Widgets Magazine

ಬೌಂಡರಿಗೆ ಸಿಗ್ನಲ್ ಮಾಡೋದು ಹೇಗೆ ಎಂದು ಕೇಳಿ ಟ್ರೋಲ್ ಗೊಳಗಾದ ವಿರಾಟ್ ಪತ್ನಿ ಅನುಷ್ಕಾ ಶರ್ಮಾ

ಲಂಡನ್| Krishnaveni K| Last Modified ಸೋಮವಾರ, 8 ಜುಲೈ 2019 (09:57 IST)
ಲಂಡನ್: ಪತಿ ವಿರಾಟ್ ಕೊಹ್ಲಿ ಟೀಂ ಇಂಡಿಯಾ ಕ್ರಿಕೆಟ್ ತಂಡದ ನಾಯಕ. ಆದರೆ ಪತ್ನಿ ಅನುಷ್ಕಾ ಶರ್ಮಾಗೆ ಕ್ರಿಕೆಟ್ ನಲ್ಲಿ ಬೌಂಡರಿಗೆ ಹೇಗೆ ಸಿಗ್ನಲ್ ಕೊಡುತ್ತಾರೆ ಎಂದೇ ಗೊತ್ತಿಲ್ಲ!

 
ಟೀಂ ಇಂಡಿಯಾ ನಾಯಕ ವಿರಾಟ್ ಪತ್ನಿ, ನಟಿ ಅನುಷ್ಕಾ ಶರ್ಮಾ ಈಗ ಲಂಡನ್ ನಲ್ಲಿ ವಿಶ್ವಕಪ್ ನಲ್ಲಿ ತಂಡಕ್ಕೆ ಚಿಯರ್ ಅಪ್ ಮಾಡಲು ತೆರಳಿದ್ದಾರೆ. ಮೊನ್ನೆ ನಡೆದ ಶ್ರೀಲಂಕಾ ವಿರುದ್ಧದ ಕೊನೆಯ ಲೀಗ್ ಪಂದ್ಯದಲ್ಲಿ ಗ್ಯಾಲರಿಯಲ್ಲಿ ಕುಳಿತಿದ್ದ ಅನುಷ್ಕಾ ತಮ್ಮ ಜತೆಗಿದ್ದವರಲ್ಲಿ ಬೌಂಡರಿ ಬಾರಿಸಿದಾಗ ಹೇಗೆ ಸಿಗ್ನಲ್ ಕೊಡುತ್ತಾರೆ ಎಂದು ಕೇಳಿದ ವಿಡಿಯೋ ಈಗ ವೈರಲ್ ಆಗಿದೆ.
 
ವಿಶ್ವದ ಶ್ರೇಷ್ಠ ಬ್ಯಾಟ್ಸ್ ಮನ್ ಪತ್ನಿಗೆ ಬೌಂಡರಿಗೆ ಹೇಗೆ ಸಿಗ್ನಲ್ ಕೊಡುತ್ತಾರೆ ಎನ್ನುವುದೂ ಗೊತ್ತಿಲ್ಲ ಎಂದು ಟ್ವಿಟರಿಗರು ಈಗ ಅನುಷ್ಕಾ ಕಾಲೆಳೆದಿದ್ದಾರೆ. ಕೆಲವರು ವಿರಾಟ್ ಅಂತೂ ತಮಗೆ ಸರಿಯಾದ ಜೋಡಿಯನ್ನೇ ಆಯ್ಕೆ ಮಾಡಿದ್ದಾರೆ ಎಂದು ತಮಾಷೆ ಮಾಡಿದರೆ ಮತ್ತೆ ಕೆಲವರು, ಟೀಂ ಇಂಡಿಯಾದ ನಾಯಕನ ಪತ್ನಿಯ ಅವಸ್ಥೆ ನೋಡಿ ಎಂದು ಕಾಲೆಳೆದಿದ್ದಾರೆ.




ಇದರಲ್ಲಿ ಇನ್ನಷ್ಟು ಓದಿ :