Widgets Magazine

ಹೇಮಾಮಾಲಿನಿ ಭಾಷಣ ಮಾಡುತ್ತಿದ್ದ ವೇದಿಕೆ ಕುಸಿತ: ಅಪಾಯದಿಂದ ಪಾರು

ಮಥುರಾ| Jaya| Last Modified ಸೋಮವಾರ, 21 ಏಪ್ರಿಲ್ 2014 (19:37 IST)
ಬಿಜೆಪಿಯ ಮಥುರಾ ಕ್ಷೇತ್ರದ ಅಭ್ಯರ್ಥಿ ಮತ್ತು ಬಾಲಿವುಡ್ ನಟಿ ಹೇಮಾಮಾಲಿನಿ ಚುನಾವಣಾ ಪ್ರಚಾರ ನಡೆಸುತ್ತಿದ್ದ ಸಮಯದಲ್ಲಿ ವೇದಿಕೆಯ ಭಾಗಶಃ ಭಾಗ ಕುಸಿದು ಅವರು ಸ್ವಲ್ಪದರಲ್ಲಿ ಅಪಾಯದಿಂದ ಪಾರಾಗಿದ್ದಾರೆ ಎಂದು ವರದಿಯಾಗಿದೆ. 
 
ರಿಫೈನರಿ ನಾಗರ್ ನಲ್ಲಿ ಸಮಾವೇಶವನ್ನು ನಡೆಸುತ್ತಿದ್ದ ಸಮಯದಲ್ಲಿ ಈ ಘಟನೆ ನಡೆದಿದ್ದು ನಟಿ ಹೇಮಾಮಾಲಿನಿಯವರಿಗೆ ಯಾವ ರೀತಿಯ ಅಪಾಯವೂ ಆಗಿಲ್ಲ ಎಂದು ತಿಳಿದು ಬಂದಿದೆ. 
'ಬಿಜೆಪಿ ಕಾರ್ಯಕರ್ತರು ಆಯೋಜಿಸಿದ್ದ ಚಿಕ್ಕ ಸಾರ್ವಜನಿಕ ಸಭೆಯೊಂದಕ್ಕೆ ಆಗಮಿಸಲಿದ್ದ  'ಬಸಂತಿ'ಯನ್ನು ನೋಡಲು ಮೂರು ಗಂಟೆಗಳಿಂದ ಕಾಯುತ್ತಿದ್ದ ಅಪಾರ ಸಂಖ್ಯೆಯ ಜನಸಾಗರವನ್ನು, ಅಂತಿಮವಾಗಿ ಸುಮಾರು 7:55 ಗಂಟೆಗೆ ಹೇಮಾ ಮಾಲಿನಿ  ಸ್ಥಳಕ್ಕೆ ತಲುಪಿದಾಗ ನಿಯಂತ್ರಿಸಲು ಸಾಧ್ಯವಾಗಲಿಲ್ಲ'. 
 
'ಮಾಲಿನಿ ಚಿಕ್ಕ ದಾರಿಯನ್ನು ಮಾಡಿಕೊಂಡು ವೇದಿಕೆ ಬಳಿ ಬರಲು ಪ್ರಾರಂಭಿಸಿದಾಗ ಆ ಪುಟ್ಟ ಮೈದಾನದಲ್ಲಿದ್ದ ಪುರುಷರು, ಮಹಿಳೆಯರು ಮತ್ತು ಮಕ್ಕಳು ವೇದಿಕೆಯ ಬಳಿ ಓಡತೊಡಗಿದರು. ಪರಿಸ್ಥಿತಿ ನಿಯಂತ್ರಣ ತಪ್ಪಿ ಹೋಯಿತು. ಆ ಸಮಯದಲ್ಲಿ ಮಧ್ಯಪ್ರವೇಶಿಸಿದ ಸಂಘಟಕ ವೇದಿಕೆ ಕುಸಿದು ಬೀಳುತ್ತದೆ ಎಂದು ನೆರೆದ ಜನರನ್ನು ಎಚ್ಚರಿಸಿದ'. 
 
'ಆದರೆ ಕನಸಿನ ಕನ್ಯೆಯ ಅಭಿಮಾನಿಗಳು ಯಾರ ಮಾತಿಗೂ ಕಿವಿಗೊಡಲಿಲ್ಲ. ಪರಿಣಾಮವಾಗಿ ವೇದಿಕೆಯ ಒಂದು ಭಾಗ ಕುಸಿದು ಬಿತ್ತು. ಹೆಚ್ಚು ಕಡಿಮೆ ಮೂರು ನಿಮಿಷಗಳಲ್ಲಿ ತನ್ನ ಭಾಷಣವನ್ನು ಮುಗಿಸಿದ ಆಕೆ ವೇದಿಕೆ ಕುಸಿಯುತ್ತಿದೆ ಎಂದು ಹೇಳುತ್ತ ಗಡಿಬಿಡಿಯಲ್ಲಿ ಸಾರ್ವಜನಿಕ ಸಭೆಯನ್ನು ಮುಗಿಸಿದರು' ಎಂದು ಮೂಲಗಳು ತಿಳಿಸಿವೆ. 
 



ಇದರಲ್ಲಿ ಇನ್ನಷ್ಟು ಓದಿ :