ಸೆನ್ಸೆಕ್ಸ್:70 ಅಂಕಗಳ ಏರಿಕೆ   ಮುಂಬಯಿ, ಸೋಮವಾರ, 7 ಜುಲೈ 2008( 18:55 IST )

ಕಳೆದ ಕೆಲವು ದಿನಗಳ ಮಾರಾಟ ಪ್ರಕ್ರಿಯೆ ಮಂದಗೊಂಡ ಕಾರಣ ಮತ್ತು ಮೆಟಲ್, ಐಟಿ ಮತ್ತು ಬ್ಯಾಂಕ್ ಕ್ಷೇತ್ರಗಳ ಶೇರುಗಳಲ್ಲಿನ ಖರೀದಿ ಪ್ರಕ್ರಿಯೆಯ ಹೆಚ್ಚಳದಿಂದಾಗಿ ಮುಂಬಯಿ ಶೇರು ಮಾರುಕಟ್ಟೆಯ ಸಂವೇದಿ ಸೂಚ್ಯಂಕವು 72 ಅಂಕಗಳ ಏರಿಕೆಯೊಂದಿಗೆ ಇಂದಿನ ವಹಿವಾಟನ್ನು ಅಂತ್ಯಗೊಳಿಸಿದೆ. ಹೂಡಿಕೆದಾರರು ಲಾಭಾಂಶ ಗಳಿಕೆಯತ್ತ ಹೆಚ್ಚು ಆಸಕ್ತಿ ತೋರಿದ ಫಲವಾಗಿ, 71.99 ಅಂಕಗಳಷ್ಟು ಏರಿಕೆಗೊಳ್ಳುವ ಮೂಲಕ ಶೇರುಪೇಟೆಯು 13,525.99ಕ್ಕೆ ವಹಿವಾಟನ್ನು ಅಂತ್ಯಗೊಳಿಸಿದೆ. ಅದೇ ರೀತಿ, ರಾಷ್ಟ್ರೀಯ ಶೇರು ವಿನಿಮಯ ಕೇಂದ್ರ ನಿಫ್ಟಿಯ ಶೇರು ಸೂಚ್ಯಂಕವು 14 ಅಂಕಗಳಷ್ಟು ಏರಿದ್ದು, 4030 ಅಂಕಗಳಿಗೆ ತಲುಪಿದೆ. ಮೆಟಲ್, ಮಾಹಿತಿ ತಂತ್ರಜ್ಞಾನ, ಆಟೋ, ಬ್ಯಾಂಕ್ ಮುಂತಾದ ಶೇರುಗಳ ವರ್ಧನೆಯು ಶೇರುಪೇಟೆ ದೃಢತೆಗೆ ಕಾರಣವಾಗಿದೆ. ಆದರೂ, ತೈಲ ಮತ್ತು ಅನಿಲ ಶೇರುಗಳು 184.02ರಷ್ಟು ಇಳಿಕೆಗೊಂಡಿದೆ.