ಭಾರತದೊಂದಿಗಿನ ನಾಗರಿಕ ಅಣುಒಪ್ಪಂದವು ಅಮೆರಿಕದ ದೇಶೀಯ ಕಾನೂನಿನೊಂದಿಗೆ ಸುಸಂಗತವಾಗಿರಲಿದೆ ಎಂದು ಹೇಳಿರುವ ಅಮೆರಿಕ, ಈ ವರ್ಷದ ಅಂತ್ಯದಲ್ಲಿ ಈ ಕುರಿತು ಉಪಕ್ರಮಕ್ಕೆ ಕಾತರವಾಗಿದೆ.
ಅಮೆರಿಕ ಕಾಂಗ್ರೆಸ್ ಸದಸ್ಯ ಡೆಮಾಕ್ರೆಟಿಕ್ ಸದಸ್ಯ ಹೊವರ್ಡ್ ಬರ್ಮನ್ ಒಪ್ಪಂದವನ್ನು ಮುಂದೂಡಬೇಕು ಎಂದು ಮಾಡಿರುವ ಮನವಿಯ ಕುರಿತು ಪ್ರತಿಕ್ರಿಯಿಸಿರುವ ವಿದೇಶಾಂಗ ಇಲಾಖೆಯ ಉಸ್ತುವಾರಿ ವಕ್ತಾರ ಗೊನ್ಸಾಲೋ ಗಲ್ಲೆಗೋಸ್ ಅವರು, ಈ ಕುರಿತು ಯಾವುದೇ ಸಮಸ್ಯೆಗಳಿದ್ದರೂ, ಈ ವರ್ಷದ ಅಂತ್ಯದೊಳಗಾಗಿ ಪರಿಹರಿಸಲಾಗುವುದು ಎಂದು ಹೇಳಿದ್ದಾರೆ.
ಈ ಕುರಿತು ಅವಸರ ಮಾಡಿದಲ್ಲಿ ಇದು ಅಮೆರಿಕ ವ್ಯವಹಾರವನ್ನು ಕುಂಠಿತಗೊಳಿಸಬಹುದು ಎಂಬುದಾಗಿ ಬರ್ಮನ್ಎಚ್ಚರಿಸಿದ್ದು, ಅಣು ಒಪ್ಪಂದದ ಕುರಿತು ಕೂಲಂಕುಷ ಪರಿಶೀಲನೆಯ ಬಳಿಕವೇ ಮುಂದುವರಿಯಬೇಕು ಎಂದು ಹೇಳಿದ್ದಾರೆ.
ಆದರೆ, ಭಾರತದ ವಿರುದ್ಧ ಅಣು ಪೂರೈಕೆ ರಾಷ್ಟ್ರಗಳು ಹೇರಿರುವ ನಿಷೇಧವನ್ನು ಸೆಪ್ಟೆಂಬರ್ ಒಳಗಾಗಿ ಮನ್ನಾ ಮಾಡುವ ಕುರಿತು ಅಮೆರಿಕ ಕಾರ್ಯ ಕೈಗೊಂಡಿದೆ ಎಂದು ವಕ್ತಾರರು ತಿಳಿಸಿದ್ದಾರೆ.
|
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ