Widgets Magazine

ಹುಬ್ಬಳ್ಳಿಯಲ್ಲಿ 45 ಲಕ್ಷ ಮೌಲ್ಯದ ಕಪ್ಪು ಹಣದ ವಶ

ವೆಬ್‌ದುನಿಯಾ| Last Updated: ಮಂಗಳವಾರ, 15 ಏಪ್ರಿಲ್ 2014 (10:52 IST)
PR
ಲೋಕಸಭಾ ಚುನಾವಣೆ ಸಮೀಪಿಸುತ್ತಿದ್ದಂತೆ ಕಪ್ಪು ಹಣದ ಹಾವಳಿಯು ಹೆಚ್ಚಾಗುತ್ತಿದ್ದು, ಪೊಲೀಸ್ ಇಲಾಖೆ ಹಾಗೂ ಚುನಾವಣೆ ಆಯೋಗದ ನಿದ್ದೆಗೆಡಿಸುತ್ತಿದೆ.ಯಾವುದೇ ದಾಖಲೆಗಳಿಲ್ಲದೆ, ಸುಮಾರು ರೂ. 45 ಲಕ್ಷಗಳನ್ನು ಸಾಗಿಸುತ್ತಿದ್ದ ಇಬ್ಬರು ವ್ಯಕ್ತಿಗಳನ್ನು ಹುಬ್ಬಳ್ಳಿ ಉಪನಗರ ಪೊಲೀಸರು ಬಂಧಿಸಿ, ಅವರಲ್ಲಿದ್ದ ಕಪ್ಪು ಹಣವನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ.
ಹಲವಾರು ಪಾಕೆಟುಗಳಿರುವ ಜರ್ಕಿನನ್ನು ಧರಿಸಿದ್ದ ಇವರು, ಅದರಲ್ಲಿ ರೂ. 1000, ರೂ. 500ರ ನೋಟಿನ ಕಟ್ಟುಗಳನ್ನು ಬಚ್ಚಿಟ್ಟುಕೊಂಡಿದ್ದರು. ಒಬ್ಬೊಬ್ಬರ ಜಾಕೆಟ್ನಲ್ಲಿ ರೂ. 22.5 ಲಕ್ಷವಿರುವುದು ಪತ್ತೆಯಾಗಿದೆ. ಆರೋಪಿಗಳಲ್ಲಿ ಹಣದ ಕುರಿತು ಪೊಲೀಸರು ವಿಚಾರಣೆ ನಡೆಸಿದಾಗ, ಹುಬ್ಬಳ್ಳಿಯ ಮಾರುತಿ ಕೋರಿಯರ್ ನವರು ಈ ಹಣವನ್ನು ಮಂಗಳೂರಿನ ನಟವರ್ ಎಂಬುವವರಿಗೆ ತಲುಪಿಸಲು ತಿಳಿಸಿದ್ದರು ಎಂದು ಹೇಳಿದ್ದಾರೆ. ಆದರೆ ಅಂತಹ ಕೋರಿಯರ್ ಸಂಸ್ಥೆ ಹುಬ್ಬಳ್ಳಿಯಲ್ಲಿ ಎಲ್ಲೂ ಇಲ್ಲ.


ಇದರಲ್ಲಿ ಇನ್ನಷ್ಟು ಓದಿ :