ಸೆನ್ಸೆಕ್ಸ್: 200 ಅಂಕಗಳ ಏರಿಕೆ   ಮುಂಬಯಿ, ಗುರುವಾರ, 26 ಜೂನ್ 2008( 18:34 IST )

ರಿಲಾಯನ್ಸ್ ಇಂಡಸ್ಟ್ರೀಸ್ ಸೇರಿದಂತೆ ಪ್ರಬಲ ಶೇರುಗಳ ಮೌಲ್ಯದ ವರ್ಧನೆಯಿಂದಾಗಿ ಮುಂಬಯಿ ಶೇರು ಮಾರುಕಟ್ಟೆಯ ಸಂವೇದಿ ಸೂಚ್ಯಂಕವು ಗುರುವಾರ ಸುಮಾರು 200 ಅಂಕಗಳ ಏರಿಕೆಯಲ್ಲಿ ವಹಿವಾಟನ್ನು ಅಂತ್ಯಗೊಳಿಸಿದೆ. ಆರಂಭಿಕ ವಹಿವಾಟಿನಲ್ಲೂ ಏರಿಕೆ ಕಂಡಿದ್ದ ಸೆನ್ಸೆಕ್ಸ್, ಅಂತ್ಯದಲ್ಲಿ ಸುಮಾರು 201.75 ಅಂಕಗಳಷ್ಟು ಏರಿಕೆಗೊಂಡು 14,421.82 ಅಂಕಗಳಿಗೆ ತಲುಪಿದೆ. ರಾಷ್ಟ್ರೀಯ ಶೇರು ವಿನಿಮಯ ಕೇಂದ್ರ ನಿಫ್ಟಿಯ ಶೇರು ಸೂಚ್ಯಂಕವು ಕೂಡಾ 63.20ರಷ್ಟು ಏರಿಕೆ ಕಂಡಿದ್ದು, 4,315.85 ಅಂಕಗಳಿಗೆ ತಲುಪಿದೆ. ತೈಲ ಮತ್ತು ಅನಿಲ, ಆಟೋ, ಮುಂತಾದ ಶೇರುಗಳ ಖರೀದಿ ಬೆಂಬಲದಿಂದಾಗಿ ವರ್ಧನೆಗೊಂಡಿವೆ.ಅಲ್ಲದೆ, ರಿಲಾಯನ್ಸ್ ಇಂಡಸ್ಟ್ರೀಸ್ ಅತ್ಯಧಿಕ ಮಟ್ಟದಲ್ಲಿ ಏರಿಕೆ ಕಂಡಿದೆ.