ಸ್ವಾತ್ ಮತ್ತು ಇತರ ಬುಡಕಟ್ಟು ಪ್ರದೇಶಗಳಲ್ಲಿ ತಕ್ಷಣವೇ ಸೇನಾಕಾರ್ಯಾಚರಣೆಯನ್ನು ಸ್ಥಗಿತಗೊಳಿಸದಿದ್ದಲ್ಲಿ ವಾಣಿಜ್ಯ ಕೇಂದ್ರ ಕರಾಚಿ ಸೇರಿದಂತೆ ರಾಷ್ಟ್ರಾದ್ಯಂತ ಆತ್ಮಾಹುತಿ ದಾಳಿ ನಡೆಸುವುದಾಗಿ ಪಾಕಿಸ್ತಾನಿ ತಾಲಿಬಾನ್ ಎಚ್ಚರಿಕೆ ನೀಡಿದೆ.
ನ್ಯಾಟೋ ಮತ್ತು ಅಫ್ಘಾನ್ ಸೇನೆಯು ಪಾಕಿಸ್ತಾನದ ಬುಡಕಟ್ಟು ಪ್ರದೇಶಗಳಲ್ಲಿ ನುಸುಳುವುದನ್ನು ತಡೆಯಲು ಆಧುನಿಕ ವಿಮಾನ ವಿರೋಧಿ ಮತ್ತು ಕ್ಷಿಪಣಿ ವ್ಯವಸ್ಥೆಗಳನ್ನು ಅಫ್ಘಾನ್ ಗಡಿಯುದ್ದಕ್ಕೂ ಸ್ಥಾಪಿಸಲಾಗಿದೆ ಎಂದು ತೆಹ್ರಿಕ್-ಇ-ತಾಲಿಬಾನ್ ಪಾಕಿಸ್ತಾನದ ವಕ್ತಾರ ಮೌಲವಿ ಒಮರ್ ಹೇಳಿದ್ದಾರೆ.
ಸರಕಾರದ ಶಾಂತಿ ಪ್ರಸ್ತಾವನೆಗೆ ತಾಲಿಬಾನ್ ಸಕಾರಾತ್ಮಕ ಪ್ರತಿಕ್ರಿಯೆ ನೀಡಿದೆ, ಆದರೆ, ಒಕ್ಕೂಟ ಮತ್ತು ಎನ್ಡಬ್ಲ್ಯೂಎಫ್ಪಿ ಸರಕಾರಗಳು ತಮ್ಮ ಬದ್ಧತೆಯನ್ನು ಪಾಲಿಸುವಲ್ಲಿ ವಿಫಲವಾಗಿವೆ ಎಂದೂ ಒಮರ್ ದೂರಿದ್ದಾರೆ.
ಸರಕಾರವು ಅಧ್ಯಕ್ಷ ಮುಷರಫ್ ಅವರ ನೀತಿಗಳನ್ನು ಮುಂದುವರಿಸುತ್ತಿದೆ ಮತ್ತು ಅಮೆರಿಕದ ಕೊನೆಗಾಣದ ಕಾರ್ಯಸೂಚಿಯನ್ನು ಪೂರ್ಣಗೊಳ್ಳಲು ಯತ್ನಿಸುತ್ತಿದೆ ಎಂದು ಅವರು ಹೇಳಿದ್ದಾರೆ.
|
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ