Widgets Magazine

ಒಂದೇ ಜಿಲ್ಲೆಯಲ್ಲಿ ಸೆಂಚುರಿಯತ್ತ ಸಾಗಿದ ಕೊರೊನಾ ಪೀಡಿತರ ಸಂಖ್ಯೆ

ಕಲಬುರಗಿ| Jagadeesh| Last Modified ಶನಿವಾರ, 16 ಮೇ 2020 (20:46 IST)
ಡೆಡ್ಲಿ ಕೊರೊನಾ ಈ ಜಿಲ್ಲೆಯಲ್ಲಿ ಸೆಂಚುರಿ ಸಂಖ್ಯೆಯತ್ತ ಮುನ್ನುಗ್ಗುತ್ತಿದೆ. ಒಂದೇ ದಿನ 8 ಕೇಸ್ ಗಳು ದಾಖಲಾಗಿವೆ.

ಕಲಬುರಗಿ ಜಿಲ್ಲೆಯಲ್ಲಿ ಮತ್ತೆ ಎಂಟು ಜನರಿಗೆ ಕೊರೋನಾ ಸೋಂಕು‌ ದೃಢವಾಗಿದ್ದು, ಇದರಿಂದ ಸೋಂಕಿತರ ಸಂಖ್ತೆ 94ಕ್ಕೆ ಏರಿದೆ ಎಂದು ಡಿ.ಸಿ. ಶರತ್ ಬಿ. ತಿಳಿಸಿದ್ದಾರೆ.

ಕಲಬುರಗಿ ನಗರದ ರೋಗಿ ಸಂಖ್ಯೆ-848 ಸಂಪರ್ಕದಲ್ಲಿ ಬಂದ ಮೋಮಿನಪುರ ಪ್ರದೇಶದ 33 ವರ್ಷದ ಯುವತಿ (P-1080), 15 ವರ್ಷದ ಬಾಲಕಿ (P-1081), 14 ವರ್ಷದ ಬಾಲಕಿ (P-1082), 55 ವರ್ಷದ ಮಹಿಳೆ (P-1083), 60 ವರ್ಷದ ಪುರುಷ (P-1086) ಹಾಗೂ 10 ವರ್ಷದ ಬಾಲಕಿ (P-1087) ಕೊರೋನಾ ಸೋಂಕಿಗೆ ತುತ್ತಾಗಿದ್ದಾರೆ.

ಹುಮನಾಬಾದ ಬೇಸ್-ಮೋಮಿನಪುರ ಕಂಟೇನ್ ಮೆಂಟ್ ಝೋನ್ ಪ್ರದೇಶದಲ್ಲಿ‌ ಕಳೆದ‌ ಮೇ-11 ರಂದು ಕೊರೋನಾ‌ ಸೋಂಕಿನಿಂದ ಮೃತ ವ್ಯಕ್ತಿಯ ಸಂಪರ್ಕದಲ್ಲಿ ಬಂದ ಇದೇ ಪ್ರದೇಶದ 50 ವರ್ಷದ ಮಹಿಳೆಗೂ (P-1085) ಕೋವಿಡ್-19 ಅಂಟುಕೊಂಡಿದೆ.

ಮುಂಬೈನಿಂದ‌ ವಲಸೆ ಬಂದ ಚಿತ್ತಾಪುರ ತಾಲೂಕಿನ ಬೆಳಗೇರಾ ತಾಂಡಾ ಮೂಲದ 30 ವರ್ಷದ ಮಹಿಳೆಗೂ ಕೊರೋನಾ ಸೋಂಕು ದೃಢವಾಗಿದೆ.





ಇದರಲ್ಲಿ ಇನ್ನಷ್ಟು ಓದಿ :