ಇಲ್ಲಿ ನಡೆಯುತ್ತಿರುವ ವಿಂಬಲ್ಡನ್ ಪೂರ್ವತಯಾರಿ ಟೂರ್ನಮೆಂಟ್ವೊಂದಕ್ಕೆ ಬಾಂಬ್ ಬೆದರಿಕೆ ಬಂದ ಕಾರಣ ಆಂಡಿ ರಾಡಿಕ್ ಮತ್ತು ಲೀಟಾನ್ ಹೆವಿಟ್ ನಡುವಿನ ಮೂರನೇ ಸುತ್ತಿನ ಪಂದ್ಯ 15 ನಿಮಿಷಗಳ ವಿಳಂಬವಾಗಿ ಆರಂಭಗೊಂಡಿತು.
"ಗೋಡೆಯೊಂದರಲ್ಲಿ ಬೆದರಿಕೆ ಪತ್ರವೊಂದು ಕಂಡು ಬಂದಿದ್ದು, ಸೆಂಟರ್ ಕೋರ್ಟ್ನಲ್ಲಿ ಮೂರನೇ ಪಂದ್ಯ ಆರಂಭಕ್ಕೂ ಮೊದಲು ವೀಕ್ಷಕರೊಬ್ಬರು ನಮ್ಮ ಗಮನಕ್ಕೆ ತಂದಿದ್ದರು" ಎಂದು ಕ್ವೀನ್ಸ್ ಕ್ಲಬ್ ಕಾರ್ಯನಿರ್ವಾಹಕ ಮುಖ್ಯಸ್ಥ ಆಂಡ್ರ್ಯೂ ಸ್ಟೀವಾರ್ಟ್ ತನ್ನ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ನಂತರ ಈ ಬೆದರಿಕೆಯು ಕೀಟಲೆಯೆಂದು ತಿಳಿದು ಬಂದ ನಂತರ ಪಂದ್ಯವನ್ನು ಹೆವಿಟ್ 6-7(2), 6-7(4)ರಿಂದ ಅಮೆರಿಕನ್ ಎದುರು ಕಳೆದುಕೊಂಡಿದ್ದರು. ಪರಿಸ್ಥಿತಿಯ ಹಿನ್ನಲೆಯಲ್ಲಿ ಹೀಗಾಯಿತು ಎಂದು ಫಲಿತಾಂಶವನ್ನು ವಿಶ್ಲೇಷಿಸಲಾಗಿದೆ.
"ನಮಗೆ ಯಾವ ಮಾಹಿತಿಯನ್ನೂ ನೀಡಲಾಗಿರಲಿಲ್ಲ. ಅಲ್ಲೇನೋ ನಡೆಯುತ್ತಿದ್ದ ಹೊರತಾಗಿಯೂ ನಮ್ಮನ್ನು ಸ್ವಲ್ಪ ಹೊತ್ತು ಕಾಯುವಂತೆ ಮಾತ್ರ ಹೇಳಲಾಯಿತು. ಕೋರ್ಟ್ ಹೊರಗಡೆ ಅಲ್ಪ ಪ್ರಮಾಣದ ಗೊಂದಲ ನಿರ್ಮಾಣವಾಗಿತ್ತು. ಅಲ್ಲೇನು ನಡೆಯುತ್ತಿದೆ ಎಂಬುದರ ಬಗ್ಗೆ ನಮಗೆ ಸಂಪೂರ್ಣವಾಗಿ ತಿಳಿದಿರಲಿಲ್ಲ" ಎಂದು ಆಸ್ಟ್ರೇಲಿಯನ್ ಹೆವಿಟ್ ಪ್ರತಿಕ್ರಿಯೆ ನೀಡಿದ್ದಾರೆ.
"ಈ ವರ್ಷದ ಮೆಂಫಿಸ್ ಓಪನ್ ಸಂದರ್ಭದಲ್ಲಿ ಜೇಮ್ಸ್ ಬ್ಲಾಕೆ ಮತ್ತು ನಾನು ಇಂತಹುದೇ ಪರಿಸ್ಥಿತಿಯನ್ನು ಎದುರಿಸಿದ್ದೆವು. ಜನಸಮೂಹದ ಮಧ್ಯೆ ಯಾರೋ ಒಬ್ಬರು ಹೃದಯಾಘಾತಕ್ಕೊಳಗಾಗಿದ್ದರು. ಅದು ಸಾಮಾನ್ಯ ಸಂಗತಿಯಾಗಿತ್ತು. ಆರು ತಿಂಗಳೊಳಗೆ ಇಂತಹ ಅನುಭವಗಳು ಎರಡು ಬಾರಿ ಆಗಿರುವುದು ದುರದೃಷ್ಟ" ಎಂದು ಅವರು ತಿಳಿಸಿದ್ದಾರೆ.
| 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ