ಇಸ್ರೇಲ್ ಮೇಲೆ ಲೆಬನಾನ್ ರಾಕೆಟ್ ದಾಳಿ

ಜೆರುಸಲೇಂ, ಗುರುವಾರ, 8 ಜನವರಿ 2009( 15:26 IST )

ಉತ್ತರ ಇಸ್ರೇಲ್ ಭಾಗದ ಮೇಲೆ ಗುರುವಾರ ಬೆಳಿಗ್ಗೆ ಲೆಬನಾನ್ ಉಗ್ರರು ಮೂರು ರಾಕೆಟ್ ದಾಳಿ ನಡೆಸಿದ್ದು, ಘಟನೆಯಲ್ಲಿ ಯಾವುದೇ ಸಾವು-ನೋವಿನ ಕುರಿತು ತಿಳಿದುಬಂದಿಲ್ಲ.

ಆದರೆ ಈ ದಾಳಿಯ ಹೊಣೆಯನ್ನು ಈವರೆಗೂ ಯಾವುದೇ ಲೆಬನಾನ್ ಉಗ್ರಗಾಮಿ ಸಂಘಟನೆಗಳು ಹೊತ್ತುಕೊಂಡಿಲ್ಲ. ಏತನ್ಮಧ್ಯೆ ರಾಕೆಟ್ ದಾಳಿಯ ಹಿಂದೆ ಹಿಜ್ಬುಲ್ಲಾ ಇದ್ದಿರುವುದಾಗಿ ಇಸ್ರೇಲ್ ರಕ್ಷಣಾ ವಕ್ತಾರ ಶಂಕೆ ವ್ಯಕ್ತಪಡಿಸಿದ್ದಾರೆ.

ಕಳೆದ 13ದಿನಗಳಿಂದ ಇಸ್ರೇಲ್ ಗಾಜಾಪಟ್ಟಿಯ ವಿರುದ್ಧ ನಡೆಸುತ್ತಿರುವ ದಾಳಿಯನ್ನು ಮುಂದುವರಿಸಿದ್ದು, ಒಟ್ಟು 600ಕ್ಕೂ ಅಧಿಕ ಜನರು ಸಾವನ್ನಪ್ಪಿದ್ದಾರೆ. ಗಾಜಾ ಮೇಲಿನ ಇಸ್ರೇಲ್ ದಾಳಿ ಬಗ್ಗೆ ಅರಬ್ ದೇಶಗಳು ತೀವ್ರ ಆಕ್ರೋಶ ವ್ಯಕ್ತಪಡಿಸಿವೆ.

ಹಮಸ್ ಉಗ್ರರ ನಡುವಿನ ಘರ್ಷಣೆಯನ್ನು ಶೀಘ್ರವೇ ಕೊನೆಗೊಳಿಸಿ,ದಾಳಿಯನ್ನು ನಿಲ್ಲಿಸಬೇಕು ಎಂಬ ಈಜಿಪ್ಟ ಹಾಗೂ ಫ್ರಾನ್ಸ್ ದೇಶಗಳ ಮನವಿಯನ್ನು ಇಸ್ರೇಲ್ ಒಪ್ಪಿಕೊಂಡಿರುವುದಾಗಿ ಹೇಳಿದೆ.