ಬೆಂಗಳೂರು : ಗೋಧಿ, ಅಕ್ಕಿ, ರಾಗಿ, ಮೈದಾ ಇತ್ಯಾದಿಗಳ ಹಿಟ್ಟುಗಳನ್ನು ಸೂಕ್ತವಾಗಿ ಸಂರಕ್ಷಿಸಿ ಇಡದಿದ್ದರೆ ಅದರಲ್ಲಿ ಹುಳಗಳು ಕಾಣಿಸಿಕೊಂಡು ಹಿಟ್ಟು ಹಾಳಾಗುತ್ತದೆ. ಇದನ್ನು ತಡೆಯಲು ಕೆಲವು ಸುಲಭ ಉಪಾಯಗಳಿವೆ. *ಹಿಟ್ಟುಗಳನ್ನು ಗಾಳಿಯಾಡದ ಡಬ್ಬಗಳಲ್ಲಿ ಶೇಖರಿಸಿ ಕಪಾಟಿನ ತಂಪಾದ ಸ್ಥಳಗಳಲ್ಲಿ ಇಡಿ. ಡಬ್ಬಗಳ ಮುಚ್ಚಳವನ್ನು ಬಿಗಿಯಾಗಿ ಮುಚ್ಚಿರಬೇಕು.*ಹೊಸ ಹಿಟ್ಟನ್ನು ಹಳೆ ಹಿಟ್ಟಿಗೆ ಮಿಕ್ಸ್ ಮಾಡಿ ಇಡಬೇಡಿ. ಹಿಟ್ಟುಗಳಿಗೆ ಕೊಂಚ ಗಾಳಿ ತಾಗಿದರೂ ಅದು ಹಾಳಾಗುತ್ತದೆ.*ಹಿಟ್ಟುಗಳನ್ನು ಇಟ್ಟಿರುವ ಕಪಾಟನ್ನು ವಾರಕ್ಕೊಮ್ಮೆ ಚೆನ್ನಾಗಿ ಸ್ವಚ್ಛಗೊಳಿಸಿ.