ಮಹಿಳೆಯರಿಗೆ ಮೀಸಲಾತಿ ಕುರಿತಂತೆ ಸಾಕಷ್ಟು ಚರ್ಚೆಗಳು ನಡೆಯುತ್ತಿವೆ. ರಾಜಕೀಯ ಪಕ್ಷಗಳು ಮೂವತ್ತಮೂರು ಶೇಖಡಾ ಮೀಸಲಾತಿ ಜಾರಿಗೆ ಶಾಸನ ಹೊರಡಿಸಲು ಮುಂದಾಗಿದ್ದರೂ ಸರ್ವಪಕ್ಷಗಳು ಒಮ್ಮತದ ಅಭಿಮತಕ್ಕೆ ಬರುವಲ್ಲಿ ಸೋತಿರುವ ಕಾರಣ ಈ ಮಸೂದೆ ನೆನೆಗುದಿಗೆ ಬಿದ್ದಿದೆ. ರಾಜಕೀಯ ಪಕ್ಷಗಳು ಮಹಿಳೆಯರ ಉನ್ನತಿ ಬಗ್ಗೆ ಗಡದ್ದಾಗಿ ಭಾಷಣ ಬಿಗಿದರೂ, ಶೇ.33ರ ಮೀಸಲಾತಿ ನೀಡಲು ಸಿದ್ಧರಿಲ್ಲ. ಮಹಿಳೆಯರಿಗೆ ಮೀಸಲಾತಿ ನೀಡಿದರೆ ತಮ್ಮ ಸ್ಥಾನಕ್ಕೆ ಕುತ್ತು ಬರುತ್ತದೆ ಎಂಬುದು ಪುರುಷ ರಾಜಕಾರಣಿಗಳ ಭಯ. ಹಾಗಾಗಿ ಮಹಿಳೆಯರಿಗಾಗಿ ಶೇ.33 ಪ್ರತ್ಯೇಕ ಚುನಾವಣಾ ಕ್ಷೇತ್ರಗಳ ರಚನೆಯಾಗಬೇಕು ಎಂಬ ಅಭಿಪ್ರಾಯ ಕೇಳಿಬರುತ್ತಿರುವುದು.