Widgets Magazine

10 ಕೊರೋನಾ ಸೋಂಕು ಕೇಸ್ ಪತ್ತೆ 114 ಪಾಸಿಟಿವ್ ಕೇಸ್

ಕಲಬುರಗಿ| Jagadeesh| Last Updated: ಸೋಮವಾರ, 18 ಮೇ 2020 (20:01 IST)
ಕೊರೊನಾ ವೈರಸ್ ನ 10 ಹೊಸ ಕೇಸ್ ಗಳು ಒಂದೇ ದಿನ ಪತ್ತೆಯಾಗುವ ಮೂಲಕ ಈ ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 114 ಕ್ಕೆ ಏರಿಕೆಯಾಗಿದೆ.

ಕಲಬುರಗಿ ಜಿಲ್ಲೆಗೆ ಇತ್ತೀಚೆಗೆ ಮಹಾರಾಷ್ಟ್ರ ರಾಜ್ಯದಿಂದ ವಲಸೆ ಬಂದವರ ಪೈಕಿ ಮತ್ತೆ 5 ಜನರಲ್ಲಿ ಕೊರೋನಾ ಸೋಂಕು‌ ಪತ್ತೆಯಾಗಿದೆ.

ಇದರಿಂದ‌ ಸೋಮವಾರ ಒಟ್ಟಾರೆ 10 ಕೋವಿಡ್-19 ಸೋಂಕು ಪತ್ತೆಯಾಗಿದ್ದು, ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 114ಕ್ಕೆ ಏರಿದೆ.
ಮುಂಬೈ ಪ್ರವಾಸ ಹಿನ್ನೆಲೆಯ ಕಲಬುರಗಿ ತಾಲೂಕಿನ ಆಲಗೂಡ ಗ್ರಾಮದ 4 ವರ್ಷದ ಹೆಣ್ಣು‌ ಮಗು (ರೋಗಿ ಸಂಖ್ಯೆ-1242) ಮತ್ತು ಚಿಂಚೋಳಿ ತಾಲೂಕಿನ ಕುಂಚಾವರಂ ಬಳಿಯ ಸಂಗಾಪುರ ತಾಂಡಾ ಮೂಲದ 6 ವರ್ಷದ ಹೆಣ್ಣು‌ ಮಗು (ರೋಗಿ ಸಂಖ್ಯೆ-1243) ಕೋವಿಡ್ ಸೋಂಕಿಗೆ ತುತ್ತಾಗಿದ್ದಾರೆ.

ಇನ್ನೂ ಪುಣೆ ಪ್ರವಾಸ ಹಿನ್ನೆಲೆಯ ಚಿಂಚೋಳಿ ತಾಲೂಕಿನ ಕುಂಚಾವರಂ ಬಳಿಯ ಜಿಲ್ ವರ್ಶಾ ಗ್ರಾಮದ  4 ವರ್ಷದ ಗಂಡು ಮಗು (ರೋಗಿ ಸಂಖ್ಯೆ-1244), 5 ವರ್ಷದ ಹೆಣ್ಣು ಮಗು (ರೋಗಿ ಸಂಖ್ಯೆ-1245) ಹಾಗೂ 25 ವರ್ಷದ ಯುವತಿ (ರೋಗಿ ಸಂಖ್ಯೆ-1246) ಕೊರೋನಾ‌ ಸೋಂಕು ದೃಢವಾಗಿದೆ.

ಮುಂಬೈ ಮತ್ತು ಪುಣೆ ಪ್ರವಾಸ ಹಿನ್ನೆಲೆಯ ಎಲ್ಲಾ ಕೊರೋನಾ ಸೋಂಕಿತರನ್ನು ಕ್ವಾರಂಟೈನ್ ಸೆಂಟರ್‌ನಿಂದ ಕೋವಿಡ್-19 ಆಸ್ಪತ್ರೆಗೆ ಈಗಾಗಲೆ ದಾಖಲಿಸಿ ಚಿಕಿತ್ಸೆ‌ ನೀಡಲಾಗುತ್ತಿದೆ ಎಂಡು ಡಿ.ಸಿ. ಶರತ್‌ ಬಿ. ತಿಳಿಸಿದ್ದಾರೆ.






ಇದರಲ್ಲಿ ಇನ್ನಷ್ಟು ಓದಿ :