Feedback
Print
ಬಿಡುಗಡೆಗೆ ಮುನ್ನ 'ಮಚ್ಚಾ'ನಿಗೆ ಬೇಡಿಕೆ 
ಮಂಗಳವಾರ, 6 ಜನವರಿ 2009( 20:10 IST )
 | ||
|
ಚಿತ್ರಕ್ಕೆ ಈಗಾಗಲೇ ರೀರೆಕಾರ್ಡಿಂಗ್ ಮುಗಿದಿದ್ದು, ಜನವರಿ ಅಂತ್ಯದಲ್ಲಿ ಬಿಡುಗಡೆಯಾಗುತ್ತಿದೆ. ಕಳೆದ ಒಂದು ವರ್ಷದಿಂದಲೂ ಚಿತ್ರೀಕರಣ ನಡೆಸಿ 30 ದಿನ ರೀರೆಕಾರ್ಡಿಂಗ್ ಮಾಡಿದ್ದೇವೆ. ಪೂರ್ವಭಾವಿಯಾಗಿ ಚಿತ್ರ ನೋಡಿದ್ದೇನೆ. ಈ ಚಿತ್ರದಲ್ಲಿ ನಾಯಕನಾಗಿ ನಟಿಸಿದ್ದೇನೆ ಎಂಬ ಕಾರಣಕ್ಕೆ ಚಿತ್ರ ಚೆನ್ನಾಗಿ ಬರುತ್ತಿದೆ ಎಂದು ಹೇಳುತ್ತಿಲ್ಲ. ಚಿತ್ರ ನೋಡಿರುವ ತಂತ್ರಜ್ಞರು ಮಚ್ಚಾ ಈ ವರ್ಷದ ಹಿಟ್ ಚಿತ್ರ ಆಗುವುದರಲ್ಲಿ ಯಾವುದೇ ಸಂದೇಹವಿಲ್ಲ ಎಂದಿದ್ದಾರೆ ಎನ್ನುತ್ತಾರೆ ನಾಯಕ ಜೀವನ್.
ಜೀವನ್ ಮಚ್ಚಾ ಚಿತ್ರ ಬಿಡುಗಡೆಗಾಗಿ ಕಾಯುತ್ತಿದ್ದಾರೆ. ಮಚ್ಚಾಗೂ ಮುನ್ನ ತೆಲುಗಿನ ಅಲ್ಲು ಅರವಿಂದ್ ಜತೆ ನಟಿಸಲು ಆಫರ್ ಬಂದಿತ್ತು. ಆದರೆ ಕನ್ನಡಿಗನಾಗಿ ಮೊದಲು ಕನ್ನಡ ಚಿತ್ರದಲ್ಲಿ ನಟಿಬೇಕು ಎಂದು ಅದನ್ನು ನಿರಾಕರಿಸಿದೆ. ಮಚ್ಚಾದಲ್ಲಿ ಮನಸ್ಸಿಟ್ಟು ಅಭಿನಯಿಸಿದ್ದೇನೆ. ಚಳಿ ಬಿಟ್ಟು ಸಾಹಸ ದೃಶ್ಯಗಳಲ್ಲಿ ಗುದ್ದಾಡಿದ್ದೇನೆ. ಚಿತ್ರದ ಟೈಟಲ್ ಮಾಸ್ ಎನಿಸಿದರೂ ನಮ್ಮ ಚಿತ್ರದಲ್ಲಿ ಮಚ್ಚು ಲಾಂಗ್ ಇಲ್ಲ. ಎಲ್ಲೂ ರಕ್ತ ಚೆಲ್ಲುವುದಿಲ್ಲ. ಚಿತ್ರದ ತುಂಬಾ ಲವ್ ಅದರ ಜೊತೆಗೆ ರೌಡಿಸಂ ಇದೆ ಎಂದು ಚಿತ್ರದ ಬಗ್ಗೆ ಮಾತನಾಡುತ್ತಾರೆ ಜೀವನ್. ಡ್ಯೂಪ್ ಇಲ್ಲದೇ ಸಾಹಸ ದೃಶ್ಯಗಳಲ್ಲಿ ಭಾಗವಹಿಸಿದ್ದಾರಂತೆ.
ಅಂದ ಹಾಗೆ ಜೀವನ್ಗೆ ಹಿಂದಿ ಚಿತ್ರವೊಂದರಲ್ಲಿ ನಟಿಸಲು ಅಫರ್ ಬಂದಿದೆ. 15 ಕೋಟಿ ರೂ.ಬಜೆಟ್ನ ಈ ಚಿತ್ರವನ್ನು ಮಾನವ್ ನಿರ್ದೇಶಿಸುತ್ತಿದ್ದಾರೆ. ಸೋನಂ ಕಪೂರ್ ನಾಯಕಿ.