ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಜ್ಯ ಸುದ್ದಿ » ಯಡಿಯೂರಪ್ಪ ನಾಯಕತ್ವ ಬೇಡ: ಗಣಿಧಣಿಗಳ ಪಟ್ಟು (Yeddyurappa | BJP | Janardana Reddy | Shobha)
Feedback
Print
ಯಡಿಯೂರಪ್ಪ ನಾಯಕತ್ವ ಬೇಡ: ಗಣಿಧಣಿಗಳ ಪಟ್ಟು 
ಬಳಿಗಾರ್ ವರ್ಗಾವಣೆಗೆ ಸೊಪ್ಪು ಹಾಕದ ಭಿನ್ನರು...
ಬೆಂಗಳೂರು, ಶುಕ್ರವಾರ, 6 ನವೆಂಬರ್ 2009( 12:40 IST )
NRB
ಗುರುವಾರ ತಡರಾತ್ರಿಯವರೆಗೂ ಯಡಿಯೂರಪ್ಪ ಪಕ್ಷದ ವರಿಷ್ಠರೊಂದಿಗೆ ಮಾತುಕತೆ ನಡೆಸಿದರಾದರೂ ಕೂಡ ಯಾವುದೇ ಸಂಧಾನ ಸಾಧ್ಯವಾಗಿರಲಿಲ್ಲವಾಗಿತ್ತು. ಆ ನಿಟ್ಟಿನಲ್ಲಿ ಮುಖ್ಯಮಂತ್ರಿಗಳು ಬಳಿಗಾರ್ ಅವರನ್ನು ಕೈಗಾರಿಕಾ ಇಲಾಖೆಯ ಪ್ರಧಾನ ಕಾರ್ಯದರ್ಶಿಯನ್ನಾಗಿ ನೇಮಿಸಿದ್ದರು.
ನಾಯಕತ್ವ ಬದಲಾವಣೆ ಆಗಲೇಬೇಕು: ಸಂಧಾನ ಸೂತ್ರಕ್ಕೆ ಮಣಿಯದ ರೆಡ್ಡಿ ಸಹೋದರರು ನಾಯಕತ್ವ ಬದಲಾವಣೆ ಆಗಲೇಬೇಕು ಎಂದು ಪಟ್ಟು ಹಿಡಿದಿದ್ದಾರೆ. ನಾವು ರಾಜೀನಾಮೆ ಪತ್ರ ಸಲ್ಲಿಸಿದ ನಂತರ ಮುಖ್ಯಮಂತ್ರಿಗಳು ಬಳಿಗಾರ್ ಅವರನ್ನು ವರ್ಗಾಯಿಸಿದ್ದಾರೆ ಎಂದು ಹೈದರಾಬಾದ್ ನವೋಟಲ್ ಹೋಟೆಲ್ನಲ್ಲಿ ಠಿಕಾಣಿ ಹೂಡಿರುವ ಶಾಸಕರೊಬ್ಬರಾದ ಬೇಳೂರು ಗೋಪಾಲಕೃಷ್ಣ ಟಿವಿ9ಗೆ ಪ್ರತಿಕ್ರಿಯೆ ನೀಡಿ ತಿಳಿಸಿದ್ದಾರೆ.
NRB
ವರಿಷ್ಠರಿಗೆ ರಾಜೀನಾಮೆ ಸಲ್ಲಿಸುತ್ತೇವೆ: ಬಿಜೆಪಿ ಬಿಕ್ಕಟ್ಟು ಬಿಗಡಾಯಿಸುತ್ತಿದ್ದರೆ, ಹೈದರಾಬಾದ್ನಲ್ಲಿ ಠಿಕಾಣಿ ಹೂಡಿರುವ ಸುಮಾರು 50ಕ್ಕೂ ಹೆಚ್ಚು ಶಾಸಕರು ತಮ್ಮ ರಾಜೀನಾಮೆ ಪತ್ರವನ್ನು ಫ್ಯಾಕ್ಸ್ ಮೂಲಕ ದೆಹಲಿಯಲ್ಲಿರುವ ಸಚಿವ ಜನಾರ್ದನ ರೆಡ್ಡಿಯವರಿಗೆ ರವಾನಿಸಿದ್ದಾರೆ. ಆದರೆ ನಮ್ಮ ರಾಜೀನಾಮೆ ಮೇಲೆ ಮುಖ್ಯಮಂತ್ರಿಗಳಿಗೆ ವಿಶ್ವಾಸವಿಲ್ಲ ಎಂದಿರುವ ಬೇಳೂರು, ಆ ನಿಟ್ಟಿನಲ್ಲಿ ಇಂದು ಸಂಜೆ ದೆಹಲಿಗೆ ತೆರಳಿ ಪಕ್ಷದ ವರಿಷ್ಠರಿಗೆ ರಾಜೀನಾಮೆ ನೀಡಲು ಸಿದ್ದವಾಗಿರುವುದಾಗಿ ತಿಳಿಸಿದ್ದಾರೆ.
ಸಿಎಂ ನಿವಾಸದಲ್ಲಿ ದಿಢೀರ್ ಸಭೆ: ಮುಖ್ಯಮಂತ್ರಿಗಳ ಆಪ್ತ ಕಾರ್ಯದರ್ಶಿ ವಿ.ಪಿ.ಬಳಿಗಾರ್ ಅವರನ್ನು ಎತ್ತಂಗಡಿ ಮಾಡಿ ಆದೇಶ ಹೊರಬಿದ್ದ ನಂತರವೂ ಗಣಿಧಣಿಗಳು ತಮ್ಮ ಪಟ್ಟನ್ನು ಬಿಗಿಗೊಳಿಸಿರುವ ಹಿನ್ನೆಲೆಯಲ್ಲಿ ಇಂದು ಮುಖ್ಯಮಂತ್ರಿಗಳ ರೇಸ್ಕೋರ್ಸ್ ನಿವಾಸದಲ್ಲಿ ಸಚಿವ ಸಿ.ಎಂ.ಉದಾಸಿ ನೇತೃದಲ್ಲಿ ದಿಢೀರ್ ಸಭೆ ನಡೆಯುತ್ತಿದೆ.
ಪಕ್ಷದಲ್ಲಿ ಮತ್ತೆ ಯಾರ ತಲೆದಂಡವಾಗಲಿದೆ, ಮುಂದಿನ ನಿಲುವೇನು ಎಂಬ ಬಗ್ಗೆ ಸಚಿವರಾದ ಬಸವರಾಜ ಬೊಮ್ಮಾಯಿ, ಮುರುಗೇಶ್ ನಿರಾಣಿ, ಹಾಲಪ್ಪ ಸೇರಿದಂತೆ 15ಮಂದಿ ಸಿಎಂ ಆಪ್ತರ ಶಾಸಕರು ಚರ್ಚೆ ನಡೆಸುತ್ತಿದ್ದಾರೆ.
NRB
'ಯಾವ ತಪ್ಪಿಗೆ ರಾಜೀನಾಮೆ ನೀಡಬೇಕು' ಎಂದು ಈ ಹಿಂದೆ ಕರಂದ್ಲಾಜೆ ಪ್ರಶ್ನಿಸಿದ್ದರು. ಭಿನ್ನಮತೀಯರ ಪ್ರಮುಖ ಬೇಡಿಕೆಗಳಲ್ಲಿ ಶೋಭಾರನ್ನು ಸಂಪುಟದಿಂದ ಕೈ ಬಿಡಬೇಕು ಎಂಬುದು ಸಹ ಒಂದು. ಆಡಳಿತದ ಪ್ರತಿ ಹಂತದಲ್ಲಿ ಶೋಭಾ ಅತಿಯಾಗಿ ಹಸ್ತಕ್ಷೇಪ
ಮಾಡುತ್ತಿದ್ದಾರೆ ಎಂಬುದು ಭಿನ್ನರ ಆರೋಪ.
ಬಿಕ್ಕಟ್ಟು ಶಮನಕ್ಕೆ ಬಿಜೆಪಿ ವರಿಷ್ಠರು ರೂಪಿಸಿದ ಸಂಧಾನ ಸೂತ್ರದಲ್ಲಿ ಶೋಭಾರಿಗೆ ಕೋಕ್ ನೀಡುವುದೂ ಸೇರಿದೆ.'ನಾನು ಪಕ್ಷದ ಶಿಸ್ತಿನ ಸಿಪಾಯಿ . ಪಕ್ಷ ಬಯಸಿದರೆ ಮಂತ್ರಿಗಿರಿ ತೊರೆಯುವೆ. ಆದರೆ ಈವರೆಗೆ ನನಗೆ ಯಾರೂ ರಾಜೀನಾಮೆ ನೀಡುವಂತೆ ಸೂಚಿಸಿಲ್ಲ' ಎಂದು ಶೋಭಾ ಹೇಳಿದ್ದಾರೆ.