'ಗಾಂಧಿ'ಗಳ ಸೆಕ್ಸಿ ಅವತಾರಕ್ಕೆ ದುಬೈ ಕನ್ನಡಿಗರು ಶಾಕ್
ಮಳೆ ಹುಡುಗಿ ಪೂಜಾ ಗಾಂಧಿ ಸೀಥ್ರೂ ಟಾಪ್‌ಧಾರಿಯಾಗಿದ್ದರು. ಆಕೆಯ ಸಹೋದರಿ ರಾಧಿಕಾ ಗಾಂಧಿ ಹಾಕಿದ್ದ ಬಟ್ಟೆ ಮಂಡಿಯಿಂದ ಒಂದಡಿ ಮೇಲಿತ್ತು! ಇದು ಸಿನಿಮಾದಲ್ಲಿ ಅಂತ ನೀವು ತಿಳಿದುಕೊಂಡಿದ್ದರೆ, ನಿಜವಲ್ಲ. ಕನ್ನಡ ಕಲಾವಿದರೆಂದು ಪ್ರೀತಿಯಿಂದ ಕರೆದಿದ್ದ ಸಮಾರಂಭದಲ್ಲಿ ಹೀಗೆ ನಮ್ಮವರು ಪ್ರತಿಭಾ ಪ್ರದರ್ಶನ ಮಾಡಿದ್ದಾರೆ! ಪೂಜಾ ಗಾಂಧಿ 'ದಂಡುಪಾಳ್ಯ'ದಲ್ಲಿ ಬೆತ್ತಲೆ ಬೆನ್ನನ್ನು ಬಗೆಬಗೆಯಾಗಿ ತೋರಿಸಿದಾಗ ಭಾರೀ ಪ್ರತಿಭಟನೆಗಳು ನಡೆದಿದ್ದವು. ಆಕೆ ಸ್ತ್ರೀಕುಲಕ್ಕೇ ಅಪಮಾನ ಎಂದು ಕೆಲವು ಮಹಿಳಾ ಸಂಘಟನೆಗಳು ಕೂಗಿದ್ದವು. ಆಗೆಲ್ಲ ಹೋದಲ್ಲೆಲ್ಲ ಪೂಜಾ ಸ್ಪಷ್ಟನೆ ನೀಡುತ್ತಿದ್ದುದು ಹೀಗೆ: 'ದಂಡುಪಾಳ್ಯ' ಚಿತ್ರದ ಕಥೆಯೇ ಹಾಗಿದೆ. ಪೊಲೀಸರು ಮಹಿಳೆಯೊಬ್ಬಳಿಗೆ ಚಿತ್ರಹಿಂಸೆ ನೀಡುವ ದೃಶ್ಯವದು. ನೈಜತೆಗೆ ಹೆಚ್ಚು ಒತ್ತು ನೀಡಿದ್ದರಿಂದ ಅಂತಹ ದೃಶ್ಯಕ್ಕೆ ಒಪ್ಪಿಕೊಂಡಿದ್ದೇನೆ.