ಅಗ್ನಿಕುಂಡವಾಗಿರುವ ಪಾಕಿಸ್ತಾನದಲ್ಲಿ ಸರ್ಕಾರಿ ಇಲಾಖೆಯ ಸಿಬ್ಬಂದಿಯನ್ನು ಒಯ್ಯುತ್ತಿರುವ ಬಸ್ವೊಂದಕ್ಕೆ ಗುರುವಾರ ಮೋಟರ್ಸೈಕಲ್ನಲ್ಲಿ ಆಗಮಿಸಿದ ಆತ್ಮಾಹುತಿ ಬಾಂಬರ್ ಅಪ್ಪಳಿಸಿ ಸ್ಫೋಟಿಸಿದ್ದರಿಂದ 6 ಮಂದಿ ಹತರಾಗಿದ್ದಾರೆ ಮತ್ತು 30ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ. ಸ್ಫೋಟವು ಅನೇಕ ವಾಹನಗಳನ್ನು ಚೂರುಚೂರು ಮಾಡಿತು. ಬಾರೀ ಆಸ್ಫೋಟದೊಂದಿಗೆ ಸದ್ದು ಮಾಡಿ 6 ಮಂದಿ ಸತ್ತಿದ್ದಾರೆಂದು ಸ್ಥಳೀಯ ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ.
ರಾವಲ್ಪಿಂಡಿಯ ಚೂರ್ ಚೌಕ್ ಪ್ರದೇಶದಲ್ಲಿ ಸ್ಫೋಟ ಸಂಭವಿಸಿದೆಯೆಂದು ನಾವು ಕರೆಯೊಂದನ್ನು ಸ್ವೀಕರಿಸಿದ್ದರಿಂದ ಆಂಬ್ಯುಲೆನ್ಸ್ಗಳನ್ನು ಕಳಿಸಿದೆವು ಎಂದು ರಕ್ಷಣಾ ಅಧಿಕಾರಿಗಳು ತಿಳಿಸಿದವು. ರಾವಲ್ಪಿಂಡಿಯಲ್ಲಿ ಪಾಕಿಸ್ತಾನದ ಪ್ರಭಾವಶಾಲಿ ಮಿಲಿಟರಿ ಮುಖ್ಯಕಚೇರಿಯಿದ್ದು, ಇಸ್ಲಾಮಾಬಾದ್ ನೆರೆಯಲ್ಲಿರುವ ಬೃಹತ್ ನಗರವಾಗಿದೆ.
ಸ್ವಾತ್ ಕಣಿವೆಯಲ್ಲಿ ಸೇನೆಯ ಕಾರ್ಯಾಚರಣೆ ವಿರುದ್ಧ ಸೇಡು ತೀರಿಸಿಕೊಳ್ಳುವುದಾಗಿ ತಾಲಿಬಾನ್ ಎಚ್ಚರಿಕೆ ನೀಡಿದ ಬಳಿಕ ಉಗ್ರಗಾಮಿಗಳಿಂದ ಸತತ ಭಯೋತ್ಪಾದಕ ದಾಳಿಗಳು ನಡೆಯುತ್ತಿದೆ. ಏನೇ ಆದರೂ ತಾಲಿಬಾನ್ ಉಗ್ರರನ್ನು ಮೂಲೋತ್ಪಾಟನೆ ಮಾಡುವುದಾಗಿ ಪಾಕ್ ಅಧ್ಯಕ್ಷ ಜರ್ದಾರಿ ಶಪಥ ತೊಟ್ಟಿದ್ದು, ಉಗ್ರರ ವಿರುದ್ಧ ಕಾರ್ಯಾಚರಣೆ ತೀವ್ರಗೊಳಿಸಿದ್ದಾರೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ