ಇಲ್ಲಿ ನಡೆಯುತ್ತಿರುವ ಅಂತಾರಾಷ್ಟ್ರೀಯ ಶೂಟಿಂಗ್ ಫೆಡರೇಷನ್ ವಿಶ್ವಕಪ್ನ ಡಬಲ್ ಡ್ರಾಪ್ ಪುರುಷರ ವಿಭಾಗದಲ್ಲಿ ಭಾರತದ ರಂಜನ್ ಸೋಧಿ ಬೆಳ್ಳಿ ಪದಕ ಗೆದ್ದುಕೊಂಡಿದ್ದಾರೆ.
ಬುಧವಾರ ಬೆಲೂರಾಸ್ನ ಮಿನ್ಸ್ಕ್ನಲ್ಲಿ ನಡೆದ ಈ ಟೂರ್ನಮೆಂಟ್ನಲ್ಲಿ ಸೋಧಿಯವರು 49 ಅಂಕಗಳನ್ನು ಪಡೆಯುವ ಮೂಲಕ ಒಟ್ಟಾರೆ 194 ಅಂಕಗಳನ್ನು ಗಳಿಸಿ ಎರಡನೇ ಸ್ಥಾನ ಪಡೆದುಕೊಂಡರು. ಮೊದಲ ಮೂರು ಸುತ್ತುಗಳಲ್ಲಿ ಅವರು 47, 48 ಮತ್ತು 50 ಅಂಕಗಳೊಂದಿಗೆ 145 ಅಂಕ ಪಡೆದಿದ್ದರು.
ಈ ವಿಭಾಗದಲ್ಲಿ ಮೊದಲ ಸ್ಥಾನ ಚೀನಾದ ಬಿನಿಯುವನ್ ಹೂ ಪಾಲಾಗಿದೆ. ಅವರು ಮೊದಲ ಮೂರು ಸುತ್ತುಗಳಲ್ಲಿ 49, 49, 49ರೊಂದಿಗೆ 147 ಅಂಕಗಳನ್ನು ಪಡೆದಿದ್ದರು. ಫೈನಲ್ನಲ್ಲಿ 49 ಅಂಕ ಪಡೆಯುವ ಮೂಲಕ ಒಟ್ಟಾರೆ 196 ಅಂಕ ಗಳಿಸಿ ಸ್ವರ್ಣ ಪದಕ ಗಿಟ್ಟಿಸಿಕೊಂಡರು.
ರಷ್ಯಾದ ವಿಟಾಲಿ ಫೋಕೀವ್ ಫೈನಲ್ನಲ್ಲಿ 48 ಅಂಕ ಪಡೆದು ಒಟ್ಟಾರೆ 190 ಅಂಕ ಗಳಿಸುವ ಮೂಲಕ ಕಂಚಿನ ಪದಕ ಪ್ರಶಸ್ತಿಗೆ ಭಾಜನರಾದರು. ಅವರು ಮೊದಲ ಮೂರು ಸುತ್ತುಗಳಲ್ಲಿ 48, 48, 46ರೊಂದಿಗೆ ಒಟ್ಟಾರೆ 142 ಅಂಕ ಗಳಿಸಿದ್ದರು.
ಭಾರತದ ಮತ್ತಿಬ್ಬರು ಶೂಟರ್ಗಳಾದ ವಿಕ್ರಮ್ ಛೋಪ್ರಾ 43, 47, 42ರೊಂದಿಗೆ 132 ಅಂಕಗಳನ್ನು ಪಡೆದು 17ನೇ ಸ್ಥಾನ, ಅಸಬ್ ಮೊಹಮ್ಮದ್ 44, 35, 40ರೊಂದಿಗೆ 119 ಅಂಕ ಪಡೆದು 28ನೇ ಸ್ಥಾನ ಪಡೆದುಕೊಂಡಿದ್ದಾರೆ. ಆದರೆ ಇವರಿಬ್ಬರಿಗೂ ಫೈನಲ್ ಪ್ರವೇಶ ಸಾಧ್ಯವಾಗಿಲ್ಲ.
| 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ