ವಕ್ರಾಸನ

WD ಕುಳಿತುಕೊಂಡ ಭಂಗಿಯಲ್ಲೇ ಮಾಡಬಹುದಾದ ಆಸನ, ವಕ್ರಾಸನ. ವಕ್ರಾಸನ ಹಾಕುವ ವಿಧಾನ *ಕಾಲುಗಳನ್ನು ಮುಂಚಾಚಿ ದಂಡಾಸನದಲ್ಲಿ ಕುಳಿತುಕೊಳ್ಳಿ. *ಬಲಕಾಲಿನ ಮೊಣಕಾಲನ್ನು ಬಗ್ಗಿಸಿ ಮತ್ತು ಆಂಗಾಲನ್ನು ಎಡ ಮೊಣಕಾಲಿನ ಬಳಿ ಇರಿಸಿ. *ಉಸಿರನ್ನು ಬಿಟ್ಟು ದೇಹವನ್ನು ಬಲಕ್ಕೆ ತಿರುಗಿಸಿ ಮತ್ತು ನಿಮ್ಮ ಎಡಗೈಯನ್ನು ಬಗ್ಗಿಸಿದ ಬಲಗಾಲಿನ ಹೊರಗಡೆಯಿಂದ ತನ್ನಿ. WD *ಆಧಾರಕ್ಕಾಗಿ ಬಲಗೈಯನ್ನು ಬೆನ್ನಹಿಂದಿಡಿ. *ಬೆನ್ನು ಮೂಳೆಯನ್ನು ನೇರವಾಗಿಸಿ ಮತ್ತು ಬಲಗಾಲಿನ ಹೆಬ್ಬೆರಳನ್ನು ಎಡಗೈಯಿಂದ ಹಿಡಿಯಿರಿ. *ಬೆರಳುಗಳು ಮೇಲ್ಮುಖವಾಗಿರುವಂತೆ ಎಡಗಾಲನ್ನು ಚಾಚಿ. *ನಿಧಾನವಾಗಿ ಉಸಿರುಬಿಡಿ. ದೇಹವನ್ನು ಇನ್ನಷ್ಟು ಬಲಕ್ಕೆ ತಿರುಗಿಸಿ ಮತ್ತು ಕತ್ತನ್ನು ನಿಮ್ಮ ಹಿಂದಕ್ಕೆ ನೋಡುವಂತೆ ತಿರುಗಿಸಿ. WD *ಸಾಧ್ಯವಿರುವಷ್ಟು ಹೊತ್ತು ಈ ಭಂಗಿಯಲ್ಲಿರಿ. *ಉಸಿರನ್ನು ಒಳಗೆಳೆದುಕೊಳ್ಳಿ. ದೇಹ ಮತ್ತು ಕತ್ತನ್ನು ಮುಂದಕ್ಕೆ ತಿರುವಿ, ಕೈಯನ್ನು ಬಿಡಿ, ಕಾಲುಗಳನ್ನು ನೆಟ್ಟಗೆ ಮಾಡಿ. *ದಂಡಾಸನದಲ್ಲಿ ಕುಳಿತುಕೊಳ್ಳಿ ಈ ಆಸನ ನೀಡುವ ಲಾಭಗಳು WD *ಬೆನ್ನು ಮೂಳೆಯನ್ನು ಶಕ್ತಿಯತವಾಗಿಸುತ್ತದೆ. *ಬೆನ್ನಹಿಂದಿನ ಭಾಗದ ನಮ್ಯತೆಯನ್ನು ಹೆಚ್ಚಿಸುತ್ತದೆ. *ಜೀರ್ಣ ಪ್ರಕ್ರಿಯೆಯನ್ನು ಚೆನ್ನಾಗಿಸುತ್ತದೆ. ಈ ಆಸನವು ಜೀರ್ಣಾಂಗ ವ್ಯವಸ್ಥೆಗೆ ಮಾಲೀಸು ನೀಡುತ್ತದೆ. WD *ಭುಜಗಳನ್ನು ಶಕ್ತವಾಗಿಸುತ್ತದೆ. *ಕತ್ತಿನ ಮಾಂಸಖಂಡಗಳಿಗೆ ವ್ಯಾಯಾಮ ದೊರೆಯುತ್ತದೆ. ಎಚ್ಚರಿಕೆ ಕತ್ತು ಅಥವಾ ಬೆನ್ನುನೋವು ಇದ್ದಲ್ಲಿ ಈ ಆಸನದ ಅಭ್ಯಾಸ ಮಾಡದಿರಿ. ಸ್ಲಿಪ್ ಡಿಸ್ಕ್ ಅಥವಾ ಸ್ಪಾಂಡಿಲೈಟಿಸ್ ಇದ್ದರೂ ಈ ಆಸನ ನಿಮಗೆ ಬೇಡ.