ಭೂಕಂಪ ಪೀಡಿತ ಚೀನದ ನೈರುತ್ಯ ಭಾಗದಲ್ಲಿರುವ ಸಿಚುವಾನ್ ಪ್ರಾಂತ್ಯದಲ್ಲಿ ಮಂಗಳವಾರ ಪ್ರಬಲ ಕಂಪನ ಸಂಭವಿಸಿದ್ದು, ಪರಿಣಾಮ ಓರ್ವವ್ಯಕ್ತಿ ಮೃತನಾಗಿದ್ದು ಇತರ 23 ಮಂದಿ ಗಾಯಗೊಂಡಿದ್ದಾರೆ.
ಸುಮಾರು 70 ಸಾವಿರ ಮಂದಿಯನ್ನು ಆಹುತಿ ಪಡೆದಿರುವ ಮೇ 12ರ ಭೂಕಂಪದ ವೇಳೆಗೆ ಅತೀವ ಹಾನಿಗೊಂಡಿದ್ದ, ಯಾವೊಡು ಪಟ್ಟಣದಲ್ಲಿ 6.1 ತೀವ್ರತೆಯ ಕಂಪನ ಉಂಟಾಗಿದ್ದು, ಇಲ್ಲಿಗೆ ಸಂಪೂರ್ಣ ಸಂಪರ್ಕ ಕಡಿತಗೊಂಡಿದೆ ಎಂದು ಪ್ರಚಾರ ಇಲಾಖೆಯ ಮುಖ್ಯಸ್ಥ ಮಾ ಜೈನ್ ಹೇಳಿದ್ದಾರೆ.
ಕಂಪನದಿಂದ ಭಯಭೀತಗೊಂಡಿರುವ ಹಲವಾರು ಮಂದಿ ತಮ್ಮ ಮನೆಗಳಿಂದ ಹೊರಗೋಡಿ ಬಂದರು. ಹಾಂಗ್ಶಾಂಗ್ ಹಾಗೂ ಕ್ಸಿಯಾನ್ ಪಟ್ಟಣಗಳಲ್ಲಿ ಭೂಮಿ ಕಂಪಿಸಿದ್ದು, ಪಶ್ಚಾತ್ ಕಂಪನಗಳು ಸಂಭವಿಸಿವೆ. ಮೇ 12ರ ಭಾರೀ ಭೂಕಂಪದ ಬಳಿಕ ಸುಮಾರು 22,019 ಪಶ್ಚಾತ್ ಕಂಪನಗಳು ಸಂಭವಿಸಿವೆ ಎಂದು ಅಧಿಕೃತ ಸುದ್ದಿ ಸಂಸ್ಥೆ ಝ್ಸಿನುವಾ ವರದಿ ಮಾಡಿದೆ.
|
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
