ಬೆಂಗಳೂರು: ವಿದೇಶದಲ್ಲಿ ಆಸ್ತಿ ಮಾಡಿದ್ದಾರೆಂಬ ಬಿಜೆಪಿ ಅಭ್ಯರ್ಥಿ ಸಿಪಿ ಯೋಗೇಶ್ವರ್ ಆರೋಪಕ್ಕೆ ತಿರುಗೇಟು ನೀಡಿರುವ ಜೆಡಿಎಸ್ ರಾಜ್ಯಾಧ್ಯಕ್ಷ ಎಚ್ ಡಿ ಕುಮಾರಸ್ವಾಮಿ ಸಾಕ್ಷಿ ಇದ್ದರೆ ಮೋದಿಗೆ ನೀಡಲಿ ಎಂದಿದ್ದಾರೆ.ಯೋಗೇಶ್ವರ್ ಬಳಿ ಸಾಕ್ಷ್ಯಾಧಾರವಿದ್ದರೆ ಮೋದಿಗೆ ನೀಡಲಿ. ತನಿಖೆ ನಡೆಸಿ ವಿದೇಶದಲ್ಲಿ ಆಸ್ತಿ ಇರುವುದು ಸಾಬೀತಾದರೆ ರೈತರಿಗೆ ಹಂಚುವೆ ಎಂದು ಕುಮಾರಸ್ವಾಮಿ ಹೇಳಿದ್ದಾರೆ.ನನ್ನ ಬಗ್ಗೆ ಎರಡೂ ರಾಷ್ಟ್ರೀಯ ಪಕ್ಷಗಳು ಏನೇ ಹೇಳಿಕೊಂಡು ತಿರುಗಿದರೂ ತಲೆ ಕೆಡಿಸಿಕೊಳ್ಳಲ್ಲ. ರಾಜ್ಯದ ಜನರೇ ನನಗೆ ಭರವಸೆ ನೀಡಿದ್ದಾರೆ.