ಮುಖ್ಯ ಪುಟ 
ಮನರಂಜನೆ » ಬಾಲಿವುಡ್ » ಸಿನಿಮಾ ವಿಮರ್ಶೆ » ಪೇಯಿಂಗ್ ಗೆಸ್ಟ್: ಪೇ ಮಾಡಿ ನೋಡೋದು ಟೈಮ್ ವೇಸ್ಟ್! (Paying Guests | Shreyas Talpade | Celina Jaitly | Neha Dhupia | Riya Sen)
ಮನರಂಜನೆ » ಬಾಲಿವುಡ್ » ಸಿನಿಮಾ ವಿಮರ್ಶೆ » ಪೇಯಿಂಗ್ ಗೆಸ್ಟ್: ಪೇ ಮಾಡಿ ನೋಡೋದು ಟೈಮ್ ವೇಸ್ಟ್! (Paying Guests | Shreyas Talpade | Celina Jaitly | Neha Dhupia | Riya Sen)
Feedback
Print
ಪೇಯಿಂಗ್ ಗೆಸ್ಟ್: ಪೇ ಮಾಡಿ ನೋಡೋದು ಟೈಮ್ ವೇಸ್ಟ್! 
 | ||
|
ಇದೇ ಅನುಭವ ನಿಮಗೆ ಪೇಯಿಂಗ್ ಗೆಸ್ಟ್ಸ್ ಚಿತ್ರ ನೋಡಿಯೂ ಆದರೆ ಆಶ್ಚರ್ಯವಿಲ್ಲ. ಹಲವು ಯಶಸ್ವೀ ನಾಟಕಗಳನ್ನು ನಿರ್ದೇಶಿಸಿರುವ, ಹಾಗೂ ಮೊದಲ ಬಾರಿಗೆ ಚಿತ್ರ ನಿರ್ದೇಶಿಸಿರುವ ಪರಿತೋಶ್ ಪೇಂಟರ್ ಯಾಕೋ ಹಳಿ ತಪ್ಪಿದ್ದಾರೆ. ಕಾಮಿಡಿ ಅನ್ನೋದು ಒಂದು ಸೀರಿಯಸ್ ಬ್ಯುಸಿನೆಸ್ ಎಂದು ಅವರು ಈ ಚಿತ್ರ ನಿರ್ದೇಶಿಸುವಾಗ ಅರ್ಥ ಮಾಡಿಕೊಂಡರೂ ಸಾಕಿತ್ತು.
ಪೇಯಿಂಗ್ ಗೆಸ್ಟ್ಸ್ ಚಿತ್ರದ ಕಥಾ ಹಂದರವೇ ಬಲು ತೆಳು. ಜತೆಗೆ ಮೂಳೆಚಕ್ಕಳದಂತಿರುವ ಕಥೆಗೆ, ಅಲ್ಲಲ್ಲಿ ಮಾಂಸದ ಮುದ್ದೆಯಿಂದ ಪ್ಯಾಚ್ವರ್ಕ್ ಮಾಡಿದಂತೆ ಮಸಾಲೆ ಬೆರೆಸಿದ್ದಾರೆ. ಹೀಗಾಗಿ, ಮೊದಲ ಎರಡು ಗಂಟೆ ಕಾಲ ಚಿತ್ರವನ್ನು ಹೇಗೋ ಸಂಭಾಳಿಸಿಕೊಂಡು ಪ್ರೇಕ್ಷಕ ನೋಡಬಹುದಾದರೂ ನಂತರ ಒಂದು ಗಂಟೆ ಕಾಲ ಆತ ಥಿಯೇಟರ್ನಲ್ಲಿ ಕೂರಲು ಸಾಧ್ಯವೇ ಇಲ್ಲ. ಒಟ್ಟಾರೆ ಅಂತಿಮವಾಗಿ ಒಂದು ಕಾಮಿಡಿ ಚಿತ್ರ ನೋಡಲು ಹೊರಟ ಪ್ರೇಕ್ಷಕನ ಪಾಲಿಗೆ ಅದು ಟ್ರಾಜೆಡಿಯಾಗುತ್ತದೆ, ಅಷ್ಟೆ.
 | ||
|
ಪೇಯಿಂಗ್ ಗೆಸ್ಟ್ಸ್ನ ಆರಂಭ ಸೊಗಸಾಗಿಯೇ ಇದ್ದರೂ, 30 ನಿಮಿಷಗಳಲ್ಲಿ ಅದರ ಪೆಟ್ರೋಲ್ ಮುಗಿದಂತೆ ಭಾಸವಾಗುತ್ತದೆ. ಅರ್ಥಾತ್, ಸಿನಿಮಾದ ಎಂಜಿನ್ ವೇಗ ಕಡಿಮೆಯಾಗುತ್ತದೆ. ಕುತೂಹಲ ಉಳಿಯದೆ ಬೋರ್ ಹೊಡೆಸುತ್ತದೆ. ಮೊದಲ 30 ನಿಮಿಷ ಪ್ರೇಕ್ಷಕರು ಹೊಟ್ಟೆ ಹುಣ್ಣಾಗುವಂತೆ ನಗುತ್ತಿದ್ದರೂ, ಆಮೇಲೆ ನಗು ಕಡಿಮೆಯಾಗುತ್ತದೆ. ಕೊನೆಕೊನೆಯಲ್ಲಿ ಚಿತ್ರದ ಪಾತ್ರಗಳು ನಗುತ್ತಿದ್ದರೂ, ಪ್ರೇಕ್ಷಕರು ನಗುವುದಿಲ್ಲ.
ಚಿತ್ರದಲ್ಲಿರುವ ನಾಲ್ವರು ಹುಡುಗರು ಹಾಗೂ ಜಾನಿ ಲಿವರ್ ಪಾತ್ರ ಸ್ವಲ್ಪವಾದರೂ ನಗು ತರಿಸಿದರೆ, ನಾಲ್ವರು ನಾಯಕಿಯರು (ಸೆಲಿನಾ ಜೇಟ್ಲಿ, ರಿಯಾ ಸೇನ್, ಸಯಾಲಿ ಭಗತ್, ನೇಹಾ ಧೂಪಿಯಾ) ವೇಸ್ಟ್. ಅವರ ಪಾತ್ರ ಪ್ರೇಕ್ಷಕನ ಮುಖದಲ್ಲಿ ಸಂತೋಷ ಹೆಚ್ಚಿಸುವಲ್ಲಿ ಯಾವುದೇ ಪಾತ್ರ ವಹಿಸುವುದಿಲ್ಲ. ಚಿತ್ರದ ಕ್ಲೈಮಾಕ್ಸ್ ಕೂಡಾ ಜಾನೇ ಭೀ ದೋ ಯಾರೋ ಚಿತ್ರದಿಂದ ನೇರವಾಗಿ ಎಗರಿಸಿದಂತೆ ಅನಿಸಿದರೆ ಅದರಲ್ಲಿ ಪ್ರೇಕ್ಷಕನ ತಪ್ಪಿಲ್ಲ.
ನಿರ್ದೇಶಕ ಪರಿತೋಶ್ ಕೈಯಲ್ಲಿ ಒಂದು ಇಂಟರೆಸ್ಟಿಂಗ್ ಐಡಿಯಾ ಇತ್ತು ಎಂದು ಗೊತ್ತಾಗುತ್ತದಾದರೂ, ಸಂಭಾಷಣೆಯೇ ಚಿತ್ರಕ್ಕೆ ಮುಲುವಾಗಿದೆ. ಉತ್ತಮ ಸಂಭಾಷಣೆ ಬಂದಿದ್ದಲ್ಲಿ, ಚಿತ್ರ ಖಂಡಿತ ಮೇಲೆ ಬೀಳುತ್ತಿತ್ತು. ಇದು ಬಿಟ್ಟರೆ, ಚಿತ್ರದ ದೃಶ್ಯಗಳು, ತಾಂತ್ರಿಕ ಕೈಚಳಕ ಸೊಗಸಾಗಿವೆ. ಬ್ಯಾಂಕಾಕ್ ಹಾಗೂ ಪಟ್ಟಾಯಾ ದೃಶ್ಯಗಳು ಫ್ರೆಶ್ ಅನಿಸುತ್ತವೆ.
ಉಳಿದಂತೆ, ನಟರ ಪೈಕಿ ಶ್ರೇಯಸ್ ತಲ್ಪಡೆ ಅಭಿನಯ ಇತರರಿಗಿಂತ ಬೆಸ್ಟ್ ಆಗಿ ಹೊರಹೊಮ್ಮಿದೆ. ನಂತರ ಸ್ಥಾನದಲ್ಲಿ ಜಾವೇದ್ ಜೆಫ್ರಿ, ಆಶಿಶ್ ಚೌಧರಿ, ವತ್ಸಲ್ ಸೇಥ್ ನಿಲ್ಲುತ್ತಾರೆ. ನಾಯಕಿಯರಿಗೆ ಇಲ್ಲಿ ಅಷ್ಟಾಗಿ ಕೆಲಸವೇನಿಲ್ಲದಿದ್ದರೂ, ಸೆಲಿನಾ ಹಾಗೂ ನೇಹಾ ಇದ್ದುದರಲ್ಲಿ ಗಮನ ಸೆಳೆಯುತ್ತಾರೆ. ರಿಯಾ ಸೇನ್ ಹಾಗೂ ಸಯಾಲಿಗೆ ಇಲ್ಲಿ ಅಷ್ಟೊಂದು ಮಹತ್ವ ಇಲ್ಲ. ಹತ್ತರಲ್ಲಿ ಹನ್ನೊಂದಾಗುತ್ತಾರೆ ಅಷ್ಟೆ. ಜಾನಿ ಲಿವರ್ ತಮ್ಮ ಎಂದಿನ ಫಾರ್ಮ್ನಲ್ಲೇ ಇದ್ದಾರೆ. ಒಟ್ಟಾರೆ ಪೇಯಿಂಗ್ ಗೆಸ್ಟ್ಸ್ ಚಿತ್ರಕ್ಕೆ ಪೇ ಮಾಡಿ ಥಿಯೇಟರ್ ಒಳಹೊಕ್ಕಿದ್ದು ವೇಸ್ಟ್ ಅಂತ ಅನಿಸಿದರೆ ಅದು ನಿಮ್ಮ ತಪ್ಪಲ್ಲ.
 | ||
|
ಸಂಬಂಧಿತ ಮಾಹಿತಿ ಹುಡುಕಿ
ಇದನ್ನು ಸಹ ಶೋಧಿಸು: ಪೇಯಿಂಗ್ ಗೆಸ್ಟ್ಸ್, ಕಾಮಿಡಿ, ಸೆಲಿನಾ ಜೇಟ್ಲಿ, ರಿಯಾ ಸೇನ್, ಸಯಾಲಿ ಭಗತ್, ನೇಹಾ ಧೂಪಿಯಾ, ಶ್ರೇಯಸ್ ತಲ್ಪಡೆ
