ಭಾರತೀಯ ಕ್ರಿಕೆಟ್ ತಂಡಕ್ಕೆ ಕೋಚ್ನ್ನು ಆಯ್ಕೆ ಮಾಡುವ ವೇಳೆ ತಂಡದ ಸದಸ್ಯರಾದ ಆಟಗಾರರ ಸಲಹೆಗೂ ಪ್ರಾಧಾನ್ಯ ನೀಡಬೇಕೆಂದು ುಪನಾಯಕ ಸಚಿನ್ ತೆಂಡೂಲ್ಕರ್ ಸಲಹೆಯಿತ್ತಿದ್ದಾರೆ.
ಭಾರತ ತಂಡದ ಕೋಚ್ ಸ್ಥಾನಕ್ಕೆ ಈ ಮೊದಲಿನ ಕಚ್ ಗ್ರೆಗ್ ಚಾಪೆಲ್ಗೆ ಸರಿಸಮನಾಗಿರುವ ಯಶಸ್ವಿ ಕೋಚ್ ಶೋಧಕ್ಕಾಗಿ ಬಿಸಿಸಿಐನ ಏಳು ಮಂದಿ ಸದಸ್ಯರ ಆಯ್ಕೆ ಮಂಡಳಿಯು ಜೂನ್ 4 ರಂದು ಬೆಂಗಳೂರಿನಲ್ಲಿ ಸೇರಲಿರುವ ಹಿನ್ನೆಲೆಯಲ್ಲಿ ಸಚಿನ್ ಈ ಹೇಳಿಕೆ ನೀಡಿದ್ದಾರೆ. ಆದರೆ ಮಂಡಲಿ ಕುರಿತು ತನಗೆ ಮಾಹಿತಿ ಇಲ್ಲ ಎಂದು ಸಚಿನ್ ತಿಳಿಸಿದ್ದಾರೆ.
ಸಭೆಯ ಕುರಿತು ತಮಗೆ ಗೊತ್ತಿಲ್ಲ. ಈ ಸಂಬಂಧ ಬಿಸಿಸಿಐಯೊಂದಿಗೆ ಯಾವುದೇ ಸಭೆಯನ್ನೂ ನಡೆಸಿಲ್ಲ. ಆದರೆ, ಆಯ್ಕೆ ಸಂದರ್ಭದಲ್ಲಿ ಆಟಗಾರರನ್ನು ಸಂಪರ್ಕಿಸುತ್ತಾರೆ, ಸಲಹೆ ಆಲಿಸುತ್ತಾರೆ ಎಂಬ ಭರವಸೆ ನಮಗಿದೆ ಎಂದು ಸಚಿನ್ ನುಡಿದರು.
ಬಿಸಿಸಿಐ ಅಧ್ಯಕ್ಷ ಶರದ್ ಪವಾರ್ ಅವರ ನೇತೃತ್ವದ ಮಂಡಳಿಯು ಜೂನ್ ಎರಡನೇ ವಾರದಲ್ಲಿ ಭಾರತ ತಂಡದ ನೂತನ ಕೋಚ್ ಆಯ್ಕೆಯ ಅಂತಿಮ ತೀರ್ಮಾನವನ್ನು ಪ್ರಕಟಿಸಲಿದೆ ಎಂದು ಬಿಸಿಸಿಐನ ಕಾರ್ಯದರ್ಶಿ ನಿರಂಜನ್ ಶಾ ಅವರು ಇತ್ತೀಚೆಗೆ ಮಾಧ್ಯಮಗಳಿಗೆ ಹೇಳಿದ್ದನ್ನು ಇಲ್ಲಿ ಸ್ಮರಿಸಬಹುದು.
ಕೋಚ್ ಆಯ್ಕೆ ಮಂಡಳಿಯಲ್ಲಿ ಮಾಜಿ ನಾಯಕರುಗಳಾದ ಸುನೀಲ್ ಗವಾಸ್ಕರ್, ರವಿ ಶಾಸ್ತ್ರಿ ಹಾಗೂ ಎಸ್.ವೆಂಕಟ್ರಾಘವನ್, ಮಂಡಳಿಯ ಖಂಜಾಂಚಿ ಎನ್.ಶ್ರೀನಿವಾಸನ್ ಮತ್ತು ಜಂಟಿ ಕಾರ್ಯದರ್ಶಿ ಎಂ.ಪಿ.ಪಾಂಡೊವ್ ಶಾ ಅವರುಗಳು ಸಹ ಇದ್ದಾರೆ.
|
ಕ್ರೀಡಾ ಜಗತ್ತು 
