ಹುಬ್ಬಳ್ಳಿ: ಹಳ್ಳದಲ್ಲಿಕೊಚ್ಚಿ ಹೋಗುತ್ತಿದ್ದ ನಾಲ್ವರನ್ನು ಸ್ಥಳೀಯರೇ ರಕ್ಷಿಸಿರುವ ಘಟನೆ ನವಲಗುಂದ ತಾಲೂಕಿನ ಶಿರೂರು ಮತ್ತು ಬೆಳಗಾವಿ ಜಿಲ್ಲೆಯ ಸವದತ್ತಿ ತಾಲೂಕಿನ ಇನಾಮಹೊಂಗಲ್ ಗ್ರಾಮದ ಮಧ್ಯೆ ನಡೆದಿದೆ. ಭಾರೀ ಮಳೆಯಿಂದಾಗಿ ಕಲ್ಲಾಳ ಹಳ್ಳ ಮತ್ತು ತುಪರಿ ಹಳ್ಳಿಗಳಿಂದ ಪ್ರವಾಹ ಹೆಚ್ಚಾಗಿದೆ. ಸಂಜೆಯಾಗುತ್ತಿದ್ದಂತೆ ಹಳ್ಳದಲ್ಲಿ ನೀರಿನ ಪ್ರಮಾಣ ಹೆಚ್ಚಾಗಿದ್ದು, ಅದರ ಪರಿವೇ ಇಲ್ಲದೆ ಇಬ್ಬರು ಚಾಲಕರು ಎರಡು ಆಟೋಗಳನ್ನ ಹಳ್ಳ ದಾಟಿಸುವ ಯತ್ನ ಮಾಡಿದ್ದಾರೆ. ಆದಷ್ಟು ಬೇಗನೆ ಶಿರೂರು ಗ್ರಾಮ ತಲುಪುವ ಧಾವಂತದಲ್ಲಿದ್ದರು.