15ರೊಳಗಿನ ಬಾಲಕರ ವಿಭಾಗದ ಬ್ರಿಟೀಷ್ ಜೂನಿಯರ್ ಓಪನ್ (ಬಿಜೆಒ) ಸ್ಕ್ವಾಷ್ ಪ್ರಶಸ್ತಿಯನ್ನು ಮಹೇಶ್ ಮಂಗಾವ್ಕರ್ ಪಡೆದುಕೊಂಡಿದ್ದು, ಎದುರಾಳಿ ಇಂಗ್ಲೆಂಡಿನ ಒಲಿವರ್ ಹಾಲ್ಯಾಂಡ್ರನ್ನು ಮಣಿಸಿ ಈ ಸಾಧನೆಯನ್ನು ಮಾಡಿದ್ದಾರೆ. ಅದೇ ಹೊತ್ತಿಗೆ ಫೈನಲ್ ಪ್ರವೇಶಿಸಿದ್ದ ಭಾರತದ ಮತ್ತೊಬ್ಬ ಸ್ಪರ್ಧಿ 13ರೊಳಗಿನವರ ವಿಭಾಗದ ಕುಶ್ ಕುಮಾರ್ ವೀರೋಚಿತವಾಗಿ ಪರಾಜಯಗೊಂಡರು.
ಇಂಗ್ಲೆಂಡ್ನಲ್ಲಿ ನಡೆಯುತ್ತಿರುವ ಈ ಚಾಂಪಿಯನ್ಶಿಪ್ನಲ್ಲಿ 15ರೊಳಗಿನ ಬಾಲಕರ ವಿಭಾಗದಲ್ಲಿ ಫೈನಲ್ ಪ್ರವೇಶಿಸಿದ್ದ ಮಹೇಶ್ ಎದುರಾಳಿಯನ್ನು 11-5, 7-11, 11-5, 12-10ರಿಂದ ಸೋಲಿಸಿದರು.
ಇಲ್ಲಿನ ಪ್ರಶಸ್ತಿಯನ್ನು ಕೊನೆಯ ಬಾರಿ ಭಾರತ ಪಡೆದುಕೊಂಡದ್ದು 2004ರಲ್ಲಿ. 19ರೊಳಗಿನ ಬಾಲಕರ ವಿಭಾಗದಲ್ಲಿ ಸೌರವ್ ಘೋಷಾಲ್ ಬ್ರಿಟೀಷ್ ಜೂನಿಯರ್ ಓಪನ್ ಸ್ಕ್ವಾಷ್ ಪ್ರಶಸ್ತಿಯನ್ನು ಈ ಹಿಂದೆ ಪಡೆದುಕೊಂಡಿದ್ದರು. ಹಾಗಾಗಿ ನಾಲ್ಕು ವರ್ಷದ ಅಂತರದ ನಂತರ ಮತ್ತೊಂದು ಪ್ರಶಸ್ತಿಯನ್ನು ಪಡೆದಂತಾಗಿದೆ.
ದುರದೃಷ್ಟ ಆವರಿಸಿಕೊಂಡದ್ದು ದೆಹಲಿಯ ಹುಡುಗ ಕುಶ್ ಕುಮಾರ್ಗೆ. 13ರೊಳಗಿನ ಬಾಲಕರ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಕುಶ್ ಕುಮಾರ್ ಫೈನಲ್ನಲ್ಲಿ
ಈಜಿಪ್ಟಿನ ಎಮರ್ ಅಬೌಲ್ ಸೌಡ್ರನ್ನು ಮುಖಾಮುಖಿಯಾಗಿದ್ದರು. ಆದರೆ ನಿರೀಕ್ಷಿತ ಪ್ರದರ್ಶನದಲ್ಲಿ ವಿಫಲವಾದ ಅವರು 7-11, 11-7, 11-9, 9-11, 7-11ರಿಂದ ಪಂದ್ಯವನ್ನು ಕಳೆದುಕೊಂಡರು.
| 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ