ಅಗ್ರ ಶ್ರೇಯಾಂಕದ ಭಾರತದ ಲಿಯಾಂಡರ್ ಪೇಸ್ ಮತ್ತು ಜಿಂಬಾಬ್ವೆಯ ಕ್ಲಾರಾ ಬ್ಲಾಕ್ ಜೋಡಿ ಇಲ್ಲಿ ನಡೆಯುತ್ತಿರುವ ವಿಂಬಲ್ಡನ್ ಗ್ರ್ಯಾಂಡ್ಸ್ಲಾಮ್ ಟೆನಿಸ್ ಟೂರ್ನಿಯ ಮಿಶ್ರ ಡಬಲ್ಸ್ ವಿಭಾಗದ ಪ್ರಶಸ್ತಿ ಸುತ್ತಿಗೆ ಪ್ರವೇಶಿಸಿದ್ದಾರೆ.ಶುಕ್ರವಾರ ನಡೆದ ಸೆಮಿಫೈನಲ್ ಪಂದ್ಯದಲ್ಲಿ ಪೇಸ್-ಬ್ಲಾಕ್ ಜೋಡಿ 6-4, 6-4 ನೇರ ಸೆಟ್ಗಳ ಅಂತರದಿಂದ 12ನೇ ಶ್ರೇಯಾಂಕದ ಆಸ್ಟ್ರೇಲಿಯಾ ಆಟಗಾರ ಸ್ಟೀಫನ್ ಹಸ್ಸ್ ಮತ್ತು ಸ್ಪಾನಿಶ್ನ ವೆರ್ಜಿನಾ ರೂವಾನೊ ಪಾಸ್ಕುವಲ್ ವಿರುದ್ಧ ಸುಲಭ ಜಯ ದಾಖಲಿಸಿದರು. ಪೇಸ್-ಬ್ಲಾಕ್ ಜೋಡಿ ಪಂದ್ಯವನ್ನು ಕೇವಲ 71 ನಿಮಿಷಗಳಲ್ಲಿ ವಶಪಡಿಸಿಕೊಂಡರು.ವಿಂಬಲ್ಡನ್ನಲ್ಲಿ ಭಾರತದ ಏಕೈಕ ಭರವಸೆಯಾಗಿರುವ ಲಿಯಾಂಡರ್ ಪೇಸ್ ಮತ್ತು ಜಿಂಬಾಬ್ವೆಯ ಕ್ಲಾರಾ ಬ್ಲಾಕ್ ಜೋಡಿ ಕಳೆದ ವರ್ಷ 'ಅಮೆರಿಕನ್ ಓಪನ್' ಗೆದ್ದುಕೊಂಡಿದ್ದರು.ಪೇಸ್-ಬ್ಲಾಕ್ ಜೋಡಿ ಪ್ರಶಸ್ತಿಗಾಗಿನ ಹೋರಾಟದಲ್ಲಿ ಬಹಮಾಸ್ನ ಮಾರ್ಕ್ ನೋವ್ಲ್ಸ್ ಮತ್ತು ಜರ್ಮನಿಯ ಅನ್ನಾ ಲಿನಾ ಗ್ರೋನ್ಫೀಲ್ಡ್ ಜೋಡಿಯನ್ನು ಎದುರಿಸಲಿದ್ದಾರೆ. ನಿನ್ನೆ ನಡೆದ ಮತ್ತೊಂದು ಸೆಮಿಫೈನಲ್ ಪಂದ್ಯಯಲ್ಲಿ ಮಾರ್ಕ್-ಲಿನಾ ಜೋಡಿ 6-2, 7-5ರಲ್ಲಿ ಅಮೆರಿಕದ ಲಿಜೆಲ್ ಹಬ್ಬರ್ ಮತ್ತು ಇಂಗ್ಲೆಂಡ್ನ ಜೆಮ್ಮಿ ವಿರುದ್ಧ ಜಯಗಳಿಸಿದ್ದರು. |
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ
