Widgets Magazine

ಮನೆಗೆಲಸದಾಳಿನ ಗುಪ್ತಾಂಗಕ್ಕೆ ಒದ್ದ ಬಿಎಸ್‌ಪಿ ಸಂಸದನ ಪತ್ನಿ

ನವದೆಹಲಿ| ರಾಜೇಶ್ ಪಾಟೀಲ್|
ಉತ್ತರಪ್ರದೇಶದ ಬಹುಜನ ಸಮಾಜ ಪಕ್ಷದ ಸಂಸದ ಧನಂಜಯ್ ಸಿಂಗ್ ಪತ್ನಿ ಜಾಗೃತಿ ಹಲವು ಬಾರಿ ನನ್ನ ಗುಪ್ತಾಂಗವನ್ನು ಹಿಸುಕಿ ಹಿಂಸೆ ನೀಡಿದ್ದರು ಎಂದು ಮನೆಯ ಕೆಲಸದಾಳು ರಾಮ್‌ಪಾಲ್ ನ್ಯಾಯಾಲಯಕ್ಕೆ ಸ್ಫೋಟಕ ಮಾಹಿತಿ ನೀಡಿದ್ದಾನೆ.

ಸಂಸದ ಧನಂಜಯ್ ಸಿಂಗ್ ಮತ್ತು ಅವರ ಪತ್ನಿ ಮನೆಯ ಕೆಲಸದಾಳುಗಳ ಮೇಲೆ ಪ್ರತಿನಿತ್ಯ ಅಸಭ್ಯವಾಗಿ ಟೀಕಿಸುವುದಲ್ಲದೇ ದೈಹಿಕವಾಗಿ ಹಿಂಸೆ ನೀಡುತ್ತಿದ್ದರು ಎಂದು ವಿವರಣೆ ನೀಡಿದ್ದಾರೆ.

ಮನೆಯ ಕೆಲಸದಾಳುಗಳು ಒಂದು ಚಿಕ್ಕ ತಪ್ಪು ಮಾಡಿದರೂ ಜಾಗೃತಿ ಸಿಂಗ್ ದೈಹಿಕವಾಗಿ ಹಲ್ಲೆ ನಡೆಸಿ ಕಿರುಕುಳ ನೀಡುತ್ತಿದ್ದರು ಎಂದು ನ್ಯಾಯಾಲಯಕ್ಕೆ ಸಲ್ಲಿಸಿದ ದೂರಿನಲ್ಲಿ ದಾಖಲಿಸಿದ್ದಾರೆ.

ರಾಮ್‌ಪಾಲ್ , ಮೀನಾ ಮತ್ತು ರಾಖಿಯನ್ನು ಪಶ್ಚಿಮ ಬಂಗಾಳದ ಪರಗಣಾಸ್ ಜಿಲ್ಲೆಯಿಂದ ಮನೆಗೆಲಸಕ್ಕಾಗಿ ಕರೆತಂದ ದೇವ್ ಕುಮಾರ್ ಎನ್ನುವ ವ್ಯಕ್ತಿಯ ವಿರುದ್ಧವೂ ಎಫ್‌ಐಆರ್ ದಾಖಲಾಗಿದ್ದು ಆತನ ಪತ್ತೆಗಾಗಿ ಪೊಲೀಸರು ಜಾಲ ಬೀಸಿದ್ದಾರೆ.

ಸಂಸದ ಧನಂಜಯ್ ಸಿಂಗ್ ಉತ್ತರಪ್ರದೇಶದ ಜೌನ್‌ಪುರ್ ಲೋಕಸಭೆ ಕ್ಷೇತ್ರದಿಂದ ಆಯ್ಕೆಯಾಗಿದ್ದಾರೆ. ಅವರ ಪತ್ನಿ ಜಾಗೃತಿ ಸಿಂಗ್ ರಾಮ ಮನೋಹರ್ ಲೋಹಿಯಾ ಆಸ್ಪತ್ರೆಯಲ್ಲಿ ಹಿರಿಯ ಹಲ್ಲಿನ ವೈದ್ಯರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಕಳೆದ ಮಂಗಳವಾರದಂದು ಮನೆಗೆಲಸದಾಳು ರಾಖಿ ಹತ್ಯೆಯ ಆರೋಪದ ಮೇಲೆ ಜೈಲಿನಲ್ಲಿ ಬಂಧಿತರಾಗಿದ್ದಾರೆ.


ಇದರಲ್ಲಿ ಇನ್ನಷ್ಟು ಓದಿ :