ಮುಖ್ಯ ಪುಟ 
ಮನರಂಜನೆ » ಬಾಲಿವುಡ್ » ತಾರಾ ಪರಿಚಯ » 'ಸೂರ್ಯವಂಶ'ದ ಇಷಾ ಕೊಪ್ಪೀಕರ್ಗೆ ಕೂಡಿ ಬಂದ ಕಂಕಣ ಭಾಗ್ಯ! (Eesha Koppikhar | Timmy Narang | Mangalorean | Bollywood)
ಮನರಂಜನೆ » ಬಾಲಿವುಡ್ » ತಾರಾ ಪರಿಚಯ » 'ಸೂರ್ಯವಂಶ'ದ ಇಷಾ ಕೊಪ್ಪೀಕರ್ಗೆ ಕೂಡಿ ಬಂದ ಕಂಕಣ ಭಾಗ್ಯ! (Eesha Koppikhar | Timmy Narang | Mangalorean | Bollywood)
Feedback
Print
'ಸೂರ್ಯವಂಶ'ದ ಇಷಾ ಕೊಪ್ಪೀಕರ್ಗೆ ಕೂಡಿ ಬಂದ ಕಂಕಣ ಭಾಗ್ಯ! 
ಮಂಗಳವಾರ, 3 ನವೆಂಬರ್ 2009( 18:19 IST )
IFM
ಉದ್ಯಮಿಗಳ ನಾರಂಗ್ ಕುಟುಂಬದಲ್ಲಿ ಜನಿಸಿರುವ ಟಿಮ್ಮಿ ನಾರಂಗ್ ಮುಂಬೈನಲ್ಲಿ ಬಹುದೊಡ್ಡ ಹೊಟೇಲ್ ಒಂದನ್ನು ಹೊಂದಿದ್ದಾರೆ. ಟಿಮ್ಮಿ ಹಾಗೂ ಇಷಾ ಕೆಲವು ವರ್ಷಗಳಿಂದಲೇ ಉತ್ತಮ ಗೆಳೆತನ ಹೊಂದಿದ್ದರು.
ತನ್ನ ಮದುವೆಯ ಬಗ್ಗೆ ಹರ್ಷಚಿತ್ತರಾಗಿರುವ ಇಷಾ ಕೊಪ್ಪಿಕರ್, ನಾನಿನ್ನೂ ಒಪ್ಪಿಕೊಂಡಿರುವ ಚಿತ್ರಗಳನ್ನು ಮುಗಿಸಿಲ್ಲ. ಮೂರು ಚಿತ್ರಗಳು ಕೈಯಲ್ಲಿವೆ. ಆದರೂ ಮದುವೆಯಾಗೋ ನಿರ್ಧಾರಕ್ಕೆ ನಾನು, ಟಿಮ್ಮಿ ಬಂದಿದ್ದೇವೆ. ಯಾಕಂದ್ರೆ, ಇದಕ್ಕಿಂತ ಉತ್ತಮ ಸಂದರ್ಭ ಇನ್ನೊಂದಿಲ್ಲ. ತಡ ಮಾಡೋದು ನನಗೆ ಇಷ್ಟವಿಲ್ಲ. ಹಾಗಾಗಿ ನವೆಂಬರ್ 26ರಂದು ಅತ್ಯುತ್ತಮ ದಿನವೆಂದು ಪಂಡಿತರು ಹೇಳಿದ್ರು. ಆದರೆ ಕಳೆದ ವರ್ಷ ಅದು ಮುಂಬೈ ಪಾಲಿಗೆ ಕರಾಳ ದಿನ. ಹಾಗಾಗಿ ಆ ದಿನ ಬೇಡವೆಂದು ನಿರ್ಧರಿಸಿ ನವೆಂಬರ್ 29ರಂದು ಮದುವೆಯಾಗೋದೆಂದು ನಿರ್ಧರಿಸಿದೆವು.
IFM
ಮದುವೆಯೆಲ್ಲಾ ಸರಿ, ಹನಿಮೂನ್ ಎಲ್ಲಿ? ಎಂದರೆ, ಹನಿಮೂನ್ ಬಗ್ಗೆ ಇನ್ನೂ ಕರೆಕ್ಟಾಗಿ ಪ್ಲಾನ್ ಮಾಡಿಲ್ಲ. ಕ್ಯಾಲಿಫೋರ್ನಿಯಾ ಬೀಚುಗಳಲ್ಲಿ ಅಡ್ಡಾಡಬೇಕೆಂಬ ಆಸೆಯಿದೆ ಎನ್ನುತ್ತಾಳೆ.
IFM
ಕಂಪನಿ ಚಿತ್ರದಲ್ಲಿ ಖಲ್ಲಾಸ್... ಎಂಬ ಐಟಂ ಹಾಡಿನಲ್ಲಿ ಕುಣಿದು ಹರೆಯ ಹೃದಯಗಳಿಗೆ ಕಿಚ್ಚುಹತ್ತಿಸುವ ಮೂಲಕ ಖಲ್ಲಾಸ್ ಗರ್ಲ್ ಅಂತಾನೇ ಈಗಲೂ ಜನಪ್ರಿಯತೆ ಪಡೆದುಕೊಂಡಿರುವ ಬೆಡಗಿಯೀಕೆ. ತಮಿಳು, ತೆಲುಗಿನಲ್ಲೂ ಹಲವು ಚಿತ್ರಗಳಲ್ಲಿ ನಟಿಸಿರುವ ಇಷಾ ಪ್ಯಾರ್ ಇಶ್ಕ್ ಔರ್ ಮೊಹಬ್ಬತ್, ಕಾಂಟೇ, ದಿಲ್ ಕಾ ರಿಶ್ತಾ, ಫಿಝಾ, ಡರ್ನಾ ಮನಾ ಹೈ, ಹಮ್ ತುಂ, ಗರ್ಲ್ ಫ್ರೆಂಡ್, ಡಾನ್, 36 ಚೈನಾ ಟೌನ್, ಡಾರ್ಲಿಂಗ್, ಹೆಲೋ, ಏಕ್ ವಿವಾಹ್ ಐಸಾ ಭೀ, ಹರ್ ಪಲ್ ಮತ್ತಿತರ ಚಿತ್ರಗಳಲ್ಲಿ ನಟಿಸಿದ್ದಾರೆ.
ನಟನೆಯಷ್ಟೇ ಅಲ್ಲದೆ, ಮಾಡೆಲ್ ಲೋಕದಲ್ಲೂ ಇಷಾ ಖ್ಯಾತಿ ಪಡೆದಿದ್ದಾರೆ. ರೆಕ್ಸೋನಾ ಜಾಹಿರಾತಿನಲ್ಲಿ ಇಷಾ ಖ್ಯಾತಿವೆತ್ತವಳು. ಕೊಕೋ ಕೋಲಾ, ಲಿಯಾರೆಲ್ ಜಾಹಿರಾತುಗಳಲ್ಲೂ ಈಕೆ ಮಾಡೆಲ್ ಆಗಿದ್ದವಳು. ಪ್ರಾಣಿ ದಯಾ ಸಂಘ ಪೇಟಾದ ವಕ್ತಾರಳೂ ಆಗಿರುವ ಈಕೆ ಪ್ರತಿಭಾನ್ವಿತ ಕರಾಟೆ ಪಟುವೂ ಹೌದು. ಸದ್ಯಕ್ಕೆ ಇಷಾ ಕೊಪ್ಪಿಕರ್ ಕೈಯಲ್ಲಿ ರೈಟ್ ಯಾ ರಾಂಗ್, ಹೆಲೋ ಡಾರ್ಲಿಂಗ್, ಶಾಬ್ರಿ ಚಿತ್ರಗಳಿವೆ. ಮದುವೆಯ ನಂತರವೂ ವೃತ್ತಿಜೀವನ ಮುಂದುವರಿಸುವ ಇಚ್ಛೆಯಿರುವ ಇಷಾ ಕೊಪ್ಪೀಕರ್ಗೆ ಮದುವೆಯ ಮುಂಚಿತ ಶುಭಾಷಯ ಕೋರೋಣ ಅಲ್ಲವೇ?
ಸಂಬಂಧಿತ ಮಾಹಿತಿ ಹುಡುಕಿ
ಇದನ್ನು ಸಹ ಶೋಧಿಸು: ಇಷಾ ಕೊಪ್ಪೀಕರ್, ಸೂರ್ಯವಂಶ, ಹೂಂ ಅಂತೀಯಾ ಊಹೂಂ ಅಂತೀಯಾ, ಓ ನನ್ನ ನಲ್ಲೆ, ಬಾಲಿವುಡ್