ಸೂಚ್ಯಂಕ: 341 ಅಂಕಗಳ ಇಳಿಕೆ   ಮುಂಬಯಿ, ಸೋಮವಾರ, 30 ಜೂನ್ 2008( 17:32 IST )

ಕುಸಿತದಲ್ಲೇ ಇಂದಿನ ವಹಿವಾಟನ್ನು ಪ್ರಾರಂಭಿಸಿದ ಮುಂಬಯಿ ಶೇರು ಮಾರುಕಟ್ಟೆಯ ಶೇರು ಸೂಚ್ಯಂಕವು 341 ಅಂಕಗಳಷ್ಟು ಇಳಿಕೆಯ ಮೂಲಕ ಕುಸಿತದಲ್ಲೇ ವಹಿವಾಟನ್ನು ಅಂತ್ಯಗೊಳಿಸಿದೆ. ರಾಷ್ಟ್ರೀಯ ಶೇರು ವಿನಿಮಯ ಕೇಂದ್ರ ನಿಫ್ಟಿಯ ಶೇರು ಸೂಚ್ಯಂಕವು ಕೂಡಾ 96 ಅಂಕಗಳಷ್ಟು ಇಳಿಕೆಗೊಳ್ಳುವುದರೊಂದಿಗೆ 4040 ಅಂಕಗಳಿಗೆ ತಲುಪಿದ್ದು, ಏಪ್ರಿಲ್ 2007ರ ನಂತರ ಮೊದಲ ಬಾರಿಗೆ ಇಷ್ಟು ಕೆಳಮಟ್ಟಕ್ಕೆ ಕುಸಿದಿದೆ. ಸ್ಥಿರಾಸ್ಥಿ, ತೈಲ ಮತ್ತು ಅನಿಲ ಹಾಗೂ ಬಂಡವಾಳ ಉತ್ಪನ್ನಗಳಲ್ಲಿನ ಶೇರುಗಳ ಮಾರಾಟ ಭರಾಟೆಯು ಶೇರುಪೇಟೆಯ ಗಣನೀಯ ಕುಸಿತಕ್ಕೆ ಕಾರಣವಾಗಿದೆ ಎಂದು ಮಾರುಕಟ್ಟೆ ಮೂಲಗಳು ತಿಳಿಸಿವೆ. ರಿಲಾಯನ್ಸ್ ಇನ್ಫ್ರಾಸ್ಟ್ರಕ್ಚರ್, ಶೇ.11ರಷ್ಟು ಇಳಿಕೆಗೊಂಡಿದ್ದು, ದಿನದ ವಹಿವಾಟಿನಲ್ಲಿ ಅತಿ ಹೆಚ್ಚು ಇಳಿಕೆಗೊಂಡ ಶೇರು ಆಗಿದ್ದು, ಉಳಿದಂತೆ, ಎಸಿಸಿ, ಅಂಬುಜಾ ಸಿಮೆಂಟ್ ಮತ್ತು ಡಿಎಲ್ಎಫ್ ಶೇರುಗಳು ಕೂಡಾ ಕುಸಿತಗೊಂಡಿವೆ.