ಮಿಂಚಿನ ಓಟಕ್ಕೆ ಐಟಂ ಸಾಂಗ್ ಬಿಸಿ ಬೆಂಗಳೂರು, ಗುರುವಾರ, 20 ಮಾರ್ಚ್ 2008( 12:09 IST )

ಚಿತ್ರದ ಹೆಸರೇ ಮಿಂಚಿನ ಓಟ. ಅದರ ಜೊತೆಗೆ ಐಟಂ ಸಾಂಗ್ ಬಿಸಿ, ನಶೆ ಸೇರಿದರೆ ಓವರ್‌ಡೋಸ್ ಆಗುವುದಿಲ್ಲವೇ? ಎಂದು ಕೇಳೋದಕ್ಕೆ ಆಗುವುದಿಲ್ಲ. ಕೇಳಿದರೆ, ಏನ್ಮಾಡೋದು ಸ್ವಾಮೀ, ಪ್ರೇಕ್ಷಕ ಕೇಳೋದನ್ನೇ ಕೊಡ್ತೀವಿ ಎಂಬ ಸಿದ್ಧ ಉತ್ತರ ಸಿಗುತ್ತದೆ ಎಂಬ ಪೀಠಿಕೆಯೊಂದಿಗೆ ಈ ಸುದ್ದಿ ನೀಡುತ್ತಿದ್ದೇವೆ. ಸೈನೇಡ್ ಚಿತ್ರ ನಿರ್ದೇಶಿಸಿದ ರಮೇಶ್ ಮಿಂಚಿನ ಓಟ ಚಿತ್ರದ ಮೂಲಕ ಹೊರಳುದಾರಿ ತುಳಿಯುತ್ತಿದ್ದಾರೆ. ಈ ಚಿತ್ರಕ್ಕಾಗಿ ರಗಸ್ಯ ಎಂಬ ಮುಂಬೈ ಬೆಡಗಿ ಐಟಂ ಸಾಗಿಗೆ ಕುಣಿದು ಕುಪ್ಪಳಿಸಿ ಹೋಗಿದ್ದಾರಂತೆ. ಸಾಹಸಿ ಹುಡುಗರಿಬ್ಬರು ತಮ್ಮ ಗುರಿಯ ಸಾಧನೆಗಾಗಿ ಮತ್ತು ಪ್ರೀತಿಯ ಯಶಸ್ಸಿಗಾಗಿ ನಡೆಸುವ ಚುರುಕು ನಡೆಯೇ ಮಿಂಚಿನ ಓಟದ ಕಥೆಯಂತೆ. ಚಿನ್ನೇಗೌಡರ ಮಕ್ಕಳಾದ ವಿಜಯ್ ರಾಘವೇಂದ್ರ ಹಾಗೂ ಮುರಳಿ ಈ ಚಿತ್ರದಲ್ಲಿ ಪ್ರಥಮ ಬಾರಿಗೆ ಒಟ್ಟಿಗೆ ನಟಿಸುತ್ತಿರುವುದು ಒಂದು ವಿಶೇಷವಾದರೆ 40 ನಿಮಿಷಗಳ ಕ್ಲೈಮ್ಯಾಕ್ಸ್ ಹೊಂದಿರುವುದು ಮತ್ತೊಂದು ವಿಶೇಷ. ಚಿತ್ರದ ಡಬ್ಬಿಂಗ್ ಈಗಾಗಲೇ ಮುಗಿದಿದೆ. ಲಕ್ಷ್ಮೀರೈ ನಾಯಕಿ ಪಾತ್ರದಲ್ಲಿದ್ದಾರೆ.