ಗ್ಲೆನ್ ಮೆಕ್ಗ್ರಾತ್ ಒಬ್ಬ ಭಾರೀ ಆಟಗಾರನಿರಬಹುದು. ಆದರೆ ಡೆಲ್ಲಿ ಪಡೆಗೆ ಆತ ಭಾರೀ ಆಸ್ತಿ ಆಗಲೇ ಇಲ್ಲ ಎಂದು ಡೆಲ್ಲಿ ಡೇರ್ಡೆವಿಲ್ಸ್ ತಂಡದ ನಾಯಕ ವೀರೇಂದ್ರ ಸೆಹ್ವಾಗ್ ಹೇಳಿದ್ದಾರೆ.ತನ್ನನ್ನು ಡೆಲ್ಲಿ ತಂಡ ಅಲಕ್ಷಿಸಿದ್ದಕ್ಕೆ ಮುನಿಸಿಕೊಂಡಿದ್ದ ಮೆಕ್ಗ್ರಾತ್ ಮುಂದಿನ ವರ್ಷ ನಾನು ಐಪಿಎಲ್ ಆಡುವುದಿಲ್ಲ ಎಂದು ಹೇಳಿ ಆಮೇಲೆ ನಾನು ಹಾಗೆ ಹೇಳಿಯೇ ಇಲ್ಲ ಎಂದು ಪರೋಕ್ಷವಾಗಿ ಅಸಮಾಧಾನವನ್ನು ಪರೋಕ್ಷವಾಗಿ ಹೊರಹಾಕಿದ್ದಕ್ಕೆ ಸೆಹ್ವಾಗ್ ಈ ರೀತಿ ಪ್ರತಿಕ್ರಿಯಿಸಿದ್ದಾರೆ.ಸೆಮಿಫೈನಲ್ ವಂಚಿತರಾದ ಮೇಲೆ ಮಾತನಾಡಿದ ಸೆಹ್ವಾಗ್, ಕಳೆದ ಒಂದು ವರ್ಷದಿಂದ ಮೆಕ್ಗ್ರಾತ್ ಸರಿಯಾಗಿ ಆಡಿಯೇ ಇಲ್ಲ. ಈ ಬಾರಿಯೂ ಮೊದಲಿನ ಫಾರ್ಮ್ಗೆ ಅವರು ಮರಳಲೇ ಇಲ್ಲ. ಆದರೆ ಡಿರ್ಕ್ ನ್ಯಾನೇಜ್ ಪಂದ್ಯಗಳುದ್ದಕ್ಕೂ ಅತ್ಯುತ್ತಮ ಪ್ರದರ್ಶನ ತೋರಿದರು ಎಂದು ಸೆಹ್ವಾಗ್ ವಿವರಿಸಿದರು.ಕೊನೆಯ ಪಂದ್ಯದಲ್ಲಿ 35 ಎಸೆತಗಳಲ್ಲಿ 85 ರನ್ ಚಚ್ಚಿದ ಡೆಕ್ಕನ್ ಚಾರ್ಜರ್ಸ್ ಪರ ಆಸ್ಟ್ರೇಲಿಯಾದ ಬ್ಯಾಟ್ಸ್ಮನ್ ಗಿಲ್ಕ್ರಿಸ್ಟ್, ಮೆಕ್ಗ್ರಾತ್ ಅವರಿಗೆ ಇಡೀ ಟೂರ್ನಮೆಂಟ್ನಲ್ಲೇ ಬೌಲಿಂಗ್ಗೆ ಅವಕಾಶ ನೀಡದಿದ್ದುದು ನೋಡಿ ನನಗೆ ಆಶ್ಚರ್ಯವಾಯಿತು. ಆದರೂ, ಡಿರ್ಕ್ ನ್ಯಾನೇಸ್ ಹಾಗೂ ಇತರರು ತುಂಬ ಚೆನ್ನಾಗಿ ಆಡಿದರು ಎಂದಿದ್ದಾರೆ. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
