ಮೊಟ್ಟೆ ಮಾಂಸಹಾರಿ ಎಂದು ಪರಿಗಣಿಸಿ ಸಸ್ಯಹಾರಿಗಳು ಇದನ್ನು ಸೇವಿಸುವುದಿಲ್ಲ. ಆದರೆ ವಿಜ್ಞಾನಿಗಳು ಮೊಟ್ಟೆ ಪೂರ್ಣ ಸಸ್ಯಾಹಾರಿ ಎಂದು ಹೇಳುವ ಮೂಲಕ ಈ ಗೊಂದಲಕ್ಕೆ ತೆರೆಎಳೆದಿದ್ದಾರೆ. ನಾವು ಪ್ರತಿದಿನವೂ ಸೇವಿಸುವ ಮೊಟ್ಟೆಗಳಲ್ಲಿ ಭ್ರೂಣಗಳು ಇರುವುದಿಲ್ಲ. ಅಂದರೆ ಒಂದು ಜೀವಂತ ಪಕ್ಷಿ/ಪ್ರಾಣಿಯನ್ನು ತಿನ್ನುವ ಹಂತದಷ್ಟು ಅಭಿವೃದ್ಧಿ ಹೊಂದಿರುವುದಿಲ್ಲ ಎಂದು ವಿಜ್ಞಾನಿಗಳು ಹೇಳಿದ್ದಾರೆ. ಕೋಳಿ ತನ್ನ ಮೊಟ್ಟೆಗಳನ್ನು ಇಡುವ ಮೊದಲು ಸಂಭೋಗದ ಅನಿವಾರ್ಯತೆಯೇನಿಲ್ಲ. ಹಾಗಾಗಿ ಈ ಮೊಟ್ಟೆಗಳನ್ನು ಫಲವತ್ತಾಗಿಸದ ಮೊಟ್ಟೆಗಳು ಎಂದು ಕರೆಯಲಾಗುತ್ತದೆ.