Feedback
Print
ನಾಯಕಿ ನಿರೀಕ್ಷೆಯಲ್ಲಿ 'ಭಾಗ್ಯದ ಬಳೆಗಾರ' 
ಮಂಗಳವಾರ, 6 ಜನವರಿ 2009( 20:12 IST )
 | ||
|
ಈಗಾಗಲೇ ರಾಮನಗರದಲ್ಲಿ ಚಿತ್ರೀಕರಣ ನಡೆಯುತ್ತಿದ್ದು, ಈ ತಿಂಗಳು ಪೂರ್ತಿ ರೇಷ್ಮೆ ನಗರದಲ್ಲಿ ಚಿತ್ರೀಕರಣ ನಡೆಯುತ್ತದೆ ಎಂದು ನಿರ್ದೇಶಕರು ಹೇಳಿದ್ದಾರೆ. ಅಜಯ್ ಕುಮಾರ್ ಬರೆದಿರುವ ಈ ಕಥೆಯನ್ನು ಸಾಯಿಪ್ರಕಾಶ್ ಸಿನಿಮಾ ಮಾಡಲು ಹೊರಟ್ಟಿದ್ದಾರೆ. ಇತ್ತೀಚೆಗೆ ಕಮರ್ಷಿಯಲ್ ಚಿತ್ರಗಳತ್ತ ಹೊರಳಿದ್ದ ನಿರ್ದೇಶಕ ಸಾಯಿಪ್ರಕಾಶ್ ಮತ್ತೆ ಸೆಂಟಿಮೆಂಟ್ ಸಿನಿಮಾಗಳತ್ತ ಮುಖ ಮಾಡಿದ್ದಾರೆ.
ತವರಿಗೆ ಬಾ ತಂಗಿ, ಅಣ್ಣತಂಗಿ, ತವರಿನ ಸಿರಿಯಂಥ ಯಶಸ್ವಿ ಚಿತ್ರಗಳಿಗೆ ಕ್ಯಾಮೆರಾ ಹಿಡಿದಿದ್ದ ಸಾಯಿಪ್ರಕಾಶ್ ಕೆಲಕಾಲ ಪ್ರೇಮ-ಸಾಹಸ ಕತೆಗಳತ್ತ ಮುಖ ಮಾಡಿದ್ದರು. ಚಿತ್ರದಲ್ಲಿ ಎಂಟು ಹಾಡುಗಳಿದ್ದು, ಏಳು ಹಾಡುಗಳ ಚಿತ್ರೀಕರಣ ನಡೆಯುತ್ತಿದೆ. ಚಿತ್ರಕ್ಕೆ ಇಳೆಯರಾಜ ಸಂಗೀತ ನೀಡಿದ್ದಾರೆ. ಹಳ್ಳಿ ಭಾಷೆಗೆ ಶಿವಣ್ಣ ಖಂಡಿತಾ ಹೊಂದಿಕೊಳ್ಳುತ್ತಾರೆ. ಅದಕ್ಕೆ ತಕ್ಕಂತೆ ಇರುತ್ತದೆ ಎನ್ನುತ್ತಾರೆ ಸಂಭಾಷಣೆ ಬರೆದಿರುವ ಮಳವಳ್ಳಿ ಸಾಯಿಕೃಷ್ಣ. ಚಿತ್ರಕ್ಕೆ ನಾಯಕಿ ಇನ್ನೂ ನಿಕ್ಕಿಯಾಗಿಲ್ಲ. ಬಹುಶಃ ಕನ್ನಡದ ಹುಡುಗಿ ನಾಯಕಿಯಾಗುವ ಸಾಧ್ಯತೆಗಳಿವೆ.