Widgets Magazine

ಮತ್ತೆರೆಡು ಪ್ಲ್ಯಾನ್ ಗಳಿಗೆ ಚಾಲನೆ ನೀಡಿದ ರಿಲಯನ್ಸ್ ಜಿಯೋ

ಬೆಂಗಳೂರು| pavithra| Last Modified ಗುರುವಾರ, 12 ಡಿಸೆಂಬರ್ 2019 (12:05 IST)
ಬೆಂಗಳೂರು: ಇತ್ತೀಚೆಗಷ್ಟೇ ಆಲ್ ಇನ್ ಒನ್ ಪ್ಲ್ಯಾನ್ ಘೋಷಿಸಿದ ರಿಲಯನ್ಸ್ ಜಿಯೋ ಇದೀಗ ಮತ್ತೆ ರೂ.98 ಮತ್ತು ರೂ.149 ಪ್ರೀಪೇಯ್ಡ್ ಪ್ಲ್ಯಾನ್ ಗಳಿಗೆ ಚಾಲನೆ ನೀಡಿದೆ.



ಆಲ್ ಇನ್ ಒನ್ ಪ್ಲ್ಯಾನ್ ಪ್ರಕಟಿಸಿದ್ದಾಗ ಈ ಪ್ಲ್ಯಾನ್ ಗಳನ್ನು ಹಿಂಪಡೆದಿತ್ತು. ಈ ರೂ.98ರ ಪ್ಲ್ಯಾನ್ ನಲ್ಲಿ 29 ದಿನಗಳ ವ್ಯಾಲಿಡಿಟಿ ಹಾಗೂ 2 ಜಿಬಿ ಡೇಟಾ ಸಿಗಲಿದೆ. 300 ಎಸ್ ಎಂಎಸ್ ಜಿಯೊದಿಂದ ಜಿಯೊಗೆ ಅನಿಯಮಿತ ಕರೆ, ಜಿಯೋ ಅಪ್ಲಿಕೇಷನ್ ಬಳಕೆಗೆ ಅವಕಾಶ ನೀಡಿದೆ.ಆದರೆ ಇದರಲ್ಲಿ ಇತರೆ ನೆಟ್ ವರ್ಕ್ ಗಳಿಗೆ ಕಾಲ್ ಮಾಡಲು ನಿಗದಿತ ಅಥವಾ ಉಚಿತ ಕರೆ ನಿಮಿಷಗಳ ಸೌಲಭ್ಯ ನೀಡಿಲ್ಲ. 2 ಜಿಬಿ ಡೇಟಾ ಮಿತಿ ಮೀರಿದರೆ 64 ಕೆಬಿಪಿಎಸ್ ನಿಧಾನಗತಿಯ ಇಂಟರ್ನೆಟ್ ಬಳಕೆದಾರರು ಪಡೆಯಬಹುದು.


ಹಾಗೇ ರೂ. 149ರ ಪ್ಲ್ಯಾನ್ ನಲ್ಲಿ ಪ್ರತಿ ದಿನ 1 ಜಿಬಿ ಡೇಟಾ, ಜಿಯೋದಿಂದ ಜಿಯೋಕ್ಕೆ ಉಚಿತ ಕರೆ, ಬೇರೆ ನೆಟ್ ವರ್ಕ್ ಗಳಿಗೆ 300 ನಿಮಿಷ ಕರೆ ಸೌಲಭ್ಯವಿದೆ. ಪ್ರತಿದಿನ 100 ಎಸ್ ಎಂಎಸ್, ಜಿಯೋ ಅಪ್ಲಿಕೇಷನ್ ಬಳಕೆ, 24 ದಿನಗಳ ವ್ಯಾಲಿಡಿಟಿ ನೀಡಲಾಗಿದೆ.




ಇದರಲ್ಲಿ ಇನ್ನಷ್ಟು ಓದಿ :