ಅದು ಎಕ್ಸ್‌ಪ್ರೆಸೋ ಇರಲಿ, ಅಥವಾ ಕೆಫೆಚೀನೋ... ಕಾಫಿಯ ಆಹ್ಲಾದಕರ ಸ್ವಾದ ಮತ್ತು ಸುವಾಸನೆಯೇ ನಿಮ್ಮ ಆಯಾಸವನ್ನು ಚಿಟಿಕೆ ಹೊಡೆದಂತೆ ನಿವಾರಿಸಬಲ್ಲುದು. ಅಂಥ ಶಕ್ತಿ ಕಾಫಿಗಿದೆ. ಕಾಫಿಪ್ರಿಯರಿಗಂತೂ ಕಾಫಿ ಜತೆ ಸೇರಿಕೊಂಡ ವಿಷಯ ಯಾವುದೇ ಇರಲಿ, ಅದು ಅತ್ಯಂತ ಇಷ್ಟವಾಗುತ್ತದೆ. ಇಡೀ ಜಗತ್ತಿನಲ್ಲೇ ಕಾಫಿ ಇಷ್ಟೊಂದು ಜನಪ್ರಿಯವಾಗಲು ಏನು ಕಾರಣ ಅಂತ ಯೋಚಿಸಿದ್ದೀರಾ? ಕಾಫಿಯ ಸ್ವಾದದ ಜತೆಜತೆಗೇ, ಅದಕ್ಕೆ ಸಂಬಂಧಿಸಿದ ಎಲ್ಲ ವಿಚಾರಗಳಲ್ಲಿ ದೊರೆಯೋ ಮಜಾವೇ ಬೇರೆ. ಬನ್ನಿ, ಕಾಫಿಗೆ ಸಂಬಂಧಿಸಿದ ಕೆಲವೊಂದು ಆಸಕ್ತಿಕರ ವಿಷಯಗಳನ್ನು ತಿಳಿದುಕೊಳ್ಳೋಣ. * ಇಡೀ ವಿಶ್ವದಲ್ಲಿ ಕಾಫಿಯನ್ನು ಅತ್ಯಂತ ಹೆಚ್ಚು ಮೆಚ್ಚಿಕೊಳ್ಳುವ ದೇಶ ಯಾವುದು ಅಂತ ಗೊತ್ತಿದೆಯಾ? ಹೌದು. ವಿಶ್ವದಲ್ಲಿ ಕಾಫಿಯನ್ನು ಅತಿ ಹೆಚ್ಚು ಸೇವಿಸುವ ರಾಷ್ಟ್ರ ಅಮೆರಿಕ.