'ಅಭಿ'ಮನ್ಯು
ಬಾಗಿಲಿಗೆ ಬಂದಿಹುದು ಹೊಸ ವರುಷದಾ ಒಸಗೆ
ಬೆಸೆಯಲೆಮ್ಮ ಜೀವನದಿ ಬಾಂಧವ್ಯದಾ ಬೆಸುಗೆ
ಗತಿಸಿ ಹೋದ ಹಿಂಸೆ-ನೋವುಗಳ ವರುಷ
ಗತ ಸಾಗರದೊಳಗಡಗಿಸಿ ತರಲೆಮಗೆ ಹರುಷ
ನಲಿ ನಲಿಯುತಾ ನಲಿವಿನಿಂದ ಸ್ವಾಗತಿಸುವಾ
ನವ ನವೋಲ್ಲಾಸದಾ ಈ ಹೊಸ ಸಂವತ್ಸರವಾ
ಶಾಂತಿ, ಸಂತಸ, ಧ್ಯೇಯ ಮಂತ್ರದೊಲವಿನ ಸುಳಿಯು
ಬರಲಿ ಜೊತೆಗೂಡಿ ನವ ಶಕೆಯ ಸುಮಧುರ ಗಾಳಿಯು
ಮುಕ್ತ ಬಾಹುಗಳ ಒಲುಮೆಯಿಂದ ಯುಗಪುರುಷನನು
ಆಸೆಗಳ ಭಾವನದಿಯೊಳು ನವ ನವೋನ್ಮೇಷವನು
ಹಾದಿಯಲಿ ಬೀದಿಯಲಿ, ಕಾಳಿರಲಿ ಜೊಳ್ಳಿರಲಿ
ವಿಶ್ವ ವಿಸ್ಮಯ ಸಾಕಾರ ಭಾವಗಳ ಶರಧಿಯಲಿ
ರಾಗಾದಿ ದ್ವೇಷ ಭಾವದ ನೋವುಗಳೆಲ್ಲವ ಮರೆತು
ಹೊಸ ಶಕೆಗೆ ಸಡಗರದ ಸ್ವಾಗತವ ಕೋರೋಣ
ಅಂದದಲಿ ಚೆಂದದಲಿ ಆನಂದದಿಂದಲೀ
ಶಕಪುರುಷಗೆ ಜೈಕಾರ ಮಮಕಾರದ ಸ್ವಾಗತವು |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ