Feedback
Print
ಯಶದ ಹಾದಿಯಲ್ಲಿ ಯಶ್ 'ರಾಕಿ' 
 | ||
|
ಕಳೆದ ವಾರ ಚಿತ್ರ ಬಿಡುಗಡೆಯಾದ ಮೊದಲ ದಿನ ಬೆಂಗಳೂರಿನ ತ್ರಿವೇಣಿ ಚಿತ್ರಮಂದಿರಕ್ಕೆ ಭೇಟಿ ನೀಡಿದ ಯಶ್ ಅವರನ್ನು ಮುತ್ತಿಕೊಂಡ ಪ್ರೇಕ್ಷಕರು ಎತ್ತಿ ಜೈಕಾರ ಹಾಕಿ ಒಂದು ಸ್ಟೆಪ್ ಹಾಕು ಗುರು ಎಂದರಂತೆ. ಆ ಗೊಂದಲದಲ್ಲಿ ಅವರ ಮೊಬೈಲ್ ಬಿದ್ದು ಹೋಗಿದ್ದು ಗೊತ್ತೇ ಆಗಲಿಲ್ಲವಂತೆ. ಮಂಡ್ಯ, ಮೈಸೂರಿನ ಚಿತ್ರಮಂದಿರಗಳಲ್ಲೂ ಭರ್ಜರಿ ಓಪನಿಂಗ್ ಸಿಕ್ಕಿದೆ. ಒಬ್ಬ ಹೊಸ ಹೀರೋಗೆ ಈ ರೀತಿಯ ಓಪನಿಂಗ್ ಸಿಗೋದು ಅಪರೂಪ.
ರಾಕಿ ಚಿತ್ರದ ಅವಧಿ ತುಸು ಹೆಚ್ಚಾಯಿತು ಎಂಬ ಆಕ್ಷೇಪಗಳ ಹಿನ್ನೆಲೆಯಲ್ಲಿ ಚಿತ್ರವನ್ನು ಹತ್ತು ನಿಮಿಷಗಳಷ್ಟು ಇಳಿಸಲಾಗಿದೆಯಂತೆ. ಗಳಿಕೆಯಲ್ಲೂ ಚೆನ್ನಾಗಿದೆ. ಕಾಲೇಜು ಯುವಕ-ಯುವತಿಯರು ಚಿತ್ರಮಂದಿರಕ್ಕೆ ಬರುತ್ತಿದ್ದಾರೆ. ಈಗ ಈ ಹುಡುಗನಿಗೆ ಗಾಂಧಿನಗರದಲ್ಲಿ ಭರ್ಜರಿ ಬೇಡಿಕೆ. ದೊಡ್ಡ ದೊಡ್ಡ ಬ್ಯಾನರ್ನ ಹಲವಾರು ಆಫರ್ಗಳು ಅವರನ್ನು ಬೆನ್ನತ್ತಿ ಬಂದಿವೆ. ಆದರೆ ಯಶ್ ಹಣದಾಸೆಗಾಗಿ ಬಂದ ಚಿತ್ರಗಳನ್ನೆಲ್ಲಾ ಒಪ್ಪಿಕೊಳ್ಳುತ್ತಿಲ್ಲ. ಅಂದಹಾಗೆ ಯಶ್ ತಮ್ಮ ಸ್ವಂತ ದುಡಿಮೆಯಲ್ಲಿ ಒಂದು ಸ್ಯಾಂಟ್ರೊ ಕಾರು ತಗೊಂಡಿದ್ದಾರಂತೆ.