ಟೆಸ್ಟ್ ಪಂದ್ಯಾವಳಿಯ ವಿಧಾನದಲ್ಲಿ ಬದಲಾವಣೆಗಳನ್ನು ತಂದಲ್ಲಿ ಮೂಲ ಟೆಸ್ಟ್ ಕ್ರಿಕೆಟ್ಗೆ ಧಕ್ಕೆಯಾಗಲಿರುವುದರಿಂದ ಬದಲಾವಣೆ ಮಾಡುವುದು ಸರಿಯಲ್ಲ ಎಂದು ಅಂತಾರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ಗೆ ಪಾಕಿಸ್ತಾನ ಕ್ರಿಕೆಟ್ ತಂಡದ ಮಾಜಿ ನಾಯಕ ಜಾವೇದ್ ಮಿಯಾಂದಾದ್ ಆಗ್ರಹಿಸಿದ್ದಾರೆ. ಟ್ವೆಂಟಿ20 ಪಂದ್ಯಗಳು ಜನಪ್ರಿ.ಯವಾಗುತ್ತಿರುವು ಹಿನ್ನೆಲೆಯಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ , ಐದು ದಿನಗಳ ಟೆಸ್ಟ್ ಪಂದ್ಯಾವಳಿಗಳನ್ನು ನಾಲ್ಕು ದಿನಗಳಿಗೆ ಸೀಮಿತಗೊಳಿಸುವ ನಿಟ್ಟಿನಲ್ಲಿ ಚಿಂತನೆ ನಡೆಸಿದೆ.ಟೆಸ್ಟ್ ಪಂದ್ಯಗಳನ್ನು ಐದು ದಿನಗಳ ಬದಲಿಗೆ ನಾಲ್ಕು ದಿನಗಳಿಗೆ ಸೀಮಿತಿಗೊಳಿಸಿದಲ್ಲಿ ದೀರ್ಘಾವಧಿಯಲ್ಲಿ ಕ್ರಿಕೆಟ್ಗೆ ಹಾನಿಕಾರಕವಾಗಲಿದೆ ಎಂದು ಮಿಯಾಂದಾದ್ ಅಭಿಪ್ರಾಯಪಟ್ಟಿದ್ದಾರೆ. ಟ್ವೆಂಟಿ20 ಪಂದ್ಯಗಳಿಗೆ ಜನಪ್ರಿಯತೆಯಲ್ಲಿ ಏರಿಕೆಯಾದರೂ ಬಹುತೇಕ ಕ್ರಿಕೆಟಿಗರು ಟೆಸ್ಟ್ ಕ್ರಿಕೆಟ್ನ್ನು ನಿಜವಾದ ಕ್ರಿಕೆಟ್ನ ಭಾಗವಾಗಿದೆ ಎನ್ನುವುದನ್ನು ಒಪ್ಪಿಕೊಳ್ಳುತ್ತಾರೆ ಎಂದು ಮಿಯಾಂದಾದ್ ತಿಳಿಸಿದ್ದಾರೆ. ವಾಣಿಜ್ಯಿಕವಾಗಿ ಹಾಗೂ ಮನೋರಂಜನೆಗಾಗಿ ಟ್ವೆಂಟಿ20 ಪಂದ್ಯಗಳು ಉತ್ತಮವಾಗಿವೆ. ಆದರೆ,ಟೆಸ್ಟ್ ಕ್ರಿಕೆಟ್ನಲ್ಲಿ ಮಾರ್ಪಾಟು ತರುವುದು ಸರಿಯಲ್ಲ ಎಂದು ಐಸಿಸಿ ವಿರುದ್ಧ ಮಿಯಾಂದಾದ್ ಕಿಡಿಕಾರಿದ್ದಾರೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
