ಎರಡನೇ ಶ್ರೇಯಾಂಕದ ಜರ್ಮನಿಯ ಮೈಕೆಲ್ ಬೆರರ್ರನ್ನು ಸೋಲಿಸುವ ಮೂಲಕ ಭಾರತದ ಡೇವಿಸ್ ಕಪ್ ವಿಜೇತ ರೋಹನ್ ಬೋಪಣ್ಣ ತನ್ನ ಸಹ ಆಟಗಾರರಾದ ಸೋಮದೇವ್ ದೇವರ್ಮನ್ ಮತ್ತು ಪ್ರಕಾಶ್ ಅಮೃತರಾಜ್ ಜತೆ ಎಟಿಪಿ ಚೆನ್ನೈ ಓಪನ್ನ ಸಿಂಗಲ್ಸ್ ವಿಭಾಗದಲ್ಲಿ ಜತೆಯಾಗಿದ್ದಾರೆ.
ಮೈಕೆಲ್ ಬೆರರ್ರ ಜತೆಗಿನ ಅಂತಿಮ ಸುತ್ತಿನಲ್ಲಿ ಎರಡು ಗಂಟೆಗಳಿಗೂ ಮಿಕ್ಕಿದ ಹೋರಾಟದಲ್ಲಿ 4-6, 6-3, 6-4ರಿಂದ ಬೋಪಣ್ಣ ಜಯಗಳಿಸಿದ್ದು, ಟೂರ್ನಿಯ ಪ್ರಮುಖ ಪಂದ್ಯಕ್ಕೆ ಅರ್ಹತೆ ಪಡೆದುಕೊಂಡಿದ್ದಾರೆ. ಈ ಹಿಂದಿನ ಎರಡು ಸುತ್ತುಗಳನ್ನೂ ಬೋಪಣ್ಣ ಜಯಿಸಿದ್ದರು.
ಮೊದಲ ಸೆಟ್ಟನ್ನು ಕಳೆದುಕೊಂಡರೂ ನಂತರದ ಸೆಟ್ಗಳಲ್ಲಿ ಪ್ರಬಲವಾಗಿ ಮೂಡಿ ಬಂದು ಎದುರಾಳಿಯನ್ನು ಮಣಿಸಿದರು. ಆ ಮೂಲಕ ಚೆನ್ನೈ ಓಪನ್ ಸಿಂಗಲ್ಸ್ ವಿಭಾಗದಲ್ಲಿ ಮೂವರು ಭಾರತೀಯ ಪುರುಷರು ಭಾಗವಹಿಸಿದಂತಾಗಿದೆ.
ಬೋಪಣ್ಣ ಅವರ ಜತೆ ಇಟಲಿಯ ಫ್ಲವಿಯೋ ಸಿಪೊಲ್ಲಾ, ಥಾಯ್ಲೆಂಡಿನ ಡಾನೈ ಉಡಮ್ಚೆಕೆ ಹಾಗೂ ಅಮೆರಿಕಾದ ರಾಜೀವ್ ರಾಮ್ ಕೂಡ ಪ್ರಮುಖ ಪಂದ್ಯಕ್ಕೆ ಅರ್ಹತೆ ಪಡೆದುಕೊಂಡಿದ್ದಾರೆ.
ಇಟಲಿಯ ಫ್ಲವಿಯೋರವರು ಜರ್ಮನಿಯ ಅಲೆಕ್ಸ್ ಸಾಟ್ಚಸ್ಕೊರವರನ್ನು 6-3, 6-1ರಿಂದ ಸೋಲಿಸಿದರು. ಥಾಯ್ಲೆಂಡಿನ ಡಾನೈ ಉಡಮ್ಚೆಕೆಯವರು ಕೊರಿಯಾದ ಕ್ಯೂ-ಟೇ-ಇಮ್ರನ್ನು 7-6(5), 6-1ರಿಂದ ಪರಾಜಯಗೊಳಿಸಿದ್ದಾರೆ. ಅಮೆರಿಕಾದ ರಾಮ್ ರಷ್ಯಾದ ಅಲೆಕ್ಸಾಂಡ್ರೆಯವರನ್ನು 6-4, 6-7(4), 6-3ರಿಂದ ಮಣಿಸಿ ಅರ್ಹತೆ ಪಡೆದುಕೊಂಡರು.
| 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ