪೆಶಾಜ್ ಸುತ್ತಿನಲ್ಲಿ ತಮ್ಮ ಅವಕಾಶವನ್ನು ಸಮರ್ಥವಾಗಿ ಬಳಸಿಕೊಳ್ಳವ ಅವಕಾಶ ದೊರೆಯಲಿದೆ ಎಂದು ನಿರೀಕ್ಷಿಸಲಾಗಿದೆ. ಇದೇ ರೀತಿ ಬುಧ ವಾರ ನಡೆದ ಪಂದ್ಯದಲ್ಲೂ ಭಾರತದ ಸುಶೀಲ್ ಕುಮಾರ್ ಕೂಡ ಕುಸ್ತಿ ಪಂದ್ಯದ ಪ್ರಥಮ ಸುತ್ತಿನಲ್ಲಿ ಸೋಲನ್ನನುಭವಿಸಿದ್ದರು.

ಆದರೆ ರೆಪೆಶಾಜ್ ಅವಕಾಶದ ಮೂಲಕ ಅವರು ಕಂಚಿನ ಪದಕ ಪಡೆಯುವ ಮೂಲಕ ಭಾರತದ ಕುಸ್ತಿಪಂದ್ಯದಲ್ಲಿ ನೂತನ ಇತಿಹಾಸವನ್ನೇ ನಿರ್ಮಿಸಿದ್ದರು.

ರೆಪೆಶಾಜ್ ಎಂದರೇನು: ಈ ಫ್ರೆಂಚ್ ಪದದ ಅರ್ಥ "ರಕ್ಷಿಸು" ಅಥವಾ "ಉಳಿಸು" ಎಂಬುದಾಗಿ. ಅರ್ಹತೆಯ ಗುಣಮಟ್ಟವನ್ನು ತಲುಪಲು ಅತ್ಯಂತ ಅಲ್ಪ ಅಂತರದಿಂದ ವಿಫಲವಾದ ಸ್ಪರ್ಧಾಳುಗಳಿಗೆ ನೀಡುವ ಅವಕಾಶವಿದು.

ಕರಾಟೆ, ಜೂಡೋ, ಟೇಕ್ವಾಂಡೋ ಮತ್ತು ಕುಸ್ತಿ ಟೂರ್ನಿಗಳಲ್ಲಿ, ಪ್ರಥಮ ಮತ್ತು ದ್ವಿತೀಯ ಸ್ಥಾನಕ್ಕಾಗಿ ಫೈನಲ್ ಪಂದ್ಯದಲ್ಲಿ ಸೆಣಸಾಡುವವರನ್ನು ನಿರ್ಧರಿಸಲು ಸಿಂಗಲ್ ಎಲಿಮಿನೇಶನ್ ವಿಧಾನ ಅನುಸರಿಸಲಾಗುತ್ತದೆ.

ಈ ಫೈನಲಿಸ್ಟ್‌ಗಳ ಕೈಯಲ್ಲಿ ಸೋತ ಎಲ್ಲ ಅಥ್ಲೀಟ್‌ಗಳನ್ನೂ ಆರಿಸಿ ರೆಪೆಶಾಜ್ ವಿಧಾನದ ಮೂಲಕ ಆಡಿಸಲಾಗುತ್ತದೆ. ಈ ರೀತಿ ಮಾಡುವ ಮೂಲಕ ತೃತೀಯ ಸ್ಥಾನ ಯಾರಿಗೆ ಎಂದು ನಿರ್ಣಯಿಸಲಾಗುತ್ತದೆ. ಅಂದರೆ, ಆರಂಭಿಕ ಸುತ್ತಿನಲ್ಲಿ ಇಬ್ಬರು ಪ್ರಬಲ ಪ್ರತಿಸ್ಪರ್ಧಿಗಳು ಸೆಣಸಾಡಿದಾಗ, ಅದರಲ್ಲಿ ಸೋತ ಪ್ರಬಲ ಕ್ರೀಡಾಳುವಿಗೂ ಪದಕ ಗೆಲ್ಲುವ ಅವಕಾಶ ದೊರಕಿಸಲಾಗುತ್ತದೆ.

ಬಾಕ್ಸರ್ ವಿಜಯೇಂದರ್‌ಗೆ ಬಡ್ತಿ, 50ಲಕ್ಷ ಪುರಸ್ಕಾರ

Thu, 21 Aug 2008 10:18:54 +0530

ಬೀಜಿಂಗ್ ಒಲಿಂಪಿಕ್ಸ್‌ನ ಬಾಕ್ಸಿಂಗ್ ವಿಭಾಗದಲ್ಲಿ ಸೆಮಿಫೈನಲ್ ತಲುಪಿದ ವಿಜಯೇಂದರ್‌ಗೆ ಹರಿಯಾಣ ಸರಕಾರ ಬುಧವಾರ 50ಲಕ್ಷ ನಗದು ಪುರಸ್ಕಾರವನ್ನು ಘೋಷಿಸಿದೆ.

ಹರಿಯಾಣ ಪೊಲೀಸ್ ಪಡೆಯಲ್ಲಿ ಇನ್ಸ್‌ಪೆಕ್ಟರ್ ಆಗಿರುವ ವಿಜೆಯೇಂದರ್‌ಗೆ ಡೆಪ್ಯೂಟಿ ಸೂಪರಿಡೆಂಟ್ ಅಫ್ ಪೊಲೀಸ್ (ಡಿಎಸ್‌ಪಿ) ಆಗಿ ಬಡ್ತೀ ನೀಡಲಾಗುತ್ತದೆ ಎಂದು ಮುಖ್ಯಮಂತ್ರಿ ಭೂಪಿಂದರ್ ಸಿಂಗ್ ಹೂಡ ತಿಳಿಸಿದರು.

ವಿಜೆಯೆಂದರ್ ಹೆಸರಿನಲ್ಲಿ ಒಂದು ಬಾಕ್ಸಿಂಗ್ ಆಕಾಡಮಿಯನ್ನು ಸಹ ಆರಂಭಿಸಲಾಗುತ್ತದೆ ಎಂದೂ ಅವರು ಹೇಳಿದರು.

ಈ ಹಿಂದೆ ಕ್ವಾರ್ಟರ್ ಫೈನಲ್ ತಲುಪಿದ್ದಕ್ಕಾಗಿ ವಿಜೆಯೆಂದರ್‌ಗೆ 25ಲಕ್ಷ ಪುರಸ್ಕಾರವನ್ನು ಘೋಷಿಸಲಾಗಿತ್ತು, ಪ್ರಸ್ತುತ ಅವರು ಸೆಮಿಪೈನಲ್ ತಲುಪಿದ್ದು ಒಂದು ಪದಕವನ್ನು ದೃಢಪಡಿಸಿರುವುದರಿಂದ ಪುರಸ್ಕಾರದ ನಗದನ್ನು 50ಲಕ್ಷಗಳಿಗೆ ವಿಸ್ತರಿಸಲಾಗಿದೆ ಎಂದು ಆಧಿಕೃತ ವಕ್ತಾರರೊಬ್ಬರು ತಿಳಿಸಿದ್ದಾರೆ.

ಪದಕದ ಅವಕಾಶವಿತ್ತೆಂದು ತಿಳಿದಿತ್ತು: ಸುಶೀಲ್

Thu, 21 Aug 2008 09:56:10 +0530

ಸುಶೀಲ್ ಕುಮಾರ್‌ರ ಒಲಿಂಪಿಕ್ಸ್ ಕಂಚು ಭಾರತೀಯರಿಗೆ ವಿಸ್ಮಯಕಾರಿ ಆನಂದವನ್ನು ತಂದಿತ್ತಿರಬಹುದು, ಆದರೆ ದೆಹಲಿಯ ಕುಸ್ತಿಪಟು ಹೇಳುವಂತೆ ಅವರಿಗೆ ದೊರೆತ ಪದಕ ಅಮಾವಾಸ್ಯೆಯಲ್ಲಿ ಮೂಡಿದ ಚಂದ್ರನಲ್ಲ.

"ಬಹುಶಃ ನೀವು ಹೇಳಬಹುದು ದೇಶದ ಜನರು ಮತ್ತು ಮಾಧ್ಯಮಗಳು ಕೂಡ ಯಾವುದೇ ರೀತಿಯ ನಿರೀಕ್ಷೆಗಳನ್ನು ಇಟ್ಟುಕೊಂಡಿರಲಿಲ್ಲವೆಂದು, ಆದರೆ ನಾನು ಮತ್ತು ನನ್ನ ಕೋಚ್ ನನಗೆ ಪದಕ ಗೆಲ್ಲುವ ಸೂಕ್ತ ಅವಕಾಶವಿದೆ ಎಂಬುದನ್ನು ತಿಳಿದ್ದಿದ್ದೆವು ಮತ್ತು ನಾನು ಅದನ್ನು ಸಾಧಿಸಿದುದರ ಬಗ್ಗೆ ನಾನು ಬಹಳ ಸಂತೋಷಗೊಂಡಿದ್ದೇನೆ" ಎಂದು ಮಂದಸ್ಮಿತ ಸುಶೀಲ್ ಚೀನ ಕೃಷಿ ವಿಶ್ವವಿದ್ಯಾನಿಲಯದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡುತ್ತಾ ತಿಳಿಸಿದರು.

"ನಮ್ಮ ಮೇಲೆ ನಿರೀಕ್ಷೆಗಳ ಭಾರವಿಲ್ಲದಿರುವುದು ಉತ್ತಮವಾದರೂ, ನನ್ನ ಪ್ರಕಾರ ಹೆಚ್ಚಿನ ಸೌಲಭ್ಯಗಳನ್ನು ಒದಗಿಸಿದಲ್ಲಿ ಹೆಚ್ಚಿನ ಸಾಧನೆಗಳು ಮೂಡಿಬರಬಹುದು" ಎಂದ ಸುಶೀಲ್ ಈ ಸಂದರ್ಭವನ್ನು ಸೂಕ್ತ ಸಂದೇಶವೊಂದನ್ನು ರವಾನಿಸಲು ಬಳಸಿಕೊಂಡರು.

"ನಾನು ನನ್ನ ಪದಕವನ್ನು ನನ್ನ ಕೋಚ್ ಸತ್ಪಾಲ್‌ರಿಗೆ ಅರ್ಪಿಸಲು ಬಯಸುತ್ತೇನೆ" ಎಂದು ವಿಶ್ವದಲ್ಲಿ 7ನೇ ಸ್ಥಾನದಲ್ಲಿರುವ ಸುಶೀಲ್ ಹೇಳಿದ್ದಾರೆ.

ಸುಶೀಲ್ ಮೊದಲ ಸುತ್ತಿನಲ್ಲಿ ಆಂಡ್ರಿ ಸ್ಟಾಡ್ನಿಕ್(ಬೆಳ್ಳಿ ಪದಕ ವಿಜೇತ) ವಿರುದ್ಥ ಸೋಲು ಕಂಡಾಗ ಉತ್ಸಾಹ ವಿಹೀನವಾದುದನ್ನು ಒಪ್ಪಿಕೊಂಡ ಸುಶೀಲ್, ರೆಪೆಶಾಜ್ ಆಶಾಕಿರಣವೊಂದನ್ನು ಒದಗಿಸಿತು ಮತ್ತು ತಾನು ಈ ಅವಕಾಶವನ್ನು ಕೈಬಿಡದಿರಲು ನಿರ್ಧರಿಸಿದ್ದಾಗಿ ಹೇಳಿದರು.

"ಆದರೆ ಇದು ಸುಲಭದ ಕೆಲಸವಾಗಿರಲಿಲ್ಲ. ನಾನು ಒಂದೇ ದಿನದಲ್ಲಿ ನಾಲ್ಕು ಸುತ್ತುಗಳಲ್ಲಿ ಸ್ಪರ್ಧಿಸಬೇಕಿತ್ತು, ದಿನದಂತ್ಯದಲ್ಲಿ ನಾನು ಬಹಳ ದಣಿದಿದ್ದೆ. ನಾನು ಡೌಜ್ ಶ್ವಾಬ್(ಅಮೆರಿಕಾ) ಮತ್ತು ಆಲ್ಬರ್ಟ ಬಾಟಿರೊವ್‌( ಬೆಲಾರುಸ್‌) ಅವರನ್ನು ಹಿಂದೆಂದೊ ಎದುರಿಸಿರಲಿಲ್ಲ. ಆದ್ದರಿಂದ ಅವರುಗಳು ನನಗೆ ಅಪರಿಚಿತ ಪ್ರತಿಸ್ಫರ್ಧಿಗಳಾಗಿದ್ದರು. ನಾನು ಅವರಿಬ್ಬರನ್ನು ಹಿಂದಿಕ್ಕಿದ ಮೇಲೆ ಲಿಯೊನಿಡ್ ಸ್ಪಿರಿಡೊನೊವ್(ಕಜುಕಿಸ್ತಾನ್) ನನ್ನ ಮುಂದಿದ್ದರು, ಪದಕ ಗೆಲ್ಲುವ ಅವಕಾಶವನ್ನು ಕಂಡುಕೊಂಡೆ. ನಾನು ನನ್ನಲ್ಲಿಯೇ ಹೇಳಿಕೊಂಡೆ 'ಪದಕದ ಇಷ್ಟು ಸಮೀಪ ಬಂದ ನಂತರ ನಾನು ಅದನ್ನು ಕೈ ಜಾರಗೊಡಬಾರದು'. ಮತ್ತು ನಾನು ದಣಿದಿದ್ದರೆ ಆತನೂ ಕೂಡ ಅಷ್ಟೇ ದಣಿದಿರುತ್ತಾನೆ ಎಂದು ನನ್ನನ್ನು ನಾನು ಉತ್ತೇಜಿಸಿಕೊಂಡೆ" ಎಂದರು ಸುಶೀಲ್.

"ನಾನು ಇದನ್ನು ಸಾಧಿಸಲು ಏನೆಲ್ಲಾ ಬೇಕೋ ಅದನ್ನೆಲ್ಲವನ್ನು ಮಾಡುತ್ತೇನೆ ಎಂದು ಯೋಚಿಸಿಕೊಂಡೆ ಮತ್ತು ಅಂತಿಮ ಫಲಿತಾಂಶ, ಪದಕ ನನ್ನದಾಯಿತು. ಇದು ನನ್ನ ಜೀವನದಲ್ಲಿ ಮರೆಯಲಾರದ ಕ್ಷಣ ಮತ್ತು ನಾನು ಕನಸಿನ ಲೋಕದಲ್ಲಿರುವಂತೆ ನನಗೆ ಅನಿಸುತ್ತಿದೆ" ಎಂದರು ಭಾರತದ ಹೆಮ್ಮೆಯ ಕುಸ್ತಿ ಪಟು.

ಮ್ಯಾರಥಾನ್‌‌ ಈಜು ಸ್ಪರ್ಧೆಯಲ್ಲಿ ರಷ್ಯಾಕ್ಕೆ ಸ್ವರ್ಣ

Wed, 20 Aug 2008 21:16:59 +0530

ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಮಹಿಳೆಯರ 10ಕಿ.ಮೀ.ಮ್ಯಾರಥಾನ್ ಈಜು ಸ್ಪರ್ಧೆಯಲ್ಲಿ ರಷ್ಯಾದ ಲರಿಸಾ ಇಚೆಂಕೋ ಅವರು ಗೆಲುವು ಸಾಧಿಸುವ ಮೂಲಕ ಸ್ವರ್ಣಪದಕವನ್ನು ಗಳಿಸಿದ್ದಾರೆ.

ರಷ್ಯಾದ ಇಚೆಂಕೋ ಅವರು ಮಹಿಳೆಯರ 10ಕಿ.ಮೀ.ಈಜು ಸ್ಪರ್ಧೆಯಲ್ಲಿ 1:59:27.7ಸೆಕೆಂಡುಗಳಲ್ಲಿ ಪ್ರಥಮವಾಗಿ ಈಜಿ ದಡ ಸೇರುವ ಮೂಲಕ ಸೂಪರ್‌ಸ್ಟಾರ್ ಆಗಿ ಹೊರ ಹೊಮ್ಮಿದರು. ಇದರಿಂದ 10ಕಿ.ಮೀ.ಮ್ಯಾರಥಾನ್ ಸ್ಪರ್ಧೆಯಲ್ಲಿ ಚಿನ್ನದ ಪದಕ ರಷ್ಯಾದ ಪಾಲಾಯಿತು.

ಗ್ರೇಟ್ ಬ್ರಿಟನ್‌ನ ಕೆರಿ ಪಾಯ್ನೆ ಅವರು ಕೇವಲ 2ಸೆಕೆಂಡ್‌ಗಳ ಅಂತರದಿಂದ ದ್ವಿತೀಯ ಸ್ಥಾನ ಗಳಿಸಿ ಬೆಳ್ಳಿ ಗೆದ್ದರು. ಆನ್ನೆ ಅವರು 1:59:29.2ಸೆಕೆಂಡುಗಳಲ್ಲಿ ಗುರಿ ತಲುಪಿದರು. ಕೆಸ್ಸಂದ್ರ ಪಟ್ಟೆನ್ ಅವರು 1:29:31 ಸೆಕೆಂಡುಗಳಲ್ಲಿ ಗುರಿ ತಲುಪಿ ತೃತೀಯ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡರು.

ಸುಶೀಲ್‌ಗೆ ಶುಭಾಶಯ-ನಗದು ಬಹುಮಾನದ ಮಹಾಪೂರ

Wed, 20 Aug 2008 21:06:30 +0530

ಬೀಜಿಂಗ್ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಬುಧವಾರ ನಡೆದ 66 ಕೆಜಿ ಫ್ರೀ ಸ್ಟೈಲ್ ಕುಸ್ತಿ ವಿಭಾಗದಲ್ಲಿ ಭಾರತದ ಸುಶೀಲ್ ಕುಮಾರ್ ಅವರು ಕಂಚಿನ ಪದಕ ಗಳಿಸುವ ಮೂಲಕ ತಾಯ್ನಾಡಿನಲ್ಲಿ ಹರ್ಷ,ಸಂಭ್ರಮ ಒಂದೆಡೆಯಾದರೆ,ಮತ್ತೊಂದೆಡೆ ಶುಭಾಶಯಗಳ ಮಹಾಪೂರ,ನಗದು ಬಹುಮಾನಗಳ ಘೋಷಣೆಯೊಂದಿಗೆ ಶ್ಲಾಘನೆಗೆ ಒಳಗಾಗಿದ್ದರೆ.

ಕುಸ್ತಿ ಹಣಾಹಣಿಯಲ್ಲಿ ಗೆಲುವು ಸಾಧಿಸುತ್ತಿದ್ದಂತೆಯೇ ಭಾರತೀಯರಲ್ಲಿ ರೋಮಾಂಚನ,ರಾಷ್ಟ್ರಪತಿ ಪ್ರತಿಭಾ ಪಾಟೀಲ್,ಪ್ರಧಾನಿ ಡಾ.ಮನಮೋಹನ್ ಸಿಂಗ್,ಭಾರತೀಯ ಒಲಿಂ ಪಿಕ್ ಕ್ರೀಡಾಕೂಟದ ಅಧ್ಯಕ್ಷ ಸುರೇಶ್ ಕಲ್ಮಾಡಿ ಸೇರಿದಂತೆ ಹಲವಾರು ಗಣ್ಯರು ಶುಭಾಶಯಗಳನ್ನು ಸಲ್ಲಿಸಿದ್ದಾರೆ.

ದೆಹಲಿಯ ಮುಖ್ಯಮಂತ್ರಿ ಶೀಲಾ ದೀಕ್ಷಿತ್ ಅವರು ಸುಶೀಲ್‌ಗೆ 50ಲಕ್ಷ ರೂಪಾಯಿ ನಗದು ಘೋಷಿಸಿದ್ದಾರೆ. ಅದರಂತೆಯೇ ಹರಿಯಾಣ ಮುಖ್ಯಮಂತ್ರಿ 25ಲಕ್ಷ, ಕೇಂದ್ರ ರೈಲ್ವೆ ಸಚಿವ ಲಾಲೂ ಪ್ರಸಾದ್ ಯಾದವ್ 25ಲಕ್ಷ,ಕರ್ನಾಟಕ ಸರ್ಕಾರ 10ಲಕ್ಷ ಸೇರಿದಂತೆ ಎಲ್ಲೆಡೆಯಿಂದ ನಗದು ಬಹುಮಾನ ಸುಶೀಲ್‌‌ ಅವರಿಗೆ ಸಂದಾಯವಾಗತೊಡಗಿದೆ.

ಒಲಿಂಪಿಕ್: ಬೋಲ್ಟ್ ಮತ್ತೊಂದು 'ವಿಶ್ವದಾಖಲೆ'

Wed, 20 Aug 2008 20:56:40 +0530

ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಬುಧವಾರ ನಡೆದ 200ಮೀಟರ್ ಓಟದಲ್ಲಿ ಜಮೈಕಾದ ಉಸೇನ್ ಬೋಲ್ಟ್ ಅವರು 19.30ಸೆಕೆಂಡ್ಸ್‌‌ಗಳಲ್ಲಿ ಗುರಿ ತಲುಪುವ ಮೂಲಕ ವಿಶ್ವದಾಖಲೆ ನಿರ್ಮಿಸಿದ್ದಾರೆ.

ಇದರೊಂದಿಗೆ ಬೀಜಿಂಗ್ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಬೋಲ್ಟ್ ಕೊರಳಿಗೆ ಎರಡನೇ ಚಿನ್ನದ ಪದಕ ಅಲಂಕರಿಸಿದಂತಾಗಿದೆ.ಈ ಮೊದಲು 100ಮೀಟರ್‌ನಲ್ಲೂ ಗೆಲುವು ಸಾಧಿಸುವ ಮೂಲಕ ಚಿನ್ನದ ಪದಕದೊಂದಿಗೆ ವಿಶ್ವದಾಖಲೆ ಬರೆದಿದ್ದರು.

ಇಂದಿನ 200ಮೀಟರ್ ನಾಗಾಲೋಟದಲ್ಲಿ ಜಮೈಕಾದ ಬೋಲ್ಟ್ 19.30ಸೆಕೆಂಡ್ಸ್‌‌ಗಳಲ್ಲಿ ಜಯ ಸಾಧಿಸುವ ಮೂಲಕ ಅಮೆರಿಕದ ಜಾನ್ಸನ್‌ ದಾಖಲೆಯನ್ನು ಮುರಿದಿದ್ದಾರೆ.

1996ರಲ್ಲಿ ಅಟ್ಲಾಂಟಾ ಒಲಿಂಪಿಕ್ಸ್ ಕ್ರೀಡಾಕೂಟದಲ್ಲಿ ಅಮೆರಿಕದ ದಂತಕಥೆಯಾಗಿದ್ದ ಮೈಕೆಲ್ ಜಾನ್ಸನ್ ಅವರು 200ಮೀಟರ್ ಓಟವನ್ನು 19.32ಸೆಕೆಂಡ್ಸ್‌ಗಳಲ್ಲಿ ಗುರಿ ತಲುಪಿ ದಾಖಲೆ ನಿರ್ಮಿಸಿದ್ದರು.

ಬೋಲ್ಟ್ 200ಮೀ.ಗುರಿ ಸಾಧಿಸುತ್ತಿದ್ದಂತೆಯೇ ಬರ್ಡ್ಸ್ ನೆಸ್ಟ್‌‌ನಲ್ಲಿ ನೆರೆದಿದ್ದ 91ಸಾವಿರ ಪ್ರೇಕ್ಷಕರ ಗಡಣವೇ ಹುಚ್ಚೆದ್ದು ಹರ್ಷೋದ್ಗಾರ ಮಾಡುವ ಮೂಲಕ ತಮ್ಮ ಸಂತಸವನ್ನು ವ್ಯಕ್ತಪಡಿಸಿದ್ದರು.

ಭಾರತೀಯರ ಮನವರಳಿಸಿದ ವಿಜೇಂದ್ರ, ಸುಶೀಲ್

Wed, 20 Aug 2008 19:22:30 +0530

ಭಾರತಕ್ಕೆ ಬುಧವಾರ ಶುಭ ದಿನ. ಒಂದು ಕಡೆ ಭಾರತೀಯ ಕ್ರಿಕೆಟ್ ತಂಡವು ಸೋಲಿನ ದವಡೆಯಿಂದ ಪಾರಾಗಿ ಶ್ರೀಲಂಕಾ ವಿರುದ್ಧ ವಿಜಯ ಸಾಧಿಸಿದರೆ, ಇನ್ನೊಂದೆಡೆ ದೂರದ ಬೀಜಿಂಗ್‌ನಲ್ಲಿ ಒಲಿಂಪಿಕ್ಸ್ ಕೂಟದಲ್ಲಿ ಭಾರತದ ಬಾಕ್ಸಿಂಗ್ ಮತ್ತು ಕುಸ್ತಿ ಪಟುಗಳು ತ್ರಿವರ್ಣ ಧ್ವಜವನ್ನು ಎತ್ತರೆತ್ತರಕ್ಕೆ ಹಾರಿಸಿದ್ದಾರೆ.

25ರ ಹರೆಯದ ದೆಹಲಿಯ ಹುಡುಗ ಸುಶೀಲ್ ಕುಮಾರ್ ಅವರು 66 ಕೆಜಿ ಫ್ರೀ ಸ್ಟೈಲ್ ಕುಸ್ತಿ ವಿಭಾಗದಲ್ಲಿ ಭಾರತಕ್ಕೆ ಕಂಚು ತಂದಿತ್ತು 56 ವರ್ಷಗಳ ಬಳಿಕ ಕುಸ್ತಿಯಲ್ಲಿ ನಮ್ಮ ದೇಶಕ್ಕೆ ಹೆಮ್ಮೆ ತಂದಿತ್ತಿದ್ದಾರೆ. ಸುಶೀಲ್ ಅವರು ಆರಂಭಿಕ ಪಂದ್ಯದಲ್ಲಿ ಸೋತರೂ ರೆಪೆಶಾಜ್ ಪದ್ಧತಿಯ ಮೂಲಕ ಅದ್ಭುತವಾಗಿ ಚೇತರಿಸಿಕೊಂಡು, ಕೆಚ್ಚಿನ ಹೋರಾಟ ಪ್ರದರ್ಶಿಸಿ ಕಂಚಿನ ಪದಕ ಗಿಟ್ಟಿಸಿಕೊಂಡರು.

ಸುಶೀಲ್ ಕುಮಾರ್ ಅರ್ಜುನ ಪ್ರಶಸ್ತಿ ವಿಜೇತರೂ ಹೌದು. ಕೆನಡಾದ ಒಂಟಾರಿಯೋದಲ್ಲಿ ನಡೆದ ಕಾಮನ್ವೆಲ್ತ್ ಚಾಂಪಿಯನ್‌ಷಿಪ್ ಕೂಟದಲ್ಲಿ ಚಿನ್ನದ ಪದಕ ಗೆದ್ದಿದ್ದ ಸುಶೀಲ್, ಕೊರಿಯಾದ ಜೆಜು ದ್ವೀಪದಲ್ಲಿ ನಡೆದ 2008ರ ಹಿರಿಯ ಏಷ್ಯನ್ ಕುಸ್ತಿ ಚಾಂಪಿಯನ್‌ಷಿಪ್‌ನಲ್ಲಿ ಕಂಚು ಗೆದ್ದಿದ್ದಾರೆ. ಅಂತೆಯೇ 2006ರಲ್ಲಿ ಖತಾರ್‌ನ ದೋಹಾದಲ್ಲಿ ನಡೆದಿದ್ದ 15ನೇ ಏಷ್ಯನ್ ಗೇಮ್ಸ್‌ನಲ್ಲಿ ಬೆಳ್ಳಿ ಪದಕ ಗೆದ್ದು ತಮ್ಮ ಸಾಧನೆಯ ಗರಿಮೆ ಹೆಚ್ಚಿಸಿಕೊಂಡಿದ್ದಾರೆ.

ಆ ಬಳಿಕ ಪದಕ ಖಚಿತಪಡಿಸಿಕೊಂಡವರು ಮತ್ತೊಬ್ಬ ಅರ್ಜುನ ಪ್ರಶಸ್ತಿ ವಿಜೇತ ಕ್ರೀಡಾಪಟು, 75 ಕೆಜಿ ವಿಭಾಗದ ಬಾಕ್ಸಿಂಗ್ ವೀರ ವಿಜೇಂದ್ರ ಕುಮಾರ್. ಇದುವರೆಗೆ ನಾಲ್ಕು ಪ್ರಮುಖ ಟೂರ್ನಿಗಳಲ್ಲಿ ಚಿನ್ನ ಗೆದ್ದಿರುವ ವಿಜೇಂದ್ರ ಕುಮಾರ್ 23ರ ಹರೆಯದವರು. ದೆಹಲಿಯಲ್ಲಿ 2007ರಲ್ಲಿ ನಡೆದ ರಾಷ್ಟ್ರೀಯ ಹಿರಿಯರ ಬಾಕ್ಸಿಂಗ್ ಚಾಂಪಿಯನ್‌ಷಿಪ್, ಅಕೋಲದಲ್ಲಿ 2008ರಲ್ಲಿ ನಡೆದ ಸೂಪರ್ ಕಪ್ ಅಂತರ್ ವಲಯ ರಾಷ್ಟ್ರೀಯ ಬಾಕ್ಸಿಂಗ್, 2008ರಲ್ಲಿ ಕಜಕಿಸ್ತಾನದಲ್ಲಿ ನಡೆದ 3ನೇ ಒಲಿಂಪಿಕ್ ಅರ್ಹತಾ ಟೂರ್ನಿ ಹಾಗೂ ಇದೇ ವರ್ಷ ಜರ್ಮನಿಯಲ್ಲಿ ನಡೆದ ಕೆಮಿಸ್ಟ್ರಿ ಕಪ್ ಬಾಕ್ಸಿಂಗ್ ಟೂರ್ನಮೆಂಟ್‌ಗಳಲ್ಲಿ ಚಿನ್ನದ ಪದಕ ಗೆದ್ದಿದ್ದಾರೆ. ಇದೀಗ ಬೀಜಿಂಗ್ ಒಲಿಂಪಿಕ್ ಕೂಟದಲ್ಲಿಯೂ ಚಿನ್ನದ ಪದಕದ ಮೇಲೆ ದೃಷ್ಟಿ ಇರಿಸಿದ್ದಾರೆ.

ಬಾಕ್ಸಿಂಗ್: ಸೆಮಿ ಫೈನಲ್ ಪ್ರವೇಶಿಸಿದ ವಿಜೇಂದರ್

Wed, 20 Aug 2008 19:14:56 +0530

PTI

ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಭಾರತದ ವಿಜೇಂದರ್ ಕುಮಾರ್ ಅವರು ಬಾಕ್ಸಿಂಗ್‌ನ 75ಕೆಜಿ ವಿಭಾಗದಲ್ಲಿ ಈಕ್ವೆಡಾರ್‌ನ ಕಾರ್ಲೋಸ್ ಗೊಂಗೊರಾ ವಿರುದ್ಧ ಗೆಲುವ ಸಾಧಿಸುವ ಮೂಲಕ ಸೆಮಿ ಫೈನಲ್ ಪ್ರವೇಶಿಸುವ ಮೂಲಕ ಭಾರತಕ್ಕೆ ಮತ್ತೊಂದು ಪದಕದ ನಿರೀಕ್ಷೆಯನ್ನು ಜೀವಂತವಾಗಿರಿಸಿದ್ದಾರೆ.

ಪ್ರಥಮ ಸುತ್ತಿನಲ್ಲಿ ವಿಜೇಂದರ್ ಕುಮಾರ್ ಅವರು ಉತ್ತಮ ಆರಂಭದೊಂದಿಗೆ ಕಾರ್ಲೋಸ್ ವಿರುದ್ಧ 2-0ರ ಅಂತರದಿಂದ ಜಯದ ನಗು ಬೀರಿದರು.

ಎರಡನೇ ಸುತ್ತಿನಲ್ಲೂ ಎದುರಾಳಿಗೆ ಬಲವಾದ ಮುಷ್ಠಿ ಪ್ರಹಾರದೊಂದಿಗೆ ಮಣಿಸುವ ಮೂಲಕ 4-1ರ ಅಂತರ ಮೂಲದ ವಿಜೇಂದರ್ ಮುನ್ನಡೆ ಸಾಧಿಸಿದರು.

ತುಂಬು ಉತ್ಸಾಹದೊಂದಿಗೆ ತಮ್ಮ ಮುಷ್ಠಿ ಪ್ರಹಾರವನ್ನು ಮುಂದುವರಿಸಿದ್ದ ವಿಜೇಂದರ್ ಮೂರನೇ ಸುತ್ತಿನಲ್ಲೂ 7-2ರ ಅಂತರದೊಂದಿಗೆ ಸೆಮಿ ಫೈನಲ್ ಪ್ರವೇಶದ ಆಸೆಯನ್ನು ಜೀವಂತವಾಗಿರಿಸಿದರು.

ನಾಲ್ಕನೇ ಸುತ್ತಿನಲ್ಲಿ ಪ್ರಬಲ ಹೋರಾಟ ನೀಡಿದ ವಿಜೇಂದರ್ ಅವರು ಕಾರ್ಲೋಸ್‌ಗೆ ಅವಕಾಶ ನೀಡದೆ 9-4ರ ಮುನ್ನಡೆಯೊಂದಿಗೆ ಗೆಲುವು ಸಾಧಿಸಿ ಸೆಮಿ ಫೈನಲ್ ಅನ್ನು ಯಶಸ್ವಿಯಾಗಿ ಪ್ರವೇಶಿಸಿದ್ದಾರೆ.

ಮೊದಲು ಸೋತ ಸುಶೀಲ್ ಕಂಚು ಗೆದ್ದದ್ದು ಹೀಗೆ...!

Wed, 20 Aug 2008 17:36:32 +0530

PTI

ಬೀಜಿಂಗ್ ಒಲಿಂಪಿಕ್ಸ್ ಭಾರತದ ಪಾಲಿಗೆ ಒಂದು ಸ್ವರ್ಣಪದಕದ ನಂತರ ಕಂಚಿನ ಪದಕವನ್ನೂ ತಂದುಕೊಟ್ಟಿದೆ. ಇದೀಗ 66 ಕೆಜಿ ಫ್ರೀಸ್ಟೈಲ್ ಕುಸ್ತಿಪಟು, ಭಾರತದ ಸುಶೀಲ್ ಕುಮಾರ್ ಅವರು ಮೊದಲ ಸುತ್ತಿನಲ್ಲೇ ಸೋತರೂ ಕಂಚಿನ ಪದಕ ಗಳಿಸಿದ್ದು ಹೇಗೆ ಎಂಬುದು ಎಲ್ಲರ ಕುತೂಹಲ. ಅವರು ಧೂಳಿನಿಂದೆದ್ದು ಬಂದ ಬಗೆ ಹೇಗೆ?

ಬುಧವಾರ ಬೆಳಿಗ್ಗೆ, ಉಕ್ರೇನ್‌ನ ಆಂಡ್ರಿ ಸ್ಟಾಡ್ನಿಕ್ ಎದುರಿನ ಹೋರಾಟದಲ್ಲಿ ತಾಂತ್ರಿಕ ಅಂಕಗಳಲ್ಲಿ 3-8 ಅಂತರದಿಂದ ಹಿಂದುಳಿದು ಸುಶೀಲ್ ಸೋಲನ್ನಪ್ಪಿದಾಗ ಮಾಧ್ಯಮಗಳೆಲ್ಲವೂ "ಸುಶೀಲ್ ನಿರ್ಗಮನ" ಎಂದೇ ಬಿಂಬಿಸಿದವು. ಆದರೆ ಅವರು ಮತ್ತೆ ಮೇಲೆದ್ದು ಬಂದದ್ದು ರೆಪೆಶಾಜ್ (Repechage) ಎಂಬ ವಿಧಾನದ ಮೂಲಕ. ಹೀಗೆಂದರೇನು ಎಂಬುದನ್ನು ಈ ಲೇಖನದ ಕೆಳಗೆ ವಿವರಿಸಲಾಗಿದೆ.

ಸುಶೀಲ್ ಎದುರು ಗೆದ್ದಿದ್ದ ಹಾಗೂ ಫೈನಲಿಗೇರಿದ್ದ ಸ್ಟಾಡ್ನಿಕ್ ಹಾಗೂ ಮತ್ತೊಬ್ಬ ಫೈನಲಿಸ್ಟ್, ಟರ್ಕಿಯ ರಮ್ಜಾನ್ ಸಾಹಿನ್ ಅವರೆದುರು ಸೋತವರೆಲ್ಲರೂ ರೆಪೆಶಾಜ್ ವಿಧಾನದ ಮೂಲಕ 2 ಕಂಚಿನ ಪದಕ ಗೆಲ್ಲಲು ಅವಕಾಶ ಪಡೆಯುತ್ತಾರೆ.

ಬುಧವಾರ ಸುಶೀಲ್ ಪಾಲಿಗೆ ಅದೃಷ್ಟದ ಬೆಂಬಲವೂ ಇತ್ತು. ದೊರೆತ ಅವಕಾಶವನ್ನು ಸಮರ್ಥವಾಗಿ ಸದ್ಬಳಕೆ ಮಾಡಿಕೊಂಡ ಸುಶೀಲ್, ಮುಂದಿನ ಒಂದು ಗಂಟೆಯ ಅವಧಿಯಲ್ಲಿ ಮೂವರು ಕುಸ್ತಿಪಟುಗಳನ್ನು ಮಣಿಸಬೇಕಾಗಿತ್ತು. ಅದನ್ನವರು ಸಾಧಿಸಿಯೂ ಬಿಟ್ಟರು.

ರೆಪೆಶಾಜ್‌ನ ಮೊದಲ ಸುತ್ತಿನಲ್ಲಿ ಸುಶೀಲ್ ಅವರು ಅಮೆರಿಕದ ಶ್ವಾಬ್ ಎದುರು ಹೋರಾಡಿ ಗೆದ್ದರು. ಈ ಪಂದ್ಯದಲ್ಲಿ ಜಯಿಸಿದ ಬಳಿಕ ಮುಂದಿನ ಸುತ್ತಿನಲ್ಲಿ ಸುಶೀಲ್ ಅವರು ಬೆಲಾರುಸ್‌ನ ಅಲ್ಬರ್ಟ್ ಬಾಟಿರೊವ್‌ರನ್ನು ಮಗುಚಿ ಹಾಕಿದರು. ಕೊನೆಯದಾಗಿ ಸೆಮಿಫೈನಲಿನಲ್ಲಿ ಸೋತ ಕಜಕಿಸ್ತಾನದ ಲಿಯೊನಿಡ್ ಸ್ಪಿರಿಡೊನೊವ್ ಅವರನ್ನೂ 2-1, 0-1 ಮತ್ತು 1-0 ಅಂತರದ ಮೂರು ಸುತ್ತುಗಳಲ್ಲಿ ಮಣಿಸಿದರು. ಹೀಗೆ ಒಂದು ಗಂಟೆ ಅವಧಿಯಲ್ಲಿ ಮೂರು ಕುಸ್ತಿ ಪಂದ್ಯಗಳಲ್ಲಿ ಸೆಣಸಾಡಿದ ಸುಶೀಲ್ ಒಂದು ಕಂಚಿನ ಪದಕ ತಮ್ಮ ಬುಟ್ಟಿಗೆ ಹಾಕಿಕೊಂಡು ಇತಿಹಾಸ ನಿರ್ಮಿಸಿದರು.

ವಿಶೇಷವೆಂದರೆ, 2006ರ ದೋಹಾ ಏಷ್ಯನ್ ಗೇಮ್ಸ್ ಕೂಟದಲ್ಲಿ ಸುಶೀಲ್ ಅವರು ಇದೇ ಲಿಯೋನಿಡ್ ಅವರನ್ನು ಸೋಲಿಸಿ ಕಂಚಿನ ಪದಕ ಗಳಿಸಿದ್ದರು.

ಒಟ್ಟಾರೆ ಇಂದಿನ ಹೋರಾಟದಲ್ಲಿ ಟರ್ಕಿಯ ರಮ್ಜಾನ್ ಸಾಹಿನ್ ಅವರು ಸ್ವರ್ಣ ಪದಕ ಪಡೆದರೆ, ಉಕ್ರೇನಿನ ಆಂಡ್ರಿ ಸ್ಟಾಡ್ನಿಕ್ ರಜತ ಪದಕ ಪಡೆದರು. ಸುಶೀಲ್ ಕುಮಾರ್ ಜತೆಗೆ ಮತ್ತೊಂದು ಕಂಚಿನ ಪದಕ ಪಡೆದುಕೊಂಡವರು ಜಾರ್ಜಿಯಾದ ಒತಾರ್ ತುಶಿಶ್ವಿಲಿ.

ರೆಪೆಶಾಜ್ ವಿಧಾನದಲ್ಲಿ ದೊರೆತ ಅವಕಾಶವನ್ನು ಸಮರ್ಥವಾಗಿ ಬಳಸಿಕೊಂಡ ಸುಶೀಲ್ ಕುಮಾರ್ ಬೀಜಿಂಗ್‌ನಲ್ಲಿ ಭಾರತದ ಕೀರ್ತಿ ಪತಾಕೆಯನ್ನು ಮತ್ತೊಮ್ಮೆ ಎತ್ತಿಹಿಡಿದರು. 1952ರಲ್ಲಿ ಹೆಲ್ಸಿಂಕಿ ಒಲಿಂಪಿಕ್ಸ್‌ನಲ್ಲಿ, ಪುಣೆಯ ಕಶಾಬಾ ಜಾಧವ್ ಅವರ ಬಳಿಕ, ಅಂದರೆ 56 ವರ್ಷಗಳ ನಂತರ ಕುಸ್ತಿಯಲ್ಲಿ ಭಾರತಕ್ಕೆ ಪದಕ ದೊರೆಕಿಸಿಕೊಟ್ಟ ಹೀರೋ ಸುಶೀಲ್ ಕುಮಾರ್. ಆದರೆ ಈ ಸಂಭ್ರಮಾಚರಣೆಗೆ ಜಾಧವ್ ಇಲ್ಲ. ಅವರು ಇತ್ತೀಚೆಗೆ ಶೂಟರ್ ಅಭಿನವ್ ಬಿಂದ್ರಾ ಅವರು ಚಿನ್ನ ಗೆದ್ದ ದಿನವೇ ಇಹಲೋಕ ತ್ಯಜಿಸಿದ್ದರು.

ರೆಪೆಶಾಜ್ (Repechage) ಎಂದರೇನು?

ಈ ಫ್ರೆಂಚ್ ಪದದ ಅರ್ಥ "ರಕ್ಷಿಸು" ಅಥವಾ "ಉಳಿಸು" ಎಂಬುದಾಗಿ. ಅರ್ಹತೆಯ ಗುಣಮಟ್ಟವನ್ನು ತಲುಪಲು ಅತ್ಯಂತ ಅಲ್ಪ ಅಂತರದಿಂದ ವಿಫಲವಾದ ಸ್ಪರ್ಧಾಳುಗಳಿಗೆ ನೀಡುವ ಅವಕಾಶವಿದು.

ಕರಾಟೆ, ಜೂಡೋ, ಟೇಕ್ವಾಂಡೋ ಮತ್ತು ಕುಸ್ತಿ ಟೂರ್ನಿಗಳಲ್ಲಿ, ಪ್ರಥಮ ಮತ್ತು ದ್ವಿತೀಯ ಸ್ಥಾನಕ್ಕಾಗಿ ಫೈನಲ್ ಪಂದ್ಯದಲ್ಲಿ ಸೆಣಸಾಡುವವರನ್ನು ನಿರ್ಧರಿಸಲು ಸಿಂಗಲ್ ಎಲಿಮಿನೇಶನ್ ವಿಧಾನ ಅನುಸರಿಸಲಾಗುತ್ತದೆ. ಈ ಫೈನಲಿಸ್ಟ್‌ಗಳ ಕೈಯಲ್ಲಿ ಸೋತ ಎಲ್ಲ ಅಥ್ಲೀಟ್‌ಗಳನ್ನೂ ಆರಿಸಿ ರೆಪೆಶಾಜ್ ವಿಧಾನದ ಮೂಲಕ ಆಡಿಸಲಾಗುತ್ತದೆ. ಈ ರೀತಿ ಮಾಡುವ ಮೂಲಕ ತೃತೀಯ ಸ್ಥಾನ ಯಾರಿಗೆ ಎಂದು ನಿರ್ಣಯಿಸಲಾಗುತ್ತದೆ. ಅಂದರೆ, ಆರಂಭಿಕ ಸುತ್ತಿನಲ್ಲಿ ಇಬ್ಬರು ಪ್ರಬಲ ಪ್ರತಿಸ್ಪರ್ಧಿಗಳು ಸೆಣಸಾಡಿದಾಗ, ಅದರಲ್ಲಿ ಸೋತ ಪ್ರಬಲ ಕ್ರೀಡಾಳುವಿಗೂ ಪದಕ ಗೆಲ್ಲುವ ಅವಕಾಶ ದೊರಕಿಸಲಾಗುತ್ತದೆ.

ಕುಸ್ತಿಯಲ್ಲಿ ಕಂಚು ಗೆದ್ದ 'ಸುಶೀಲ್'

Wed, 20 Aug 2008 17:17:01 +0530

PTI

ಒಲಿಂಪಿಕ್ ಕ್ರೀಡಾಕೂಟದ 66ಕೆಜಿ ವಿಭಾಗದ ಫ್ರೀ ಸ್ಟೈಲ್ ಕುಸ್ತಿ ಹಣಾಹಣಿಯ ಅಂತಿಮ ಸುತ್ತಿನಲ್ಲಿ ಭಾರತದ ಸುಶೀಲ್ ಕುಮಾರ್ ಅವರು ಎದುರಾಳಿ ಕಜಕಿಸ್ತಾನದ ಲಿಯೊನಿಡ್ ಸ್ಪಿರಿಡೊನೊವ್ ಅವರನ್ನು ಮಣ್ಣುಮುಕ್ಕಿಸುವ ಮೂಲಕ ಕಂಚಿನ ಪದಕವನ್ನು ಜಯಿಸಿ ಭಾರತದ ಕುಸ್ತಿಪಂದ್ಯದಲ್ಲಿ ನೂತನ ಇತಿಹಾಸವನ್ನೇ ನಿರ್ಮಿಸಿದಂತಾಗಿದೆ.

ಬುಧವಾರ ಬೆಳಿಗ್ಗೆ ಆರಂಭಗೊಂಡ ಫ್ರೀ ಸ್ಟೈಲ್‌ನ 66ಕೆಜಿ ವಿಭಾಗದ ಪ್ರಥಮ ಸುತ್ತಿನಲ್ಲಿ ಸುಶೀಲ್ ಕುಮಾರ್ ಅವರು ಉಕ್ರೇನ್‌ನ ಆಂಡ್ರಿ ಸ್ಟಾಡ್ನಿಕ್ ಎದುರು ಪರಾಭವ ಗೊಂಡಿದ್ದರು.

ಸ್ಟಾಡ್ನಿಕ್ ಅವರು ಉತ್ತಮ ಆರಂಭದೊಂದಿಗೆ ಪ್ರಥಮ ಸುತ್ತಿನಲ್ಲಿ ಸುಶೀಲ್ ವಿರುದ್ಧ ಮೊದಲ ಪಾಯಿಂಟ್ ಗಳಿಸುವ ಮೂಲಕ 2-1ರ ಮುನ್ನಡೆ ಸಾಧಿಸಿದ್ದರು.

ಎರಡನೇ ಸುತ್ತಿನಲ್ಲೂ ಸ್ಟಾಡ್ನಿಕ್ ಅವರು ಸುಶೀಲ್ ಅವರನ್ನು ಹಣಿಯುವ ಮೂಲಕ ಆರು ಅಂಕಗಳನ್ನು ಪಡೆದಿದ್ದರು,ಆದರೆ ಮೂರನೇ ಸುತ್ತಿನಲ್ಲಿ ಸ್ಟಾಡ್ನಿಕ್ ಅವರನ್ನು ಸೋಲಿಸಿ 4-15ರ ಮುನ್ನಡೆ ಸಾಧಿಸುವ ಮೂಲಕ ಕ್ವಾರ್ಟರ್ ಫೈನಲ್ ಪ್ರವೇಶಿಸುವಲ್ಲಿ ಸಫಲರಾಗಿದ್ದರು.

ಇದೀಗ ಕುಸ್ತಿ ಕದನದ ಫೈನಲ್ ಹಣಾಹಣಿಯಲ್ಲಿ ಕಜಕಿಸ್ತಾನದ ಲಿಯೊನಿಡ್ ವಿರುದ್ಧ ಮೇಲುಗೈ ಸಾಧಿಸುವ ಮೂಲಕ ಕಂಚಿನ ಪದಕದೊಂದಿಗೆ ಕೋಟ್ಯಂತರ ಭಾರತೀಯರನ್ನು ಪುಳಕಿತರನ್ನಾಗಿಸಿದರು.

ಒಲಿಂಪಿಕ್ ಗೇಮ್ಸ್‌ನಲ್ಲಿ ಕಂಚಿನ ಪದಕ ಗಳಿಸಿದ ಸುಶೀಲ್ ಕುಮಾರ್ 2005ರಲ್ಲಿ ಅರ್ಜುನ್ ಪ್ರಶಸ್ತಿ ವಿಜೇತರಾಗಿದ್ದರು.

1952ರ ಬಳಿಕ ಕುಸ್ತಿಪಂದ್ಯದಲ್ಲಿ ಪ್ರಥಮ ಬಾರಿಗೆ ಕಂಚಿನ ಪದಕ ಪಡೆದ ಶ್ಲಾಘನೆ.

ಕಸಬಾ ಯಾದವ್ 1952ರಲ್ಲಿ ಪ್ರಥಮವಾಗಿ ಕುಸ್ತಿಯಲ್ಲಿ ಕಂಚಿನ ಪದಕ ಪಡೆದಿದ್ದರು.

4ನೇ ವೈಯಕ್ತಿಕ ಕಂಚು ಪಡೆದ ಹೆಗ್ಗಳಿಕೆ ಸುಶೀಲ್ ಕುಮಾರದ್ದು.

ಒಲಿಂಪಿಕ್ : ಬಾಕ್ಸಿಂಗ್‌ನಲ್ಲಿ ಸೋಲುಂಡ ಜಿತೇಂದರ್

Wed, 20 Aug 2008 17:13:27 +0530

ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಬುಧವಾರ ಸಂಜೆ ನಡೆದ 51ಕೆಜಿ ಬಾಕ್ಸಿಂಗ್ ಸ್ಪರ್ಧೆಯ ಕ್ವಾರ್ಟರ್ ಫೈನಲ್‌ನಲ್ಲಿ ಜಿತೇಂದರ್ ಕುಮಾರ್ ಅವರು ಎದುರಾಳಿ ವಿಶ್ವ ಚಾಂಪಿಯನ್ ರ ಷ್ಯಾದ ಜಾರ್ಜಿ ಬಾಲಾಕ್ಸಿನ್ ವಿರುದ್ಧ ಪರಾಜಯಗೊಳ್ಳುವ ಭಾರತದ ಪದಕದ ನಿರೀಕ್ಷೆ ಹುಸಿಯಾಗಿದೆ.

ಬುಧವಾರ ಸಂಜೆ 4.45ಕ್ಕೆ ಆರಂಭಗೊಂಡ ಬಾಕ್ಸಿಂಗ್ ಸ್ಪರ್ಧೆಯ ಆರಂಭದ ಸುತ್ತಿನಲ್ಲಿ ಭಾರತದ ಜಿತೇಂದರ್ ಕುಮಾರ್ ಎದುರಾಳಿ ಜಾರ್ಜಿಗೆ ಪ್ರಬಲ ಹೋರಾಟವನ್ನು ನೀಡುವ ಮೂಲಕ 7-6ರ ಅಂತರವನ್ನು ಕಾಯ್ದುಕೊಂಡಿದ್ದರು.

ಆದರೆ ಎರಡನೇ ಹಂತದಲ್ಲಿ ಮಾಜಿ ವಿಶ್ವ ಚಾಂಪಿಯನ್ ರಷ್ಯಾದ ಬಾಲಾಕ್ಸಿನ್ ಅವರು ಜಿತೇಂದರ್ ಕುಮಾರ್ ಅವರ ಬೆವರಿಳಿಸುವ ಮೂಲಕ 13-8ರ ಅಂತದಲ್ಲಿ ಸೋಲಿಸಿದರು.

ಅಂತಿಮ ಸುತ್ತಿನಲ್ಲಿಯೂ ಜಿತೇಂದರ್ ಅವರು ಪ್ರಬಲ ಸ್ಪರ್ಧೆಯನ್ನು ಒಡ್ಡುತ್ತಾರೆಂಬ ನಿರೀಕ್ಷೆಯೂ ಹುಸಿಯಾಗಿದ್ದು,15-11ರ ಅಂತರದೊಂದಿಗೆ ಸೋಲುವ ಮೂಲಕ ಬಾಕ್ಸಿಂಗ್‌ನಲ್ಲಿನ ಪದಕದ ನಿರೀಕ್ಷೆಗೆ ತಣ್ಣೀರೆರಚಿದಂತಾಗಿದೆ.

ಕುಸ್ತಿ: ಪ್ರಥಮ ಸುತ್ತಿನಲ್ಲಿ ಸುಶೀಲ್‌ಗೆ ಸೋಲು

Wed, 20 Aug 2008 15:29:06 +0530

ಪುರುಷರ 66ಕೆ.ಜಿ ಫ್ರಿ ಸ್ಟೈಲ್ ವಿಭಾಗದ ಪ್ರಥಮ ಸುತ್ತಿನಲ್ಲಿ ಭಾರತದ ಫ್ರಿ ಸ್ಟೈಲ್ ಗಾರ್ಪಲ್‌ರ ಸುಶೀಲ್ ಕುಮಾರ್‌ಗೆ, ಉಕ್ರೇನ್‌ನ ಆಂಡ್ರಿ ಸ್ಟಾಡ್ನಿಕ್ ಹೊರನಡೆಯಲು ದಾರಿ ತೋರಿದ್ದಾರೆ.

ಸ್ಟಾಡ್ನಿಕ್ ಒಂದು ಪಾಯಿಂಟ್ ಗಳಿಸುವ ಮೂಲಕ ಉತ್ತಮ ಆರಂಭ ಪಡೆದರು ಆದರೆ ಸುಶೀಲ್ ಬಹು ಬೇಗನೆ ಅಂಕೆಗಳನ್ನು ಸಮಗೊಳಿಸಿಕೊಂಡರು, ಆದರೆ ಪ್ರಬಲರಾಗಿದ್ದ ಸುಶೀಲ್ ಪ್ರತಿಸ್ಪರ್ಧಿ ಮೊದಲನೇ ಸುತ್ತಿನಲ್ಲಿ 2-1ರ ಮುನ್ನಡೆ ಗಳಿಸಿದರು.

ಎರಡನೇ ಸುತ್ತಿನಲ್ಲಿ ಸ್ಟಾಡ್ನಿಕ್ ವೇಗವಾಗಿ 6 ಪಾಯಿಂಟ್ ಗಳಿಸಿಕೊಂಡು ಮುನ್ನಡೆ ಸಾಧಿಸಿದರೆ, ಸುಶೀಲ್ ಯಾವುದೇ ಪಾಯಿಂಟ್ ಗಳಿಸುವಲ್ಲಿ ವಿಫಲರಾದರು.

ವಿಶ್ವ ಕುಸ್ತಿ ಚಾಂಪಿಯನ್‌ಶಿಪ್‌ನ ಕ್ವಾರ್ಟರ್ ಫೈನಲ್ ತಲುಪುವ ಮೂಲಕ ಸುಶೀಲ್ ಒಲಿಂಪಿಕ್ಸ್‌ಗೆ ಅರ್ಹತೆ ಪಡೆದುಕೊಂಡಿದ್ದರು, ಬೀಜಿಂಗ್‌ನಲ್ಲಿ ಸುಶೀಲ್ ಕುಮಾರ್ ಸ್ಟಾಡ್ನಕ್‌ಗೆ 4-15ರ ದೀರ್ಘ ಅಂತರದಲ್ಲಿ ಶರಣಾಗಿದ್ದಾರೆ.

ಪದಕದ ನಿರೀಕ್ಷೆಯಲ್ಲಿ 'ಕುಮಾರ' ದ್ವಯರು

Wed, 20 Aug 2008 13:15:19 +0530

ಒಲಿಂಪಿಕ್ ಕ್ರೀಡಾಕೂಟದ ಬಾಕ್ಸಿಂಗ್ ಕದನದಲ್ಲಿ ಸೋಮವಾರದಂದು ಭಾರತದ ಅಖಿಲ್ ಕುಮಾರ್ ಅವರು ಸೋಲನ್ನನುಭವಿಸುವ ಮೂಲಕ ಕೋಟ್ಯಂತರ ಭಾರತೀ ಯರ ನಿರೀಕ್ಷೆ ಹುಸಿಯಾಗಿದ್ದು,ಇದೀಗ ಬುಧವಾರ ಸಂಜೆ ಮತ್ತೆ ಕುಮಾರ ದ್ವಯರಿಬ್ಬರು ಬಾಕ್ಸಿಂಗ್ ಅಖಾಡಕ್ಕೆ ಇಳಿಯಲಿದ್ದು ಪದಕದ ನಿರೀಕ್ಷೆಯನ್ನು ಇಟ್ಟುಕೊಂಡಿದ್ದು ,ಯಾರ ಮಡಲಿಗೆ ಪದಕ ಸೇರಲಿದೆಯೋ ಎಂಬುದನ್ನು ಕಾದು ನೋಡಬೇಕಾಗಿದೆ.

20ರ ಹರೆಯದ ಭಾರತದ ಯುವ ಬಾಕ್ಸಿಂಗ್ ಪಟು ಜಿತೇಂದರ್ ಅವರು ಹಣಾಹಣಿಯಲ್ಲಿ ಗೆಲುವು ಸಾಧಿಸಲಿ ಎಂದು ಕೇಂದ್ರ ಕ್ರೀಡಾಸಚಿವ ಎಂ.ಎಸ್.ಗಿಲ್ ಅವರು ಶುಭ ಹಾರೈ ಸಿದ್ದಾರೆ.

ಇಂದು ಸಂಜೆ 4.45ಕ್ಕೆ ಆರಂಭಗೊಳ್ಳಲಿರುವ 51ಕೆಜಿ ಬಾಕ್ಸಿಂಗ್ ಸ್ಪರ್ಧೆಯಲ್ಲಿ ಜಿತೇಂದರ್ ಕುಮಾರ್ ಅವರು ಕಳೆದ ವರ್ಷದ ವರ್ಲ್ಡ್ ಚಾಂಪಿಯನ್ ರಷ್ಯಾದ ಜಾರ್ಜಿ ಬಾಲಾಕ್ಸಿನ್ ಅವರನ್ನು ಎದುರಿಸಲಿದ್ದಾರೆ.

ಅಲ್ಲದೇ ಸಂಜೆ 6.15ಕ್ಕೆ ಮತ್ತೊಬ್ಬ ಬಾಕ್ಸರ್ ವಿಜೇಂದರ್ ಕುಮಾರ್ ಅವರು 75ಕೆಜಿ ವಿಭಾಗದಲ್ಲಿ ಈಕ್ವೆಡಾರ್‌ನ ಕಾರ್ಲೋಸ್ ಗೊಂಗೊರಾ ಅವರೊಂದಿಗೆ ಸೆಣಸಲಿದ್ದಾರೆ.

ವಿಜೇಂದರ್ ಕುಮಾರ್ ಅವರು 2006ರ ಕಾಮನ್‌ವೆಲ್ತ್ ಗೇಮ್ಸ್‌ನಲ್ಲಿ ಬೆಳ್ಳಿ ಪದಕ ಗಳಿಸಿದ್ದರು. ಇದೀಗ ಬುಧವಾರ ಸಂಜೆಯ ಬಾಕ್ಸಿಂಗ್ ಕದನದಲ್ಲಿ ಪದಕ ಯಾರ ಕೊರಳನ್ನು ಅಲಂಕರಿಸಲಿದೆ ಎಂಬ ಕುತೂಹಲ ಭಾರತೀಯರ ಕ್ರೀಡಾಭಿಮಾನಿಗಳಲ್ಲಿ ಮೂಡಿದೆ.

ಲಂಡನ್ ಒಲಿಂಪಿಕ್ಸ್‌ನತ್ತ ಸೈನಾ ಚಿತ್ತ

Wed, 20 Aug 2008 12:13:05 +0530

PTI

ಬೀಜಿಂಗ್ ಒಲಿಂಪಿಕ್ ಕ್ರೀಡಾಕೂಟದ ಟೆನಿಸ್ ಸ್ಪರ್ಧೆಯ ಕ್ವಾರ್ಟರ್ ಫೈನಲ್‌ನಲ್ಲಿ ಸೋಲನ್ನನುಭವಿಸಿರುವ ಭಾರತದ ಸೈನಾ ನೆಹ್ವಾಲ್,2012ರಲ್ಲಿ ಲಂಡನ್‌ನಲ್ಲಿ ನಡೆಯಲಿರುವ ಗೇಮ್ಸ್‌ನಲ್ಲಿ ಸ್ವರ್ಣ ಪಡೆಯುತ್ತ ದೃಷ್ಟಿ ನೆಟ್ಟಿರುವುದಾಗಿ ಭರವಸೆ ವ್ಯಕ್ತಪಡಿಸಿದ್ದಾರೆ.

ನಾನು ಕ್ವಾರ್ಟರ್ ಫೈನಲ್‌ನಲ್ಲಿ ಸೋಲುವ ಮೂಲಕ ಸೆಮಿ ಫೈನಲ್ ಅವಕಾಶದಿಂದ ವಂಚಿತಳಾಗಿರುವುದು ತನಗೆ ತುಂಬಾ ನಷ್ಟವಾಗಿರುವುದಾಗಿ ಹೇಳಿರುವ ಸೈನಾ,ತನಗೆ ಆಟದಲ್ಲಿ ಅನುಭವವಿದೆ. ಆ ನಿಟ್ಟಿನಲ್ಲಿ ನಾನು ಕೆಲವು ಮ್ಯಾಚ್‌ಗಳಲ್ಲಿ ಪರಾಜಯಗೊಂಡಿದ್ದರು ಕೂಡ ತನ್ನ ಪದಕ ಬೇಟೆಯನ್ನು ಮುಂದುವರಿಸುವುದಾಗಿ ಹೇಳಿದ್ದಾರೆ.

ಇದು ತನ್ನ ಪ್ರಥಮ ಒಲಿಂಪಿಕ್ ಸ್ಪರ್ಧೆಯಾಗಿದ್ದು,ತನ್ನ ಕನಸು ಇಲ್ಲಿಗೆ ಕೊನೆಗೊಳ್ಳುವುದಿಲ್ಲ,ಕ್ವಾರ್ಟರ್ ಫೈನಲ್ ತಲುಪಿರುವುದು ಕೂಡ ತನ್ನಲ್ಲಿ ವಿಶ್ವಾಸ ತುಂಬಿದೆ. ಒಲಿಂಪಿಕ್‌ನಲ್ಲಿ ನಾನು ಉತ್ತಮ ಪ್ರದರ್ಶನವನ್ನೇ ನೀಡಿರುವೆ. ಇದು ತನಗೆ ಮುಂದಿನ ಗೇಮ್ಸ್‌ಗೆ ಪಾಠವಾಗಿದೆ ಎಂದರು.

ಖಂಡಿತವಾಗಿಯೂ ನಾನು ಮುಂದಿನ ಒಲಿಂಪಿಕ್ ಕ್ರೀಡೂಕೂಟದಲ್ಲಿ ಚಿನ್ನ ಪಡೆಯುವೆನೆಂಬ ಭರವಸೆ ಇರುವುದಾಗಿ ಸೈನಾ ತಿಳಿಸಿದ್ದು,ಅದು ತನ್ನ ಗುರಿಯೂ ಹೌದು ಎಂದಿದ್ದಾರೆ.

ಒಲಿಂಪಿಕ್: 2ನೇ ಸುತ್ತಿನಿಂದ ಶರತ್ ಔಟ್

Wed, 20 Aug 2008 11:12:00 +0530

ಭಾರತದ ಖ್ಯಾತ ಟೇಬಲ್ ಟೆನಿಸ್ ಪಟು ಅಚಂತಾ ಶರತ್ ಕಮಲ್ ಬುಧವಾರ ಬೆಳಿಗ್ಗೆ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ನಡೆದ ಟೇಬಲ್ ಟೆನಿಸ್ ಪುರುಷರ ಸಿಂಗಲ್ಸ್‌‌ ಸ್ಪರ್ಧೆಯಲ್ಲಿ ಆಸ್ಟ್ರೀಯಾದ ವೆಕ್ಸಿಂಗ್ ಚೆನ್ ವಿರುದ್ಧ ಪರಾಭವಗೊಳ್ಳುವ ಮೂಲಕ ನಿರಾಸೆ ಮೂಡಿಸಿದ್ದಾರೆ.

ಶರತ್ ಕಮಲ್ ಎದುರಾಳಿ ಆಸ್ಟ್ರೀಯಾದ ಚೆನ್ ಅವರು ಎರಡನೇ ಸುತ್ತಿನಲ್ಲಿ 11-5, 14-12, 11-2, 8-11 ಮತ್ತು 10-12ರ ಅಂತರದಲ್ಲಿ ಪರಾಭವಗೊಳಿಸುವ ಮೂಲಕ ಒಲಿಂಪಿಕ್ ಗೇಮ್ಸ್‌ನಿಂದ ಹೊರಬೀಳುವಂತಾಗಿದೆ.

ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಮಂಗಳವಾರ ಬೆಳಿಗ್ಗೆ ಆರಂಭಗೊಂಡ ಪುರುಷರ ಸಿಂಗಲ್ಸ್ ಟೇಬಲ್ ಟೆನ್ನಿಸ್ ಸ್ಪರ್ಧೆಯಲ್ಲಿ ಎದುರಾಳಿ ಸ್ಪೇಯ್ನ್‌‌ನ ಅಲ್‌‌‌ಫ್ರೆಡೋ ಕಾರ್ನೆರೋಸ್ ಅವರನ್ನು 6-11,12-10,11-8,9-11,11-6,11-7ರ ಅಂತರದಲ್ಲಿ ಪರಾಭವಗೊಳಿಸುವ ಮೂಲಕ ಎರಡನೇ ಸುತ್ತಿಗೆ ಪ್ರವೇಶಿಸುವಲ್ಲಿ ಯಶಸ್ವಿಯಾಗಿದ್ದರು.

ಚೆನ್ನೈನ ಯುವ ಪ್ರತಿಭೆ ಅಚಂತಾ ಶರತ್ ಕಮಲ್ ಕಾಮನ್‌ವೆಲ್ತ್ ಟೇಬಲ್ ಟೆನಿಸ್ ಸ್ಪರ್ಧೆಯಲ್ಲಿ ಬಂಗಾರದ ಪದಕವನ್ನು ಗಳಿಸಿದ್ದರು.ಆ ನಿಟ್ಟಿನಲ್ಲಿ ಒಲಿಂಪಿಕ್ ಗೇಮ್ಸ್‌ನ ಟೇಬಲ್ ಟೆನಿಸ್ ಸಿಂಗಲ್ಸ್‌ನಲ್ಲಿ ಉತ್ತಮ ಆರಂಭದೊಂದಿಗೆ ಮುನ್ನಡೆ ಸಾಧಿಸಿದ್ದರು.

2004ರ ಕಾಮನ್‌ವೆಲ್ತ್ ಚಾಂಪಿಯನ್‌ಷಿಪ್‌ನಲ್ಲಿ ಶರತ್ ಕೇವಲ ವೈಯಕ್ತಿಕವಾಗಿ ಸ್ವರ್ಣ ಪದಕ ಮಾತ್ರ ಪಡೆದಿದ್ದಲ್ಲದೆ,ಭಾರತೀಯ ತಂಡ ಕೂಡ ಟೀಮ್ ಟೈಟಲ್ ಅನ್ನು ಬಾಚಿ ಕೊಂಡಿತ್ತು. ಅದೂ ಇಂಗ್ಲೆಂಡ್ ವಿರುದ್ಧ ಜಯ ಸಾಧಿಸುವ ಮೂಲಕ ಶರತ್ ತಂಡ ಭಾರತೀಯರ ಶ್ಲಾಘನೆಗೆ ಪಾತ್ರವಾಗಿತ್ತು.

ಕುಸ್ತಿಪಂದ್ಯ:ಕ್ವಾರ್ಟರ್‌‌ ಫೈನಲ್‌ನಿಂದ ಹೊರಬಿದ್ದ ದತ್

Tue, 19 Aug 2008 12:15:58 +0530

ಕುಸ್ತಿ ಪಂದ್ಯದ 60ಕೆಜಿ ಫ್ರೀ ಸ್ಟೈಲ್ ವಿಭಾಗದಲ್ಲಿ ಭಾರತದ ಯೋಗೇಶ್ವರ್ ದತ್ತ ಅವರು ಮೂರನೇ ಮತ್ತು ಅಂತಿಮ ಸುತ್ತಿನಲ್ಲಿ ಜಪಾನ್‌ನ ಕೆನಿಚಿ ಯುಮೋಟೊ ವಿರುದ್ಧ ಪರಾಭವಗೊಳ್ಳುವ ಮೂಲಕ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಭಾರತದ ಮತ್ತೊಂದು ಪದಕದ ನಿರೀಕ್ಷೆ ಹುಸಿಯಾದಂತಾಗಿದೆ.

ಕುಸ್ತಿ ಪಂದ್ಯದ ಹಣಾಹಣಿಯಲ್ಲಿ ಯೋಗೇಶ್ವರ್ ದತ್ತ ಅವರು ಉತ್ತಮ ಆರಂಭ ಕಂಡುಕೊಂಡಿದ್ದು,ಪ್ರಥಮ ಸುತ್ತಿನಲ್ಲೇ 1-0ರ ಅಂತರದಲ್ಲಿ ಮುನ್ನಡೆ ಸಾಧಿಸಿದ್ದರು.

ಅದೇ ರೀತಿ ದತ್ ಅವರು ಎರಡನೇ ಸುತ್ತಿನಲ್ಲಿ ತಮ್ಮ ಬಲ ಪ್ರದರ್ಶನ ತೋರುವಲ್ಲಿ ವಿಫಲರಾಗುವ ಮೂಲಕ ಎದುರಾಳಿ ವಿರುದ್ಧ 2-1ರ ಅಂತರದಲ್ಲಿ ಹಿನ್ನೆಡೆ ಅನುಭವಿಸುವ ಮೂಲಕ ಕ್ವಾರ್ಟರ್ ಫೈನಲ್‌ನಿಂದ ಹೊರಬೀಳುವಂತಾಗಿದೆ.

ದತ್ ಅವರು ಕುಸ್ತಿ ಪಂದ್ಯದಲ್ಲಿ ಕನಿಷ್ಠ ಕಂಚಿನ ಪದಕವನ್ನಾದರೂ ಗಳಿಸುತ್ತಾರೆಂಬ ನಿರೀಕ್ಷೆ ಹೊಂದಲಾಗಿತ್ತು. ಇದಕ್ಕೂ ಮುನ್ನ ದತ್ ಅವರು ಕಜಕಿಸ್ತಾನದ ಬೌರ್ಚಾನ್ ವಿರುದ್ಧ 3-1ರ ಅಂತರದಲ್ಲಿ ಗೆಲುವು ಸಾಧಿಸಿದ್ದರು.

ಟೇಬಲ್ ಟೆನ್ನಿಸ್:ಶರತ್ 2ನೇ ಸುತ್ತಿಗೆ

Tue, 19 Aug 2008 11:54:27 +0530

ಭಾರತದ ಟೇಬಲ್ ಟೆನ್ನಿಸ್ ಪಟು ಚೆನ್ನೈನ ಶರತ್ ಕಮಲ್ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಮಂಗಳವಾರ ಬೆಳಿಗ್ಗೆ ಆರಂಭಗೊಂಡ ಪುರುಷರ ಸಿಂಗಲ್ಸ್ ಸ್ಪರ್ಧೆಯಲ್ಲಿ ಎದುರಾಳಿ ಸ್ಪೇಯ್ನ್‌‌ನ ಅಲ್‌‌‌ಫ್ರೆಡೋ ಕಾರ್ನೆರೋಸ್ ಅವರನ್ನು 6-11,12-10,11-8,9-11,11-6,11-7ರ ಅಂತರದಲ್ಲಿ ಪರಾಭವಗೊಳಿಸುವ ಮೂಲಕ ಎರಡನೇ ಸುತ್ತಿಗೆ ಪ್ರವೇಶಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಚೆನ್ನೈನ ಯುವ ಪ್ರತಿಭೆ ಅಚಂತಾ ಶರತ್ ಕಮಲ್ ಕಾಮನ್‌ವೆಲ್ತ್ ಟೇಬಲ್ ಟೆನ್ನಿಸ್‌ ಸ್ಪರ್ಧೆಯಲ್ಲಿ ಬಂಗಾರದ ಪದಕವನ್ನು ಗಳಿಸಿದ್ದರು.ಆ ನಿಟ್ಟಿನಲ್ಲಿ ಒಲಿಂಪಿಕ್ ಗೇಮ್ಸ್‌ನ ಟೇಬಲ್ ಟೆನ್ನಿಸ್ ಸಿಂಗಲ್ಸ್‌ನಲ್ಲಿ ಉತ್ತಮ ಆರಂಭದೊಂದಿಗೆ ಮುನ್ನಡೆ ಸಾಧಿಸಿದ್ದಾರೆ.

2004ರ ಕಾಮನ್‌ವೆಲ್ತ್ ಚಾಂಪಿಯನ್‌ಷಿಪ್‌ನಲ್ಲಿ ಶರತ್ ಕೇವಲ ವೈಯಕ್ತಿಕವಾಗಿ ಸ್ವರ್ಣ ಪದಕ ಮಾತ್ರ ಪಡೆದಿದ್ದಲ್ಲದೆ,ಭಾರತೀಯ ತಂಡ ಕೂಡ ಟೀಮ್ ಟೈಟಲ್ ಅನ್ನು ಬಾಚಿಕೊಂಡಿತ್ತು. ಅದೂ ಇಂಗ್ಲೆಂಡ್ ವಿರುದ್ಧ ಜಯ ಸಾಧಿಸುವ ಮೂಲಕ ಶರತ್ ತಂಡ ಭಾರತೀಯರ ಶ್ಲಾಘನೆಗೆ ಪಾತ್ರವಾಗಿತ್ತು.

ಪೋಲ್ ವಾಲ್ಟ್:ದಾಖಲೆ ನಿರ್ಮಿಸಿದ ರಷ್ಯಾ ಚೆಲುವೆ

Tue, 19 Aug 2008 10:52:05 +0530

ಒಲಿಂಪಿಕ್ ಕ್ರೀಡಾಕೂಟದ ಮಹಿಳೆಯರ ಪೋಲ್ ವಾಲ್ಟ್‌‌ ವಿಭಾಗದಲ್ಲಿ ರಷ್ಯಾದ ಚೆಲುವೆ ಯೆಲೆನಾ ಇಸಿನ್‌ಬೆವ್ ತನ್ನದೇ ದಾಖಲೆಯನ್ನು ಮುರಿಯುವ ಮೂಲಕ ಮತ್ತೊಂದು ವಿಶ್ವದಾಖಲೆಯೊಂದಿಗೆ ಸ್ವರ್ಣ ಪದಕವನ್ನು ಪಡೆದರು.

ಪೋಲ್ ವಾಲ್ಟ್‌ನಲ್ಲಿ ರಷ್ಯಾದ ಯೆಲೆನಾ ಅವರು ಈ ಮೊದಲು 5.05ಮೀಟರ್ ಎತ್ತರಕ್ಕೆ ಚಿಮ್ಮುವ ಮೂಲಕ ದಾಖಲೆ ನಿರ್ಮಿಸಿದ್ದರು, ಆದರೆ ಸೋಮವಾರ ಬೀಜಿಂಗ್ ಒಲಿಂಪಿ ಕ್‌ನಲ್ಲಿ 5.04ಮೀಟರ್ ನೆಗೆಯುವುದರೊಂದಿಗೆ ನೂತನ ದಾಖಲೆಗೆ ಕಾರಣರಾದರು.

ಯುನೈಟೆಡ್ ಸ್ಟೇಟ್ಸ್‌ನ ಜೆನ್ನಿಫರ್ ಸ್ಟುಕ್‌‌ಜೈನ್‌‌ಸ್ಕಿ ಅವರು 4.80ಮೀಟರ್‌‌ನೊಂದಿಗೆ ಬೆಳ್ಳಿ ಪದಕ ಗಳಿಸಿದರೆ,4.75ಮೀಟರ್ ಎತ್ತರಕ್ಕೆ ನೆಗೆಯುವ ಮೂಲಕ ಸ್ವೆಟ್ಲಾನಾ ಫೆಯೋ ಫಾನೊವ್ ಕಂಚಿನ ಪದಕಕ್ಕೆ ತೃಪ್ತಿಪಟ್ಟುಕೊಳ್ಳಬೇಕಾಯಿತು.

ಯೆಲೆನಾ ಅವರು ಅಥೆನ್ಸ್‌‌ ಒಲಿಂಪಿಕ್ಸ್‌ನಲ್ಲಿ ಬಂಗಾರದ ಪದಕ ಪಡೆದಿದ್ದರು. ಈ ಬಾರಿಯ ಒಲಿಂಪಿಕ್ ಪೋಲ್ ವಾಲ್ಟ್‌ನ ಪ್ರಥಮ ಸುತ್ತಿನ ನೆಗೆತದಲ್ಲಿ ಯೆಲೆನಾ 4.70ಎತ್ತರಕ್ಕೆ ನೆಗೆದಿದ್ದು,ಎರಡನೇ ಸುತ್ತಿನಲ್ಲಿ 4.85ಮೀಟರ್ ನಂತರದಲ್ಲಿ 5.04ಮೀಟರ್ ಚಿಮ್ಮಿ ದಾಖಲೆ ನಿರ್ಮಿಸಿದ್ದರು.

ಉದ್ದ ಜಿಗಿತ ಸ್ಪರ್ಧೆಯ ಅರ್ಹತಾ ಸುತ್ತಿನಲ್ಲೇ ಅಂಜು ಔಟ್

Tue, 19 Aug 2008 09:36:06 +0530

PTI

ಬೀಜಿಂಗ್‌‌ನಲ್ಲಿ ಭಾರತದ ಪಾಲಿಗೆ ನಿರಾಶದಾಯಕ ಚಿತ್ರಣಗಳು ಹೆಚ್ಚುತ್ತಿದ್ದು ಭಾರತದ ಉದ್ದಜಿಗಿತ ತಾರೆ ಅಂಜುಬಾಬಿ ಜಾರ್ಜ್ ಮಹಿಳೆಯರ ವಿಭಾಗದ ಉದ್ದಜಿಗಿತ ಸ್ಪರ್ಧೆಯ ಅರ್ಹತಾ ಸ್ಫರ್ಧೆಯಿಂದಲೇ ಹಿಂದಕ್ಕೆ ಬಿದ್ದಿದ್ದಾರೆ.

ಅಂಜುಬಾಬಿ ಜಾರ್ಜ್ 2003ರಲ್ಲಿ ಪ್ಯಾರೀಸ್‌ನಲ್ಲಿ ನಡೆದ ವಿಶ್ವ ಅಥ್ಲೆಟಿಕ್ ಚಾಂಪಿಯನ್‌ಶಿಪ್‌ನಲ್ಲಿ ಕಂಚಿನ ಪದಕ ಗೆಲ್ಲುವ ಮೂಲಕ ವಿಶ್ವಮಟ್ಟದ ಪರಿಧಿಯಲ್ಲಿ ಗುರುತಿಸಲ್ಪಟ್ಟಿದ್ದರು.

ಅವರು ಆಥೇನ್ಸ್‌ನಲ್ಲಿ 6.83ಮೀ ದೂರ ಜಿಗಿದಿದ್ದರು ಆದರೆ ಬಳಿಕ ಮೋನಾಕೊದಲ್ಲಿ 6.75ಮೀ ದೂರ ಜಿಗಿದ ನಂತರ ಅವರು ಹಿಂದೆ ಸರಿದಿದ್ದರು ಮತ್ತು ವಿಶ್ವದಲ್ಲಿ 16ನೇ ರ‌್ಯಾಂಕ್ ಪಡೆಯಲಷ್ಟೇ ಶಕ್ತರಾದರು. ಮೂರು ವಿವಿಧ ವಿಭಾಗಗಳಲ್ಲಿ 6.55ಮೀ ಜಿಗಿತ ಅಂಜು ಪಾಲಿನ ಅತ್ಯುತ್ತಮ ಸಾಧನೆ ಎನಿಸಿತ್ತು ಮತ್ತು ಅವರ ಪಾಲಿಗೆ ವರ್ಷಗಳ ಹಿಂದೆ ವಿಶ್ವ ಅಥ್ಲೆಟಿಕ್ ಫೈನಲ್‌‌ನಲ್ಲಿ 6.75ಮೀ ನೆಗೆಯುವ ಮೂಲಕ ಜಯಿಸಿದ್ದ ಬೆಳ್ಳಿಯ ಪದಕ ಮಹತ್ವದ ಸಾಧನೆ ಎನಿಸಿತ್ತು.

ಕ್ವಾರ್ಟರ್ ಫೈನಲ್ ತಲುಪಿದ ಕುಸ್ತಿಪಟು ಯೋಗೇಶ್ವರ್

Tue, 19 Aug 2008 08:54:38 +0530

ಭಾರತದ ಪಾಲಿಗೆ ಇನ್ನೊಂದು ಶುಭಸುದ್ದಿ ಇದೆ. ಭಾರತೀಯ ಕುಸ್ತಿ ಪಟು ಒಬ್ಬರು ಕ್ವಾರ್ಟರ್ ಫೈನಲ್ ತಲುಪುವ ಮೂಲಕ ಆಶಾ ಕಿರಣ ಒಂದನ್ನು ಮೂಡಿಸಿದ್ದಾರೆ.

60ಕೆ.ಜಿ ವಿಭಾಗದಲ್ಲಿ ವಿಜೇತರಾದ ಭಾರತದ ಕುಸ್ತಿಪಟು ಯೋಗೇಶ್ವರ್ ದತ್ ಬೀಜಿಂಗ್ ಒಲಿಂಪಿಕ್ಸ್‌ನಲ್ಲಿ ಕ್ವಾರ್ಟರ್ ಫೈನಲ್ ತಲುಪಿದ್ದಾರೆ.

ಯೋಗೇಶ್ವರ್ ದತ್ ಕಜಕಿಸ್ತಾನದ ಆರ್ಜ್‌ಗಲಿಯೇವ ಅವರನ್ನು ಸೋಲಿಸುವ ಮೂಲಕ ಕ್ವಾರ್ಟರ್ ಫೈನಲ್‌ಗೆ ದಾರಿ ಮಾಡಿಕೊಂಡರು.

ಒಲಿಂಪಿಕ್:ಬೆಳ್ಳಿ ಪಡೆದು ಅಚ್ಚರಿ ಮೂಡಿಸಿದ ಹಿರಿಯ ಮಹಿಳೆ

Mon, 18 Aug 2008 19:47:42 +0530

ಹಿರಿಯ ಮಹಿಳಾ ಜಿಮ್ನಾಸ್ಟಿಕ್ ಜರ್ಮನಿಯ ಒಕ್ಸಾನಾ ಚುಸೋವಿಟಿನಾ ಅವರು ರಜದ ಪದಕ ಪಡೆಯುವ ಮೂಲಕ ಈ ಬಾರಿಯ ಒಲಿಂಪಿಕ್ಸ್ ಕ್ರೀಡಾಕೂಟದಲ್ಲಿ ಅಚ್ಚರಿ ಮೂಡಿಸಿದರು.

ಜರ್ಮನಿಯ ಒಕ್ಸಾನಾ ಅವರು ಸತತವಾಗಿ 5ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಭಾಗವಹಿಸಿದ್ದ ಕೀರ್ತಿಗೆ ಪಾತ್ರರಾಗಿದ್ದಾರೆ. ಅಲ್ಲದೇ ಅವರಿಗೀಗ 33ರ ಹರೆಯ.

ಅಂತಹದರಲ್ಲಿ ಚುಸೊವಿಟಿನಾ ಅವರು ಜರ್ಮನಿಯಿಂದ ಒಲಿಂಪಿಕ್ಸ್‌ನಲ್ಲಿ ಸ್ಪರ್ಧಿಸಿ ಇದೇ ಪ್ರಥಮ ಬಾರಿಗೆ ವೈಯಕ್ತಿಕವಾಗಿ ಬೆಳ್ಳಿಯನ್ನು ಪಡೆದಿದ್ದಾರೆ.

ಅವರು 1992ರಲ್ಲಿ ಬಾರ್ಸಿಲೋನಾದಲ್ಲಿ ನಡೆದ ಒಲಿಂಪಿಕ್ಸ್‌ನಲ್ಲಿ ಪ್ರಪ್ರಥಮ ಬಾರಿಗೆ ಹಳೆ ಸೋವಿಯತ್ ಒಕ್ಕೂಟದಿಂದ ಸ್ಪರ್ಧಿಸಿ ಚಿನ್ನದ ಪದಕ ಗಳಿಸಿದ್ದರು.

ಬೀಜಿಂಗ್ ಒಲಿಂಪಿಕ್ ಜಿಮ್ನಾಸ್ಟಿಕ್‌‌ನಲ್ಲಿ ವೈಯಕ್ತಿಕ ಪದಕ ಗಳಿಸಿರುವ ಒಕ್ಸಾನಾ ಅವರು 2012ರಲ್ಲಿ ಲಂಡನ್‌ನಲ್ಲಿ ನಡೆಯಲಿರುವ ಒಲಿಂಪಿಕ್‌ನಲ್ಲಿ ಪಾಲ್ಗೊಳ್ಳುವ ಆಶಾಭಾವನೆ ವ್ಯಕ್ತಪಡಿಸಿದ್ದಾರೆ.

ಬೀಜಿಂಗ್:ಲಿಯೂ ಹಿಮ್ಮಡಿ ನೋವು-ಚೀನಾಕ್ಕೆ ಆಘಾತ

Mon, 18 Aug 2008 19:47:22 +0530

ಚೀನಾದ ಹರ್ಡಲ್ಸ್ ವಿಶ್ವ ಚಾಂಪಿಯನ್ ಲಿಯೂ ಕ್ಸಿಯಾಂಗ್ ಹಿಮ್ಮಡಿ ನೋವಿಂದ ಬಳಲಿದ ಪರಿಣಾಮ ಬೀಜಿಂಗ್ ಒಲಿಂಪಿಕ್ ಪುರುಷರ 110ಮೀ.ಹರ್ಡಲ್ಸ್ ಅರ್ಹತಾ ಸುತ್ತಿನಿಂದ ಹೊರಬೀಳುವ ಮೂಲಕ ಚೀನಾ ಶಾಕ್ ಅನುಭವಿಸುವಂತಾಗಿದೆ.

ಸೋಮವಾರ ಬೆಳಿಗ್ಗೆ 110ಮೀ.ಹರ್ಡಲ್ಸ್‌ನ ಪ್ರಥಮ ಅರ್ಹತಾ ಸುತ್ತಿನಲ್ಲಿ ಸ್ಪರ್ಧಿಸಲು ಅಖಾಡಕ್ಕೆ ಇಳಿದ ಲಿಯೂಗೆ ಹಿಮ್ಮಡಿ ನೋವು ಬಲವಾಗಿ ಕಾಡಿದ್ದರಿಂದ ಅವರು ಸ್ಪರ್ಧೆಯಿಂದ ಹಿಂದೆ ಸರಿದಿದ್ದರು.

ವಿಶ್ವ ಚಾಂಪಿಯನ್ ಆಗಿದ್ದ ಲಿಯೂ ಫೈನಲ್‌ನಲ್ಲಿ ಜಯಗಳಿಸಿ ಸ್ವರ್ಣ ಪದಕವನ್ನು ಜಯಿಸುತ್ತಾರೆಂದು ಚೀನಾ ತುಂಬು ಭರವಸೆಯನ್ನು ಇಟ್ಟುಕೊಂಡಿತ್ತು. ಆದರೆ ಆದರೆ ಆಸೆ ಕೈಗೂಡದೆ ನಿರಾಸೆ ಅನುಭವಿಸುವಂತಾಗಿದೆ.

ಆದರೆ ಕ್ಸಿಯಾಂಗ್ ಅವರು ಕಳೆದ ಕೆಲವು ದಿನಗಳಿಂದ ಸೋರ್ ಅಚಿಲ್ಲೇಸ್ ಟೆಂಡನ್ ಎಂಬ ರೋಗದಿಂದ ಬಳಲುತ್ತಿದ್ದರು ಎಂದು ವೆಬ್‌ಸೈಟ್ ವರದಿಯೊಂದು ತಿಳಿಸಿತ್ತು.

ಈ ಕಾಯಿಲೆ ಅವರ ಮೇಲೆ ತೀವ್ರ ಪರಿಣಾಮ ಉಂಟು ಮಾಡಿದ್ದರಿಂದ ಲಿಯೂ ಮೈದಾನದಲ್ಲೇ ಕುಸಿದು ಬಿದ್ದಿದ್ದರು.ನಂತರ ಅವರನ್ನು ಚಿಕಿತ್ಸೆಗಾಗಿ ಕರೆದೊಯ್ಯಲಾಯಿತು.

ಬಾಕ್ಸಿಂಗ್: ಭಾರತದ ನಿರೀಕ್ಷೆ ಹುಸಿಗೊಳಿಸಿದ ಅಖಿಲ್

Mon, 18 Aug 2008 17:43:53 +0530

ಒಲಿಂಪಿಕ್ ಕ್ರೀಡಾಕೂಟದ ಪುರುಷರ 54ಕೆಜಿ ವಿಭಾಗದ ಬಾಕ್ಸಿಂಗ್‌‌ ಹಣಾಹಣಿಯಲ್ಲಿ ಭಾರತದ ಅಖಿಲ್ ಕುಮಾರ್ ಅವರು ಎದುರಾಳಿ ವೆಕ್ಸೆಸ್ಲೆವ್ ಗೊಜಾನ್ ವಿರುದ್ಧ ಸೋಲನ್ನಪ್ಪುವ ಮೂಲಕ ಕೊನೆಗೂ ಕೋಟ್ಯಂತರ ಭಾರತೀಯರಿಗೆ ನಿರಾಸೆ ಮೂಡಿಸಿದ್ದಾರೆ.

ಅಖಿಲ್ ಕುಮಾರ್ ಅವರು ಸೋಮವಾರ ಸಂಜೆ ನಡೆದ ಬಾಕ್ಸಿಂಗ್ ಕದನದ ಆರಂಭಿಕ ಹಂತದಲ್ಲಿಯೇ ಬಹಳಷ್ಟು ಆತುರವಾಗಿ ಪಂಚ್ ನೀಡಲು ತೊಡಗಿದ್ದು,ಗೊಜಾನ್ ವಿರುದ್ಧ 10-3ರ ಅಂತರದಲ್ಲಿ ಸೋಲಲನ್ನನುಭವಿಸುವ ಮೂಲಕ ಕ್ವಾರ್ಟರ್ ಫೈನಲ್ ಹಂತದಿಂದ ಹೊರಬಿದ್ದಿದ್ದಾರೆ.

ಈ ಹಿಂದಿನ ಹಣಾಹಣಿಗೆ ಹೋಲಿಸಿದಲ್ಲಿ,ಅಖಿಲ್ ಕುಮಾರ್ ಇಂದಿನ ಹೋರಾಟದಲ್ಲಿ ಬಹಳಷ್ಟು ಎಡವಿದ್ದರು,ಎದುರಾಳಿ ಗೊಜಾನ್‌ಗೆ ಬಲವಾದ ಪ್ರಹಾರ ನೀಡಬೇಕೆಂದು ಹವಣಿಸಿದರೂ ಕೂಡ ಅವುಗಳು ಸಫಲವಾಗದೆ,ಕುಮಾರ್ ಅಂಕವನ್ನು ಪಡೆಯುವಲ್ಲಿ ವಿಫಲರಾಗುತ್ತ ಸಾಗಿದರು.

ಬಾಕ್ಸಿಂಗ್‌ನ ಆರಂಭದ ಕದನದಲ್ಲಿ ಫ್ರೆಂಚ್‌ನ ಅಲಿ ಹಲ್ಲಾಬ್ ಅವರನ್ನು 12-05ಪಾಯಿಂಟ್‌ಗಳಿಂದ ಪರಾಜಯಗೊಳಿಸುವ ಮೂಲಕ ಅಖಿಲ್ ಕುಮಾರ್ ತಮ್ಮ ಜಯದ ಯಾತ್ರೆಯನ್ನು ಆರಂಭಿಸಿದ್ದರು.

ಫ್ರೀ ಕ್ವಾರ್ಟರ್ ಫೈನಲ್‌ನಲ್ಲಿಯೂ ಅಖಿಲ್ ಕುಮಾರ್ ರಷ್ಯಾದ ವರ್ಲ್ಡ್ ಚಾಂಪಿಯನ್ ಆಗಿದ್ದ ಸೆರ್ಜಿ ವೊಡೊಪಯ್‌ನೊವ್ ಅವರನ್ನು 2-6,9-9ರ ಅಂತರದಲ್ಲಿ ಸೋಲಿಸುವ ಮೂಲಕ ಪದಕ ಗೆಲುವಿನ ಭರವಸೆ ಮೂಡಿಸಿದ್ದರು.ಅಂತೂ ಅಖಿಲ್ ಕುಮಾರ್ ಪದಕ ಪಡೆದೇ,ಪಡೆಯುತ್ತಾರೆಂಬ ನಿರೀಕ್ಷೆ ಕೊನೆಗೂ ಹುಸಿಯಾಗಿದೆ.

ಬಾಕ್ಸಿಂಗ್ ಕದನ: ಭಾರತೀಯರ ಚಿತ್ತ ಅಖಿಲ್‌ನತ್ತ...

Mon, 18 Aug 2008 16:22:33 +0530

ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಭಾರತದ ಅಭಿನವ್ ಬಿಂದ್ರಾ ಅವರ ಚಿನ್ನದ ಪದಕದ ಗೆಲುವಿನ ಸಂಭ್ರಮದಲ್ಲಿರುವ ನಡುವೆಯೇ ಇದೀಗ ಮೂರು ಮಂದಿ ಬಾಕ್ಸರ್‌ಗಳು ಪದಕದ ನಿರೀಕ್ಷೆಯನ್ನು ಹುಟ್ಟಿಸಿದ್ದು,ಸೋಮವಾರ ಸಂಜೆ 5ಗಂಟೆಗೆ ನಡೆಯಲಿರುವ ಬಾಕ್ಸಿಂಗ್ ಕ್ವಾರ್ಟರ್ ಫೈನಲ್ ಹಣಾಹಣಿಯಲ್ಲಿ ಜಯಗಳಿಸುವ ಮೂಲಕ ಭಾರತದ ಅಖಿಲ್ ಕುಮಾರ್ ಬಂಗಾರದ ಪದಕದ ಬೇಟೆಯಲ್ಲಿರುವುದಾಗಿ ಹೇಳಿದ್ದಾರೆ.

ಬಾಕ್ಸಿಂಗ್ ವಿಭಾಗದಲ್ಲಿ ಭಾರತದ ಅಖಿಲ್ ಕುಮಾರ್,ವಿಜೇಂದರ್ ಕುಮಾರ್ ಹಾಗೂ ಜಿತೇಂದರ್ ಸೇರಿದಂತೆ ಕುಮಾರ್ ತ್ರಯರು ಪದಕದ ಮೇಲೆ ಕಣ್ಣಿಟ್ಟಿದ್ದಾರೆ.

ಅದರಲ್ಲೂ ಇಂದು ಸಂಜೆ ನಡೆಯಲಿರುವ ಬಾಕ್ಸಿಂಗ್ ಕದನದಲ್ಲಿ ಭಾರತದ ಅಖಿಲ್ ಕುಮಾರ್ ಚಿನ್ನದ ಪದಕ ಪಡೆದೇ, ಪಡೆಯುತ್ತೇನೆ ಎಂಬ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಆ ನಿಟ್ಟಿನಲ್ಲಿ ಹರ್ಯಾಣದ ಭಿವಾನಿ ಜಿಲ್ಲೆಯಲ್ಲಿರುವ ಅಖಿಲ್ ಕುಮಾರ್ ಮನೆಯಲ್ಲಿ ತಮ್ಮ ಮಗ ಒಲಿಂಪಿಕ್‌ನಲ್ಲಿ ಚಿನ್ನದ ಪದಕ ಗೆಲ್ಲಲಿ ಎಂಬ ಬೇಡಿಕೆಯೊಂದಿಗೆ ಹೋಮ-ಹವನಗಳನ್ನು ಮಾಡುವ ಮೂಲಕ ದೇವರ ಮೊರೆ ಹೋಗಿದ್ದಾರೆ.

ಆತ ಕಠಿಣ ಶ್ರಮದ ಹುಡುಗ,ಅಲ್ಲದೇ ತಾನು ಪದಕ ಪಡೆದೆ ಪಡೆಯುತ್ತೇನೆ ಎಂದು ಭರವಸೆ ನೀಡಿರುವುದಾಗಿ ಅಖಿಲ್ ತಂದೆ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಬಾಕ್ಸಿಂಗ್‌ನ ಫ್ರೀ ಕ್ವಾರ್ಟರ್ ಫೈನಲ್‌ನಲ್ಲಿ ಭಾರತದ ಅಖಿಲ್ ಕುಮಾರ್ ಅವರು ರಷ್ಯಾದ ವರ್ಲ್ಡ್ ಚಾಂಪಿಯನ್ ಸೆರ್ಜಿ ವೋಡೊಪಾನೊವ್ ಅವರನ್ನು ಮಣ್ಣು ಮುಕ್ಕಿಸುವ ಮೂಲಕ ಭಾರತೀಯ ಕ್ರೀಡಾಭಿಮಾನಿಗಳಲ್ಲಿ ಪದಕದ ನಿರೀಕ್ಷೆಯೊಂದನ್ನು ಹೊಮ್ಮಿಸಿದ್ದಾರೆ.

100ಮೀ.:ಜಮೈಕಾಕ್ಕೆ ಮತ್ತೊಂದು ಚಿನ್ನದ ಗರಿ

Mon, 18 Aug 2008 12:51:43 +0530

ಒಲಿಂಪಿಕ್ ಗೇಮ್ಸ್‌ನ 100ಮೀಟರ್ ಮಹಿಳೆಯರ ನಾಗಾಲೋಟ ಸ್ಪರ್ಧೆಯಲ್ಲಿ ಭಾನುವಾರಂದು ಜಮೈಕಾದ ಶೆಲ್ಲಿ ಆನ್ ಫ್ರೇಸರ್ ಬಂಗಾರದ ಪದಕವನ್ನು ಗಳಿಸುವ ಮೂಲಕ ದಾಖಲೆ ಸೃಷ್ಟಿಸಿದ ಶ್ಲಾಘನೆಗೆ ಒಳಗಾದರು.

ಹಿಂದಿನ ದಿನವಷ್ಟೇ ಜಮೈಕಾದ ಉಸೈನ್ ಬೋಲ್ಟ್ ಕೂಡ ಪುರುಷರ ನೂರು ಮೀಟರ್ ಓಟದಲ್ಲಿ ದಾಖಲೆಯನ್ನು ಸೃಷ್ಟಿಸುವ ಮೂಲಕ ಚಿನ್ನದ ಪದಕವನ್ನು ತಮ್ಮ ಬಗಲಿಗೇರಿ ಸಿಕೊಂಡಿದ್ದರು. ಇದೀಗ ಪುರುಷ ಮತ್ತು ಮಹಿಳಾ ಎರಡೂ ಸ್ಪರ್ಧೆಯಲ್ಲೂ ಜಮೈಕಾ ಚಿನ್ನವನ್ನು ಬಾಚಿಕೊಂಡಿದೆ.

21ರ ಹರೆಯದ ಜಮೈಕಾದ ಶೆಲ್ಲಿ ಆನ್ ಫ್ರೇಸರ್ ಅವರು 10.78ಸೆಕೆಂಡ್ಸ್‌ಗಳಲ್ಲಿ ನೂರು ಮೀಟರ್ ತಲುಪುವ ಮೂಲಕ ತಮ್ಮ ಗುರಿಯನ್ನು ಯಶಸ್ವಿಯಾಗಿ ತಲುಪಿದ್ದರು. ಅಮೆರಿಕದ ಸಿಮ್ಸ್‌ನ್ 10.98ಸೆಕೆಂಡ್ಸ್‌ಗಳ ಅಂತರದಲ್ಲಿ ತಲುಪುವ ಮೂಲಕ ಬೆಳ್ಳಿ ಪದಕ ಪಡೆದರು.

ನಿಜಕ್ಕೂ ನಾನು ಈ ಸ್ಪರ್ಧೆಯಲ್ಲಿ ಜಯಗಳಿಸಿದ್ದೇನೆ ಎಂಬುದನ್ನು ನಂಬಲಾರೆ,ನನ್ನ ಗೆಲುವನ್ನು ಯಾರೂ ನಿರೀಕ್ಷಿಸಿರಲಿಲ್ಲ ಎಂದು ಶೆಲ್ಲಿ ತಮ್ಮ ಗೆಲುವಿನ ಬಳಿಕ ಸುದ್ದಿಗಾರ ರೊಂದಿಗೆ ಮಾತನಾಡುತ್ತ ತಮ್ಮ ಅಭಿಪ್ರಾಯವನ್ನು ಮುಕ್ತವಾಗಿ ಹಂಚಿಕೊಂಡರು.

ಟೇಬಲ್ ಟೆನ್ನಿಸ್‌‌ನಲ್ಲಿ ಸೋಲು ಕಂಡ ನೇಹಾ

Mon, 18 Aug 2008 11:57:35 +0530

ರಾಷ್ಟ್ರೀಯ ಚಾಂಪಿಯನ್ ನೇಹಾ ಅಗರ್ವಾಲ್ ಒಲಿಂಪಿಕ್ ಗೇಮ್ಸ್‌ನಲ್ಲಿ ಸೋಮವಾರ ನಡೆದ ಟೇಬಲ್ ಟೆನ್ನಿಸ್‌ನ ಮಹಿಳಾ ಸಿಂಗಲ್ಸ್ ಪ್ರಾಥಮಿಕ ಸುತ್ತಿನಲ್ಲಿ ಪ್ರತಿಸ್ಪರ್ಧಿ ಆಸ್ಟ್ರೇಲಿಯಾದ ಲೇ ಜಿಯಾಂಗ್ ಪಾಂಗ್‌ ವಿರುದ್ಧ ಕೇವಲ 34 ನಿಮಿಷಗಳಲ್ಲಿ ಪರಾಜಯ ಹೊಂದಿದರು.

ನೇಹಾ ಟೇಬಲ್ ಟೆನ್ನಿಸ್ ಚಾಂಪಿಯನ್‌ಷಿಪ್‌ನ ಪ್ರಥಮ ಸುತ್ತಿನ ಪಂದ್ಯದಲ್ಲಿ ಆಸಿಸ್ ಎದುರಾಳಿ ವಿರುದ್ಧ 12-10, 8-11, 11-13, 8-11, 4-11ರಲ್ಲಿ ಸೋಲನ್ನಪ್ಪಿದರು.

ದೆಹಲಿ ಹುಡುಗಿ ಮೊದಲ ಪಂದ್ಯವನ್ನು ಗೆಲ್ಲುವ ಮೂಲಕ ಆರಂಭಿಕ ಮುನ್ನಡೆ ಪಡೆದರು, ಆದರೆ ನಂತರ ಎದುರಾಳಿ ಜಿಯಾಂಗ್ ಪಾಂಗ್‌ ವಾಪಸಾತಿ ಕಂಡು ಅಂಕವನ್ನು 1-1ಕ್ಕೆ ಸಮಗೊಳಿಸಿದರು.

ನಿರ್ಣಾಯಕ ಮೂರನೇ ಪಂದ್ಯದಲ್ಲಿ ನೇಹಾ ಮುನ್ನಡೆ ಕಂಡರಾದರೂ,ತುಂಬಾ ಒತ್ತಡಕ್ಕೊಳಗಾಗಿ 2-1ರ ಮುನ್ನಡೆ ಪಡೆಯುವ ಅವಕಾಶವನ್ನು ಕೈ ಚೆಲ್ಲಿದರು.

ಮೂರನೇ ಪಂದ್ಯದಲ್ಲಿನ ಸೋಲು ನೇಹಾಗೆ ದುಬಾರಿಯಾಗಿ ಪರಿಣಮಿಸಿ, ತಮ್ಮ ಲಯವನ್ನು ಕಳೆದುಕೊಂಡು ನಂತರದ ಎರಡು ಪಂದ್ಯಗಳಲ್ಲಿ ಸೋಲು ಅನುಭವಿಸಿ ತಮ್ಮ ಒಲಿಂಪಿಕ್ ಅಭಿಯಾನಕ್ಕೆ ಅಂತ್ಯ ಹಾಡಿದರು.

ಬೀಜಿಂಗ್: ರೆಂಜಿತ್ ಅರ್ಹತೆ ವಿಫಲ

Mon, 18 Aug 2008 11:23:03 +0530

ಭಾರತದ ಟ್ರಿಪಲ್ ಜಿಗಿತಗಾರ್ತಿ ರೆಂಜಿತ್ ಮಹೇಶ್ವರಿ ಬೀಜಿಂಗ್ ಒಲಿಂಪಿಕ್‌ನಲ್ಲಿನ ಗುಂಪು ಬಿ ಪುರುಷರ ಟ್ರಿಪಲ್ ಜಿಗಿತ ಸುತ್ತಿನಲ್ಲಿ ಅರ್ಹತೆ ಪಡೆಯುವಲ್ಲಿ ವಿಫಲರಾಗಿದ್ದಾರೆ.

ರೆಂಜಿತ್ 1971ರಲ್ಲಿ ಮೊಹಿಂದರ್ ಸಿಂಗ್ ಗಿಲ್ ದಾಖಲಿಸಿದ್ದ ಭಾರತದ ಹಳೆಯ 16.79 ಮೀಟರ್ ರಾಷ್ಟ್ರೀಯ ದಾಖಲೆಯನ್ನು ಅಳಿಸಿ ಹಾಕಿದರು.

ಗುವಾಹಟಿಯಲ್ಲಿ ನಡೆದ ಎರಡನೇ ಆವೃತ್ತಿಯ 2007 ಏಷಿಯಾ ಗ್ರಾಂಡ್ ಪ್ರಿಕ್ಸ್ ಸರಣಿಯಲ್ಲಿ ರಂಜಿತ್ 17.04 ಮೀಟರ್ ಜಿಗಿತ ಕಂಡು ಚಿನ್ನ ಗೆದ್ದಿದ್ದರು. ಇದು ಅವರ ಈವರೆಗಿನ ಅತ್ಯುತ್ತಮ ವೈಯಕ್ತಿಕ ಜಿಗಿತವಾಗಿದೆ.

ಪುರುಷರ ಸಿಂಗಲ್ಸ್: ನಡಾಲ್‌ಗೆ ಒಲಿದ ಸ್ವರ್ಣ

Mon, 18 Aug 2008 11:14:07 +0530

PTI

ಸ್ಪೇಯ್ನ್‌ನ ರಾಫೆಲ್ ನಡಾಲ್ ಒಲಿಂಪಿಕ್ ಕ್ರೀಡಾಕೂಟದ ಪುರುಷರ ಸಿಂಗಲ್ಸ್‌ ವಿಭಾಗದಲ್ಲಿ ಬಂಗಾರದ ಪದಕ ಪಡೆಯುವುದರೊಂದಿಗೆ ಪಾರಮ್ಯ ಮೆರೆಯುವ ಮೂಲಕ ನಂ.ವನ್ ಪಟ್ಟವನ್ನು ಅಲಂಕರಿಸಿದ್ದಾರೆ.

ಭಾನುವಾರ ನಡೆದ ಒಲಿಂಪಿಕ್ ಪುರುಷರ ಟೆನ್ನಿಸ್‌ನ ಸಿಂಗಲ್ಸ್ ವಿಭಾಗದಲ್ಲಿ ರಾಫೆಲ್ ನಡಾಲ್ ಅವರು ಎದುರಾಳಿ ಚಿಲಿಯ ಫೆರ್ನಾಂಡೋ ಗೊನ್ಸಾಲೆಜ್ ಅವರನ್ನು 6-3,7-6(2),6-3ಮ್ಯಾಚ್ ಪಾಯಿಂಟ್‌ಗಳ ಅಂತರದಲ್ಲಿ ಪರಾಭವಗೊಳಿಸಿದರು.

ಈ ಮೊದಲೇ ಟೆನ್ನಿಸ್ ಲೋಕದಲ್ಲಿ ನಡಾಲ್ ಅವರು ನಂ.ವನ್ ಪಟ್ಟದತ್ತ ದಾಪುಗಾಲು ಇಟ್ಟಿರುವುದಾಗಿ ಘಂಟಾಘೋಷವಾಗಿ ಹೇಳಲಾಗಿತ್ತಾದರೂ,ಅದು ಒಲಿಂಪಿಕ್ ಪಂದ್ಯದ ಮೇಲೆ ಅವಲಂಬಿತವಾಗಿತ್ತು.

ಯಾಕೆಂದರೆ ಮತ್ತೊಬ್ಬ ಪ್ರಬಲ ಪ್ರತಿಸ್ಪರ್ಧಿ ರೋಜರ್ ಫೆಡರರ್ ಕೂಡ ಅಖಾಡಲ್ಲಿದ್ದರು. ಆದರೆ ಫೆಡರರ್ ಸೋಲನ್ನನುಭವಿಸಿ ಒಲಿಂಪಿಕ್ ಗೇಮ್ಸ್‌ನಿಂದ ಹೊರಬೀಳುವ ಮೂಲಕ ನಡಾಲ್ ಅವರ ಹಾದಿ ಸುಗಮವಾಗಿತ್ತು.

ಇದೀಗ ನಾಲ್ಕುವರೆ ವರ್ಷಗಳ ಕಾಲ ನಂ.ವನ್ ಪಟ್ಟವನ್ನು ಅಲಂಕರಿಸಿದ್ದ ರೋಜರ್ ಫೆಡರರ್ ಅವರ ಸ್ಥಾನವನ್ನು ಭಾನುವಾರ ಸ್ವರ್ಣ ಪದಕ ಜಯಿಸುವುದರೊಂದಿಗೆ ನಡಾಲ್ ಅವರು ಆಕ್ರಮಿಸಿಕೊಂಡಂತಾಗಿದೆ.

10,000ಮೀ ಓಟ: ಸುರೇಂದ್ರ ಕನಸು ಭಗ್ನ

Mon, 18 Aug 2008 09:54:33 +0530

ಭಾರತದ ದೂರ ಓಟಗಾರ ಸುರೇಂದ್ರ ಸಿಂಗ್‌ ಬೀಜಿಂಗ್ ಒಲಿಂಪಿಕ್ಸ್‌ನ 10,000ಮೀ ಓಟದ ವಿಭಾಗದಲ್ಲಿ 26ನೇ ಸ್ಥಾನ ಪಡೆಯುವುದರೊಂದಿಗೆ ಮೊದಲ 10ರೊಳಗೆ ಸ್ಥಾನ ಗಿಟ್ಟಿಸುವ ಅವರ ಕನಸು ಧೂಳೀಪಟವಾಗಿದೆ.

ಟಾಪ್ 10ರೊಳಗಿನ ಸ್ಥಾನದ ಮೇಲೆ ದೃಷ್ಠಿ ನೆಟ್ಟಿದ್ದ ಸುರೇಂದ್ರ, ಓಟ ಮುಗಿಸಿದ 35 ಜನರ ಪೈಕಿ, 28:13:97 ಸಮಯದಲ್ಲಿ ಗುರಿ ತಲುಪಿ 26ನೇ ಸ್ಥಾನಕ್ಕೆ ತೃಪ್ತಿಪಡಬೇಕಾಯಿತು.

ಕಳೆದ ತಿಂಗಳು ಸ್ಪೇನ್‌ನಲ್ಲಿ, ರಾಷ್ಟ್ರೀಯ ದಾಖಲೆ ಸೃಷ್ಟಿಸಿ 28:02:89ಸಮಯದಲ್ಲಿ ಓಟ ಮುಗಿಸಿ ಬೀಜಿಂಗ್ ಒಲಿಂಪಿಕ್ಸ್‌ಗೆ ಅರ್ಹತೆ ಪಡೆದುಕೊಂಡಿದ್ದ ಸುರೇಂದ್ರ, ಈ ಬಾರಿ ಕಳೆದ ಬಾರಿಗಿಂತಲೂ 11 ಸೆಕೆಂಡ್ ಹೆಚ್ಚಿನ ಸಮಯ ಬಳಸಿ ನಿರಾಶದಾಯಕ ಪ್ರದರ್ಶನ ತೋರಿದ್ದಾರೆ.

ಟೆನಿಸ್ ಡಬಲ್ಸ್: ಫೆಡರರ್‌ಗೆ ಚಿನ್ನ

Sun, 17 Aug 2008 16:08:33 +0530

ಸ್ಟಾನಿಸ್ಲಾಸ್ ವಾವ್ರಿಂಕಾ ಅವರೊಂದಿಗಿನ ಜೊತೆಯಾಟದಲ್ಲಿ ರೋಜರ್ ಫೆಡರರ್ ಅವರು ಬೀಜಿಂಗ್ ಒಲಿಂಪಿಕ್ಸ್‌ನ ಟೆನಿಸ್ ಡಬಲ್ಸ್‌ನಲ್ಲಿ ಚಿನ್ನದ ಪದಕ ಪಡೆದುಕೊಂಡಿದ್ದಾರೆ.

ಸ್ವೀಡನ್ನಿನ ಆಸ್ಪಲಿನ್ ಮತ್ತು ಥೋಮಸ್ ಜೋಹನ್ಸನ್ ಅವರನ್ನು 6-3,6-4,6-7(4),6-3 ಅಂತರದಲ್ಲಿ ಸೋಲಿಸುವ ಮೂಲಕ, ರೋಜರ್ ಫೆಡರರ್ ಬೀಜಿಂಗ್ ಒಲಿಂಪಿಕ್ಸ್‌ನ ಟೆನ್ನಿಸ್ ಡಬಲ್ಸ್‌ನಲ್ಲಿ ಪದಕ ಪಡೆದುಕೊಳ್ಳುವಲ್ಲಿ ಯಸ್ವಿಯಾದರು.

12ನೇ ಗ್ರಾಂಡ್‌ಸ್ಲಾಂ ಸಿಂಗಲ್ಸ್‌ನಲ್ಲಿ ಗೆಲುವು ಸಾಧಿಸಿದ್ದ ಫೆಡರರ್ ಅವರಿಗೆ ಮೂರು ಒಲಿಂಪಿಕ್‌ಗಳಲ್ಲಿ ಈ ಪದಕವು ಅವರಿಗೆ ಮೊದಲ ಪದಕವಾಗಿದೆ.

ಬೀಜಿಂಗ್‌ನಲ್ಲಿ ಟೆನಿಸ್ ಸಿಂಗಲ್ಸ್‌ನ ಕ್ವಾರ್ಟರ್ ಫೈನಲ್‌ನಲ್ಲಿ ಜೇಮ್ಸ್ ಬ್ಲೇಕ್ ಅವರನ್ನು ಸೋಲಿಸಿದ್ದರು.

ಟಿನಿಸ್ ಡಬಲ್ಸ್: ವಿಲಿಯಮ್ಸ್ ಸಹೋದರಿಯರಿಗೆ ಚಿನ್ನ

Sun, 17 Aug 2008 14:52:30 +0530

ಅಮೆರಿಕ ಸಹೋದರಿಯರಾದ ವೀನಸ್ ವಿಲಿಯಮ್ಸ್ ಮತ್ತು ಸೆರೆನಾ ವಿಲಿಯಮ್ಸ್, ಸ್ಪೇನ್‌ನ ಅನಾಬೆಲ್ ಮೆಡಿನಾ ಗ್ಯಾರಿಗಸ್ ಮತ್ತು ವರ್ಜೀನಿಯಾದ ರೌನೋ ಪಾಸ್ಕುಯಲ್ ಅವರನ್ನು 6-2,6-0 ಅಂತರದಲ್ಲಿ ಸೋಲಿಸುವ ಮೂಲಕ ಬೀಜಿಂಗ್ ಒಲಿಂಪಿಕ್ಸ್‌ನ ಮಹಿಳೆಯರ ಡಬಲ್ಸ್‌ನಲ್ಲಿ ಚಿನ್ನದ ಪದಕ ಪಡೆದುಕೊಂಡಿದ್ದಾರೆ.

ವಿಲಿಯಮ್ಸ್ ಸಹೋದರಿಯರು ಈ ಮೊದಲು 200ದಲ್ಲಿ ಸಿಡ್ನಿಯ ಡಬಲ್ಸ್‌ನಲ್ಲಿ ಗೆಲುವು ಸಾಧಿಸಿದ್ದರು. ಅಲ್ಲದೆ, ವೀನಸ್ ಅವರೂ ಸಿಂಗಲ್ಸ್‌ನಲ್ಲಿ ಚಿನ್ನ ಪಡೆದಿದ್ದರು.

ಈ ಮೊದಲು, ಚೀನಾದ ಯಾನ್ ಜಿ ಮತ್ತು ಜೆಂಗ್ ಜಿ ಉಕ್ರೇನಿಯನ್ ಸಹೋದರಿಯರಾದ ಅಲೋನಾ ಮತ್ತು ಕಟೀರಿನಾ ಅವರನ್ನು 6-2,6-2 ಅಂತರದಿಂದ ಸೋಲಿಸುವ ಮೂಲಕ ಕಂಚಿನ ಪದಕವನ್ನು ಚೀನಾ ಪಡೆದುಕೊಂಡಿತ್ತು.

ಬೀಜಿಂಗ್: ಭಾರತದ ಶೂಟಿಂಗ್ ಹೋರಾಟ ಅಂತ್ಯ

Sun, 17 Aug 2008 11:50:20 +0530

ರೈಫಲ್ ಮ್ಯಾನ್ ಗಗನ್ ನರಂಗ್ ಮತ್ತು ಸಂಜೀವ್ ರಜ್ಪೂತ್ ಶೂಟಿಂಗ್ ಪಂದ್ಯದ ಅಂತಿಮ ಸುತ್ತಿಗೆ ಪ್ರವೇಶಿಸಲು ವಿಫಲವಾದ ಹಿನ್ನೆಲೆಯಲ್ಲಿ ಬೀಜಿಂಗ್‌ನಲ್ಲಿ ನಡೆಯುತ್ತಿರುವ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಭಾರತದ ಶೂಟಿಂಗ್ ಹೋರಾಟವು ಅಂತ್ಯಗೊಂಡಿದೆ.

ಬೀಜಿಂಗ್ ಶೂಟಿಂಗ್‌ ರೇಂಜ್‌ನ ಅರ್ಹತಾ ಸುತ್ತಿನಲ್ಲಿ 1167 ಅಂಕಗಳೊಂದಿಗೆ ನರಂಗ್ 13 ಹಾಗೂ 1162 ಅಂಕಗಳೊಂದಿಗೆ 26 ಪಡೆದುಕೊಂಡಿದ್ದರು.

ವಿಶ್ವ ದಾಖಲೆಯ 1186 ಅಂಕಗಳನ್ನು ಪಡೆದುಕೊಂಡಿರುವ ಸ್ಲೋವಾಕ್ ರಾಜ್ಮಂಡ್ ಡೇವ್‌ಬೆಕ್ ಅರ್ಹತಾ ಸುತ್ತಿನಲ್ಲಿ ಉನ್ನತ ಸ್ಥಾನದಲ್ಲಿದ್ದರು. ಶೂಟಿಂಗ್ ಸ್ಪರ್ಧೆಯ ಕೊನೆಯ ದಿನ ಡೇವ್‌ಬೆಕ್ 1176 ಅಂಕಗಳನ್ನು ಪಡೆದುಕೊಂಡಿದ್ದರು.

ಮೈಕಲ್ ಬಗಲಿಗೆ 8 ಚಿನ್ನ

Sun, 17 Aug 2008 09:46:41 +0530

ಬೀಜಿಂಗ್‌ನಲ್ಲಿ ನಡೆಯುತ್ತಿರುವ ಒಲಿಂಪಿಕ್ ಪಂದ್ಯಾವಳಿಯ 4*100 ರಿಲೇ ಅಂತಿಮ ಪಂದ್ಯದಲ್ಲಿ ಅಮೆರಿಕನ್ ಸ್ವಿಮ್ಮರ್ ಮೈಕಲ್ ಫೆಲ್ಪ್ಸ್ ಸ್ವರ್ಣ ಪದಕಕ್ಕೆ ಭಾಜನರಾಗಿದ್ದು, ಈ ಮೂಲಕ ಈ ಬಾರಿಯ ಒಲಿಂಪಿಕ್ಸ್‌ನಲ್ಲಿ ಎಂಟು ಪದಕಗಳನ್ನು ಪಡೆದ ಮೊದಲ ವ್ಯಕ್ತಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಪ್ರಸಕ್ತ ಒಲಿಂಪಿಕ್ಸ್‌ನಲ್ಲಿ ಏಳು ಪದಕಗಳನ್ನು ಪಡೆದುಕೊಂಡಿರುವ ಮಾರ್ಕ್ ಸ್ಪಿಟ್ಸ್ ಅವರ ದಾಖಲೆಯನ್ನು ಮೈಕಲ್ ಫೆಲ್ಪ್ಸ್ ಮುರಿದಿದ್ದಾರೆ.

ಅಂತಿಮ ಕ್ಷಣದಲ್ಲಿ ವಿಶ್ವ ದಾಖಲೆಯ ಆಸ್ಟ್ರೇಲಿಯಾದ ಇಮಾನ್ ಸುಲ್ಲಿವನ್ ಅವರನ್ನು ಸೋಲಿಸುವ ಮೂಲಕ ಕಠಿಣ ಸ್ಪರ್ಧೆಯಲ್ಲಿ ಅಮೆರಿಕದ ಆರನ್ ಪೀರ್ಸಲ್, ಬ್ರೆಂಡನ್ ಹಾನ್ಸನ್, ಫೆಲ್ಪ್ಸ ಮತ್ತು ಜೇಸನ್ ಲೆಜಾಕ್ ಗೆಲುವು ಸಾಧಿಸುವಲ್ಲಿ ಯಶಸ್ವಿಯಾದರು.

ಇದೊಂದು ಅತ್ಯಂತ ಸಂತೋಷದ ಸಮಯವಾಗಿದ್ದು, ಹೇಗೆ ಪ್ರತಿಕ್ರಯಿಸಬೇಕೆಂದೇ ತಿಳಿಯುತ್ತಿಲ್ಲ ಎಂದು ಫೆಲ್ಪ್ ಹೇಳಿದರು.

ಒಲಿಂಪಿಕ್ :ಯುಎಸ್‌‌ಗೆ ಕಂಚು ಗೆದ್ದುಕೊಟ್ಟ 'ಭಾರತೀಯ'

Sat, 16 Aug 2008 20:36:55 +0530

ಭಾರತೀಯ ಮೂಲದ ಅಮೆರಿಕದ ರಾಜ್ ಭಾವಾಸಾರ್ ಬೀಜಿಂಗ್ ಒಲಿಂಪಿಕ್ ಗೇಮ್ಸ್‌ನಲ್ಲಿ ಕಂಚಿನ ಪದಕ ಗಳಿಸುವ ಮೂಲಕ,ಭಾರತದಲ್ಲಿ ನೆಲೆಸಿರುವ ಜಿಮ್ನಾಸ್ಟ್ ಭಾನುಭಾಯ್ ಯಾಜ್ಞಿಕ್ ತಮ್ಮ ಮೊಮ್ಮಗನ ಗುಣಗಾನದೊಂದಿಗೆ ಸಂಭ್ರಮವನ್ನು ಆಚರಿಸುತ್ತಿದ್ದಾರೆ.

ಆದರೆ ಯುಎಸ್‌ಎ ಪರ ಜಯ ಸಾಧಿಸಿರುವ ಭಾರತೀಯ ಸಂಜಾತ ರಾಜ್ ಬಗ್ಗೆ ಜನರಿಗೆ ಗೊತ್ತಿದೆಯೋ, ಇಲ್ಲವೋ ಅಂತೂ ಮೊಮ್ಮಗನ ಗೆಲುವು ಅಜ್ಜನಿಗೆ ಹೆಮ್ಮೆ ತಂದಿದೆ.

ರಾಜ್ ಭಾವಾಸಾರ್ ಜನಿಸಿದ್ದು ಅಮೆರಿಕದಲ್ಲಿ, ಆದರೆ ಅಜ್ಜನಿಗೆ ಇದರಿಂದ ಯಾವುದೇ ಹೆಚ್ಚಿನ ವ್ಯತ್ಯಾವಿಲ್ಲ,ಯಾಕೆಂದರೆ ತನ್ನ ಮೊಮ್ಮಗ ಗುಜರಾತಿ ಮೂಲದವನು ಎಂಬ ಅಭಿಮಾನ ಅವರ ಮನದಾಳದಲ್ಲಿದೆ.

ಆತನ ಸಾಧನೆಗೆ ನಾವು ತುಂಬಾ ಹರ್ಷಿತರಾಗಿದ್ದೇವೆ,ನಿಜಕ್ಕೂ ರಾಜ್ಯ ಮತ್ತು ದೇಶ ಹೆಮ್ಮೆ ಪಡಬೇಕಾದ ವಿಷಯ ಎಂದು ಯಾಜ್ಞಿಕ್ ಪಿಟಿಐ ಜತೆ ಮಾತನಾಡುತ್ತ ತಿಳಿಸಿದ್ದಾರೆ.ಅಲ್ಲದೇ ರಾಜ್ ತಂದೆ ಜಿತೇಂದರ್ ಕೂಡ ಕ್ರೀಡೆಗೆ ತುಂಬಾ ಪ್ರೋತ್ಸಾಹ ನೀಡುತ್ತಿದ್ದವರು, ಆತ ಕೂಡ 1978ರಲ್ಲಿ ಬಿಇ (ಮೆಕ್ಯಾನಿಕಲ್)ವಿದ್ಯಾಭ್ಯಾಸ ಪೂರೈಸಿಕೊಂಡೇ ಅಮೆರಿಕಕ್ಕೆ ತೆರಳಿದವರು.

ಜಿತೇಂದರ್ ಯಾವತ್ತೂ ತನ್ನ ಮಗ ರಾಜ್‌ನ ಕ್ರೀಡಾ ಆಸಕ್ತಿಯನ್ನು ಪ್ರೋತ್ಸಾಹಿಸಿದವನೇ, ಆ ನಿಟ್ಟಿನಲ್ಲಿ ಆತನ ಮಗ ಒಲಿಂಪಿಕ್ ಗೇಮ್ಸ್‌ನಲ್ಲಿ ಪ್ರಥಮ ಪದಕ ಪಡೆದ ಮೊದಲ ಗುಜರಾತಿಯಾಗಿದ್ದಾನೆ ಎಂಬ ಅಭಿಮಾನದ ನುಡಿ ಅಜ್ಜ ಯಾಜ್ಞಿಕರದ್ದು.

ಆದರೆ ಇಷ್ಟೆಲ್ಲಾ ಸಾಧನೆ ಮಾಡಿದರೂ ಕೂಡ ಗುಜರಾತ್ ಸರ್ಕಾರ ನಡೆದುಕೊಂಡ ರೀತಿ ತಮಗೆ ನೋವನ್ನುಂಟು ಮಾಡಿದೆ ಎಂದು ಅವರು ಹೇಳಿದರು.ಆತ ಇಲ್ಲಿಯೇ ಇದ್ದಿದ್ದರೆ ದೇಶದ ಆಂತರಿಕ ರಾಜಕೀಯದಿಂದಾಗಿ, ಆತ ಯಾವತ್ತೂ ಇಂಡಿಯನ್ ಒಲಿಂಪಿಕ್ ತಂಡದ ಸದಸ್ಯನಾಗಲು ಸಾಧ್ಯವಾಗುತ್ತಿರಲಿಲ್ಲ ಎಂದು ನೊಂದು ನುಡಿದಿದ್ದಾರೆ.

ಆದರೂ 28ರ ಹರೆಯದ ರಾಜ್ ಭಾವಾಸಾರ್ ಆರು ಮಂದಿ ಅಮೆರಿಕದ ತಂಡದಲ್ಲಿ, ತನ್ನ ಸಾಧನೆಗಾಗಿ ಬೀಜಿಂಗ್ ಒಲಿಂಪಿಕ್‌ನಲ್ಲಿ ಕಂಚಿನ ಪದಕ ಗೆದ್ದ ಹೆಮ್ಮೆ ಮಾತ್ರ ಭಾರತೀಯನದ್ದಾಗಿದೆ.

100ಮೀ.ಓಟ - ಉಸೈನ್‌‌ ಬೋಲ್ಟ್ 'ವಿಶ್ವದಾಖಲೆ'

Sat, 16 Aug 2008 20:24:11 +0530

ವಿಶ್ವದಾಖಲೆಯ ಓಟಗಾರ ಜಮೈಕಾದ ಉಸೈನ್ ಬೋಲ್ಟ್ ಶನಿವಾರ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ನಡೆದ ಪುರುಷರ 100ಮೀಟರ್ ಶರವೇಗದ ಓಟದಲ್ಲಿ ಮತ್ತೊಮ್ಮೆ ವಿಶ್ವ ದಾಖಲೆಯೊಂದಿಗೆ ಸ್ವರ್ಣ ಪದಕವನ್ನು ತಮ್ಮ ಬಗಲಿಗೇರಿಸಿಕೊಂಡಿದ್ದಾರೆ.

ನೂರು ಮೀಟರ್ ಓಟದ ಸೆಮಿ ಫೈನಲ್‌ನಲ್ಲಿ ಜೈಮೈಕಾದ ಉಸೈನ್ ಅವರು ಅತೀ ವೇಗದ ಓಟದೊಂದಿಗೆ ಎರಡನೇಯ ಐತಿಹಾಸಿಕ ದಾಖಲೆಯನ್ನು ನಿರ್ಮಿಸಿದರು. ಅಲ್ಲದೇ ಟಿ.ಟಿ ರಿಚರ್ಡ್ ಥಾಮ್ಸ್‌ನ್ ದ್ವಿತೀಯ ಸ್ಥಾನದೊಂದಿಗೆ ಬೆಳ್ಳಿ ಗಳಿಸಿದರು.

ಆದರೆ ಈ ಬಾರಿಯ 100ಮೀ.ಸೆಮಿ ಫೈನಲ್‌ನಲ್ಲಿ ಎರಡು ಬಾರಿ ವರ್ಲ್ಡ್ ಚಾಂಪಿಯನ್ ಹೆಗ್ಗಳಿಕೆಗೆ ಪಾತ್ರರಾಗಿದ್ದ ಅಮೆರಿಕದ ಟೈಸನ್ ಗೇ 5ನೇ ಸ್ಥಾನದೊಂದಿಗೆ ಪ್ರಶಸ್ತಿಯಿಂದ ವಂಚಿತರಾಗಿದ್ದಾರೆ. ಟಸನ್ ಅವರು 10.5ಸೆಕೆಂಡ್ಸ್‌ನಲ್ಲಿ 5ನೇ ಸ್ಥಾನಕ್ಕೆ ತಳ್ಳಲ್ಪಟ್ಟರೆ, ಬೋಲ್ಟ್ 9.68ಸೆಕೆಂಡ್ಸ್‌ನಲ್ಲಿ ದಾಖಲೆಯೊಂದಿಗೆ ಸ್ವರ್ಣ ಪದಕವನ್ನು ಗಳಿಸಿದರು.

ಈ ಸೋಲಿನಿಂದ ತನಗೆ ತುಂಬಾ ಆಘಾತವಾಗಿದೆ ಎಂದು ಅಭಿಪ್ರಾಯ ವ್ಯಕ್ತಪಡಿಸಿರುವ ಗೇ, ತಾನು ಫೈನಲ್‌ನಲ್ಲಿ ಪ್ರಶಸ್ತಿ ಗೆದ್ದೇ ಗೆಲ್ಲುತ್ತೇನೆ ಎಂಬ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಬಾಕ್ಸಿಂಗ್: ಭಾರತದ 3ನೇ 'ಕುಮಾರ' ಕ್ವಾ.ಫೈನಲಿಗೆ

Sat, 16 Aug 2008 20:12:34 +0530

ಭಾರತಕ್ಕೆ ಬಾಕ್ಸಿಂಗ್ ವಿಭಾಗದಲ್ಲಿ ಮತ್ತಷ್ಟು ಆಶಾವಾದ ಮೂಡಿಸಿರುವ ವಿಜೇಂದ್ರ ಕುಮಾರ್, 75 ಕೆಜಿ ಮಿಡ್ಲ್ ವೇಟ್ ವಿಭಾಗದಲ್ಲಿ ಶನಿವಾರ ಕ್ವಾರ್ಟರ್ ಫೈನಲ್ ತಲುಪಿ, ಪದಕದ ಆಸೆ ಜೀವಂತವಾಗಿರಿಸಿದ್ದಾರೆ.

ಇದಕ್ಕೆ ಮುನ್ನ ಅಖಿಲ್ ಕುಮಾರ್ ಮತ್ತು ಜಿತೇಂದ್ರ ಕುಮಾರ್ ಅವರು ಕೂಡ ಅದ್ಭುತ ಸಾಧನೆಯ ಮೂಲಕ ಕ್ವಾರ್ಟರ್ ಫೈನಲ್ ತಲುಪಿರುವುದು ಇಲ್ಲಿ ಸ್ಮರಣೀಯ.

ಬಹುತೇಕ ಏಕಪಕ್ಷೀಯವಾಗಿದ್ದ ಪಂದ್ಯದಲ್ಲಿ ಥಾಯ್ಲೆಂಡಿನ ಚಾಂಪುವಾಂಗ್ ಅಂಕಾನ್ ಅವರನ್ನು 13-3 ಅಂತರದಿಂದ ಬಗ್ಗುಬಡಿದ ವಿಜೇಂದ್ರ ಕುಮಾರ್ ಕ್ವಾರ್ಟರ್ ಫೈನಲ್ ತಲುಪಿದರು. ಆರಂಭದಿಂದಲೇ ಮೇಲುಗೈ ಸಾಧಿಸಿದ್ದ ವಿಜೇಂದ್ರ ಕುಮಾರ್, ಮೊದಲ ಸುತ್ತಿನಲ್ಲಿ ಎರಡು ಪಾಯಿಂಟ್ ಮುನ್ನಡೆ ಸಾಧಿಸಿದರೆ, ಎರಡನೇ ಸುತ್ತಿನಲ್ಲಿ ಮುನ್ನಡೆಯನ್ನು 6-1 ಕ್ಕೇರಿಸಿಕೊಂಡರು.

ಆ ಬಳಿಕ ವಿಜೇಂದರ್ ಹಿಂತಿರುಗಿ ನೋಡಿದ್ದೇ ಇಲ್ಲ. ಇದೀಗ ಅಖಿಲ್ ಮತ್ತು ಜಿತೇಂದ್ರ ಕುಮಾರ್ ಸಹಿತ ವಿಜೇಂದ್ರ ಕುಮಾರ್ ಅವರು ಕೂಡ ಕ್ವಾರ್ಟರ್ ಫೈನಲಿಗೇರಿ ಭಾರತದ ಕ್ರೀಡಾಭಿಮಾನಿಗಳಲ್ಲಿ ಹೊಸ ನಿರೀಕ್ಷೆ ಮೂಡಿಸಿದ್ದಾರೆ.

ಡಿಸ್ಕಸ್ ಥ್ರೋ: ಪೂಣಿಯ - ಕೌರ್ ನಿರೀಕ್ಷೆ ಹುಸಿ

Sat, 16 Aug 2008 18:27:41 +0530

ಭಾರತದ ಕೃಷ್ಣ ಪೂಣಿಯಾ ಹಾಗೂ ಹರವಂತ್ ಕೌರ್ ಬೀಜಿಂಗ್ ಒಲಿಂಪಿಕ್‌ನ ಮಹಿಳಾ ವಿಭಾಗದ ಡಿಸ್ಕಸ್ ಥ್ರೋ ಸ್ಪರ್ಧೆಯಲ್ಲಿ ಅತ್ಯಂತ ಕಳಪೆ ಪ್ರದರ್ಶನ ತೋರುವುದರೊಂದಿಗೆ ಭಾರತದ ನಿರೀಕ್ಷೆಗೆ ಮತ್ತಷ್ಟು ತಣ್ಣೀರೆಚಿದ್ದಾರೆ.

ಪೂಣಿಯಾ ಅವರು ಏಷ್ಯನ್ ಗೇಮ್ಸ್‌ನಲ್ಲಿ ಕಂಚಿನ ಪದಕ ಗಳಿಸಿದ್ದರು. ಶನಿವಾರ ನಡೆದ ಡಿಸ್ಕಸ್ ಥ್ರೋನಲ್ಲಿ ಪೂಣಿಯಾ 58.23ಮೀಟರ್ ದೂರಕ್ಕೆ ಬೀಸುವ ಮೂಲಕ 24ನೇ ಸ್ಥಾನ ಗಳಿಸಿದರೆ,ಹರವಂತ್ ಕೌರ್ ಮತ್ತಷ್ಟು ಕಳಪೆ ಪ್ರದರ್ಶನದೊಂದಿಗೆ 54.42ಮೀ.ದೂರಕ್ಕೆ ಚಿಮ್ಮಿಸುವ ಮೂಲಕ 30ನೇ ಸ್ಥಾನದೊಂದಿಗೆ ತಮ್ಮ ಯಶಸ್ಸಿನ ಓಟಕ್ಕೆ ಕಡಿವಾಣ ಹಾಕಿಕೊಂಡರು.

ವಿಪರ್ಯಾಸವೆಂದರೆ ಪೂಣಿಯಾ ಅವರ ವೈಯಕ್ತಿಕ ಉತ್ತಮ ಸಾಧನೆಯೇ 63.41ಮೀಟರ್ ಆಗಿದ್ದರೆ,ಹರವಂತ್ 63.05ಮೀಟರ್. ಆದರೆ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಅದಕ್ಕಿಂತಲೂ ಕಡಿಮೆ ದೂರಕ್ಕೆ ಎಸೆಯುವ ಮೂಲಕ ತಮ್ಮ ಕಳಪೆ ಪ್ರದರ್ಶನವನ್ನು ಜಗಜ್ಜಾಹೀರುಗೊಳಿಸಿದರು.

ಒಲಿಂಪಿಕ್ ಬ್ಯಾಡ್‌ಮಿಂಟನ್:ಜಾಂಗ್‌ಗೆ ಬಂಗಾರ

Sat, 16 Aug 2008 18:01:21 +0530

ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಶನಿವಾರ ನಡೆದ ಮಹಿಳಾ ಬ್ಯಾಡ್ಮಿಂಟನ್ ಟೂರ್ನ್‌ಮೆಂಟ್ ಸಿಂಗಲ್ಸ್ ವಿಭಾಗದಲ್ಲಿ ಚೀನಾದ ಜಾಂಗ್ ನಿಂಗ್ ಬಂಗಾರದ ಪದಕವನ್ನು ತಮ್ಮ ಮುಡಿ ಗೇರಿಸಿಕೊಂಡಿದ್ದಾರೆ.

ಬ್ಯಾಡ್ಮಿಂಟನ್‌ನಲ್ಲಿ ತಮ್ಮ ಎದುರಾಳಿ ಕ್ಸೈ ಕ್ಸಿಂಗ್‌ಪಾಂಗ್ ಅವರನ್ನು ಮೂರು ಸೆಟ್‌ಗಳಲ್ಲಿ ಜಾಂಗ್ ಪರಾಜಯಗೊಳಿಸಿದ್ದರು. ಎರಡನೇ ಶ್ರೇಯಾಂಕಿತೆ ಜಾಂಗ್ ಅವರು ನಂ ವನ್ ಕ್ಸೈ ಅವರನ್ನು 21-12,10-21,21-18ಮ್ಯಾಚ್ ಪಾಯಿಂಟ್‌ಗಳ ಅಂತರದಲ್ಲಿ ಸೋಲಿಸಿದರು.

ಅಥೆನ್ಸ್‌ನಲ್ಲಿ ಗೆದ್ದ ತಮ್ಮ ಈ ಮುಂಚಿನ ಚಿನ್ನದ ಪದಕವನ್ನು ಕಾಯ್ದುಕೊಂಡರು. ತಮ್ಮ ಕೊನೆಯ ಒಲಿಂಪಿಕ್ ಆಡುತ್ತಿರುವ 33 ವರ್ಷದ ಜಾಂಗ್, ತಮ್ಮ ಬಲ ಮೊಣಕಾಲು ಗಾಯಕ್ಕೆ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಇಂಡೊನೇಷ್ಯಾದ ಮರಿಯಾ ಕ್ರಿಸ್ಟಿನ್ ಯುಲಿಂಟಿ ಚೀನಾದ ಲು ಲಾನ್‌ರನ್ನು 11-21, 21-13, 21-15ದಲ್ಲಿ ಸೋಲಿಸಿ ಕಂಚಿನ ಪದಕ ಗೆದ್ದುಕೊಂಡರು.

ಇದು ಒಲಿಂಪಿಕ್ ಬ್ಯಾಡ್‌ಮಿಂಟನ್ ಟೂರ್ನಮೆಂಟಿನಲ್ಲಿನ ಚೀನಾದ ಎರಡನೇ ಚಿನ್ನವಾಗಿದೆ. ಶುಕ್ರವಾರದಂದು ಡು ಜಿಂಗ್ ಮತ್ತು ಯು ಯಾಂಗ್ ಮಹಿಳಾ ಡಬಲ್ಸ್ ವಿಭಾಗದಲ್ಲಿ ಚಿನ್ನ ಗೆದ್ದಿದ್ದರು.

ಜಾಂಗ್ ಫೈನಲ್‌‌ನ ಮೂರನೇ ಆಟದಲ್ಲಿ 19-17ರ ಮುನ್ನಡೆ ಪಡೆದರು. ನೆಟ್‌ನಲ್ಲಿನ ಕೈತಪ್ಪಿದ ಶೋಟ್ ಜಾಂಗ್‌ಗೆ ಪಂದ್ಯ ಅಂಕವನ್ನು ನೀಡಿತು. ಕ್ಸಿ ಮೊದಲ ಆಟದಲ್ಲಿ ಉತ್ತಮ ಆಟ ಪ್ರದರ್ಶಿಸಲಿಲ್ಲ ಆದರೆ ನಂತರ ಚೇತರಿಕೆ ಕಂಡು ಎರಡನೇ ಪಂದ್ಯದಲ್ಲಿ 5-0ರ ಮುನ್ನಡೆ ಪಡೆದರು.

ಎರಡನೇ ಪಂದ್ಯವನ್ನು ತಮ್ಮದಾಗಿಸಿದ ಬಳಿಕ ಕ್ಸಿ ವಾಪಸಾತಿ ಒಡ್ಡುವಂತೆ ಕಂಡುಬಂದರು ಆದರೆ ಜಾಂಗ್ ಫೈನಲ್ ಆಟದಲ್ಲಿ ಬ್ರೇಕ್‌ನಲ್ಲಿ 11-6ರ ಮುನ್ನಡೆ ಪಡೆದು ಪಂದ್ಯವನ್ನು ತಮ್ಮದಾಗಿಸಿದರು.

ಒಲಿಂಪಿಕ್ ಸಮಾರೋಪಕ್ಕೆ ಭಾರತದ ನಿಯೋಗ

Sat, 16 Aug 2008 17:50:16 +0530

ಬೀಜಿಂಗ್ ಮಹಾನ್ ಕ್ರೀಡಾಕೂಟದ ಸಮಾರೋಪ ಸಮಾರಂಭಕ್ಕಾಗಿ ಭಾರತದ ಆರ್ಚರಿ ಫೆಡರೇಶನ್‌ನ ಉಪಾಧ್ಯಕ್ಷ ಹಾಗೂ ಸಂಸದ ಕಿರಣ್ ರಿಜಿಜು ಸೇರಿದಂತೆ 5ಮಂದಿ ನಿಯೋಗವೊಂದು ಭಾಗವಹಿಸಲಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.

ಆ ನಿಟ್ಟಿನಲ್ಲಿ ಭಾರತದ ಐದು ಮಂದಿಯ ನಿಯೋಗ ಶನಿವಾರವೇ ಬೀಜಿಂಗ್‌ಗೆ ತೆರಳಿದ್ದು,ಗೇಮ್ಸ್‌ಗಾಗಿ ಬೀಜಿಂಗ್ ಯಾವ ತೆರನಾದ ಸಿದ್ದತೆ ಮತ್ತು ವ್ಯವಸ್ಥೆಗಳನ್ನು ಮಾಡಿದೆ ಎಂಬುದನ್ನು ಈ ಸಂದರ್ಭದಲ್ಲಿ ಅಧ್ಯಯನ ನಡೆಸುವುದಾಗಿ ರಿಜಿಜು ಹೇಳಿದರು.

ಆಗೋಸ್ಟ್ 24ರಂದು ಬೀಜಿಂಗ್ ಒಲಿಂಪಿಕ್ ಮಹಾನ್ ಕ್ರೀಡಾಕೂಟಕ್ಕೆ ಅದ್ದೂರಿಯಾಗಿ ತೆರೆ ಬೀಳಲಿದೆ. ಆ ನಿಟ್ಟಿನಲ್ಲಿ ಕಾಮನ್‌ವೆಲ್ತ್ ಆರ್ಗನೈಜಿಂಗ್ ಸಮಿತಿಯ ಸದಸ್ಯರೂ ಆಗಿರುವ ರಿಜಿಜು ಅವರ ನಿಯೋಗ ಸಮಾರಂಭದಲ್ಲಿ ಪಾಲ್ಗೊಳ್ಳಲಿದೆ.

2010ರಲ್ಲಿ ದೆಹಲಿಯಲ್ಲಿ ನಡೆಯಲಿರುವ ಕಾಮನ್‌ವೆಲ್ತ್ ಗೇಮ್ಸ್‌ಗೆ ಸಹಾಯಕವಾಗುವ ನಿಟ್ಟಿನಲ್ಲಿ 11ದಿನಗಳ ಕಾಲ ಚೀನಾ ರಾಜಧಾನಿಯಲ್ಲಿ ಅಧ್ಯಯನ ನಡೆಸಲಾಗುವುದು ಎಂದು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಒಲಿಂಪಿಕ್:400ಮೀ.ಸೆಮಿ-ಮನ್‌ದೀಪ್‌ಗೆ ಸೋಲು

Sat, 16 Aug 2008 17:06:36 +0530

ಭಾರತದ ಬಾಕ್ಸಿಂಗ್ ಪಟುಗಳು ಬೀಜಿಂಗ್ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಭರವಸೆ ಸ್ಪರ್ಧೆಯೊಂದಿಗೆ ಮುನ್ನುಗ್ಗುತ್ತಿದ್ದರೆ, ಅಥ್ಲೀಟ್‌ಗಳಾದ ವಿಕಾಸ್ ಗೌಡ ಡಿಸ್ಕಸ್ ಥ್ರೋ ಸ್ಪರ್ಧೆ ಯಲ್ಲಿ ಕಳಪೆ ಪ್ರದರ್ಶನ ತೋರಿದರೆ, ಓಟಗಾರ್ತಿ ಮನ್‌ ದೀಪ್ ಕೌರ್ 400ಮೀಟರ್ ಮಹಿಳಾ ಓಟದ ಸೆಮಿ ಫೈನಲ್ ಸ್ಪರ್ಧೆಯಲ್ಲಿ ಮುನ್ನುಗ್ಗುವಲ್ಲಿ ವಿಫಲರಾಗಿದ್ದಾರೆ.

ಮನ್‌ದೀಪ್ ಕೌರ್ ಅವರು ಜೂನ್ ತಿಂಗಳಲ್ಲಿ ಮಧುರೈಯಲ್ಲಿ ನಡೆದ 38ನೇ ರಾಷ್ಟ್ರೀಯ ಇಂಟರ್ ಸ್ಟೇಟ್ ಅಥ್ಲೇಟಿಕ್ಸ್ ಚಾಂಪಿಯನ್‌ಷಿಪ್‌ನಲ್ಲಿ 51.74ಸೆಕೆಂಡ್ಸ್‌ಗಳಲ್ಲಿ ಓಡುವ ಮೂಲಕ ತಮ್ಮ ಜೀವಿತಾವಧಿಯ ಉತ್ತಮ ಸಾಧನೆಯನ್ನು ಸಾಧಿಸಿದ್ದರು.

ಆದರೆ ಮನ್‌ದೀಪ್ ಮತ್ತೆ ಆ ಪ್ರಗತಿಯನ್ನು ತೋರಿಸಲೇ ಇಲ್ಲ, ಶನಿವಾರ ಒಲಿಂಪಿಕ್ ಕ್ರೀಡಾಕೂಟದಲ್ಲಿ 52.88ಸೆಕೆಂಡ್‌ಗಳಲ್ಲಿ ತಮ್ಮ ಗುರಿಯನ್ನು ತಲುಪುವ ಮೂಲಕ,ಮುಂದಿನ ಪ್ರವೇಶ ಪಡೆಯುವಲ್ಲಿ ವಿಫಲರಾದರು.

ಡಿಸ್ಕಸ್ ಥ್ರೋ-ವಿಕಾಸ್ ಗೌಡ ಕಳಪೆ ಸಾಧನೆ

Sat, 16 Aug 2008 16:05:11 +0530

ಭಾರತದ ವಿಕಾಸ್ ಗೌಡ ಅವರು ಶನಿವಾರ ಬೀಜಿಂಗ್ ಕ್ರೀಡಾಕೂಟದಲ್ಲಿ ನಡೆದ ಡಿಸ್ಕಸ್ ಥ್ರೋನ ಅರ್ಹತಾ ಸುತ್ತಿನಲ್ಲಿ ವಿಫಲರಾಗುವ ಮೂಲಕ ನಿರಾಸೆ ಮೂಡಿಸಿದ್ದಾರೆ.

ಕಳೆದ ನಾಲ್ಕು ವರ್ಷಗಳ ಹಿಂದೆ ಅಥೆನ್ಸ್ ನಡೆದ ಒಲಿಂಪಿಕ್ ಸಂದರ್ಭದಲ್ಲಿಯೂ ಕೂಡ ವಿಕಾಸ್ ಗೌಡ ಇದೇ ತೆರನಾದ ಪ್ರಗತಿಯನ್ನು ಸಾಧಿಸಿದ್ದರೂ, ಈ ಬಾರಿ ಉತ್ತಮ ಪ್ರದರ್ಶನದ ನಿರೀಕ್ಷೆ ಹೊಂದಲಾಗಿತ್ತು.

ಇಂದು ನಡೆದ ಡಿಸ್ಕಕ್ ಥ್ರೋ ಸ್ಪರ್ಧೆಯ 22ನೇ ಓವರ್‌ಆಲ್‌ನಲ್ಲಿ 60.69ಮೀಟರ್ ದೂರಕ್ಕೆ ಚಿಮ್ಮಿಸಿದರು.ಆದರೆ ಈ ಸಾಧನೆ ಕಳೆದ ವರ್ಷಕ್ಕಿಂತ ಅತ್ಯಂತ ಕಳಪೆಯಾಗಿತ್ತು. ಅವರು ಕಳೆದ ಬಾರಿ ಡಿಸ್ಕಸ್ ಥ್ರೋನಲ್ಲಿ 64.96ಮೀಟರ್ ದೂರಕ್ಕೆ ಎಸೆಯುವ ಮೂಲಕ ನ್ಯಾಷನಲ್ ರೆಕಾರ್ಡ್ ಮಾಡಿದ್ದರು.

ವಿಕಾಸ್ ಗೌಡ ಅವರು ಉತ್ತರ ಕೆರೋಲಿನಾ ಯೂನಿರ್ವಸಿಟಿಯಲ್ಲಿ ತಮ್ಮ ವಿದ್ಯಾಭ್ಯಾಸವನ್ನು ಪೂರ್ಣಗೊಳಿಸಿದ್ದರು. ಅವರು ಅರ್ಹತಾ ಸುತ್ತಿನಲ್ಲಿ 64.50ಮಿ.ದೂರಕ್ಕೆ ಎಸೆತವನ್ನು ಪೂರ್ಣಗೊಳಿಸಬೇಕಿತ್ತು.

ಒಲಿಂಪಿಕ್: ಕೊವೆಂಟ್ರಿಗೆ ಸ್ವರ್ಣ

Sat, 16 Aug 2008 15:50:53 +0530

200 ಮೀಟರ್ ಬ್ಯಾಕ್‌ಸ್ಟ್ರೋಕ್‌ನಲ್ಲಿ ವಿಶ್ವ ದಾಖಲೆಯ ಗೆಲುವು ಪಡೆಯುವುದರೊಂದಿಗೆ ಜಿಂಬಾಬ್ವೆಯ ಕ್ರಸ್ಟಿ ಕೊವೆಂಟ್ರಿ ತಮ್ಮ ಒಲಿಂಪಿಕ್ ಕಿರೀಟವನ್ನು ಗಳಿಸುವಲ್ಲಿ ಸಫಲರಾಗಿದ್ದಾರೆ.

ಶನಿವಾರ ಬೆಳಗ್ಗೆ ನಡೆದ ಈ ಸ್ಪರ್ಧೆಯಲ್ಲಿ ಅವರು 2 ನಿಮಿಷ 5.24 ಸೆಕೆಂಡುಗಳಲ್ಲಿ ತಮ್ಮ ಗುರಿಯನ್ನು ಮುಟ್ಟಿದರು. ಈ ಮೂಲಕ ಕಳೆದ ತಿಂಗಳ ಟ್ರಯಲ್ಸ್‌ನಲ್ಲಿ ಅಮೆರಿಕದ ಮಾರ್ಗರೇಟ್ ಹೊಜ್ಲೆರ್ ಬರೆದ ದಾಖಲೆಯನ್ನು 2:06.09ವನ್ನು ಅಳಿಸಿ ಹಾಕಿದ್ದಾರೆ.

ಹೊಜ್ಲೆರ್ 2:06.23 ಸಮಯದಲ್ಲಿ ಗುರಿ ಮುಟ್ಟುವುದರೊಂದಿಗೆ ಬೆಳ್ಳಿ ಪದಕ ಗೆದ್ದುಕೊಂಡರೆ, ಜಪಾನಿನ ರೀಕೊ ನಕಮುರ 2:07.13ದಲ್ಲಿ ಕಂಚಿನ ಪದಕ ಗಳಿಸಿದರು. ಅಮೆರಿಕದ ಎಲಿಜಬೆತ್ ಬೀಸೆಲ್ 5ನೇ ಸ್ಥಾನ ಗಳಿಸಲಷ್ಟೇ ಸಾಧ್ಯವಾಯಿತು.

ಬಾಕ್ಸಿಂಗ್: ಕ್ವಾರ್ಟರ್ ಫೈನಲ್‌ಗೇರಿದ ಜಿತೇಂದರ್

Sat, 16 Aug 2008 12:45:21 +0530

ಬೀಜಿಂಗ್ ಒಲಿಂಪಿಕ್ ಗೇಮ್ಸ್‌ನಲ್ಲಿ ಶನಿವಾರ ನಡೆದ ಬಾಕ್ಸಿಂಗ್ 51 ಕೆಜಿ ಪ್ಲೈ ವೇಟ್ ಪ್ರೀ ಕ್ವಾರ್ಟರ್ ಫೈನಲ್‌ನಲ್ಲಿ ಭಾರತದ ಜಿತೇಂದರ್ ಕುಮಾರ್ ಎದುರಾಳಿ ಉಜ್ಬೇ ಕಿಸ್ತಾನ್‌ನ ತುಲಾಶ್‌‌ಬಾಯ್ ದೋನಿಯೋರೊವ್‌‌ ಅವರನ್ನು ಮಣಿಸುವ ಮೂಲಕ ಕ್ವಾರ್ಟರ್‌‌ ಫೈನಲ್ ಪ್ರವೇಶಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಬಾಕ್ಸಿಂಗ್‌ನ ಪ್ರಥಮ ಸುತ್ತಿನಲ್ಲೇ ಭಾರತದ ಜಿತೇಂದರ್ ಅವರು 4-1ರ ಅಂತರದಲ್ಲಿ ಮುನ್ನಡೆ ಸಾಧಿಸಿದ್ದರು. ಎರಡನೇ ಸುತ್ತಿನಲ್ಲಿಯೂ ಉಬ್ಬೇಕಿಸ್ತಾನ್‌ನ ತುಲಾಶ್‌‌ಬಾಯ್ ಅವರ ವಿರುದ್ಧ ತಮ್ಮ ಬಿಗಿ ಮುಷ್ಠಿ ಹೊಡೆತಗಳಿಂದ ಮಣಿಸುವ ಮೂಲಕ 5-1ರ ಮುನ್ನಡೆ ಸಾಧಿಸುವ ಮೂಲಕ ಕ್ವಾರ್ಟರ್ ಫೈನಲ್‌ ಅಂಕಣಕ್ಕೆ ನೆಗೆದಿದ್ದಾರೆ.

ಅದೇ ರೀತಿ ಮೂರನೇ ಸುತ್ತಿನಲ್ಲಿಯೂ ಜಿತೇಂದರ್ ಉತ್ತಮ ಹೊಡೆತಗಳೊಂದಿಗೆ,ಕಠಿಣ ಶ್ರಮದಲ್ಲಿಯೇ ಮೂರು ಪಾಯಿಂಟ್ ತಮ್ಮ ತೆಕ್ಕೆಗೆ ಸೇರಿಸಿಕೊಂಡರು. ಹೀಗೆ 11-4ರ ಅಂತರದೊಂದಿಗೆ ಮುನ್ನಡೆ ಸಾಧಿಸಿದ ಜಿತೇಂದರ್ ನಾಲ್ಕನೇ ಮತ್ತು ಅಂತಿಮ ಸುತ್ತಿನಲ್ಲಿ ಬಿಗಿ ಕಾದಾಟಗಳ ಮೂಲಕ ತುಲಾಶ್‌‌ಬಾಯ್ಎರಡು ಪಾಯಿಂಟ್‌ಗಳನ್ನು ತಮ್ಮತ್ತ ಪಡೆದುಕೊಂಡಿದ್ದರು.

ಆದರೆ ಜಿತೇಂದರ್ ಕೂಡ ಒಂದೇ ಸಮನಾಗಿ ತಮ್ಮ ಗೆಲುವಿನ ಅಂತರವನ್ನು ಕಾಯ್ದುಕೊಂಡು ಮುಂದುವರಿದ ಪರಿಣಾಮ ಗೆಲುವಿನ ಹಾದಿ ಜಿತೇಂದರ್ ಪಾಲಿಗಾಯಿತು.

ಹರ್ಯಾಣದಿಂದ ಬೀಜಿಂಗ್‌‌ವರೆಗೆ ಅಖಿಲ್ ಹಾದಿ..

Sat, 16 Aug 2008 11:43:52 +0530

ಒಲಿಂಪಿಕ್ ಗೇಮ್ಸ್‌ನ 54ಕೆಜಿ ವಿಭಾಗದ ಬಾಕ್ಸಿಂಗ್‌ನಲ್ಲಿ ವಿಶ್ವ ಚಾಂಪಿಯನ್ ರಷ್ಯಾದ ದೈತ್ಯ ಸೆರ್ಗಿ ವೊಡಾಪಿಯಾನೋವ್ ಅವರನ್ನು ಭಾರತದ ಅಖಿಲ್ ಕುಮಾರ್ ಅವರು ಮಣಿಸುವ ಮತ್ತೊಂದು ಸ್ವರ್ಣ ಪದಕದ ನಿರೀಕ್ಷೆ ಹುಟ್ಟಿಸಿದ್ದಾರೆ.

1981ರ ಮಾರ್ಚ್ 27ರಂದು ಹರ್ಯಾಣದ ಭಿವಾಯ್ ಜಿಲ್ಲೆಯಲ್ಲಿ ಜನಿಸಿದ ಅಖಿಲ್ ಕುಮಾರ್ ಇದೀಗ ಕುಸ್ತಿ ಪಂದ್ಯದಲ್ಲಿ ರಷ್ಯಾದ ದೈತ್ಯನನ್ನು ತಮ್ಮ ಬಿಗಿ ಮುಷ್ಠಿಗಳ ಪ್ರಹಾರದಿಂದ ಮಣ್ಣುಮುಕ್ಕಿಸುವ ಮೂಲಕ ಭಾರತದ ಕ್ರೀಡಾಭಿಮಾನಿಗಳಲ್ಲೊಂದು ಆಶಾ ಕಿರಣವನ್ನು ಹೊಮ್ಮಿಸಿದ್ದಾರೆ.

ಹರ್ಯಾಣದ ಪೊಲೀಸ್ ಕಾನ್‌ಸ್ಟೇಬಲ್ ಭಾಗ್ವಾನ್ ಅವರ ಪುತ್ರರಾಗಿರುವ ಅಖಿಲ್ ಕುಮಾರ್ ಅವರು ಬೀಜಿಂಗ್ ಒಲಿಂಪಿಕ್ ಗೇಮ್ಸ್‌ನ ಕುಸ್ತಿ ಹೋರಾಟದಲ್ಲಿ ಸ್ವರ್ಣ ಪದಕ ಗೆಲ್ಲುವ ಭರವಸೆ ಹೊಂದಿದ್ದಾರೆ.

2005ರಲ್ಲಿ ಅರ್ಜುನ್ ಪ್ರಶಸ್ತಿಗೆ ಭಾಜನರಾಗಿರುವ ಅಖಿಲ್ ಕುಮಾರ್,2004ರಲ್ಲಿ ನಡೆದ ಅಥೆನ್ಸ್ ಒಲಿಂಪಿಕ್‌ ಕ್ರೀಡಾಕೂಟದ ಪ್ರಥಮ ಸುತ್ತಿನಲ್ಲೇ ಸೋಲನ್ನನುಭವಿಸಿದ್ದರು.

ಆದರೆ ಅದಕ್ಕೆ ಪ್ರತಿಕಾರ ಎಂಬಂತೆ 2005ರಲ್ಲಿ ಗ್ಲಾಸ್ಗೋದಲ್ಲಿ ನಡೆದ ಕಾಮನ್‌ವೆಲ್ತ್ ಚಾಂಪಿಯನ್‌ಷಿಪ್‌ನಲ್ಲಿ ಬಂಗಾರದ ಪದಕ ಪಡೆಯುವ ಮೂಲಕ ಭಾರತೀಯರ ಶ್ಲಾಘನೆಗೆ ಒಳಗಾಗಿದ್ದರು. 2006ರಲ್ಲೂ ಮೆಲ್ಬೋರ್ನ್ ಕಾಮನ್‌ ವೆಲ್ತ್ ಗೇಮ್ಸ್‌ನಲ್ಲಿಯೂ ಚಿನ್ನದ ಪದಕವನ್ನು ತಮ್ಮ ಬಗಲಿಗೇರಿಸಿಕೊಂಡಿದ್ದರು.

ಬಳಿಕ 2007ರಲ್ಲಿ ಮಣಿಗಂಟು ನೋವಿನಿಂದಾಗಿ ಎರಡು ಬಾರಿ ಶಸ್ತ್ರಚಿಕಿತ್ಸೆಗೆ ಒಳಗಾಗುವ ಮೂಲಕ ಒಂದು ವರ್ಷಗಳ ಕಾಲ ತರಬೇತಿ ಇಲ್ಲದೆ ಕಳೆದಿದ್ದರು.

2008ರಲ್ಲಿ ಬ್ಯಾಂಕಾಕ್‌‌ನಲ್ಲಿ ನಡೆದ ಏಷ್ಯನ್ ಅರ್ಹತಾ ಸುತ್ತಿನಲ್ಲಿ ಅಖಿಲ್ ಕುಮಾರ್ ಥೈಲ್ಯಾಂಡ್‌ನ ವೋರಾಪೊಜ್ ಪೆಚ್‌ಕೂಮ್ ಅವರನ್ನು ಮಣಿಸುವ ಮೂಲಕ ಚಿನ್ನದ ಪದಕದೊಂದಿಗೆ ಬೆಸ್ಟ್ ಬಾಕ್ಸ್‌ರ್ ಬಿರುದಿಗೆ ಪಾತ್ರರಾಗಿದ್ದರು.

ಸುದ್ದಿ

RCB VS KKR, ಇನ್ನೂ ಶುರುವಾಗದ ಪಂದ್ಯಾಟ, ಕಾರಣ ಇಲ್ಲಿದೆ

French Open: ಯಾನಿಕ್‌ ಸಿನ್ನರ್‌- ಕಾರ್ಲೋಸ್‌ ಅಲ್ಕರಾಜ್‌ ಪೈಪೋಟಿಯಲ್ಲಿ ಯಾರಿಗೆ ಒಲಿಯಲಿದೆ ಫ್ರೆಂಚ್‌ ಓಪನ್‌ ಕಿರೀಟ

ಕುಸ್ತಿಪಟುವಿನ ಕೊಲೆ ಪ್ರಕರಣದಲ್ಲಿ ಒಲಿಂಪಿಕ್ ಡಬಲ್‌ ಪದಕ ವಿಜೇತ ಸುಶೀಲ್ ಕುಮಾರ್‌ಗೆ ಬಿಗ್‌ ರಿಲೀಫ್‌

ಹೆನ್ರಿ ಸಿಕ್ಸರ್ ಅಬ್ಬರಕ್ಕೆ ಕ್ಯಾಪಿಟಲ್ಸ್ ತಬ್ಬಿಬ್ಬು: ಚೇಸಿಂಗ್‌ ತಂಡವೇ ಗೆಲ್ಲುವ ಸಂಪ್ರದಾಯ ಮುರಿದ ಯುಪಿ

ನೀರಜ್ ಚೋಪ್ರಾ ಜತೆ ಮನು ಭಾಕರ್ ಮದುವೆ ಪ್ರಪೋಸಲ್, ಜೋಡಿ ಚೆನ್ನಾಗಿಲ್ವಾ

ಏಷ್ಯಾ ಕಪ್‌ ಕ್ರಿಕೆಟ್‌: ದಾಖಲೆಯ ಎಂಟನೇ ಪ್ರಶಸ್ತಿ ಗೆಲ್ಲುವತ್ತ ಭಾರತದ ವನಿತೆಯರು

ಮಳೆಯನ್ನೂ ಲೆಕ್ಕಿಸದೆ ಪ್ಯಾರಿಸ್‌ ಒಲಿಂಪಿಕ್ಸ್‌ ಉದ್ಘಾಟನೆಯಲ್ಲಿ ಭಾಗಿಯಾದ ಮುಖೇಶ್, ನೀತಾ ಅಂಬಾನಿ

Sanju Samson: ವಿಪರೀತ ಕೋಪ, ವಿವಾದಗಳ ರಾಜನಾಗಿದ್ದ ಸಂಜು ಸ್ಯಾಮ್ಸನ್

ನಿವೃತ್ತಿಯ ಸುಳಿವು ನೀಡಿದ್ರಾ ಧೋನಿ..!

ಭಾರತ ತಂಡಕ್ಕೆ ಹೊಸ ಮೆಂಟರ್ ಆಗಿ ಎಂ.ಎಸ್. ಧೋನಿ ಆಯ್ಕೆ!

ಭಾರತದ ಸ್ಟಾರ್ ಕುಸ್ತಿಪಟು ವಿನೀಶ್ ಪೋಗಟ್ ಅಮಾನತು

ಟೋಕಿಯೊ ಒಲಿಂಪಿಕ್ಸ್​ನಲ್ಲಿ ಅಮೆರಿಕಕ್ಕೆ ಅಗ್ರಸ್ಥಾನ!

ಫಿಟ್ನೆಸ್ ಜೊತೆಗೆ ಬಾಯಿರುಚಿಗೆ ಇದನ್ನು ತಿನ್ತಾರಂತೆ ನೀರಜ್!

ಟೋಕಿಯೊ ಒಲಿಂಪಿಕ್ಸ್: 47ನೇ ಸ್ಥಾನಕ್ಕೆ ಜಿಗಿದ ಭಾರತ

ಒಲಿಂಪಿಕ್ಸ್ ನಲ್ಲಿ ಇತಿಹಾಸ ಬರೆದ ನೀರಜ್ ಚೋಪ್ರಾ: ಜಾವೆಲಿನ್ ನಲ್ಲಿ ಭಾರತಕ್ಕೆ ಸ್ವರ್ಣ

ಬೆಳ್ಳಿ ಗೆದ್ದ ರವಿ ದಾಹಿಯಾ: ಭಾರತಕ್ಕೆ ಒಲಿಂಪಿಕ್ಸ್ ನಲ್ಲಿ 5ನೇ ಪದಕ

ಟೋಕಿಯೊ ಒಲಿಂಪಿಕ್ಸ್: ಮೊದಲ ಪ್ರಯತ್ನದಲ್ಲೇ ನೀರಜ್ ಚೋಪ್ರಾ ಫೈನಲ್ ಗೆ

ಟೋಕಿಯೊ ಒಲಿಂಪಿಕ್ಸ್: ಗೆದ್ದ ಸಂಭ್ರಮದಲ್ಲಿ ಬಾಕ್ಸರ್ ಗೆ ಗಾಯ; ಸೋತ ಬಾಕ್ಸರ್ ಫೈನಲ್ ಗೆ!

ಒಂದೇ ಒಲಿಂಪಿಕ್ಸ್ ನಲ್ಲಿ 7 ಪದಕ ಗೆದ್ದು ಇತಿಹಾಸ ಬರೆದ ಎಮ್ಮಾ ಮೆಕ್ಕೊಯಿನ್!

ಟೋಕಿಯೊ ಒಲಿಂಪಿಕ್ಸ್: 41 ವರ್ಷ ಬಳಿಕ ಸೆಮೀಸ್ ಗೆ ಭಾರತ ಹಾಕಿ ತಂಡ ಲಗ್ಗೆ

ಟೋಕಿಯೊ ಒಲಿಂಪಿಕ್ಸ್: ರಿಂಗ್ ನಲ್ಲೇ ಫ್ರಾನ್ಸ್ ಬಾಕ್ಸರ್ ಒಂದು ಗಂಟೆ ಪ್ರತಿಭಟನೆ!

ಟೋಕಿಯೊ ಒಲಿಂಪಿಕ್ಸ್: ಭಾರತ ವನಿತೆಯರು ಕ್ವಾರ್ಟರ್ ಗೆ ಲಗ್ಗೆ

ಫೈನಲ್ ಗೆ ಕಮಲ್ ಪ್ರೀತ್ ಲಗ್ಗೆ: ಮಗಳ ಸಾಧನೆ ನೋಡದ ಅಪ್ಪ!

ವಂದನಾ ಹ್ಯಾಟ್ರಿಕ್: ಟೋಕಿಯೊ ಒಲಿಂಪಿಕ್ಸ್ ನಲ್ಲಿ ಭಾರತದ ಪದಕ ಆಸೆ ಜೀವಂತ

ಇತಿಹಾಸ ಬರೆದ ಬಾಕ್ಸರ್ ಲೊವಿನಾ: ಭಾರತಕ್ಕೆ 2ನೇ ಪದಕ ಖಚಿತ

ಟೋಕಿಯೊ ಒಲಿಂಪಿಕ್ಸ್ 6ನೇ ದಿನ: ಮೇರಿಗೆ ಆಘಾತ; ಪದಕದತ್ತ ಸಿಂಧು, ಅತನು ದಾಪುಗಾಲು

ಟೋಕಿಯೊ ಒಲಿಂಪಿಕ್ಸ್​: ಹಾಲಿ ಚಾಂಪಿಯನ್ ಗೆ ಶಾಕ್ ನೀಡಿದ ಭಾರತ ಹಾಕಿ ತಂಡ

ಟೋಕಿಯೊ ಒಲಿಂಪಿಕ್ಸ್​: ನಾಕೌಟ್ ತಲುಪಿದ ಪಿವಿ ಸಿಂಧು

ಟೋಕಿಯೊ ಒಲಿಂಪಿಕ್ಸ್: ಪಿವಿ ಸಿಂಧು ಗೆಲುವಿನ ಆರಂಭ

ಇಂದಿನಿಂದ ಟೋಕಿಯೋ ಒಲಿಂಪಿಕ್ ಕ್ರೀಡಾಕೂಟ; ಶುಕ್ರವಾರ ಉದ್ಘಾಟನಾ ಸಮಾರಂಭ

ಟೀಂ ಇಂಡಿಯಾ ಸೋತರೇನಂತೆ? ಧೋನಿ ಮಾಡಿದ ದಾಖಲೆಯಿದು

ವಿಶ್ವಕಪ್: ಬಹುತೇಕ ಕ್ವಾರ್ಟರ್‌ಫೈನಲ್ ಪ್ರವೇಶಿಸುವ ತಂಡಗಳ ಲೆಕ್ಕಾಚಾರ

ವಿಶ್ವಕಪ್‌ನಲ್ಲಿ ಪಾಕ್‌ಗೆ ಟೀಂ ಇಂಡಿಯಾವನ್ನು ಸೋಲಿಸೋಕ್ಕೆ ಯಾಕಾಗ್ತಿಲ್ಲ ?

ಒಲಿಂಪಿಕ್ ಗೇಮ್ಸ್‌ಗೆ 'ವರ್ಣರಂಜಿತ ತೆರೆ'

ಓಟ-ಬೆಕಲ್‌ಗೆ ಮತ್ತೊಂದು ಬಂಗಾರ

ಒಲಿಂಪಿಕ್ ಮುಕ್ತಾಯ ಸಮಾರಂಭಕ್ಕೆ ಕ್ಷಣಗಣನೆ

ಗುಡ್ಡಗಾಡು ಬೈಕ್ ರೇಸ್-ಸ್ಪಿಟ್ಜ್‌ಗೆ ಬಂಗಾರ

ಮ್ಯಾಚ್ ರೆಫ್ರಿಗೆ ಒದ್ದ ಕ್ಯೂಬಾದ ಮಾಟೋಸ್‌ಗೆ ನಿಷೇಧ

ಬೀಚ್ ವಾಲಿಬಾಲ್ - ಅಮೆರಿಕ ಪಾಲಿಗೆ ಸ್ವರ್ಣ

ನಾನೊಬ್ಬ ಅದ್ಭುತ ಶಕ್ತಿಯಲ್ಲ: ಉಸೇನ್ ಬೋಲ್ಟ್

ಬೀಜಿಂಗ್: ಪದಕ ಪಟ್ಟಿಯಲ್ಲಿ 83ದೇಶಗಳ ದಾಖಲೆ

ಒಲಿಂಪಿಕ್: 37ವಿಶ್ವ ದಾಖಲೆಗಳನ್ನು ಮುರಿಯಲಾಗಿದೆ....

ಒಲಿಂಪಿಕ್ಸ್: ಕ್ವಾ.ಫೈನಲ್ ತಲುಪಿದ ನಾಲ್ವರಿಗೂ ಡಿಎಸ್‌ಪಿ ಹುದ್ದೆ

ಮಹಿಳಾ ಹಾಕಿ: 24ವರ್ಷದ ಬಳಿಕ ನೆದರ್‌ಲ್ಯಾಂಡ್‌ಗೆ ಚಿನ್ನ

ವಿಜೇಂದರ್‌ಗೆ ಸ್ಪೀಕರ್ ಚಟರ್ಜಿ ಅಭಿನಂದನೆ

ರಿಲೆಯಲ್ಲೂ 'ಬೋಲ್ಟ್' ವಿಶ್ವದಾಖಲೆ

ನಿರಾಸೆ ಮೂಡಿಸಿದ ಮಹಿಳೆಯರ ರಿಲೆ ತಂಡ

ವಿಜೇಂದರ್‌ಗೆ ಹುಟ್ಟೂರಲ್ಲಿ 'ಹೀರೋ' ಸ್ವಾಗತಕ್ಕೆ ಸಿದ್ದತೆ

ವಿಜೇಂದರ್‌‌ಗೆ ಸಚಿವ ಗಿಲ್ ಶಹಬ್ಬಾಸ್ ‌‌ಗಿರಿ

ಬಾಕ್ಸಿಂಗ್: 'ಕಂಚಿ'ಗೆ ತೃಪ್ತಿಪಟ್ಟುಕೊಂಡ ವಿಜೇಂದರ್

ಬೀಜಿಂಗ್: ಇಂದು ವಿಜೇಂದರ್‌‌ಗೆ ಗುಡ್ ಪ್ರೈಡೇ...

ಬೀಚ್ ವಾಲಿಬಾಲ್-ಅಮೆರಿಕ ಮುಡಿಗೆ ಸ್ವರ್ಣ

ಅಫ್ಘಾನ್ 'ಕಂಚಿ'ನ ವಿಜೇತನಿಗೆ ಕಾರು,ಬಂಗ್ಲೆ ಕೊಡುಗೆ..

200ಮೀ.ಓಟ: ಜಮೈಕಾಕ್ಕೆ ಮತ್ತೊಂದು ಚಿನ್ನ ಜಮೆ

ಕುಸ್ತಿ 84ಕೆಜಿ: ಜಾರ್ಜಿಯಾಕ್ಕೆ ಸ್ವರ್ಣ

ವಾಲಿಬಾಲ್: ಕ್ಯೂಬಾವನ್ನು ಮಣಿಸಿದ ಅಮೆರಿಕ

ಕುಸ್ತಿ: ತೋಮರ್‌ಗೆ ಪ್ರಥಮ ಸುತ್ತಿನಲ್ಲಿ ಸೋಲು

ಬಾಕ್ಸರ್ ವಿಜಯೇಂದರ್‌ಗೆ ಬಡ್ತಿ, 50ಲಕ್ಷ ಪುರಸ್ಕಾರ

ಪದಕದ ಅವಕಾಶವಿತ್ತೆಂದು ತಿಳಿದಿತ್ತು: ಸುಶೀಲ್

ಮ್ಯಾರಥಾನ್‌‌ ಈಜು ಸ್ಪರ್ಧೆಯಲ್ಲಿ ರಷ್ಯಾಕ್ಕೆ ಸ್ವರ್ಣ

ಸುಶೀಲ್‌ಗೆ ಶುಭಾಶಯ-ನಗದು ಬಹುಮಾನದ ಮಹಾಪೂರ

ಒಲಿಂಪಿಕ್: ಬೋಲ್ಟ್ ಮತ್ತೊಂದು 'ವಿಶ್ವದಾಖಲೆ'

ಭಾರತೀಯರ ಮನವರಳಿಸಿದ ವಿಜೇಂದ್ರ, ಸುಶೀಲ್

ಬಾಕ್ಸಿಂಗ್: ಸೆಮಿ ಫೈನಲ್ ಪ್ರವೇಶಿಸಿದ ವಿಜೇಂದರ್

ಮೊದಲು ಸೋತ ಸುಶೀಲ್ ಕಂಚು ಗೆದ್ದದ್ದು ಹೀಗೆ...!

ಕುಸ್ತಿಯಲ್ಲಿ ಕಂಚು ಗೆದ್ದ 'ಸುಶೀಲ್'

ಒಲಿಂಪಿಕ್ : ಬಾಕ್ಸಿಂಗ್‌ನಲ್ಲಿ ಸೋಲುಂಡ ಜಿತೇಂದರ್

ಕುಸ್ತಿ: ಪ್ರಥಮ ಸುತ್ತಿನಲ್ಲಿ ಸುಶೀಲ್‌ಗೆ ಸೋಲು

ಪದಕದ ನಿರೀಕ್ಷೆಯಲ್ಲಿ 'ಕುಮಾರ' ದ್ವಯರು

ಲಂಡನ್ ಒಲಿಂಪಿಕ್ಸ್‌ನತ್ತ ಸೈನಾ ಚಿತ್ತ

ಒಲಿಂಪಿಕ್: 2ನೇ ಸುತ್ತಿನಿಂದ ಶರತ್ ಔಟ್

ಕುಸ್ತಿಪಂದ್ಯ:ಕ್ವಾರ್ಟರ್‌‌ ಫೈನಲ್‌ನಿಂದ ಹೊರಬಿದ್ದ ದತ್

ಟೇಬಲ್ ಟೆನ್ನಿಸ್:ಶರತ್ 2ನೇ ಸುತ್ತಿಗೆ

ಪೋಲ್ ವಾಲ್ಟ್:ದಾಖಲೆ ನಿರ್ಮಿಸಿದ ರಷ್ಯಾ ಚೆಲುವೆ

ಉದ್ದ ಜಿಗಿತ ಸ್ಪರ್ಧೆಯ ಅರ್ಹತಾ ಸುತ್ತಿನಲ್ಲೇ ಅಂಜು ಔಟ್

ಕ್ವಾರ್ಟರ್ ಫೈನಲ್ ತಲುಪಿದ ಕುಸ್ತಿಪಟು ಯೋಗೇಶ್ವರ್

ಒಲಿಂಪಿಕ್:ಬೆಳ್ಳಿ ಪಡೆದು ಅಚ್ಚರಿ ಮೂಡಿಸಿದ ಹಿರಿಯ ಮಹಿಳೆ

ಬೀಜಿಂಗ್:ಲಿಯೂ ಹಿಮ್ಮಡಿ ನೋವು-ಚೀನಾಕ್ಕೆ ಆಘಾತ

ಬಾಕ್ಸಿಂಗ್: ಭಾರತದ ನಿರೀಕ್ಷೆ ಹುಸಿಗೊಳಿಸಿದ ಅಖಿಲ್

ಟೋಕಿಯೊ ಒಲಿಂಪಿಕ್ಸ್ನಲ್ಲಿ ಅಮೆರಿಕಕ್ಕೆ ಅಗ್ರಸ್ಥಾನ!

ಟೋಕಿಯೊ ಒಲಿಂಪಿಕ್ಸ್: ಹಾಲಿ ಚಾಂಪಿಯನ್ ಗೆ ಶಾಕ್ ನೀಡಿದ ಭಾರತ ಹಾಕಿ ತಂಡ

ಟೋಕಿಯೊ ಒಲಿಂಪಿಕ್ಸ್: ನಾಕೌಟ್ ತಲುಪಿದ ಪಿವಿ ಸಿಂಧು