Feedback
Print
ಬಾಲಾಜಿ - ಪೂಜಾ ಗಾಂಧಿಯ ಇನಿಯ 
 | ||
|
ಚಿತ್ರಕ್ಕೆ ಸ್ಪಲ್ವ ಅನುಭವವಿರುವ ಕಲಾವಿದರು ಬೇಕಾಗಿದ್ದರಿಂದ ಬಾಲಾಜಿ ಹಾಗೂ ಪೂಜಾ ಗಾಂಧಿ ಅವರನ್ನು ನಾಯಕ-ನಾಯಕಿಯರಾಗಿ ಆಯ್ಕೆ ಮಾಡಿದ್ದಾರೆ. ಮುಸ್ಸಂಜೆ ಮಾತು ಚಿತ್ರಕ್ಕಿಂತ ಸಂಪೂರ್ಣ ಭಿನ್ನವಾದ ಕಥೆ ಆಯ್ಕೆ ಮಾಡಿಕೊಂಡಿದ್ದೇನೆ. ಆಳವಾದ ಪ್ರೀತಿಯಲ್ಲಿನ ಭಾವನೆಗಳ ಚಿತ್ರಣ ಇಲ್ಲಿರುತ್ತದೆ. ಪ್ರೀತಿಯಲ್ಲಿನ ಸರಿ ತಪ್ಪುಗಳನ್ನು ನವಿರಾದ ನಿರೂಪಣೆಯಲ್ಲಿ ಹೇಳುವ ಸವಾಲು ಈ ಚಿತ್ರದಲ್ಲಿ ನನಗೆ ಎದುರಾಗಿದೆ ಎಂದರು ನಿರ್ದೇಶಕ ಮಹೇಶ್.
ಇನಿಯ ಚಿತ್ರದಲ್ಲಿ ನಾಯಕ-ನಾಯಕಿಯೊಂದಿಗೆ 20ಕ್ಕೂ ಹೆಚ್ಚು ಪೋಷಕ ಕಲಾವಿದರು ನಟಿಸುತ್ತಿದ್ದಾರೆ. ಬಾಲಾಜಿಯ ಅಮ್ಮನಾಗಿ ಊರ್ವಶಿ ಕಾಣಿಸಿಕೊಳ್ಳಲಿದ್ದಾರೆ. ಮುಸ್ಸಂಜೆ ಮಾತು ಚಿತ್ರಕ್ಕೆ ಕೆಲಸ ಮಾಡಿದ್ದ ಬಹುತೇಕ ತಂತ್ರಜ್ಞರೇ ಇಲ್ಲಿಯೂ ಇರುತ್ತಾರೆ. ಮುಸ್ಸಂಜೆ ಮಾತಿನ ಸಂಗೀತದ ಮೂಲಕ ಬೆಳಕಿಗೆ ಬಂದ ಶ್ರೀಧರ್ ಇನಿಯನಿಗೂ ಸಂಗೀತ ನೀಡಲಿದ್ದಾರೆ. ಈ ಚಿತ್ರವನ್ನು ಶೈಲೇಂದ್ರ ಬಾಬು ನಿರ್ಮಿಸುತ್ತಿದ್ದು, ಇದು ಅವರ ನಿರ್ಮಾಣದ 11 ನೇ ಚಿತ್ರ.