ಯಮಹಾದಿಂದ ನೂತನ 106ಸಿಸಿ ಬೈಕ್ ಬಿಡಗಡೆ ನವದೆಹಲಿ, ಬುಧವಾರ, 7 ಮೇ 2008( 13:18 IST )

ಜಪಾನಿನ ಪ್ರಮುಖ ದ್ವಿಚಕ್ರ ವಾಹನ ತಯಾರಿಕ ಕಂಪನಿಯಾದ ಯಮಹಾ ಮೋಟಾರ್ ಪ್ರೈ.ಲಿ. ಸಂಸ್ಥೆಯು 106ಸಿಸಿ ಇಂಜಿನ್ ಸಾಮರ್ಥ್ಯದ ನೂತನ ಅಲ್ಬಎಂಬ ಬೈಕನ್ನು ಮಂಗಳವಾರದಂದು ಬಿಡುಗಡೆ ಮಾಡಿದೆ. ದೇಶದಲ್ಲಿ ಈ ಬೈಕಿನ ಎಕ್ಸ್ ಶೋರೂಂ ಬೆಲೆಯು ರೂ. 37,500 ಇದೆ. ಬೈಕ್ ಸವಾರರಿಗೆ ಹೆಚ್ಚು ಆರಾಮದಾಯಕವನ್ನು ನೀಡುವಂತೆ ಅಲ್ಬ ದ ಆಕಾರವನ್ನು ರೂಪಿಸಲಾಗಿದೆ. ಗ್ರಾಹಕರು ಬೈಕ್ ಸವಾರಿಯ ಹೊಸ ಅನುಭವವನ್ನು ಪಡೆಯಲಿದ್ದಾರೆ ಎಂದು ಕಂಪನಿಯ ಕಾರ್ಯನಿರ್ವಾಹಕ ಉಪಾಧ್ಯಕ್ಷ ತಕಾಹಿರೊ ಮಹಿದ ಅವರು ವರದಿಯೊಂದರಲ್ಲಿ ತಿಳಿಸಿದ್ದಾರೆ. ಈ ಬೈಕು ಲೋ ಎಂಡ್ ಟಾರ್ಕ್‌ನ 106ಸಿಸಿ ಇಂಜಿನ್ ಹೊಂದಿರುವುದರಿಂದ, ಇಂಜಿನ್ ಮೇಲೆ ಹೆಚ್ಚು ಒತ್ತಡ ಬೀಳದು ಮತ್ತು ಧೀರ್ಘಾವದಿಯ ಬಾಳಿಕೆ ಬರಲಿದೆ ಎಂದು ಅವರು ಹೇಳಿದರು. ದಿನ ಬಳಕೆಗೆ ಸಾಹಾಯವಾಗುವಂತೆ ರೂಪಿಸಲಾದ ಈ ಬೈಕ್ ಅನ್ನು ಸವಾರರಿಗೆ ಹೆಚ್ಚು ಆರಾಮದಾಯಕವಾಗಿರುವಂತೆ ಮಾಡಲು ವಿಷೇಶವಾದ ಗಮನಹರಿಸಲಾಗಿದೆ ಎಂದು ಕಂಪನಿ ತಿಳಿಸಿದೆ. ಅಲ್ಬ 106 ಎರಡು ಬಣ್ಣಗಳಾದ ಡೀಪ್ ರೆಡ್ ಮೆಟಾಲಿಕ್ ಮತ್ತು ಯಮಹಾ ಬ್ಲಾಕ್ ಬಣ್ಣಗಳಲ್ಲಿ ಲಭ್ಯವಿದೆ ಎಂದು ಕಂಪನಿ ತಿಳಿಸಿದೆ.