ಪಾಕಿಸ್ತಾನವು ಭಾರತದ ಗಡಿಯಾದ್ಯಂತ ಒಂದು ಲಕ್ಷ ಸೇನಾ ಸಿಬ್ಬಂದಿಗಳನ್ನು ನಿಯೋಜಿಸಲು ಯೋಜಿಸುತ್ತಿರುವುದಾಗಿ ಮಾಧ್ಯಮಗಳು ವರದಿ ಮಾಡಿವೆ.
ಮುಂಬೈಯಲ್ಲಿ ಉಗ್ರರ ದಾಳಿಯ ಹಿನ್ನೆಲೆಯಲ್ಲಿ ಭಾರತ ಜತೆಗಿನ ಸಂಬಂಧ ಹದಗೆಟ್ಟರೆ ಅಪ್ಘಾನಿಸ್ತಾನ ಗಡಿಯಲ್ಲಿ ನಿಯೋಜಿತವಾಗಿರುವ ತನ್ನ ಸೇನೆಯನ್ನು ಸ್ಥಳಾಂತರಿಸಬೇಕಾಗಬಹುದು ಎಂಬುದಾಗಿ ಪಾಕಿಸ್ತಾನವು ನ್ಯಾಟೊ ಮತ್ತು ಅಮೆರಿಕಾ ಕಮಾಂಡ್ಗಳಿಗೆ ಸ್ಪಷ್ಟಪಡಿಸಿರುವ ಬಗ್ಗೆ ಪಾಕ್ ಸೇನೆ ಹಾಗೂ ಗುಪ್ತಚರ ಮೂಲಗಳು ಆಯ್ದ ಪತ್ರಕರ್ತರಿಗೆ ತಿಳಿಸಿದೆ ಎಂದು ಖಾಸಗಿ ವಾಹಿನಿ ಜಿಯೊ ನ್ಯೂಸ್ ವರದಿ ಮಾಡಿದೆ.
ಭಾರತ ಜತೆಗಿನ ತನ್ನ ಗಡಿಯನ್ನು ಕಾಪಾಡುವುದು ಅತ್ಯಗತ್ಯವಾಗಿರುವುದರಿಂದ ಅಪ್ಘಾನಿಸ್ತಾನ ಗಡಿ ಸುತ್ತಲಿನ ಉಗ್ರರ ವಿರುದ್ಧದ ಹೋರಾಟದತ್ತ ಹೆಚ್ಚಿನ ಗಮನ ಕೇದ್ರೀಕರಿಸಲು ಪಾಕ್ಗೆ ಸಾಧ್ಯವಾಗದು ಎಂಬುದಾಗಿ ಮೂಲಗಳು ಹೇಳಿರುವುದಾಗಿ ವರದಿ ತಿಳಿಸಿದೆ.
ಮುಂಬೈ ದಾಳಿಯ ನಂತರ ಭಾರತದ ವಿದೇಶಾಂಗ ಸಚಿವರು ದೂರವಾಣಿ ಮೂಲಕ ಪಾಕಿಸ್ತಾನ ಅಧಿಕಾರಿಗಳೊಂದಿಗೆ ಮಾತುಕತೆ ನಡೆಸಿದ್ದ ವೇಳೆ ಕಟು ಶಬ್ದಗಳನ್ನು ಬಳಸಿರುವ ಕಾರಣ ಐಎಸ್ಐ ಮುಖ್ಯ ಶುಜಾ ಪಾಶಾರನ್ನು ಭಾರತಕ್ಕೆ ಕಳುಹಿಸದಿರುವ ನಿರ್ಧಾರ ಕೈಗೊಳ್ಳಲಾಯಿತು ಎಂಬುದಾಗಿ ಮೂಲಗಳು ಮಾಧ್ಯಮಕ್ಕೆ ಸ್ಪಷ್ಟನೆ ನೀಡಿದ್ದಾಗಿಯೂ ಹೇಳಲಾಗಿದೆ.
| 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ